زواج ام دراسة

البارت الثالث

زواج ام دراسه
الحلقه ٣
شهد بصدمه : انت
فارس : هو إنتي
شهد بهمس : انا عارفه اني هشوف ايام سودا اصلا
فارس : اي انتي انا مش بكلمك
شهد : اي انتي دي انا ليا اسم ع فكره
فارس : وأنا حر اقول اللي عايز أقوله
شهد : حر ف البيت أن شاء الله مش هنا
فارس بص لجيداء : اطلعي بره يا جيداء ناو واوعي حد يدخل
شهد : وانا مش هقعد معاك لوحدنا
فارس : لي أن شاء هقتلك مثلا
شهد : اصلا وشك باين عليه
فارس جز ع سنانه جامد : اطلعي بره يا جيداااء
جيداء : حاااضر وطلعت بره
جيداء : ماله فارس النهارده ومين البنت دي وهو ماله شافها اتصدم لي تؤ في حاجه غريبه أكيد عارفين بعض
(فارس : ٣٠ سنه عيونه بني غامق وجسمه رياضي وبشرته بيضاء والدته متوفيه وهو عنده ١٥ سنه وأبوه هو إللي اعتني بيه )
(جيداء : بنت خالة فارس عندها ٢٩ وبتعتبر فارس زي اخوها واكتر مسكت سكرتيره عشان البنات اللي مش مظبوطين ناو خريجه تجاره )
ام جوا عند فارس وشهد فارس واقف وبيبصلها وهي كمان والاثنين بيطلعوا نار من عنيهم
شهد : يعني أنا حظي وحش اوي كده عشان اشتغل عند سعدتك
فارس : يعني أنا اللي متمسك بيكي اوي يا ختي مش كفايه اصلا اني مش طايقك
شهد : لا انا اللي دايبه ف دباديبك اوووي
فارس : يخربيت لسانك انتي اي مبرد
شهد : لا انت إللي مؤدب اوي صح زي الطياره كده
فارس : بقولك اي مترغيش كتير عشان انا ممكن اتعصب واعمل تصرف مش هيعجبك وخصوصا أني مخنوق منك
شهد : إللي عندك اعمله وريني اللي هتقدر عليه
فارس بزعيق : بسسسسس افصلي افصلي
شهد : ما تسكت انت الاول
فارس : ينهار اسود يا بنتي اسكتي اسكتي
شهد : اتنيلت سكت خير هشتغل بقا ولا اي
فارس : هو أنا عارف انطق ولا أتكلم من رغيك ده شهد : قصدك أني رغايه
فارس : لا العفو انا اللي رغاي جيداااااااااااء
جيداء دخلت تجري : أيوه يا مستر فارس
فارس. : خديها لمكتبها ابعديها عني الله يخليكي وبعد ما توصليها تعالي
جيداء : اوك اتفضلي يا بشمهندسه
شهد بتكبر : اوك  وطلعت مع جيداء وفارس قعد ع الكرسي
فارس : كان يوم اسود يوم ما دخلت هندسه انا أصلا بحب فنون جميله انا ماااالي بالموضوع ده شكلها هتجلطني البت دي وتكرهني ف الشغل بعد ما بقيت أحبه اووووووف منها لله حرقت دمي
_________________
ف المستشفى بقا جنه ماشيه زي التايهه مش عارفه تروح فين وخايفه جدا واحد قرب عليها وحط ايديه ع كتفها
جنه : ااااااااااه
هاشم (دكتور) : اي اهدي اهدي ف أي
جنه بتنهيده : أنا اسفه بس متوتره شويه
هاشم بابتسامة : كل ده وشويه آمال لو أوي كنتي عملتي اي
جنه : أنا أسفه
هاشم : يا ستي عادي فكك انا هاشم
جنه : وانا جنه انت دكتور هنا صح
هاشم : ايوه وانتي مين بقا
جنه : انا الدكتورة اللي جيه من أمريكا عشان اتدرب هنا
هاشم : هو انتي الدكتوره الجديده اهلا وسهلاً
جنه : أهلا بيك
هاشم : بس متوقعناش انك تيجي بسرعه كده ع حسب علمنا انتي لسه نازله مصر امبارح
جنه : فعلا بس أنا مبحبش أتأخر عن شغلي
هاشم : حلو كده الدكتور مصطفى هيعجب بيكي جدا
جنه : مين دكتور مصطفى
هاشم : ده بقا مدير المستشفى دي وراجل سكره والله
جنه : طب الحمدلله طمنتني
هاشم : يلا يا ستي عدي الجمايل
جنه : متشكره بس ......
هاشم : أي ف اي
جنه : احم فين مكتب المدير
هاشم : هههههههههههه ومالك متوتره كده لي مكتب المدير ف الدور اللي فوق ع طول
جنه بابتسامة : شكرا
هاشم.: لا شكر على واجب عن اذنك يا جنه
جنه : اتفضل 
استوووووب (هاشم : السن/٣٢ ، العيون / عسلي وهو عسل اصلا احم الشعر / اسود ومتوسط النعومه وجسمه رياضي لانه دكتور تخسيس 😂😂دمه ظريف وبيحب يهزر )
وطلعت جنه ع اوضه المدير وخبطت
مصطفى : اتفضل
جنه دخلت : سلام عليكم
مصطفى : وعليكم السلام اتفضلي
جنه : احم أنا الدكتوره الجديده
مصطفى : اهلا وسهلا اتفضلي يا بنتي اي اللي جابك النهارده ده انتي لسه جايه من السفر
جنه : خير البر عاجله بقا يا دكتور ☺
مصطفي : اها إنتي كده بتديني فكره عنك انك منتظمه ف شغلك وبتحبي شغلك جدا
جنه : ودي الحقيقه يا دكتور
مصطفى : تمام انتي تقدري النهارده تشوفي طبيعه شغلك عامله ازاي وبعدين تقدري تمشي عشان متتعبيش
جنه : تمام ميرسي اوي يا دكتور
مصطفى : ع اي ده انتي زي بنتي
جنه : تمام بعد اذن حضرتك
مصطفى : اتفضلي   وخرجت جنه وهي فرحانه جدا وراحت تشوف شغلها
____________
ادم راح ع شغله وهو مدايق ومهموم من اللي بيحصله ده
مهاب : خير يا بني مالك مسهم لي
ادم : مفيش يا مهاب بس مخنوق شويه
مهاب : من اي يا صاحبي تقدر احكيلي
ادم : فاكر شهد
مهاب : شهد اختك
ادم : ايوه هيا
مهاب : اه مالها
ادم : رجعت مصر ثاني
مهاب : اي انت بتقول اي
ادم : زي ما بقولك كده
مهاب : وهي فين ناو
ادم : معرفش عمي محمود قالي انها مشيت من عنده
مهاب : طب وعملت معاك شافتك
ادم : ايوه طبعا روحت لها المطار
مهاب : وعملت اي
ادم : اتنرفزت واديقت ومشيت
مهاب: انت حنيت ليها تاني يا صاحبي
ادم : اكيد يابني مش اختي
مهاب : ربنا يكون في عونك يا ادم
ادم : يا رب يلا خلينا نركز ف الشغل
مهاب : اوك ورجع لشغله تاني وهو فيه حزن كبير
ادم لنفسه : سامحيني يا شهد انا اسف
قدام المقابر وبالأخص مقبره سيد والد شهد واقفه ست وبتعيط
سعديه : أنا اسفه يا سيد سامحني والنبي والله ما كان قصدي بس ده كان شئ واقع وكان باين للكل أنا اسفه اني عملت كده بس أي اللي كان ف ايدي يا سيد مكنش ف ايدي حاجه وشهد كبرت يا سيد كبرت وهي مش عايزه تعرفنا تاني انا اسفه 😭😭😭
________________
جيداء وصلت شهد ع مكتبها
شهد : ميرسي يا جوجو
جيداء : لا عادي بس عايزه اسالك سؤال
شهد : اتفضلي يا قمر
جيداء : إنتي تعرفي فارس منين
شهد : معرفه عاديه متخديش ف بالك
جيداء : متاكده
شهد : ايوه
جيداء بعدم اقتناع : اوك باي
شهد : سلام  وقعدت وبتفكر ف اللي جي ام جيداء ف راحت لفارس زي ما قال
فارس : ادخلي يا جيداء
جيداء : اي يا فارس مالك كنت عامل كده لي
فارس : انسانه مستفزه
جيداء : هي مين دي اصلا وتعرفها منين
فارس : قابلتها ف الطياره وانا راجع من أمريكا
جيداء : ازاي
فارس : وحكلها إللي حصل
جيداء : هههههههههههه بجد
فارس : بتضحكي ع اي انتي كمان ها
جيداء : حدفتك بالازازه يا فارس هههههههههههه
فارس : بطلي ضحك بقااا انا غلطان اني قولتلك اصلا
جيداء : سوري بس مش قادره الصراحه يتخيل منظرك ساعتها هههههه
فارس : هههههههههههه. وف اللحظه دي دخلت شهد واتصمرت مكانها وفارس بص عليها اتفجئ واتصدم ومعرفش لي
شهد : احم أنا اسفه عن اذنك
فارس قام بسرعه ورحلها : اي ف اي وبعدين دخلتي كده ازاي اصلا
شهد : مهو مكنش فيه حد بره فدخلت بس مكنتش اعرف انها جوا الصراحه وبصتله باحتقار
جيداء : يا شهد إنتي فاهمه غلط الموضوع
شهد بمقاطعه : ميهمنيش اصلا فاهمه غلط فاهمه صح مش مهم وبصت لفارس انا كنت جايه اسالك ع شويه حاجات ف الشغل بس واضح أنك مشغول ف هاجي مره تاني ومشيت من غير حتي ما يرد عليها
فارس ولع وكان مضايق ومش فاهم لي يمكن عشان هو مبيحبش حد يتكلم عليه كده او حد يشك فيه واللي شاغلين معاه
جيداء : يا فاااااارس
فارس انتبه : اي بتقولي اي
جيداء : بقولك هتعمل اي اكيد اخدت فكره غلط
فارس : مش عارف
جيداء : اووووف دي آخره اني بنت خالتك
فارس : دايما سبب مصائب انتي
جيداء : انا طالعه احسن
فارس : بليز اعمليلي فنجان قهوه
جيداء : اوك وطلعت بره وفارس مش عارف يقول اي لشهد ام شهد فا هيا قاعده هتموت من الغيظ
شهد : الله وأنا مالي بيه ما يتحرق انا  حرقه دمي لي أنا مالي بيه الله اووووف لا لا اكيد عشان سمعه الشركه ده مكان شغل وبعدين شوفتي صوت ضحكهم كان عامل ازاي يااااربي اهدا يا عقلي احنا مالنا اهدي

عدي الوقت بسرعه ع ابطالنا وجي وقت انتهاء العمل
ادم : اوك عايز حاجه يا مهاب
مهاب : لا يا صاحبي تسلمي بس لو عرفت حاجه عن شهد ابقي قولي
ادم : أن شاء الله سلام
مهاب : مع السلامه ومشي ادم ام مهاب مسك الفون بتاعه
مهاب: الو
–اي رياح عطره رمتك علينا
مهاب : ده انا جيبلك اخبار عنب
–خير ؟؟
مهاب : رجعت مصر تاني
–اي انت بتتكلم جد
مهاب : ودي حاجه فيها هزار
–وعرفت منين
مهاب : من ادم طبعا
–امممممممم وهي فين
مهاب : اهو ده بقا اللي معرفوش
–ازاي يعني حتي اخوها ميعرفش
مهاب : ايوه ميعرفش
–امممممم طيب اقفل وانا هتصرف سلام
مهاب : مع السلامه. وقفل مع الشخص المجهول
_____________
طبعا جنه خرجت من المستشفى وروحت ع البيت
جنه : بااااابي
محمود : حبيبه بابي عامله ايه
جنه : تماااااام
محمود : وعملتي اي ف المستشفى
جنه : كان تمام والمدير هناك طلع طيب اووووووووووي
محمود : طب الحمدلله
جنه : الحمدلله. مالك شكلك متغير
محمود : بصي يا جوجو انا ضروري لازم اسافر بره مصر عشان شويه شغل
جنه بعدت عن بابها : عايز تسافر
محمود : يا حبيبتي ده شغل
جنه : شغل شغل شغل حياتك كلها شغل ف شغل وانا فين بنتك فين من الشغل ده ها حتي ساعه موت ماما مكنتش معانا كان عندك شغل بردو صح انا سافرت وانت مكنتش معايا بردو كان عندك شغل ودلوقتي انا رجعت مش من شهر ولا اثنين لا ده امبارح بس ودلوقتي عايز تسافر عشان الشغل
محمود : الشغل ده هو اللي عيشك ف المستوي ده هو اللي كان مخلي مامتك تفتخر بلبسها وشكلها وأنها مراتي الشغل ده هو السبب في انك دخلتي مدارس خاصه وجامعه الطب من غير الشغل ده مكنتيش هتفرقي حاجه خالص عن شهد
جنه : انا مش عايزه الفلوس دي انا مش عايزها انا عايزه بابا عايزه بابايه انا مش عايزه فلوسه ف حاجه وبعدين مالها شهد مهي مبسوطه حرام عليك بقا سافر يا بابا سافر وسابته وطلعت تعيط ف اوضتها
جنه : الله يرحمك يا ماما سيبتيني لوحدي لي 😭😭😭😭
___________
شهد طلعت من الشركه بسرعه لان الكل كان مشي وبعدين وهي طالعه شافت بنت قاعده ع جنب ع الرصيف وجنبها شنطه هدوم وبتعيط قفلت العربيه وراحتلها
شهد : مالك يا انسه
البنت : مفيش 😢😢
شهد : انتي تقدري تحكيلي مش بيقولك احكي للغريب عادي ما انت كده كده مش هتشوفه تاني الا لو صدفه
البنت : صح هقولك    ف اللحظه دي طلع فارس وشاف شهد قاعده جنب البنت دي
فارس : اي ده هي قاعده كده لي ومين البنت دي أصلا وأنا مالي يارب تتحرق حتي انا مالي ما امشي انا احسن وركب عربيته ومشي
شهد : يلا احكي
البنت : انا من عيله متوسطه الدخل شاطره جدا ف دراستي انا عندي ١٧ سنه بابا وماما رموني ف الشارع عشان مقبلتش اتجوز العريس إللي جاي ليا ابويا ضربني وقالي لو متجوزتهوش لانتي بنتي ولا انا اعرفك وانسي أن ليكي اب مره تانيه روحت لماما استغيث بيها بس هي كمان ضربتني بالقلم وقالت نفس الكلام إللي قاله بابا وقعدوني من المدرسه كله ده عشان موفقتش ع كلامهم 😭😭😭
شهد بصتلها بصدمه : يااااااه التاريخ بيعيد نفسه تاني بس ف شكل تاني خاااالص أنا لازم اقف جنب البنت دي لازم.  وقامت وقفت
شهد بحزم وغضب : قومي معايا
البنت : ع فين
شهد : انا عايزه اروح لاهلك
البنت : لا والنبي دول ممكن ياذوكي أو يعملوا فيكي حاجه
شهد : ملكيش دعوه يلا تعالي
البنت : بس
شهد : مفيش بس يلاااا واخدتها والبنت وريتها مكان بيتها وشهد طلعت فوق وخبطت جامد
الاب : ايييي انتي اي غبيه حد يخبط بالطريقة دي
شهد : ايوه ام يبقي الام والاب كده يبقي يتكسر زو الباب كمان
الاب : يا سلااام ومين ساعتك بقا لا مؤاخذه وبعدين اب وأم اي اللي بتتكلمي عليهم
البنت من ورا شهد : بابا
الاب : هو انتي اي اللي جابك يا بنت ال....... هنا امشي نصيبه تاخدك
البنت : يا بابا اسمعني
الاب : اخرصي انا لا ابوكي ولا اعرفك ام تخرجي عن طوعي تبقي مش بنتي
شهد : اي ف اي طالع علينا بزعبيبك كده ما تتكلم براحه ولا هي عشان مرضيتش بالعريس يبقي تدفنونها بالحيه صح وتتبروا منها
الام لم جت : اي ده انتي مين اصلا واي اللي جاب البنت بنت ....... هنا تاني
البنت : يا ماما انا بنتك
الام : اخرسي مسمعش نفسك انا مش ام حد ولا عندي بنات
الاب : وأنتي المحاميه بتاعت سعدتها أن شاء الله
شهد : سميها زي ما انت عايز براحتك بس إللي انت بتعمله ده غلط وغلط كبير كمان
الاب : ملكيش دعوه انا حر
شهد : لا مش حر لم ترمي بنتك ف الشارع عشان واحد انت متعرفوش أصلا يبقي مش حر عشان تمنع بنتك من أنها تكمل تعليمها وتاخد شهاده يبقي مش حر
الام : وانتي مالك حاشره نفسك لي كانت من بقيه عايلتك هي
شهد : لا مش من باقيه عيلتها انا مجرد واحده عاديه تقدري تقولي هيفدها باي الجواز عيال وبيت وبس صح طب لو طلعت مبتخلفش هتتطلق صح وام تتطلق هتقعد ف البيت مهي معهاش شهاده تستغل بيها وكل ده عشان ترضي والدها وأمها صح ع حسابها هي اني منطق ده تقدر تفهمني لم تدوس ع بنتك بالطريقة دي تبقي انسان معندوش مشاعر أشبه بيك وبالحيوان لا العفو الحيوان عنده احساس وبيحس انما انت أصلا عديم الاحساس
الاب : قسما بالله أن ما سكتي لاعلمك الادب
شهد : كلمه حيوان قصرت فيك اوي كده يا انسان بدماغ حيوان
الاب بغضب : اخرررررررصي ورفع ايده ولسه هيضربها بالقلم لقي ايد مسكته بص عليها وشهد غمضت عنيها واتفجئت لم ملقتش الكف ع وشها فتحت عنيها شويه وووووو
____________
تفتكروا مين ده اللي لحق شهد
مين الشخص اللي بيكلمه مهاب
شهد صح اللي عملته ده
جنه صح اللي عملته ده مع أبوها
توقعاتكم
#Nemo