بين قمرين 2

البارت 10

#بين_قمرين_2

همس القوارير

البارت 10

فد يوم دخلت للبيت گعدت تغديت وريحت اجت امي هذا ورى اسبوع من زعلت دموع

امي

يمه وسام اليوم نروح اني وضحى نرجع دموع

وسام

يمه خليها مو وكتها هسه وبعدين ليش ضحى تروح ما تروح

امي

لا يمه الزعل مو حلو وليدي وهي مالها غيرنا احنا اهلها راح نروح اليوم ونرجعها

باوعت على ضحى

ضحى

وسام لا تخاف ميضل ابالي والله عادي تعودت على وجودها ادري بيك تخاف على زعلي صدگني ماكو شي خلاص اني اروح ويه خالتي ونرجعها

وسام

اصيله حبيبتي ادري بيج ربي يخليج الي بس انتي ما ترحين تولي شنو وتطخيلها راس اني احل اموري

ضحى

لا وسام ميخالف مهما يكون هذه ام امونه واذا اروح مو لخاطرها اروح لخاطرك ولخاطر امونه

وسام

اي ماكو داعي امي تروح كافي

ضحى

لا خالتي متگدر تروح لوحدها اني اريد اروح لخاطري اقبل

وسام

والله عليج اني براحتج تردين ترحين روحي

وفعلاً العصر وراحت امي وضحى يرجعون دموع

ضحى

صحيح اني متأثره من وجود دموع بحياتنا وداشوف تأثيرها على وسام داشوفه شلون متعلق بيها وماله خلگ البيت من وراها كل مرأه تحس بزوجها وتعرف بشنو ديحس اني بكلشي اقارن وياها حتى بنضرته ألها تختلف حتى بوجودها وسام طبعه يختلف واحس بيه مرتاح ويضحك من غابت دموع غابت فرحته وضحكته وياها  خلاص اني حياتي لاطفالي كلشي يغتفر للزوج من يعصب او يغلط او يضرب اله الخيانه حياتي صارت وياه كانما مصلحه وما يهمني ان كان وياها او وياي اكو شي داخلي انكسر ومستحيل يتصلح وسام الها اخذيه يا دموع اخذيه هنيأ وعافيه عليج ما الومج بلي تسوينه هذا اقل شي يستحقه اهم شي بحياتي اطفالي وامونه الي اخذتني الها العاطفه والشفقه وخلتني احن عليها احبها كانما بنتي ولعباتها حلوه عكس الاولاد سبحانك ياربي البنيه فعلاً تجيب معزتها گوه  واني طبعي احب البنات بس ربي ما قسملي الحمدلله من گلت اروح ارجع دموع خلاص صارت حياتي ويه وسام مصالح ميهمني بعد

بيج قصص همس القوارير

من شفت وسام هيج متعلق بدموع حجت وياي خالتي ام وسام