ملكتها رغما عنهم

البارت الثامن عشرر

السلام عليكم ورحمة الله وبركاته.
ملكتها رغما عنهم
بارت١٨

&&&-----الكاتبة لحن الحياة----&&&

يوم العقد...
روز :-عزمت آية وفرح وامي عزمت خالاتي وعماتي. واقاربنه البقيه

ام محمد:-يلا بنتي حضري نفسچ حتى محمد ياخذنه للصالون

:-لا يمه والله ماكو داعي اروح الصالون هسه ..هو بس عقد

آية +عبير:-اي لتروحين احنه نتعلم بيچ.

ام محمد:-لا هسه اني ادز على ام الصالون ..خل تجي للبيت ...اتصلت عليها طلع عدها كومه عرايس ومتكدر تجي..اتصلت على وحده ثانيه جهازها مغلق ..وچ شلون هسه امشي خل نروح الاي صالون لازم تطلعين حلوة..شتگول علينه الناس ..

روز:-يمه صدگيني ما يحتاج.

عبير:-يمه هسه احنه نمكيجها. وهم بنفس الوقت نتعلم بيها

:-والله يمه مدري ..بس اشتغلن عدل.مو تفشلنه گبال الناس

آية:-لتخافين خاله..اعتمدي علينه

روز:-عبير وآية -طلعن مكياج الوجه عاليوتيوب. يريدن يتعلمن بيا الثولات ..كل وحده تسحب وجهي من جهه

آية:-اگلج عبير هذا الضلال احلى ويا لون الفستان

:-لا ولچ هذا احلى واقرب للفستان.

:-اهوو لتعاندين گلت هذا احلى

روز:-كافي اششش ثولتني الله ياخذچن امشن ولن عابت.

آية:-اش اسكتي خليني اركز

عبير:-ايي صدگ روز اسكتي خل نطلعچ حلوه حتى باسل يتفاجأ من يشوفچ

:-الله اليستر منچن.زين جيبي المرايه خل اشوف خلقتي شسويتن بيها

عبير:-لا حبي خليها مفاجأة

:-استغفر الله ربي.

فرح؛-هلاوووو بنااات😃 .عالخير روزة الف الف مبروووك.فرحتلچ والله

:-هلاووو خبله يوم الي الچ

:'تسلمين هههخخخ ولچن شدتسون وچ روز گومي شوفي وجهچ بالمرايه. والله مزورقاتچ..هههههه

:-وچ آيه عبيرررررر شسويتن بيا الله ياخذچن عبير جيبي المرايه بسرعه.

:-هاچ 😅😅..

:-😳😳😳يااااااا صخام بوجهچن يا حقيرات والله مو راح يتفاجأ رح يشرد. سود الله وجهچن

آيه +عبير:-هههههههههههاي. خل نشرد هههههع

:-الله لا يوفقچن كون. بسيطه وين تروحن من ايدي والله الا الگفچن

فرح:-غسلي وجهچ هسه اني البخه هههههه خل يولن هذولي العوبات وين يفتهمن بالمكياج