كبوات جواد الجزء 1-2...بقلمي/وعد يحيي

9-10

  الفصل التاسع:-
_________________
روايه(كبوات جواد) ج2:-
________________
بقلمي/وعد يحيي البكري:-
_____________________
التف كفيها الرقيقين حول ذراعها و قالت بلهجه يدرسها احمد:-
-احمد!لحظه........
سحب ذراعه و ابتعد قائلا بصرامه:-نعم؟
ابتلعت ريقها ثم قالت:-هو.....مش هنرجع؟
قال بعدم فهم:-نرجع؟؟نرجع فين بالظبط
ريهام:-نرجع لب........للعياده!........ايوه ايوه العياده......عشان اشوف ابني عامل ايه
احمد:-روحي لوحدك الطفل ده ميخصنيش في حاجه و كفايه اني هسمي علي اسمي
حسين:-انت بتعمل ايه هنا؟
قالها بغضب شديد و هو ينقل بصره بين ريهام و احمد
ريهام:-جدي؟ازيك يا حبيبي عامل ايه
حسين:-انتي واقفه معاه ليه
ريهام:-انا.....مش واقفه معاه يا جدي و الله ده انا قبلته عند مدخل العماره انا طالعه و هو.....
حسين:-كدابه و الف كدابه انا لمحكوا من اول الشارع و بمشي ببطئ و شايفك بتمسكي دراعه
استدار لاحمد بغضب:-انت مش طلقتها بتجي جمبها تاني ليه و الناس بتقلي ان انتو ريحين جيين مع بعض ليه
احمد:-يا جدي........
حسين:-جدك في عينك انا اسمي حسين ياسي دكتور احمد و لو مش قد المقام قولي يسطا انا ميكنيكي و مش هستعر من مهنتي انما اوعي تقول جدي انت فاهم؟
اخفض بصره بألم و حسره و هو يلعن ريهام في سره فقد خسر ابيه و جده و من رباه بسببها
ريهام:-جدي الموضوع.........
دفعها للخلف بقوه:-اخرسي انا ليا شغل معاكي و الله لتشوفي يا ريهام........غاويه كلام ناس عليكي؟مااااااشي و الله مااااااااشي
ريهام:-و النبي يا جدي..........
قاطعها صائحا بغضب:-غوري اطلعي فوق و الله لما اطلعلك لتشوفي
بكت ريهام و هي تصعد الدرج بسرعه شديده و عينا احمد تتابعها بينما قال حسين غاضبا لاحمد:-
-اسمعني يا ولد انت!.........انت اتجوزت بنتنا و مصنتهاش و كان الطلاق من غير اسباب............لكن تشوه سمعتها فمش هسمحلك دلوقتي دي رجعتلي تاني بعد ما كنت اطمنت عليها و قلت لو ربنا افتكرني ابقي مرتاح........حسبي الله و نعم الوكيل فيك..........حسبي الله و نعم الوكيل.......انت؟انت يا احمد؟انا الي رفضت كل الناس و جيت عندك و غصبتها عليك انا الي كنت بخليك تعد و تتكلم معاها من غير خوف.........انت؟......حسبي الله و نعم الوكيل
قال احمد بألم:-كفايه حرام عليك يا جدي انت مش فاهم حاجه
قال متهكما:-اه اموأخذه ياسي دكتور احمد منا جااااهل و بنتي فقيره مبقتش من مستوالك و اانا الي لميتك من الشوارع و صرفت عليك و ع اهلك لغايه ما بقيت راجل تصرف عليهم لكن الرجوله مطلعتش اصل فيك يا خساره!
ثم صعد الي اعلي ببهوت شديد بينما انهارت دموع احمد و استدار يمشي بلا جهه........
__________________________________
طأطأت كوكب رأسها و جواد يراقبها بلهفه شديده و اخيرا قالت:-
-القرارات دي مينفعش تتاخد كده انا لا عوزه اظلمك و لا اظلم نفسي معاك لو سمحت بعد اسبوع نبقي نتكلم تاني
ثم غادرت ولن تنتظر منه رد او تعليق بينما صمت هو عندما علم انه من الممكن ان يصل لقلبها ثانيا....
قام ببطأ و مشي بخطوات متثاقله للغايه بشرود
حينها كانت كوكب قد عادت الي منزلها بسعاده في الاعماق و قلق فاق كل الآفاق!
كوكب:-ماما عوزه اتكلم معاكي شويه
نجوي و هي منشغله في كي ملابسها:-مش وقتك
كوكب:-ايه يا ماما ده؟
نجوي بغضب:-ايه يا كوكب مالك؟قلتلك مش فاضيه يبقي تمشي
كوكب:-مالك يا ماما بقالك يومين كل ما اكلمك في حاجه تتعملي معايا بارف كده لو مش طيقاني عادي علفكره قولي
نجوي صائحه:-بقلك ايه يا كوكب اطلعي من نفوخي و وريني عرض كتافك و خدي باب الاوضه في ايدك
ظلت كوكب تنظر لوالدتها ببهوت و دهشه حينها اطفأت نجوي المكواه
نجوي:-استغفر الله العظيم يارب...........تعالي يا حببتي معلش تعالي
اقتربت كوكب و جلست علي الفراش الي جانبها
كوكب:-بصي يا امي انا عوزاكي...........
نجوي:-انا الي عوزاكي في موضوع يا كوكب
كوكب:-ايه يا ماما خير قولي و بعدين اقلك؟
نجوي بابتسامه و هي تنظر بعيدا:-انا يعني..........انا و انتي هنعيش في الكويت
وقع فؤاد كوكب:-ده ازاي؟
نجوي:- مع عمك محسن شغال معايا في البنك.....هتجوزه ع سنه الله و رسوله!!!!هو اتقدم و انا وفقت!
__________________________________
جلس اياد علي طرف الفراش بألم شديد و راقب زوجته و هي تمشط شعرها
اياد:-شيروت..............انتي ليه كده؟
قالت بمرح:-هههههههههههه طول عمري عسل
اياد بحزن:-فعلا رجعت احبك لدرجه اني مش قادر آذيكي اتوعدتلك و قررت اني هآذيكي بس مش عارف
تركت المشط و قالت برعب:-ليه تآذيني ليه؟
اياد:-لاني سمعت المكلمه التليفونيه
ارتعشت اوصالها و نظرت ارضا
اياد:-ليه؟...........بس جوبيني ليه؟ندمت و رجعتك ليا و عيشين حياه انتي بنفسك اعترفتي انك مبسوطه.......يبقي ليه تعملي الي مخططالو و تقولي انك يستحيل تحبيني ............ده انا رجعت احبك زي الاول...........زمان انا و انتي غلطنا كان واحد يا شيروت انتي قتلتي و انا قتلت انا اتهورت و انتي اتهورتي انا ظلمت و............
قاطعته بحده:-و انا اتظلمت
اياد:-و من قبل ما افكر فيكي اصلا كزوجه تاني ليا كنت بسعدك علي مصاريف والدتك..........ايه معدش في قلبك حب لاي حد؟
نظرت لاسفل:-معدش في قلبي حب؟اصلك لو سمعتني و انا برفض كل العرسان مكنتش قلت كده
اياد:-امال ايه
بكت قائله:-حاسه ان كرمتي لسه متردش يا اياد
اياد:-و تحبي ترديها ازاي؟نطلق؟عيزه كده؟تحطمي نفسك و تحطميني
ارتمت اسفل قدميه:-لا يا اياد بالله عليك بلاش طلاق اترجاك
اياد:-اه ......امال هتصرفي منين؟و هتروحي و تيجي وبراحتك ازاي؟و تسافري كل حته من فلوس مين؟
قالت بتودد:-لا يا اياد..........هعرف اعيش ازاي و انت مش في حياتي
ابتسم بسخريه:-تاني؟..........قومي من ع الارض الفيلم خلص و نزلنا التتر و بعد كده الطلاق و الستاره هتنزل و القاعه تضلم زي ما حياتك هضلم بالظبط
قالت بسرعه و توتر و توسل في نفس اللحظه:-يا يااد اديني فرصه و الله ما عيزه فلوس و لا عيزه اسافر و لا اخرج بس فرصه بس اكون معاك وا لله انا عرفه نفسي مش هقدر اعمل حاجه من الي بقول عليه و لا امضيك ع حاجه انا بحبك اوي يا اياد و الله في المستشفي ماما قلتلي ع عريس عيطلها و..........
اياد:-ممنوش فايده
شيروت باكيه:-ليه بس؟
اياد صارخا:-انا مش طيقك
شيروت:-مش طيقني؟خلينا ننفصل فتره بس بلاش طلاق انت المره الي فاتت قلت طالق مرتين لو اطلقنا تاني انتهي الامر
اياد:-و انا عوزه ينتهي روحي و انتي...........
و قاطعه ارتطام جسدها بالارض!
__________________________________
ندي بحزن:-مش عارفه يا مراد المفروض ان واحد كان يتقدملي النهارده مثلا بالكتير
مراد:-واحد........بتحبيه؟
ندي:-لا عادي بصارحه بس بيقول اننا كنا بنحب بعض و.......
كوثر:-لا يا ندي انا عارفه جواد ده كتير قالك انا جي و ميجيش و كان بيزعلك
ندي ببهوت:-ده بجد؟
كوثر:-ايوه يا ندي و كنتي بتبعدي عنه بس هو استغل مرضك متشغليش دماغك بيه ابدا و لا تعلقي نفسك بيه
كانت ندي تحلم بطيف رجل معاها في كل شيئ في احلامها
ندي:-يعني انا عمري ما اتخطبت
كوثر:-لا
ندي:-متأكده؟
كوثر:-ايوه يا حببتي ليه مالك
ندي بحيره:-بعد افتكر حجات ليا مع كوكب و معاكي و مع واحد مش باين خالص رؤيته عندي
ربت مراد ع شعرها:-كلو هيبقي تمام
تنهدت ندي:-يارب