بين قمرين 2

البارت8

#بين_قمرين_2

همس القوارير

البارت 8

استغربت من تصرف دموع وخيرتني بينها وبين ضحى

دموع

وسام مستحيل اقبل بهالشي ولازم تختار لو ضحى لو دموع 

وسام

انتي تخبلتي شنو هالحجي طبعاً ما راح اختار اثنينكم طبعاً

دموع

مستحيل اقبل بهالشي تدري بيه ما اتحمل ولازم تختار وانطيك مهله تفكر بيها وتختار وحده منا

خلتنا وطلعت

ضحى

خلاص وسام روح يمها اني عادي گتلك باقيه علمود جهالي مو مشكله

وسام

هو شنو بكيفجن اني وحده تجر طول وحده عرض شنو مالي راي لو ما عندي شخصيه اني بكيفي واني الي اقرر منو تبقى ومنو تروح واثنينكم تبقن مثل ما انتم وليله الج وليله الها يعجبها يعجبها ميعجبها مشكلتها اني ما متفرغ بس لمشاكلكم

فعلاً الي ياخذ اثنين ميرتاح من المشاكل بقيت يم ضحى وبعدين صعدت فوك لدموع لگيتها لازمه موبايلها وتراسل وتضحك من شافتني عافته يمها ودارت وجها عود متحجي وياي تقربت منها

وسام

شوفي حبيبتي اني ما راح اعاتبج على الحجي الي حجيتيه بس راح اكولج شي وخليه گطنه بأذنج ضحى الها حقوق حالها من حالج ومثل ما انتي زوجتي هي همين وألها نفس الحقوق وانتي الي اجيتي عليها مو هي ومن اخذتيني تعرفين كلش زين اني متزوج وعندي اطفال

دموع

اي اعرف وهي جانت غلطتي

وسام

يعني هسه انتي غلطانه ومتندمه لان تزوجتيني مو

دموع

لا ما متندمه لان تزوجتك بس متندمه لان تزوجت انسان متزوج وعنده اطفال حتى الفرحه وياكم ما احس بيها احس اني غريبه عنكم

وسام

اي ليش تبعدين نفسج تقربيلهم وعيشي وياهم وانتي ليل ونهار حابسه نفسج بغرفتج حتى بنتج ممهتمتلها كله عند ضحى وتحب ضحى اكثر منج ليش هيج تبعدين نفسج عنهم كلهم يحبونج ومتقبلينج وياهم ومو يمج بس انتي تدورين المشاكل دواره

دموع

ان شاءالله اتغير بس هسه عندي دراسه واريد اكملها

وسام

واني همين طالع عود من تخلصين نزلي يمهم

عفتها ونزلت يمهم بقت هيج مشاكلنا على ابسط الامور وطلبات دموع الي الها اول ومالها اخر وضحى بقت مثل ماهي لازمه البيت ومداريه الكل واني يوم يم ضحى ويوم يم دموع شگد جنت اگول ضحى تغار طلعت دموع اكثر هاا حضنتها هااا بستها روح يمها حجيتلها مثل محجيتلي اوووف مشاكلنا جداً تافهه ومالها معنى