بين قمرين 2

البارت11

#بين_قمرين_2

همس القوارير

البارت 11 والاخير

كذابه انتي للاسف طلعتي كذابه

لا عرفتي معنى الصدگ لا واصله لبابه

بالوجه شفتج ذهب وبالضهر شفت العجب

مخدوع تاليها الگلب من اغلى احبابه

بناري صرت احترگ من شفتج بعيني

تبيعين اجمل حلم ما بينج وبيني

ما جنت اضن العيون ذيج البريئه تخون

مخدوع تاليها الگلب من اغلى احبابه

صورتي حبج ألي دنيا ونجوم وگمر

وكلتيلي لا ما احب دونك يا اغلى البشر

كل الحجي الگلتيه لغيري هم بعتيه

مخدوع تاليها الگلب من اغلى احبابه

..............💔💔💔💔...............

هذا لسان حال وسام من شاف دموع بالكليه

من دخل وسام للكليه وشاف دموع
كانت مفاجئه بالنسبه اله لگاها گاعده على مصطبة الكليه ولازمه ايد ولد شاب وهو همين لازم ايدها وبعيونهم متروسه حب وأمل ما اعرف شلون تجرأت ما اعرف شلون سمحت لنفسها ان تخوني هي انسانه متزوجه وعدها طفله شلون گدرت تنسى هالشي عرفت سبب تغير دموع عرفت ليش تريد تطلگ عرفت سبب كرها الي ولعيشتي مجان بيه العيب العيب بيها هي يا كبرها عند الله

تقربت عليهم والطريق احس بيه طويل هي مسافه قصيره بس نار گلبي طويله

هي من شافتني عافت ايد الولد وگفت وكل الخوف الي بالدنيا شفته بعيونها ذيج اللحضه  ما حجت بس عيونها شابحه ومتفاجئه

تمالكت اعصابي بصعوبه بحيث اختنگت وگوه طلعت مني الكلمه

وسام

جيبي اغراضج وامشي گدامي

هيج حجيتها او يمكن حجيت غير شي بس اني ممركز ولا بوعيي احس الشرار يطلع من عيوني وصلت الحرگه لراسي

بدون متوجهلي اي كلام وبهدوء جابت كتبها وجنطتها  وصعدت السياره وهي تبجي اني من گد العصبيه ضليت اضرب الستيرن وضربتها راشدي بحيث سمعت طگة رگبتها  بكل ما عندي من قوه وعيوني شبت نار بدون ما انطق اي كلمه

دموع

وسام اسمعني

وسام

اششششش صوتج ينرفزني اسكتي لا ادفنج هنا وربي

گمت اتخطى كل السيارات ضربت اشارت المرور بحكم هويتي طريقهم طويل مدري اني هيج احسه

اخذتها گبل لبيت اهلها دگيت الباب كل قوتي طلع عمها  دفعته ودخلت ودخلتها وشمرتها على بيبيتها
وهو اجه يركض وراي