جُمُود قلب ...بقلم فاطمة الالفى

الفصل السادس والعشرون

جُمُود قلب.
بقلم فاطمة الألفى.
ذهب نادر إلى بيت حمزة وحاول الاتصال إلى زين وابلغة انه ينتظره بأسفل البناية..
وبعد خمس دقائق كان زين بصحبة شقيقته يصافح نادر وتوجه معه إلى بيت روح لتذهب معهم فى اختيار شبكتها..
...
زين .والله ما عارف اقولك اية يا نادر باشا تعبينك معانا ديما كدة
نادر بابتسامة .متتقولش كدة احنا اخوات وانا موجود بدال حمزة
سيلين .وابية حمزة راجع امتة
نادر بابتسامة. يمكن يفاجئكم فى اى وقت هو وظروفه بقى مش عارف .
زين .ربنا معاه المهم انه بخير
نادر. الحمد لله ..
وصل إلى بيت روح واستقلت معهم السيارة وتوجهُ إلى محل المجوهرات لاختيار الشبكة ..
.....بقلم فاطمة الألفى.............
فى حديقة فيلا
عبدالرحمن. الحكاية بدأت من ست سنين لم جت تشتغل ماجى فى الشركة وكانت أدب اية وطيبة اية ورقة اية ماقولكش كل دة تحول بعد جوزها من عمى كامل بس هى قربت منه لم حصل مشاكل بينا وبين فريال هانم وحصل انفصال هو تعب ونفسيتة كمان وحتى كرمة كانت لسة فى الجامعة وحصل توتر وقلق فى الوقت دة ماجى قربت من عمى كامل وطبعا قدرت ترسم الحب والبراءة والخوف عليه المهم وقعته واتجوزها وانا كنت قريب من عمى كامل وشوفت ملك واتعرفت عليها واتجوزنا وبعد فترة ماجى قالت انها حامل وبدأت تطلب فلوس كتير وبدون حساب وطبعا تطلب منى بعد سفر عمى كامل كان فى مشروع ضخم وانا وكرمة كنا بندير الشركة انا علمتها كتير وكنت يساعدها فى دراستها وخصوصا انها دخلت هندسة بس عشان خاطر والدها واتخلت عن حلمها كانت عايزة تحس انها جنب والدها وأنها زى الولد مش الولد بس إلا يقدر يقف جنب والده هى بنت واصرت تقف جنب والدها فى الشغل .
كانت كرمة عندها قوة تفضل سند لابوها فى الشركة حتى لم اتجوز هى مازعلتش عشان كانت بتحب والدها جدا بصراحة كان هو الاب والام المهتم بكرمة كانت فريال طول عمرها بعيدة عن كرمة المهم يا حمزة مش هطول عليك فجأة ماجى ولدت بنت واتغيرت بعدها وفضلت تضغط على والد كرمة عشان تطلق وسابت البنت و خدت فلوس وكل إلا طلبتة عمى كامل ادهولها عشان خاطر الطفلة وهى سابتها عمرها شهرين وعرفت بعدها أنها سافرت روما من وقتها وكرمة هى إلا ربت ايسن وكانت هى الام الحقيقية وحتى بعد وفاة والدها ايسن هى أهم حاجة فى حياتها ورفضت أى ارتباط عشان خاطر ايسن وماكنتش مقتتعة بالحب دة خالص دايما تقول مافيش حب الحب دمر قلب بابا وجرحة ومش هقبل بالحب إلا يجرح ويكسر ويدمر كانت بتقول الحب دة هلاك. بس واضح انك ليك تأثير كبير يا عم حمزة
حمزة .طبعا يا بنى انت مفكر اية .
طب ماتعرفش اى معلومة عن اهلها عن سكنها
عبدالرحمن. لا ماعرفش
حمزة. يبق المقدم سيف هو إلا يساعدنا فى وجود مكانها
عبدالرحمن .طب ما تكلم نادر
حمزة .نادر وكيل نيابة لكن سيف مقدم شرطة هيكون أسرع وهيوصل لضابط إلا جى نفذ حكم المحكمة بسهولة
عبدالرحمن. تصدق صح الظابط دة هو إلا هيوصلنا لو حد مع ماجى لو مش متاكد ان كريم سافر وانا بنفسى إلا موصلة المطار كنت قولت اكيد هو ورا إلا حصل
حمزة. معقول تكون حنت لبنتها فجأة كدة
عبدالرحمن. مش متطقى تتخلى عنها خمس سنين وبعدين ترجع تحن
حمزة .انا هعرف قرارها بس معاك صورة ليها
عبدالرحمن. ههههه عشان ملك تقتلنى ههههه تعالى يمكن نلاقى ليها صورة فى أوضة المكتب
.......بقلم فاطمة الألفى........... ...
فى فيلا أكمل زيدان
أكمل بصدمة. ايسن مالك
ايسن بتعب .تعبانة يا عمو
أكمل. انتى وشك احمر اوى من اية كدة وكمان ايدك فى اية
وضع يده يلمس جبينها وجد حرارتها مرتفعة.
أكمل. وكمان فى سخونية خليكى هنا وانا راجعلك تانى.
صعد إلى غرفة ماجى واقتحم الغرفة وجدها نائمة .
أكمل . ماجى انتى يا زفتة قومى شوفى البنت مالها
ماجى بكسل. وانا مالى
أكمل. البنت تعبانة وجسمها كله بقى لونة احمر وسخونة قومى اعمليلها اى حاجة
ماجى ببرود .حد قالك انى دكتورة ماتتصرف
أكمل بغضب .انتى مابتحسيش دى مهم كان بنت أختك ولا ماعندكيش قلب خالص
ماجى .اوف هى ليلة مش معدية انا عارفة .
ذهبت معه لترا الصغيرة .
ماجى .نهار ابيض هى وشها احمر لية كلت اية
أكمل.اكلت شوكولاتة بس
ماجى .ممكن عندها حساسية من الشكولاتة روح الصيدلية وخدها معاك ممكن تاخد ابرة عشان الحساسية
أكمل. يابرودك يا شيخة البنت مولعة نار
ماجى .بص انا قولتلك تتصرف ازى وانت حر بقى
أكمل بغضب. ماشى يا ماجى بس لم ارجعلك بس
حمل الصغيرة ووضعها بسيارتهُ وتوجه إلى أقرب صيدلية ليعالج وضعها....
......بقلم فاطمة الألفى.........
كانت نائمة بغرفتها ولكن هاجمها بعض الكوابيس فهى تخشى على صغيرتها وغير مطمئنه فى بعدها وفجأة فتحت عينها بقوة وتهمس باسمها وهى متعرقة بشدة وكانها فى سباق من الجرى ونفسها متقطع.
جلست على الفراش بخوف وامسك بصورة والدها الراحل وظلت تبكى فقدانه وغياب صغيرته.
كرمة بدموع .انا اسفة يا بابا الأمانة إلا حضرتك سبتهالى ماقدرتش احافظ عليها جت ماجى خدتها منى بس والله هرجعها انا ماقدرش اعيش من غيرها هى بنتى قبل ما تكون اختى وهى حتة منى ومش هتخلى عنها اكيد ماجى عايزة فلوس وبتلوى دراعى انا هديلها إلا تطلبة بس ايسن ترجع اوعدك أن ايسن هتكون فى امان معايا وهرجعها بسرعة .
وامسكت الهاتف الخاص بها وجدت ماسج .
كرمة باستغراب .من مين الرسالة دى وفتحت الرسالة لتتفاجئ انها من أكمل.
( دلوقتى اتاكدتى أن مش بخسر بسهولة ، أكمل عمرة ماخسر ولا هيخسر يا كرمة ونقطة ضعفك فى الأمان ماتخفيش )
كرمة بصدمة .اكمل هو إلا وصل لماجى هو السبب
حاولت الاتصال به ولكن الهاتف مغلق
كرمة بوعيد .ماشى يا أكمل بتلوى دراعى بايسن ، اكيد ماجى عند أكمل وهو إلا خطط لكل دة
ابدلت ملابسها على السرعة وتركت الغرفة وهبطت الدرج متوجها إلى الجراج لتقود سيارتها متوجها إلى فيلاته الخاصة .
ولكن استوقفها صوت حمزة وعبدالرحمن بقلق .
كرمة انتى رايحة فين
كرمة بقلق .رايحة اجيب ايسن
حمزة بابتسامة. تجيبها منين يا حببتى ممكن تطلعى أوضتك ترتاحى واحنا هنصرف
كرمة بقوة .انا عارفة هى فين يا حمزة لازم اروحلها هى دلوقتى بتعيط ومش هتبطل عياط غير لم تشوفنى سبنى يا حمزة
حمزة بهدوء .طيب هى فين
كرمة .عند أكمل زيدان
حمزة وعبدالرحمن .مين .
....بقلم فاطمة الألفى...........
فى محل الجواهرجى.
كانت تختار شبكتها واختارت سوار رقيق وسلسال قلب به فص احمر جذاب وخاتم ودبلة رقيقة..
كان نادر يقف خارج المحل ولمح سيلين قرب اليها ليتحدث معها ويخلق حوار بينهم لتعارف.
نادر بابتسامة. عقبالك وعبقالى يارب
سيلين بصدمة .عبقالك تانى ازى
نادر بعدم فهم .تانى تقصدى اية مش فاهم
سيلين ببراءة. مش انت قصدى حضرتك متجوز عايز تتجوز تانى
نادر باستغراب .مين قال كدة انا مش متجوز
سيلين .امال ابية قال انك متجوز لية بقى
نادر بصدمة .بقى كدة يا حمزة ماشى طب هو انتى سئالتى علية ولا اية
سيلين بخجل .لا والله دة هو قال نعم جايا زين بينهد
تركت نادر وذهبت إلى أخيها تدارى الموقف المحرج..
نادر لنفسة. بقى بطير عروستى وربنا ما انا سايبك يا ابو نسب ههههه...
.....بقلم فاطمة الألفى.........
بعد معالجة ايسن عاد إلى الفيلا وضعها بالفراش وظل جانبها يتفقد وضعها فهى طفلة بريئة ليس لها ذنب فى كل هذا ..
ونام بجانبها وهو يضع لها كمادات لتخفيف حرارتها وتبين انها تعانى من الحساسية من اكل الشكولاتة....
..................
فى فيلا الحناوى
قصت عليهم ماذا طلب منها أكمل الى ان جاءتها الرسالة التى تدل على انه ورا عودة ماجى ..
حمزة بعصبية .نعم كل دة يحصل ولسة فاكر تقولى دلوقتي يا كرمة وكمان عايزة تروحى تقابلية كدة عادى وانا اية طيشة ماليش لازمة بقى
عبدالرحمن . اهدى يا حمزة هى ماكنتش متخيلة أن كل دة هيحصل
كرمة بوعيد. ماحدش هيرجع ايسن غيرى..
......
يتبع