ملكتها رغما عنهم

البارت الاخير

السلام عليكم ورحمة الله وبركاته
ملكتها رغما عنهم
بارت ١٩الاخير
&++--الكاتبة لحن الحياة&--++&

عبير :-هسه...هااا يمه شكوو . شبيچ

:-وچ يمه صار انفجار قريب علينه ويگولون اكو ٣شباب راحوا بالانفجار

:-يااااااااااا وزين خو ما اكو احد نعرفه وياهم.

:-وج يمه يگولون يمكن باسل وياهم لان تأخر صارله ٤ساعات وهو مو بالبيت..

:-😱😱😱عزةة زين شمدريهم .منو يگول باسل ..

روز:-ما تحملت گمت اريد اشوف شكوو. مااهتميت الاي احد دا احس اكو شي مو طبيعي ونغزه بكلبي كنت حاسة فرحتي مراح اتم ...بس وصلت سمعت كلام امي 😳😳 لا باسل مستحيل..خربت ووگعت ..

؛-روووووزز يمه اسم الله شجاج ..😭😭😭يمه اگعدي صخام صخمني 😱😱 عبير روحي صيحي ابوج او واحد من اخوتج خل ناخذها للمستشفى. بسرعه ..

:-اي يمه هسه.

في بيت ابو باسل--''-

الكل :-سمعنه صوت انفجار قريب رج البيت رج ..طلعنه نتراكض ..وصلنه لگينه النار مشتعلة و٣شباب بالانفجار..٢منهم  اصابة وواحد لاا....لا اله الا الله. محمد.رسول الله..اخذناهم للمستشفى واكو واحد من المصابين مات..بقى فقط واحد.

ام باسل:-يمه راح وليدي مني ما عندك بخت بهاي الدنيا. .. .😭😭😭ياعلي يا ابا الحسن دخيلك...كون ترجعلي وليدي سالم

ام عظيم :-استهدي بالله ام باسل لتفاولين على ابنج ان شاء الله مو منهم

ام باسل:-مرت ساعتين لا باسل ولا ابو باسل .....ماكو اي خبر. بعدها اتصلت على ابو باسل.  رد علي.گتله الوووووو ابو باسل گلي شصار و منو راح بالانفجار./

:-والله للان منعرف منو .الله يستر ...

المضمد:-بس من رخصتكم...هم عدكم ابن بهاي الاسماء ...الي عرفناها من خلال هوياتهم ..

:-لا ياربي دخيلك...ان شاء الله مو باسل..

:-الاسم الاول//حيدر..والثاني بدر.والثالث.............عادل.

:-شنو اخر اسم ابني ...

:-عادل ..

:-اهاااا تنهدت وجريت نفس قوي .وكلبي هدأ شويه ..بعدها رجعت للبيت ..وبشرتهم انه ماكو واحد نعرفه من  ضمن الي راحوا بالانفجار..
ام باسل:-الف حمد.وشكر الك ربي..

باسل :-السلام عليكم..

الكل:-وعليكم السلام ...

ام باسل:-ركضت علي وشبگته حيل. يا يمه اسم الله عليك.يومي گبل يومك

باسل:-اسم الله عليچ.يوم..زين شبيكم شو حسبالك عدكم عزه مو عرس

:-غير انت هبطتنه تأخرت وصار انفجار احنه گلوبنه ماتت حسبالنه صارلك شي مو زين لا سمح الله