ملكتها رغما عنهم

البارت الخامس

السلام عليكم ورحمة الله وبركاته

بارت٥&&
📝الكاتبة لحن الحياة........
درت وجهي.....وكان ...................

باسل؛-رجعت اشرب مي وبرجعتي شفت وحده شالها باقي متعلگ بالباب مالت السيارة...رحت عليها..وكان يجي شخص يفتح الشال من الباب..وبعدها دارت وجهها من شفتها طار عقلي. بمجرد شفت واحد واگف گبالها ..
روز:-اشكرك اخي

:-عادي ماسويت شي..اتمنى متگولين اخي اسمي نائل..

:-(بداخلي)وسم ..عابت اعرفك تعرفني..فوگاهه لتگولين اخي....هو مشه واني صرت اگص بي..شلون نماذج..وانت منو والله حتى كلمة اخي هواي عليك...

فرح؛- هم ساعدچ وهيچ تسوين.والله يالله صوچ الي يساعدچ

؛-صح ساعدني.بس مو يقلل ادب..عابت..

آية؛-والله صح كلامچ...

&&&&&&&

باسل:-بعد ما شفت المنظر .ماظل عقل براسي. بعدها .رجعت صعدت بالسيارة ..وگلبي محترگ..اااوف يلا. يگلبي ولك گول شلون رح.تنساها .....

روز:-شفت ((باسل)) من شاف هذا الولد الي حل شالي ...وعيونه صارت تجدح.لو ما شويه يكتله...بعدين جر حسرة وراح ...اني حسيت بحرارة بگلبي ومعدتي من الخوف وخاصة من شفت خزرته...شكرت الولد الساعدني ..والنوب الحقير يگول لتگولين اخي..كلامه نرفزني ..شگد ميخجل....... شديصير وياي .زين اني ليش خفت منه.(اقصد باسل)) هو ما اله دخل بيا واذا خزر ميهمني

آية :-تحركت الزفه .ورحنه على اهل زوجة فراس ..دخل فروسي واخوي رزاق وياه..دخلنه رگصنه وصفگنه وبعدها اخذ فراس عروسته..واحنه رحنه بسرعه قبلهم صعدنه بالسيارة.حتى ما تبقى وحده ويتأخرون من ورانه...رجعنه للبيت والعرسان راحوا للفندق.....والناس تعشت ومشت..بقت بس خالتي ام باسل يم امي ..

روز:-جمعت ملابسي واغراضي الي جبتهم وياي..حتى يجي عباس اخوي ياخذني للبيت ..وفعلا اجه ..طلعت اني.شفت واحد واگف يمه رجعت ..اهوووو. هم انت ((نائل))شگد حقير كل الناس مشت.  انت شكو باقي لسه..كنت واگفه مسافه عنهم واسمع كلامهم ..وهو يگول العباس اكو بنت عجبته اليوم شافهت ...هذا الخنزير على منو يقصد ...بعدها شوية انقلع الحمد لله... .رحت سلمت على عباس وردت اصعد. هو رجع ..لا حول الله ابن الاوادم امشي ولي ما عندك.احساس. يلا عباس منرجع للبيت. 

:-صعدي ..بالسيارة ..شويه ونرجع.

روز:-صعدت...عابت الهاي العيون الزايغه. .يحچي ويا عباس ويباوع علي

نائل:-عادي ابو فاضل اخذ راحتك..

:-لا ياخوي .ماكو مشكله اي كمل  ..

روز؛-بقوا يسولفون ربع ساعه..وبعدها صعد عباس .يرادله هلهوله گللوووووش..ورجعنه للبيت...سلمت عالكل .وصعدت غيرت ملابسي وتمددت عالسرير..فكرة تاخذني وفكره ترجعني..معقوله الي گالته آية صدگ..بس اريد اعرف هو شلون عرف اسمي ..لازم اسأل آية .لا لا خل اسكت احسن ..معقولة صدگ. يحبني ..خاطر بروحه حتى ينقذ حياتي .لو ما البارحة يخلصني من السياره .كان اني هسه في عداد الاموات .وكان صار العرس عزه .واهلي مسوين فاتحه ويبچون على المرحومة روووز ههههه ..ربي شنو الحكمه من الي صار..ليش من شفت نظراته اليوم خفت حسبالك انسان يخصني ويهمني امره ..بس ياالٰهي هو فقير ..ولو كلنه فقراء في بابك ونطمع برحمتك علينه..قطع افكاري صوت عصير ...😔اقصد عبير .