ملكتها رغما عنهم

البارت الثالث عشر

السلام عليكم ورحمة الله وبركاته
ملكتها رغما عنهم.
بارت&&

&&-----الكاتبة لحن الحياة-----&&

ابو باسل:-هذا صوت الرمي من وين اجه.....طلعت اركض..فتحت الباب الخارجي ..😳😳😳بويه باسل ولك ابني اگعد..بااااااااسل

ام باسل:-طلعت ورا ابو باسل ..اشوف شكو وشنو هذا الصوت الي سمعناه لان الصوت كان  كلش قريب .سمعت ابو باسل يصيح باسل... اني .دم ما بقى بيا و .گلبي صار يرجف...طلعت بره من دون عباءه.فقدت بس اريد اعرف شكو من طلعت لگيت ابني بالگاع وغرگان بالدم رجلي ما شالتني بعد ووگعت بصفه😱.😱😭😭يمه باسل ولك يمه اگعد.   ابو باسل  ابني راح مني شوفه شلون غرگان بالدم ..يبوووووووو يمه اروحلك فدوه الخاطري اگعد

؛-خل اتصل على فراس....الو. ابني بداعة غاليك تعال بسرعه لا تتأخر.شغلة كل مستعجله

:-شكو عمي شصاير ..هسه اني جاي . بس فهمني

:-تعال وانت تعرف ..بهاي الاثناء التمت الجيران

:-ابو باسل شكو شلون صار هيچ.

:-😖😖والله ياخوتي ما اردي..علمي علمكم...حسبي الله ونعم الوكيل ..

فراس:-وصلت لگيت الناس ملتمه .يا ستار يا ربي.....دخلت بنصهم لگيت باسل سابح بالدم..تخبلت. صحت بصوت .ولك باااااااسل..عمي بسرعه خل ناخذه للمستشفى

:-اي ابني يلا ...اخذنه باسل للمستشفى ودخلوا غرفة عمليات .ساعتين واحنه ننتظر الدكتور يطلع

ام باسل :-يمه بعدني ما لحگت ازوجك.وافرح بيك ولك ليش عفتني ورحت يمه ..فجأة انفتحت الباب وطلع الدكتور........گمزت على حيلي ..ها دكتور بشر.شصار. بوليدي

:-ابنكم للاسف ..حالته خطره.ومضروب طلقتين وحده بكتفه والثانيه بالجهه اليمنى من صدره ..طلعناهن ورح ندخله للانعاش..والله يگومه بالسلامة ان شاء الله..

:-لا دكتور گول غيرها فدوة الله يخليك انقذ ابني ..اهئئئئئئ اااااخ يمه يبعد گلبي وين رايد تروح. وتاخذ روحي وياك..يابو فاضل. على بختك احضر ابني ياموسى ابن جعفر مو قبل شويه وليدي كان يمك واتعناك واجه طالب حاجته منك..ليش هيج صار بي ..ليش 😭😭😭

ابو باسل:-ام باسل خلي ايمانچ بالله كبير ..

:-ونعم بالله........

في بيت ابو محمد
ابو محمد:-من سمعنه صوت رمي طلعنه لگينه ناس متجمعه بباب ابو باسل.رحنه نشوف شكو طلع باسل مضروب طلقه...ودمه تارس المكان بعدها اخذوا للمستشفى واني وعباس رجعنه للبيت..ومحمد گال اروح وياهم

ام محمد:-ها ابو محمد من وين طلع صوت الرمي.

:-هذا باسل ابن جيرانه مضروب طلقه ..وقبل شويه اخذوا للمستشفى..