بين قمرين 2

البارت 3

#بين_قمرين_2

همس القوارير

البارت 3

السلام عليكم اكيد ما نسيتوني اني وسام الي شبعت منكم مسبه وغلط بسبب ومن غير سبب ورغم كل هذا كل انسان ورائيه ويعكس تربيته واخلاقه طبعاً

ما اگول شگد تاذيت بغربة اطفالي وما اگول على حجم الهم والقهر الي عشت بيهم واني بعيد عن ضحى وجهالي حرمتني منهم سنه ونص واني وامي شفنا الويل صارت عندي بنيه من دموع بيوم جنت گاعد بعتبة بابنا  واجاني صافي

صافي

السلام عليكم ابو محمد شلونك

طبعاً لسه باقي زعل بخاطري منه ورديت عليه من ورى خشمي

وسام

وعليكم السلام

صافي

خويه اجيت اگلك عگب باجر يجون ضحى والجهال

وسام

جان بقت بعد اخاف بعدها ما شبعت غربه ودياحه

صافي

شنو هالحجي وسام لا تنسى هاي بنت عمك وام اطفالك

وسام

اني مناسي هالشي انتم الي نسيتوه وخليتونا علج بحلوگ العالم

صافي

الراح راح ياخوي ولا تنسى فد مره احنا ولد عمك واخوانك وخوال جهالك وجيت اگلك عگب باجر يجون

وسام

هلا بيهم ومرحبا ينورون البصره  

ما انكر طرت من الفرحه وما صدگت دخلت يم امي لگيتها گاعده هي ودموع ومخلين امونه بينهم ويلعبونها

وسام

يمه الي يگلج هسه بشاره حلوه شنو تنطينه

امي

يمه شعندك من بشاره کول

وسام

گولي شتنطيني اذا ابشرج بشي يفرحج

امي

ازوجك الثالثه وتباوع على دموع وتضحك

وسام

اي هذا الحجي الزين انه متاكد راح تفرحين حضري المره لعد

دموع

لا عيني لا تبشرها ولا تبشرك منريد نسمع شي

امي

هههههه نضربت مصالحها ومقبلت يمه منجن النسوان احجي يمه معليك بيها المره حاضره وغمزتلي

دموع

يا خاله واني عبالي تحبيني وتحبين امونه لا تحجي وسام

وسام

.ههههه شبيج ام نص عقل هو انتي ومخلصان منج هنوب اجيبلي عله ثانيه