بين قمرين 2

البارت 9

#بين_قمرين_2

همس القوارير

البارت 9

بعد العركه الي صارت الصبح ورحت للدوام برجعتي للبيت تفاجئت بدموع تاركه البيت

هاي وتالي وياها حيل تغيرت من رجعت ضحى لليوم عمري ما فكرت بهيج مشاكل كل ضني ارتاح اووف من المشاكل

وسام

هاا يمه لعد وين دموع وضحى

امي

يمه ضحى تنوم امونه وتجي ودموع عافت البيت وطلعت

وسام

طلعت وين ولت وليش خليتيها تطلع يمه

امي

يمه انت من طلعت هي نزلت وشايله جنطتها صحت عليها يمه دموع تهدي بالرحمن يمه المن طالعه من بيتج ماكو شي ماله حل وتلگينها الاسواره  اذا بالبيت متروح ما شوفها اله علت صوتها عليه

دموع

لا اني اروح مو عبالكم مالي احد وتاكلوني والله اله اخلي عمامي يكسرونكم تكسر بسيطه اني دموع تغلطون عليه وتضربوني اله اخليها كعدت عشاير وشوفي انتي وذيج العجيز انه الها الحراميه والله تتندمون

امي

احترمي نفسج شنو هالحجي ضحى طول عمرها نفسها عزيزه لو تريد فلوس لو ذهب تطلب من وسام رجلها هو المسؤل عنها وهو ما يقصر  وياها شنو مخليجن بعازه ماكو داعي تمد ايدها للحرام

دموع

لا هي تريد تغثني ووسام يضربني وتبرد نارها هاي كله من غيرتها وحقدها  لان اخذته منها انه ألها اذا ما شوفتها منو دموع

امي

تردين ترحين روحي لا تصعدين ضغطي بحجيج الماصخ

وبدت تجر بجنطتها وتطلع

امي

تعاي ولج وبنتج  شلون بيها

دموع

البنت بتكم مو بنتي ضحى ربتها مثل ما ربت ولدها وما تشرفني اخذها خليها يم ابوها هم تطلع مثله ما اريدها

امي

يمه وسام عافت امونه مفرفحه من البجي وطلعت يمه مجانت هيج قاسيه وقويه  شجاها هالدموع ليش هيج تغيرت شنو صاير

وسام

والله ما ادري يمه علمي علمج ما ادري شنو الي جاي يصير اني العصر اروح لبيت خالتي واشوف شنو السالفه اكيد خالتي ما ترضى على حجيها هذا بلكت تعقلها وشويه تهدئ وهم احجيلها عن كل مشاكلها حتى يربونها عدل

امي

لا تقهر روحك يمه كلشي اله حل اهم شي صحتك روح  غير ملابسك وتعال تغدى وارتاح