ملكتها رغما عنهم

البارت السابع

السلام عليكم ورحمة الله وبركاته//اخواني واخواتي حددت ايام لنشر القصه ..وهي الجمعه و الاحد والثلاثاء

.....ورح انزل قصه ثانيه عنوانها(اسدٌ في الحرب والحب )كل اربعاء وسبت اذا عجبتكم تابعوهاا..رح انزل اعلان الها وبيوم الاربعاء ان شاء الله انزل البارت الاول...مشاهدة ممتعه ....
ملكتها رغما عنهم 🔥
بارت7--

الكاتبة لحن الحياة...

في بيت باسل///
ام باسل:-يمه ابوك ميگدر فد مرة گلبه يوجعه.

:-لا يالله...رحت اركض على والدي ...ها بويه اسم الله شجاك..يمه جيبي كرسي.خل اگعده. بين ما اتصل على صاحبي يجي ياخذنه للمستشفى

:-اي يمه صار..
:-ميحتاج بس انطوني الدوه هسه اصبر احسن

:-لا يابه ميصير لازم اخذك للمستشفى ..

:-لابويه .مايحتاج..

ام باسل:-هذا الدوه ..يمه باسل ترى ما باقي شي و يخلص دوه والدك.

:-هسه ما اتأخر اجيب دوه وارجع....اتصلت على فراس ياخذني للصيدليه اجيب دوه للوالد ما طول فراس واجه ردت اصعد  بالسيارة انتبهت على بيت اهل رووز اكو ٤سيارات بالباب .استغربت.. شنو السالفه بس ما اهتميت بگد ما خايف على والدي ......

في بيت روز...ٍ.......
روز:- رجعت للبيت وشفت سيارات بباب البيت ..دخلت سلمت .واشوف امي وعباس فرحانين ماعادا عبير... أسألهم .يگولون بعدين تعرفين ..ويضحكوون.اسم الله الرحمن شبيهم ..خل اولي فوگ.احسن..كنت اتمشى عالدرج واجت عبير تركض وراي...شكو ولچ.شصاير.

:-اصعدي واني افهمچ...دخلنه الغرفتها ....وچ رووز تدرين منو جوة وليس اجواا

:-منو. وليش..احچي گطعتي گلبي..

:-وچ.روز الناس اجو خطابة عليچ..والولد صديق عباس.شنو كان اسمه..ا.هاا اتذكرت. اسمه لو وائل لو نائل.

:-شنوووووووووو😱😱 گولي غيرها..لا ياربي اكيد هذا اخوچ مخبل ما بي أمان هسه يوافق..اهئئئئئئئ ...ههههه .ولچ عبير .اكيد اني بحلم وهسه اگعد وكأنه ماصار شي ...

:-دمعت عيني عليها .روزز لا مو حلم واقع ...واهلچ موافقين تدرين ليش موافقين لان اغنياء مثلنه. شلون تفكير عدهم ..
:-اكيدتشاقين...گولي غيرها عبير. اهئئئء ...الله لا يخليني... ان شاء الله اموت واخلص..اوووووووف 😭😭😭😭😭😭ليش ربي ..والله ما اوافق خل اموووت اهوون من زواجي من واحد ما ارغب بي ..

؛-كافي يروحي والله مو بكيفهم يوافقون هاي حياتچ وانتي حرة بيها.

ام محمد:-عباس يمه انته ضامن هذا صاحبك..متأكد خوش ولد .

:-اي يمه ومنلگه واحد احسن منه واني وعدته ازوجه اختي ووعد الحر دين.

:-الله يقدم اللي بي الخير..بس اشوف اختك يلا مو تنطوهم حچايه قبل لا نتأكد من روزه