#بين_قمرين_2
همس القوارير
البارت 5
من رحت لبيت عمي وصاحت عليه ضحى ادخل للاستقبال فتت جوه والگها لابسه دشداشه نص ردن ومخليه مكياج ورافعه شعرها وصايره حلوه وصغرانه لان مضعفه نفسها
دخلت
وسام
السلام عليكم
ضحى
وعليكم السلام شلونك وسام
وسام
تحت رحمة الله انتم شلونكم
ضحى
بخير ما دامك بخير
اجتي گعدت يمي حشگ باوعت عليها بأستغراب
ضحى
شنو ما اشتاقيتلي
وسام
ههههههه موديه عليه علمود تگولين ما اشتاقيتلي
ضحى
لا مو بس هيج ليش متريد تشوفني
وسام
زمن الاشتياق راح گولي شعندج
ضحى
هيج حبيت اشوفك
وسام
ضحى من الاخير اني مو طفل وتضحكين على عقلي گولي شتردين
ضحى
اريدك انت
صفنت بوجها هاي شغيرها مو جانت تموت مني شنو الي تغير وهسه رادتني
وسام
من شوكت هالحجي
بيج قصص همس القوارير
ضحى
من اول ما رجعت وشفتك واني گلبي موتني عليك يريدك
وسام
ههههههه عندج لعبه اني اريدك وما اريدك وين جنتي من جنت كل يوم اجي واتوسل بيج حتى ترضين ترجعيلي وين جنتي واني اموت من شوگي الج ولجهالج وانتي مسافره ما تدرين عني وين جنتي. اني اعاني وابجي مثل النسوان عليكم واترجى شاشة موبايلي حتى اشوف خيالج وانتي لا يمج ولا گرباج ضحى وسام الاولي مات قتلتي كلشي بيه وسام هسه قسته الدنيا وفراگم خلاني على كلشي اصبر
ضحى
لا تنسى انت همين غدرت بيه وطعنتني بضهري وتزوجت عليه اني ما اتحملت اشوفك بحضن غيري عفت الدنيا وهجيت حتى لا يحترگ گلبي واموت مو بس اني غلطت
وسام
وشنو الي تغيير وخلاني هسه اصير عزيز لا تضحكين على نفسج اني ليليه بحضن دموع عگب ما خليتي حضنج فارغ شنو التغير بعدني متزوج ضحى شنو الترديه گوليها من الاخير
