جُمُود قلب ...بقلم فاطمة الالفى

الفصل الثاني

جُمُود قلب
بقلم فاطمة الالفى .

فى صباح يوم جديد ..
توجهت إلى عملها وأثناء القيادة بالقرب من الشركة كادت أن تصطدم بشاب يترجل من التاكسى، نظر لها الشاب بغيظ وبتر عبارتهُ أمام ناظرها، وهى لا تبالى بما يحدث ونظره لهُ نظرة غرور ولا مبالاة وأكملت القيادة بسرعة أكبر .
كان الشاب يشتعل من الغيظ. فعلا وقحة وماعندهاش دم ، مش عارف الاِ زى دى بيركب عربية ليه، دى أخرهم الإهتمام بجمالهم ولبسهم وبس ناس فاضية ..
*************
وصلت كرمة مبنى الشركة وصعدت إلى مكتبها .
كانت تجلس تتابع عملها وطلبت من سكرتريتها الخاصة .
كَرمة. لين باشمهندس عبدالرحمن وصل
لين .أيوة يا باشمهندسة تحبى أبلغهُ حاجة .
كَرمة. ياريت تديلُ خبر عايزة أقابلهُ حالا
لين .حاضر يا باشمهندسة
*******************
كان يقف أمام مبنى الشركة الضخم وينظر لها نظرة أنبهار، فهى صرح ضخم من أهم وأكبر شركات فى البلد .
خطئ أول خطواتهُ بالشركة وتسئال عن موعد المُقابلة وأستعلم عن وجود أسمهُ فى تدوين المهندسين الذين يخضعُ لعمل الإنترفيو...
وتوجة إلى مكان المُقابلة وجلس بالمقعد ينتظر قدوم دورهُ بعد أن سَلم cv الخاص به ، جلس بجانب مجموعة من الشباب والفتايات لعمل الإنترفيو...
********************
فى مكتب المدير التنفيذى لشركة.
طرق عبدالرحمن باب المكتب وبعد أن أذنت لهُ بالدخول.
عبدالرحمن .صباح الخير يا كَرمة، طلبتينى خير .
كرمة .صباح الخير، أتفضل أستريح يا عبدالرحمن
عبدالرحمن .عندى أنترفيو دلوقتى
كَرمة.فى حد قدم cv
عبدالرحمن .كتير أوى تحبى تحضرى المُقابلة معايا
كَرمة. لا البركة فيك ، مش هوصيك على الخبرة طبعا ، مش هعطلك على شغلك أتفضل.
عبدالرحمن .تمام عن أذنك.
كرمة. عبدالرحمن مافيش وقت لو المهندسين عندهم كفاءة وخبرة يستلمو الشغل من بكرة مافيش وقت لازم نسافر الغردقة ، أنت عارف أكمل زيدان مش شويا فى السوق .
عبدالرحمن .أطمنى أن شاء الله خير بعد أذنك بقى .
كرمة. اتفضل ..
*********************
ذهب عبدالرحمن إلى مكتبهُ الخاص لأتمام المُقابلة مع المرشحون للعمل بالشركة..
جلس عبدالرحمن بمكتبهُ يتابع الملفات المُقدمة للمهندسين لطلب الوظيفة.
ويطلُب من السكرترية أحضار شخص شخص ليتحدث معهُ ويعلم ماخبرتهُ وكفاءتهُ ...
****************
فى مكتب كَرمة.
ظلت تُتابع عملها وتضع الخطوات النهائية للمشروع .
وقررت بعد الانتهاء من التصميم أن تذهب لتتفقد المشروع على أرض الواقع .
كَرمة. لين أنا رايحة مشروع الشيخ زايد وهعمل تفتيش على كل المواقع أوكية، خلصى شغلك وروحى أنا مش هرجع على الشركة تانى
لين .حاضر يا باشمهندسة.
***،،،،*******،،،،***********
فى مكتب عبدالرحمن
دق الباب ودخل المهندس .
عبدالرحمن وهو يتفحص الملف الذى يخص المهندس الذى أمامهُ .
عبدالرحمن .اتفضل يا باشمهندس حمزة
تطلع الاثنان إلى بعضهم بدقة .
عبدالرحمن .حمزة الحداد مش ممكن فينك يا راجل
حمزة بابتسامة .عبدالرحمن البنهاوى أية الصدفة الحلوة دى
قام عبدالرحمن وقرب إلى صديق الدراسة وتعانقُ بفرحة .
عبدالرحمن .أنت فين يابنى من بعد ماخلصنا جامعة وأنت أختفيت خالص أنا فكرتك مسافر
حمزة .لا هروح فين موجود بس مشاغل الحياة بقى
عبدالرحمن .أيه أتجوزت
حمزة .ههههههه لا طبعا جواز أية وأنا عاطل وكمان ولاد عمى ملزومين منِ .
عبدالرحمن . طب أحكيلى عامل اية فى حياتك
حمزة .بعدين يا باشمهندس أنا جاى هنا فى مُقابلة شغل
عبدالرحمن . طب مأنا بدردش معاك عشان الشغل بردو
حمزة . أنت أية موقعك هنا بالظبط
عبدالرحمن . أنا مساعد المدير التنفيذى للشركة وبحل محلهُ فى أى وقت وأنا المسئول عن أختيار المهندسين الجداد .
دلوقتى هنبدا ندردش شويا .
حمزة . أتفضل يا باشمهندس
عبدالرحمن . من الcvبتاعك بيقول انك متخرج من ٨سنين ، ممكن أعرف أشتغلت فين قبل كدة.
حمزة .أنا أشتغلت فى أماكن كتير زى هايبر ومطعم من الاخر أنا ماشتغلتش فى مجالى بعد التخرج عشان طبعا ماكنش فى خبرة و لسة متخرج ، بس من سنتين أستغلت فى شركة الغزاوى وطبعا ليها أسمها ووضعها بس هى سنة واحدة وبعدين أستغنو عن خدماتى ومن غير اى مستحقات وبس بقالى سنة عاطل عن العمل بس طبعا لقيت كتير وكانت النتيجة صفر طبعا الكل رفض يشغلنى عشان مافيش شهادة خبرة من شركة الغزاوى وكمان أيه سبب طردى من الشغل والحوارت الاِ أنت عارفها بقى مش كفاءة مش خبرة مش ملتزم فى شغلة.
عبدالرحمن .بس مؤهلك عالى وتقديرك أمتياز ولية لعند دلوقتى مش لاقيت فرصتك ولية قبلت أصلا تشتغل فى غير مجال دراستك.
حمزة .يعنى مش عارف البلد ماشية أزى حتى مشروع التخرج للآسف أتنسب لغيرى وطبعا اتنفذ من غير أسمى ومش محتاج أعرفك مين ألاِ أستولا عليه ولم أتكلمت كنت هروح ورا الشمس وكمان اسبت التلاعب فى المواد غير صالحة للبناء وعلى هذا الأساس أنطرد شر طرده من شغلى وكمان كنت هطلع بقضية لولا خوفت على زين وسيلين ولاد عمى كنت وقفت وحاربتهم بس للأسف انا فى موقف الضعف مش القوة وطبعا عارف القوى بيدوس على الضعيف زى النملة.
عبدالرحمن .ولية يا حمزة ماحولتش تتواصل معايا أحنا مش أصحاب وأخوات ولا أية
حمزة بحزن .صدقنى يا عوبد الظروف كانت أقوى منى وفاة عمى ومرأتة وتحملت مسئولية ولاد عمى بعد التخرج علطول كنت زى الغريق مش عارف أتصرف أزى لم فجاة أهلك مابقوش موجدين فى حياتك وتكون مسئول عن شاب أقل منك بسنتين بس وطفلة عمرها ١٣ سنة لازم تعوضها غياب الأم والأب الحمدلله على كل حال
عبدالرحمن .الحمد لله طبعا أنت شغال معانا هنا من بكرة مش عشان أنت صاحبى أنا ولا أعرفك فى الشغل ، بس عشان cvبتاعك كويس وكمان خبرة ومايهمش الشركة أشتغلت فين قبل كدة المهم تكون قد الثقة وتعوض أى خسارة تعرضت ليها ولعلمك الشركة هنا محتاجة لضمير حى زيك ، لأن طبعا معدومين الضمير كتير .
حمزة بابتسامة .يعنى انا بجد أتقبلت
عبدالرحمن .طبعا يا باشمهندس وبكرة هتستلم الشغل بس الاول عندك أستعداد تسافر الغردقة عندنا مشروع ضخم فى الجُونة ومحتاجين مهندسين معانا تكون ثقة وكفاءة وخبرة وأنت قد الأمانة دى
حمزة بفرحة .ماتصورش كنت فاقد الأمل أزى الحمدلله يارب اللهم لك الحمد ، وأن شاء الله مش هخذلك وهكون قد ثقتك
عبدالرحمن .من بكرة تكون هنا على مكتبك الساعة ٩ ، هتشوف تصميم المشروع وهيتعمل أجتماع عشان المدير التنفيذى يقرر السفر أمتة ويختار مين يباشر المشروع معاه ، عايزك تكون جاهز للسفر فى أى وقت ومبروك يا باشمهندس حمزة نورت الشركة طبعا
حمزة .الله يبارك فيك يا عوبد
عبدالرحمن . بقولك أية بينا وبين بعض تتكلم معايا براحتك لكن قدام المدير لازم يكون فى أحترام
حمزة .ههههه خايف من مديرك
عبدالرحمن . لا طبعا بس أحترام متبادل مش أكتر
حمزة .تمام من الفجر هتلاقينى راشق قدام الشركة .
عبدالرحمن .هههه ماتبات هنا أحسن..
...********************
غادر حمزة الشركة بفرحة كبيرة تغمُرة وأستقل التاكسى وعاد إلى المنزل ...
فى شقة المعادى .
بعد أن فتح باب الشقة بالمفتاح الخاص به .
نظر فى أرجاء المنزل وجد سيلين تتابع tv .
حمزة .هو أنتى مش وراكى غير التلفزيون والمسلسلات التركى
سيلين .لا دة هندى ههههه وبعدين ماعنديش جامعة هعمل أية يعنى
حمزة .تذاكرى، تعملى أكل ، تنضفى البيت ، كل دة أختارى حاجة وأعمليها.
سيلين .أختك خايبة فى كل دول ههههه قولى صحيح عملت أية فى المُقابلة
حمزة بتنهيدة وجلس بجوار شقيقتة. الحمدلله هستلم من بكرة
سيلين بفرحة .أيوة بقى طب أعزمنا بقى على الغدا برة
حمزة بفرحة .من عنية ياحببتى لم زين يرجع من الشغل نخرج كُلنا
سيلين .بس زين لسة بدرى
حمزة بتفكير .طب أية رائيك هعذمك على أيس كريم ونتمشى شويا ويكون زين رجع نروح نتغدا
سيلين .الله عليك يا حبيب والديك.
حمزة.طب ياخفة خمس دقايق وتكونى جاهزة
سيلين بفرحة . هوا هوا يا كبير
*******،،،،،،،****************
بعد أن توجهت إلى مشروع الشيخ زايد ، وتابعت بعض المشاريع من مكان لأخر، كانت تتفقد سير العمل بين مشروع وآخر وبعد أرهاق اليوم،.عادت إلى الفيلا ..
..............................
عندما عادت إلى المنزل وجدت الصغيرة تستقبلها بفرحة وتفرد لها ذراعيها.
كَرمة. حبيبة قلب مامى
أيسن .مامى واحشتينى كتير كتير
كَرمةبابتسامة .وأنتِ يا قلب مامى كتير كتير كتير
حضرت فريال .
فريال .كَرمة كنت عايزة أتكلم معاكِ فى موضوع مهم
كَرمة. خير يا ماما محتاجة فلوس الأرباح الاِ تخصك بدخلها فى حسابك أول بأول
فريال بتوتر .لأ مش فلوس تعالى نتكلم فى المكتب
كَرمة. حاضر اتفضلى.
بعد أن توجهت إلى غرفة المكتب أغلقت الباب خلفها.
فريال. أصل أنا عايزة أتجوز.
كَرمة بصدمة.تانى يا ماما قصدى عاشر ، أنتِ أية مابتزهقيش كل جوازة تطلعى منها خسرانة فلوسك، وترجعى تندبى حظك الاِ وقعك فى نصَبين، عايزة أية تانى يا ماما حرام عليكى أرحمينى أنا بتعب من عمايلك حسى بيه لو مرة واحدة فى حياتك .
فريال ببرود .كرمة لحظى أنك بتتكلمى مع والدتك أتكلمى بأسلوب أحسن من كدة.
كَرمة .ماهى دى المصيبة أنك أمى وأنا هتعب روحى معاكِ لية، ياريت الكلام هيجيب نتيجة معاكِ بس خلاص براحتك أعملى الاِ تعملية عن أذنك.
فريال لنفسها.الله وهى مدايقة من أية أنا حرة فى حياتى مش أحسن ماهى مضيعها عمرها على البنت ومش عارفة تشوف نفسها وهترجع تندم لم العمر يعدى بيها وتلاقى نفسها وحيدة ، بس المرة دى جوازة غير أى جوازة...
...........
يتبع

على فكرة الطفلة أسمها( أيسن )مش أيتن ولا دى خطأ الكتابة هى أسمها أيسن يعنى نور القمر ....
وكرمة كمان دة نطق الاسم الصح وكمان كتابة الحروف صح هى بتتكتب بطريقتين كارمة أو كرمة ودة الكتابة الصحيحة للأسم.

جُمُود قلب