#بين_قمرين_2
همس القوارير
البارت 7
وسام
ما انكر فرحتي برجعة ضحى فعلاً ارتاحيت من شفتها بيتها من جديد وشفتها شلون رجعت تهتم للبيت. الجهال وبالاخص اهتمامها بأمي بس الي مستغربله معقوله لحد الان تحبني وباقيه على ذكرياتي يمكن تندمت او يمكن عرفت بقيمتي بالبدايه جنت زعلان عليها بس من بعد رجعتها حسيت دارتاح بوجودها ويانا دموع بدت تداوم كليه مر على دوامها شهر تقريبا وبالنسبه علاقتي بضحى مثل ما هي ابات كله يم دموع ومرات تصير بين ضحى وبينها بعض المشاحنات واحاول احلها بطريقتي بدون ما اجرح وحده منهن مهما يكون هن شرايج وحده متحب الخ وتصير بعض المشاكل والغيره بينهن يوميه يجي ابو الخط على دموع وصار عدها صديقات وشله تجي تسولفلي مرات
دموع
شوف وسام احنا گروب بيه سته اربع بنات واثنين اولاد احمد وأياد كلش حبابين
وسام
هاي شنو احنا شگلنا من البدايه مو اولاد ماكو لا تخليني وربي ابطلج واخليج كاعده بالبيت
دموع
شسالفه وسام شنو هالتخلف احنا اخوه واصدقاء وحيل حبابين يعاملونا مثل اخواتهم
وسام
دموع كافي گتلج شباب ما اريد لا تحجين وياهم ولا تتقربيلهم شنو وين عايشين احنا متگليلي
دموع
مو مرات نحتاج ملازم او شغلات هم يجيبولنا ولد اشراف وخلوقين
وسام
اگلج بطلي سوالفج التعبانه احسن لا تعمين على روحج شنو تردين اني اجيبلج انتي وصديقاتج بلا لغوه زايده افتهمتي لو لا
دموع
هو شنو السالفه ليش بس اني هيج كلها بالكليه گروبات شباب وبنات وانت حارمني من كلشي يعني شدنسوي دنطلع وياهم شصار عليك
وسام
اشو انتي تعلين صوتج لا تخليني اكسرج والله يعني لو تحجين ويه الشباب لو ماكو احترمي نفسج احسلج وصوني نفسج لا تخليني اتصرف وياج تصرف تتندمين عليه
بيج قصص همس القوارير
دموع
اي هو انت گادر بس عليه مرتك هذيج العجوز فرت الكره الارضيه كلها وعاشرت اشكال والوان وتالي رجعتها
متحملت الكلام ضربتها راشدي ولزمتها من شعرها
وسام
شوفي هالمره حجيتيها المره الثانيه ادفنج بمكانج وما اخلي الذبان الازرك يندل طريقج افتهمتي لو لا
عفتها وطلعت لان اذا بقيت راح ابتلي بيها لان كلش غثتني بسوالفها
نزلت يم ضحى وامي كاعدات يشربن جاي وياكلن كليجه وكرزات والجهال نايمين نزلت واني مشتعل من الغضب شگد ارتاح من اشوف امي مرتاحه وتضحك
