جُمُود قلب ...بقلم فاطمة الالفى

الفصل السابع

جُمُود قلب
بقلم فاطمة الالفى.
ظلت طوال اليل تسير على الرمال وتتخبط بالامواج وتبتسم طارة وتدمع طارة إلى أن شعرت بالإرهاق، عادت أدراجها إلى غُرفتها، كان النهار يعُلن قدومهُ .
وجدت الصغيرة مازالت تنعم بأحلامها الوردى .
ابتسمت لها بحب ، فهى تتمنا أن يرجع بها العمر لتظل طفلة ، لا تدرك الجمود ولا تتالم البعد والفراق ولا تعيش هذا الواقع الأليم، تريد أن تنعم بطفولتها كانت بريئة ونقية ولا تحمل هم لهذة الحياة ، ولكن تأتى الرياح بم لا تشتهى السُفن..
وهبت العاصفة لتقلب حياتهم رأسا على عقب .
يا لها من حياة قاسية معها..
وضمت الصغيرة وأغمضت عيناها فى تعب وأرهاق ..
***********************
أستيقظ حمزة مع بزوغ الفجر وتوضا وصلى فرضه .
وتوجه لشرفة غُرفتهُ يتطلع لمنظر البحر أمامه وأشعة الشمس تسلط أنعكاسها على المياة لتنجذب معها وتُعطيها الدفئ..
ونظر لشرفتها المُغلقة يتمنى وجود الصغيرة فقد أشتاق لها ويُريد أن يعلم منها كل ما يدور فى تفكيرهُ فلم يستطع النوم وشغلت تفكيرهُ .
............................
فى غرفة كرمة
تمللت الصغيرة فى الفراش وفتحت عيناها وابتسمت لوجه والدتها النائم وقربت منها طبعة قُبلة على جبينها .
وذهبت إلى المرحاض لتغسل وجهها وأسنانها كما عودتها والدتها ..
أيسن .مامى مامى
أيسن .هو احنا جاين هنا عشان ننام وبس أنا عاوزة البحر أوف .
كانت نائمة بتعب ولا تشعر بها ...
توجهت الصغيرة بزعل طفولى إلى الشرفة وفتحتها على مصرعيها..
كان ينتظر قدومها وابتسم عندما رأها امام عينهُ .
حمزة بفرحة . أيسن حببتى صباح الخير
أيسن بزعل .صباح النور يا عمو
حمزة .يا خراشى الجميل زعلان لية بس
أيسن . ماما نايمة وكل شويا ننام ونقوم وننام تانى انا زهقانة عايزة البحر
تذكر حمزة وجدها على البحر وعدم النوم فمن المؤكد انها نامت أخيرا من تعب السهر .
حمزة . طب تعالى نخرج ونروح البحر ولا تزعلى ياجميل
أيسن بفرحة .بجد يا عمو حمزة
حمزة .أية عمو حمزة دة فين حمزة بس
أيسن .مامى قالت انت كبير ولازم احترم حضرتك
حمزة بابتسامة .وحضرى عايزة اسمع حمزة بس احنا اصحاب وعادى لم تقولى حمزة اتفقنا
أيسن بفرحة تمد يدها لتصافحة وهذا دليل الموافقة. اتفقنا استغرب فعلتها ولكن رحب بها.
أيسن تنظر للباسها. هغير بيجامة النوم واخرج
حمزة .حاضر ياحببتى هستناكى قدام الاوضة.
ارتدى حمزة تيشرت ابيض نصف كم وبنطال أبيض كتان ووضع نظارة الشمس داخل التيشرت من أعلى وارتدى الكوتشى الرياضى الأبيض وانتظر امام غُرفتها قدوم الصغيرة ....
********************
فى غرفة كرمة
ظلت الصغيرة تبحث فى ملابسها ولكن لن تستطيع أخراج ملابسها .
فكرت بعقلها الطفولى واستخدمت ذكائها وسحبت المقعد الذى امام طاولة الزينة إلى مكان الدولاب وصعدت عليه تبحث عن هدفها.
وبعد عناء وجدت ماتريدهُ وأرتدت برمودة بالون الابيض وبدى بينك بحماله رفيعة وشوز أبيض ولكن لا تستطيع أن تمُشط شعرها الاشقر الطويل فأخذت الفرشاة معها وقربت من الفراش قبلت والدتها وخرجت من الغُرفة بهدوء.
......................
وجدت حمزة امامها .
حمزة بصافرة اعجاب .أية الشياكة دى ليكى حق تتاخرى بقى
أيسن تدور حول نفسها .انا حلوة
حمزة . قمر ياقمرى
أيسن . ممكن تسرح شعرى مش عارفة
حمزة بحب . بس كدة هاتى ياقمر
ومشط لها شعرها .بصى يا أيسن انا ماعرفش اعمل اى فورمة نسيبو مفرود بقى احسن .
أيسن . أوكية
حمزة .دخلى الفُرشة تانى بقى بس من غير تأخير
أيسن بتفكير .مامى ماتعرفيش أن هخرج وهى مش راضية تصحى اعمل أية معاك ورقة نكتبلها جواب
حمزة بإعجاب من ذكاء الصغيرة. جواب ههههه تعالى ياستى ندخل اوضتى ونكتب الجواب
توجهُ إلى غرفة حمزة .
وأحضر حمزة دفتر يدون به عدة اشياء تخص العمل وأحضر القلم .
حمزة بأهتمام. هنكتب أية بقى
أيسن .اكتب .مامى حببتى صباح الخير ، أنا خرجت مع حمزة صاحبى هنروح البحر اوكية. بنتوك أيسن.
دون حمزة كل ما قالتهُ الصغيرة وابتسم على افكارها وتربيتها ايضا، فهى لا تريد أغضاب ولا قلق والدتها وتعلم وتفكر بذكاء..
توجهت الصغيرة إلى غرفتها وضعت الفرشاة بإمكانها على طاولة الزينة ، ووضعت الورقة بجانب والدتها بالفراش وتركتها ورحلت ....
****************،**********
فى القاهرة
أستيقظ كريم يشعر بالسعادة فى تنفيد هدفهُ .
كريم .يلى يا حبى بقى هنتاخر على الشركة .
فريال .انا جاهزة ياقلبى يلى بينا .
كريم يقبل يدها. حبيبى أية الجمال دة لا ماقدرش أنا على كدة
فريال بابتسامة .كريم هنتاخر كدة
كريم .كلمتى عبدالرحمن
فريال بتوتر .بصراحة لأ
كريم .مش مهم دلوقتى يتصدم من وجودى
قاد سيارتهُ وهى بجانبهُ متوجهين إلى شركة الحناوى للآنشئات المعمارية...
وبعد نصف ساعة ترجل كريم من سيارتهُ وفريال تسير بجانبة بكل غرور والجميع يتطلع بهم بأستغراب. فهى أبنة صاحبه الشركة ولكن من هذا الشاب الذى يمسك يدها ، والجميع فى حالة ذهول ......
وصل إلى مكتب كرمة .
كريم بتكبر .انت يا أسمك أية
لين .لين يا فندم اى خدمة أقدر أقدمهالك
كريم .أنا مديرك الجديد يا حلوة
تركها فى صدمتها ودخل المكتب .
توجهت خلفهُ .
لين بصدمة .انت بتقول أية دة مكتب الباشمهندسة كرمة وفى غيابها الباشمهندس عبدالرحمن بيحل محلها انت مين بقى .
كريم وهو يجلس على المقعد بتفاخر.
أنا كريم منصور الغزاوى ومرأتى ليها فى الشركة دى زى كرمة ومن حقى أتابع مال مراتى فهمتى ولا أقول كمان اة وكمان فريال هانم بتمضى دلوقتى قرار رفد عبدالرحمن الاِ بتقولى عليه دة وتمضى قرار تعينى انا مساعد المدير التنفيدى وفى غياب كرمة انا هنا المسئول والكل فى الكل اتفضلى بقى على مكتبك واطلبيلى قهوة مظبوط.
خرجت لين بصدمة حقيقية..
وقررت الاتصال بعبدالرحمن لتخبرة بتأذيم الامور...
***********&&&&&*****
كان يقود سيارتهُ ليذهب لمكان عملهُ ورن هاتفهُ .
وضع سماعة البلتوث على أذنة.
عبدالرحمن بجدية. أيوة يا لين انا جاى فى الطريق
لين .طب بسرعة يا باشمهندس فى مُصيبة هنا
عبدالرحمن بقلق .مُصبية. خير يا لين انطقى
لين .تعالى بنفسك وانت هتعرف كل حاجة
عبدالرحمن . طيب انا هركن العربية انا قدام الشركة سلام ..
صف سيارتهُ على السرعة وتوجه إلى مكتبهُ ليتفقد الوضع ..
عبدالرحمن .فى أية يا لين حصل أية
لين .فى شاب اسمة كريم منصور الغزاوى اتجوز فريال هانم ، وجاى يتابع الشركة فى غياب الباشمهندسة وهو موجود فى المكتب دلوقتى و
عبدالرحمن بصدمة.نااااعم
تركها عبدالرحمن مثل الثور الهائج وأقتحم المكتب .
عبدالرحمن بانفعال .أنت بتعمل أية هنا
كريم ببرود .وأنت ازى تدخل المكتب كدة من غير أستأذان أنت أتجننت ولا أية .
عبدالرحمن .جنان مين يا روح امك أنا المسئول عن الشركة دى وأتفضل أطلع برة
كريم بضحكة مستفذة. ههههههه لا يا حبيبى أنت إلا هتطلع برة الشركة كلها انت خلاص مالكش اى وجود فيها ، وأنا هنا بدال كرمة وكمان بدير مال مراتى إلا انت ناهبهُ فوق كدة وشوف بتكلم مين
عبدالرحمن .أنت بتقول أية أنا هطلبلك البوليس حالا يجى يخرجك من هنا
فريال بغضب .عبدالرحمن كريم بيتكلم جد وهو هنا بيشوف شغلهُ وماتنساش أن دى شركتى وليا فيها ومن حقى أقول مين يفضل ومين يخرج
عبدالرحمن بصدمة .أنت أية عايزة تدمرى بنتك جايبة جوزك يسرقك ويسرق كرمة عينى عينك كدة دة شركة كامل الحناوى وهتفضل شركتة انتِ واعية بتعملى اية فى بينتك أنتِ كبرتى وخرفتى باين عليكِ
فريال بغضب .أخرس انت مالكش مكان فى الشركة وانا مضيت قرار رفدك خلاص مستغنين عن خدماتك واتفضل اطلع برة بدل ما أطلبلك الأمن
كريم .هدى نفسك يا روحى دى أشكال زبالة وهطلبلها الأمن
عبدالرحمن . أنت أكيد اتجننتى تطلبى ليا انا الأمن الشركة دى فى عهدتى ومش خارج من هنا والبية الاِ أنتِ سحباة وراكى دة هيضيعك انتِ مش عارفة متجوزة مين فوقى يا فريال هانم دة ابن منصور الغزاوى عارفة ولا متفاجاة
كريم استدعى الأمن.
عبدالرحمن . أنا مش هسكت وبكرة هتندمى يا هانم على كل إلا بتعملية فى كرمة وخلى بالك كرمة مش لوحدها
كريم .طلعُ الحشرة دى برة الشركة ومايدخلهاش تانى فاهمين
عبدالرحمن . أنا حشرة يا واطى يا زبالة يا ........
خرج عبدالرحمن بالاجبار وهو يسب ويتوعد لذلك الحقير كريم..
**********************
فى الغردقة
جلس حمزة ومعهُ أيسن فى مطعم الفندق لتناول الإفطار معاً .
وبعد الافطار امسك بيدها وتوجهُ إلى البحر.
حمزة .أيسن قوليلى فين بابا مش معاكم لية
أيسن ببراءة. عشان بابا مسافر بعيد
حمزة بأستغراب . بعيد فين
أيسن .بعيد فى الجنة وماما قالتلى أحنا هنروح لبابا بس مش دلوقتى
حمزة بحزن .فى الجنة ياحببتى ضم الصغيرة لصدرهُ
حمزة لنفسهُ .يتيمة الاب عشان كدة كرمة حزينة دايما ، أكيد كانت بتحبه، فعلا لسة صغيرة وشكلها أتجوزت صغيرة اوى وخلفت أيسن .
أيسن . عاوزة انزل البحر يا حمزة
حمزة بابتسامة.حاضر بس قوليلى انتُ عايشين مع مين
أيسن .مع فيرى وهى وحشة بتزعقلى وانا مابحبهاش
حمزة بأهتمام . مين فيرى دى
أيسن . ماما بتاعت مامى وكمان بتزعق لمامى هى وحشة اوى يا حمزة
حمزة .تقصدى تيتة يعنى
أيسن .لأ هى بتقول اقولها فيرى مش بتحب تيتة دى
حمزة بأهتمام. أممم بس عايشين مع فيرى بس
أيسن. أيوة ودادة كمان
حمزة .أممم طب مامى وماعندهاش صُحاب
أيسن .مش انت صاحب مامى تبق عندها وعمو أكمل كمان
حمزة. هههه لا يا حببتى احنا فى شغل بينا مش صحاب زى مأانتِ فاهمة يعنى زمايل عمل
أيسن .بودى وملك وأسر أصحابى واصحاب مامى
حمزة بشرود ....
أيسن .حمزة هنزل البحر بقى
حمزة .بتعرفى تعومى ولا هتغرقى فى شبر ماية.
أيسن . لا انا بدرب على السباحة فى الاسكول.
حمزة .شطورة طب هتنزلى بلبسك دة ولا أية يلا نغير
أيسن . حاضر يلا بينا..
**********************
قاد عبدالرحمن سيارتهُ بغضب وعاد إلى منزلهُ ..
ملك بصدمة . عبدالرحمن خير يا حبيبى أية رجعك
عبدالرحمن بحزن .الحقير الواطى الو****، جاى بكل بحاحة يدير الشغل دة هيدمر الشغل وأسم كرمة وابوها هيكون فى الأرض بسببه ، لا والست فريال هانم جايا معاه بتساعدة يدمر بنتها واسمها وتاريخها انا هتجنن يا ملك مش قادر اصدق أن فريال تحاول تأذى بنتها وتخسرها شركتها وسمعتها فى السوق
ملك .فهمت يعنى فريال وجوزها جم الشركة طب لية سبتهم يا عبدالرحمن.
عبدالرحمن.فريال طردتنى هو وال...... الاِ معاها وكمان طلعت اقرار رفد وأقرار تعين البية مكانى وطلبت الأمن كمان دة خلاص اتجننت
ملك .وكرمة لازم تعرف بالاِ حصل
عبدالرحمن .هتجنن مش عارف أقولها أية
ملك .لازم تنزل تيجى توقف والدتها وجوزها عند حدهم وانت تسافر تكمل المشروع
عبدالرحمن .لا مش هقدر اسيبها معاهم لوحدها بس هتصل لازم تعرف عمايل امها .
ملك .ربنا معاها وهى الست دى مش بتنهد يا ربى ...
*********،***************
فى الغردقة
تقلبت فى الفراش بملل وعندما فتحت عيناها وقعت على ورقة جانبها .
كرمة .قرأت ما فى الورقة وأبتسمت على طفلتها المشاغبة العنادية فهى تُصر على الذهاب للبحر بأى شكل كان ..
عادت أيسن بفرحة. مامى صباح الخير
كرمة .صباح الفل على قمرى
اية الجمال دة كلهُ
أيسن بثقة .دة اختيارى أية رائيك
كرمة .اختيار يجنن ياروحى
أيسن. طب عاوزة المايوة عشان البسهُ وأنزل البحر مع حمزة
كرمة .احنا قولنا عمو
أيسن . لا احنا أصحاب وهو طلب منى أقوله حمزة بس
كرمة. طيب ياروحى تعالى البسك المايوة
ارتدت الصغيرة مايوة قطعة واحدة بلون الاصفر يتداخل معهُ ورود صغيرة ..
وارتدت كرمة بدى أورنج وبرمودا زيتى وكوتشى أبيض.
وتوجهُ إلى البحر...
اما حمزة فأرتدى مايوة رجالى أسود به خطوط بيضاء من على الجانبين ومازال يرتدى التيشرت الأبيض..
وتقابل معهم على البحر.
حمزة. صباح الخير.
كرمة .صباح النور
أيسن. حمزة انا جاهزة
حمزة .اوكية وانت يا باشمهندسة مش هتنزلى
كرمة .لأ أنا لأ بس خلى بالك منها
حمزة .اطمنى خلع التيشرت
شعرت كرمة بخجل من مظهرهُ بدون التيشرت وتركتهم وظلت تمشى باتجاة مُعاكس..
ابتسم حمزة على خجلها وحمل الصغيرة وتوجهُ لداخل البحر ليسبحو....
كانت تسير بهدوء على الرمال ورن الهاتف مُعلن عن أتصال من عبدالرحمن..
كرمة .الو عبدالرحمن ازيك عامل اية
عبدالرحمن بتوتر .كويس انتِ اخبارك أية
كرمة .تمام هنبدا حفر كمان يومين ، أنت تابعت المشاريع والمخازن واخبار الصفقة الجديدة ناوى نكسبها ولا أية النظام يا كبير
عبدالرحمن بقلق ..مش مهم كل دة يا كرمة ، بس فى حاجة مهمة لازم تعرفيها .
كرمة بقلق .خير حصل أية
عبدالرحمن .انتِ كنتِ عارفة والدتك أتجوزت مين
كرمة .ويهم فى أية اعرف الشخص يا عبدالرحمن مش هيغير حاجة ، عارفة انها أتجوزت يوم ما جيت الغردقة
عبدالرحمن .مش دى كل الحكاية يا كرمة فى مُصبية
كرمة بخوف .مُصيبة أية اكتر من كدة
عبدالرحمن بحزن. مامتك متجوزة كريم ابن منصور الغزاوى
كرمة بصدمة .مين منصور الغزاوى
وقع الهاتف من يدها بعد ما علمت حقيقة زوج والدتها ....
يتبع