زواج ام دراسة

البارت الخامس

زواج ام دراسه
الحلقه الخامسه
--------------
تاني يوم الصبح شهد صحيت من نومها وليست هدومها ومسكت الفون واتصلت بحد
شهد : الو
_مين
شهد : انا شهد يا جيداء
جيداء : اه أهلا يا شهد عامله اي
شهد : تمام انا كنت عايزه طلب
جيداء : اتفضلي يا قمر
شهد : انا ممكن اتاخر أو مجيش النهارده
جيداء : الحقيقه مش هينفع خالص مستر فارس هيتدايق
شهد : يعمل إللي يعمله أن شاء الله يرفدني مش فارقه
جيداء : يا شهد إنتي لسه جيه امبارح مينفعش
شهد : قولتلك قولي له يعمل إللي عاوزه أنا مش هاجي وده اخر حاجه
جيداء : طب ف اي
شهد : حاجه خاصه مع السلامه
جيداء : سلام  وقفلت معاها
جيداء : والله واحده غريبه جدا. ام شهد كملت لبس ونزلت بسرعه قبل ما حد يصحي وركبت عربيتها ومشيت
_________________
ادم : صباح الخير يا ماما
سعديه : صباح النور يا حبيبي
ادم : عامله اي يا ست الكل
سعديه : الحمدلله يابني
ادم : طب اي مفيش فطار ولا اي
سعديه : ثواني يابني هعمله ف ثانيه
ادم : ماشي يا ماما. ودخل الحمام وسعديه عملت الفطار وطلعوا قعدوا مع بعض
سعديه : مفيش اي اخبار عن شهد يا ادم
ادم : لا يا ماما دي مش عايزه اعرف حد فينا
سعديه : حقها احنا جرحنها اوي
ادم : يعني هو بايدينا يعني ما كله علشانها
سعديه : بس هي متعرفش كده
ادم : مهي مش مخليه حد يكملها ولا يفتح سيره الموضوع ده
سعديه : قول لجنه
ادم : وحياتك قولتلها وهي جت تقول لشهد شهد مسمعتهاش
سعديه : عارفها دماغها نشفه
ادم : ايوه بس أنا عارف ازاي هترضي تسمع
سعديه : ازاي
آدم : بعدين هتعرفي يا امي يلا انا كان عايزه حاجه
سعديه : لا يابني انا هخلص وهروح مشواري
ادم  : ماشي سلام
سعديه : مع السلامه  ومشي ادم ع شغله وهو بيفكر يعمل اي
________________
انجي : فارس فروس ابو الفرس فوفو
فارس : ارغي
انجي : عايزه اجي معاك الشغل
فارس : اشمعنا
انجي : عادي
فارس : انجي اعترفي
انجي : اوووف عايزه اشوف شهد دي
فارس : اه قولي كده
انجي : كده 😜
شريف : بت بطلي لماضه ع اخوكي
فارس : تسلملي يا حج
شريف : مين شهد دي يا فارس
فارس : منك لله يا انجي هههههههههههه
انجي وشريف : هههههههههههه
انجي : بجد بقا يا ابيه عايزه اجي معاك والله وكمان اشوف جوجو
فارس : حاااضر قومي البسي
انجي قامت من ع الاكل وباسته : ربنا يخليك ليا يا احلي ابيه ف الدنيا
فارس : ماشي يابكاشه روحي يلا بسرعه لو اتاخرتي مش هاخدك
انجي قامت جريت : هوااأاا
شريف بابتسامة : ربنا يخليكوا لبعض
فارس : ويخليك لينا يا بابا يارب
شريف طبطب عليه : حبيبي
فارس : مش ناوي تنزل شركتك بقى يا حج
شريف : والله يابني مش قادر السن بعيد عنك
فارس : سن اي بس ده انت لسه شباب ياحج
شريف : وبتقول ع انجي انها هي اللي بكاشه آمال انت اي
فارس : والله انت لسه زي الفل يا بابا ربنا يطولنا ف عمرك
شريف : يارب وان شاء الله انزل قريب وكمان اشوف الست شهد 😉
فارس : والله يا بابا دي واحده شغاله عندنا ف الشركه مهندسه جديده مش اكتر
شريف : ماشي جرحك أخباره اي
فارس : اي جرح اي
شريف : هتستهبل يا ولاه ولا فاكرني اتعميت ومبقتش اشوف انا سيبتك امبارح بمزاجي
فارس بابتسامة : الحمدلله ي حج مفيش حاجه زي الفل اهو
شريف : ماشي يا فارس
انجي : انا جهزت يا فارس
فارس : يا بنتي ارسي ع حل لفارس لابيه متلغبطنيش
انجي : خلاص خليها فارس
فارس : اشطا يا انجلينا يلا عايز حاجه يا بابا
شريف : سلامتكم
انجي وفارس : بااااي 
شريف : باااي ومشيوا ع الشركه مع بعض
__________________
جنه : نفسي اعرف شهد بتختفي فين
محمود : اكيد يا بنتي راحت الشغل
جنه : طب تخبط عليا أو تصحيني بلاش كده طب ترد ع الفون
محمود : يمكن مشغوله يا جنه
جنه : هتصل تاني......الو
شهد : أي يا جنه
جنه بعصبية : ينفع اعرف انتي فين ومبترديش ع الفون لي
شهد : ف اي يا جنه اتكلمي براحه
جنه بعصبية ومن غير ما تاخد بالها: ف أن سيدتك بتستهبلي هو انتي فاكره نفسك ف وكاله من غير بواب ولا فاكره نفسك اي ها انتي عايشه مع ناس هنا يعني مش بيتك لازم تقولي رايحه فين ولا انتي بتحبي تقلقي الناس ولا انتي عشان قعدتي معانا فتره وبابا جابلك عربيه يبقي خلاص تعملي اللي عايزاه
شهد دموعها نزلت ف صمت : أنا اسفه يا جنه اني تقيله عليكوا اوي كده بس صدقيني ده هينتهي كله النهارده وقفلت معاها بسرعه وسابت العنان لدموعها
جنه فاقت وعرفت انها قالت كلام جرحت بيه شهد اوي بس هيا مكنش قصدها
محمود : اخص عليكي يا جنه ينفع تتكلمي معاها كده اي بتصرفي عليها من جيبك ولا اي ازاي تتكلمي معاها كده
جنه بدموع : مكنش قصدي والله يا بابا مكنش قصدي حاجه انا بس كنت قلقانه ومتعصبه شويه مش اكتر والله
محمود : بس غلطانه المفروض تتحكمي ف نفسك مش كده هي فين دلوقتي
جنه : معرفش
محمود : لا شاطره يا جنه طب والعمل ناو
جنه : معرفش معرفش انا خايفه عليها اوي
محمود : متخافيش شهد ناصحه وعمرها ما هتفضل ربها بس انا عايز اقولك حاجه يا جنه شهد لم جت جت ليا أنا مش ليكي جت لأنها بتعزني وبتعتبرني زي والدها بالظبط وانا اللي أقول مين يقعد ف بيتي ومين لا تمام عن اذنك عشان لو قعدت معاكي مش عارف ممكن اعمل اي سلام   ومشي وسابها وهي الندم هيدمرها ومش عارفه تعمل اي اتصل بادم لالالالالا هيتخانق معايا يااااربي انا أسفه اوي يا شهد ارجعي كل ده كان ف تفكيرها مسكت الفون واتصلت ع شهد بس لقت الفون مقفول وده زاد قلقها اكتر
__________________
فارس وصل هو وانجي ع الشركه ودخلوا والكل طبعا رحب ب انجي ودخلوا ع المكتب
جيداء : جولينا حبيبتي وحشتيني اووووي
انجي حضنتها : وانتي اكتر انا زعلانه منك أوي
جيداء : لي بس انا عملت اي
انجي : مبقتيش تيجي تزوريني لي
جيداء : البركه ف اخوكي
فارس : وانا مالي
جيداء : ماانت اللي مشيلني الشغل كله
فارس : هو انا إللي قولتلك اشتغلي سكرتيره 😜
جيداء : مش احسن ما تيجي واحده مايعه وتضيعك
فارس : يا سلاااام عليكي صحيح بنت الخاله رخمه
انجي : لااااا انا لا اسمح بذلك
فارس : يعني اتفقتوا عليا ماااااشي
انجي : جيجي
جيداء : اي يا جولي
انجي : متعرفيني ع شهد دي
جيداء : عرفتيها منين دي
فارس : اي الذكاء ده اكيد مني يعني
جيداء : ايوه إزاي بردو
فارس : زي الناس
جيداء : مااشي
انجي : ها وديني ليها
جيداء : هي مش موجوده النهارده
فارس : ده اللي هو ازاي
جيداء : معرفش انا قولتلها ان انت هتدايق
فارس : وقالت اي
جيداء : قالت يعمل إللي يعمله ولو عايز يرفدني يرفدني كده كده مش باقيه ع حاجه
فارس : ده اسمه استهبال هي بتستهبل من تاني يوم كده تغيب هي فاكره نفسها فين
جيداء : معلش يا فارس بس هي تقريبا في حاجه مدايقها
فارس قلق شويه ومعرفش يفسر اي السبب بس عمل نفسه مش مهتم : ماشي ام تيجي لينا تصرف تاني واضح انها متدلعه زياده عن اللزوم
انجي : يا خساره ده انا جيت عشان اشوفها تطلع مش هنا
جيداء : يعني مش علشان تشوفيني انا واطيه يا بنت خالتي
فارس : خلاص جيداء انجي روحوا اقعدوا مع بعض  بقا عقبال ما اخلص الشغل
جيداء : حاضر يلا يا انجي وطلعوا بره وفارس قلقان ع شهد ومستغرب من نفسه جدا
_________________
شهد واقفه قدام مقبره أبوها وبتعيط
شهد : لي لي وهمتني أن كل الناس طيبه لي معرفتنيش أن ف طيب وف شرير لي؟؟؟لي كل حاجه كنت تقولي دول اللي هيقفوا جنبك وخلتني معتمده عليهم اعتماد كلي بس هم اول ناس خذلوني حرام عليك انا أنا حسه اني تايهه اوي ومليش مكان اروحه خلاص وقعدت جنب المقبره و
#فلاش_باك
عدي شهر ع موضوع الجواز ده وابراهيم بيقرب من شهد وشهد ابتدأ تعجب بيه وتبصله بنظره تانيه غير أنه ابن عمها واكبر منها ب٨ سنين 
ف يوم
شهد : ادوهمتي
ادم : عملتي مصيبه اي
شهد : اخص عليك يا دومي انا كده بردو
آدم : واكتر كمان خير
شهد : كل خير ان شاء الله عايزه اخرج
آدم : الباب يفوت جمل
شهد : مبهزرش يا ادم بجد عايزه اخرج
ادم : يعني اجيلك الرضعه يعني قبل ما تخرجي
شهد : ههه خفه تعالي خرجنييا ادم
ادم : ده عند طنط عارفه طنط
شهد : طنط سعدددديه طنط سعديه
سعديه : خناقه اي جديده
ادم : شوفتي حتي ماما عارفه انك عملتي مصيبه
شهد : اسكت انت مامتي حبيبتي انا عايزه اخرج
سعديه : تقريبا الباب بيخبط هقوم افتح
ادم : هههههههههههه   بس فعلا الباب خبط
سعديه : سلام قولا من رب رحيم اي ده يا جدعان
شهد : مقري عليكي يا ميل 😉😗. قامت فتحت لقت ابراهيم ف وشها
شهد : هيما اهلا وسهلا أدخل
ابراهيم : ازيك يا شهد ازيك يا مرات عمي ازيك يا ادم
ادم : ازيك يا ابراهيم اخبار شغلك اي
سعديه : أهلا وسهلا يابني اتفضل
ابراهيم : الحمدلله الشغل كويس وانت
ادم : الحمدلله عاجبك يا ابراهيم
ابراهيم : لا طبعاً مش عاجبني
شهد : هو انت سمعت حاجه
ابراهيم : مش هو قال
ادم : ههه خفه يا هيما
ابراهيم : ملكش دعوه
ادم : المهم شهد ال اي عايزه تخرج
ابراهيم : ما تخرج
أدم لشهد : شوفتي هو نفسه قالك ما تخرج
شهد : انا عايزه حد يجي يفسحني
ابراهيم : ما تتصلي بجنه صاحبتك
شهد : والله انتوا عالم رخمه
سعديه : لااا انتوا بالكم طويل وانا تعبانه انا هدخل أنام ابراهيم البيت بيتك يا ابني
ابراهيم : ربنا يخليكي يا مرات عمي
ادم : خلاص ابراهيم ياخدك
شهد بتوتر : ها لا تعالي انت
ابراهيم : لي كده انا هاكلك يعني
ادم : ولا هتاكلها ولا حاجه وبعدين انا عندي شغل ومش فاضي
شهد : خلاص هخرج بعدين معاك
ابراهيم : طب واي رايك بقا انك هتخرجي معايا
شهد : بس
ادم : مبسش يلا يلا ادخلي البسي
شهد باستسلام : حاضر ودخلت لبست وخرجت وكانت زي القمر
ادم : ابراهيم انا اللي هاخدها امشي انت 😂😂
ابراهيم : ابدا دي هتيجي معايا انا
ادم : هههههههههههه ماشي يلا خلي بالك منها
ابراهيم : ف عنيا يا آدم  يلا
شهد : اوك باي دومي
ادم : بااااااي
ونزلوا مع بعض وراحوا الجنينه وشهد كانت فرحانه اوي وهي بتلعب وابراهيم مبسوط لفرحها وخلصت لعب وقعدت
ابراهيم : خلاص يا شهد اهدي بقا شويه
شهد : عايزه العب شويه يا ابراهيم والنبي
ابراهيم : طب ناكل ايس كريم الاول
شهد : ميرسيييييي وباسته من خده بعفويه
شهد : انا أسفه مكنش قصدي
ابراهيم : عادي يا حبيبتي ميهمكيش
شهد اتكسفت وحطت وشها ف الارض وابراهيم رفع وشها
ابراهيم : شهد انا لسه بحبك ومترجعتش عن حبي دقيقه واحده ولسه كمان عند طلبي تتجوزيني يا شهد  شهد ساكته ردي عليا يا شهد
شهد : تعالي ناكل ايس كريم
ابراهيم فرح لان ملقاش منها رفض  وراحوا أكلوا ليس كريم ولعبوا شويه ومشيوا قدام البيت
ابراهيم : اي رايك يا شهد
شهد : ف اي
ابراهيم : موافقه تتجوزيني
شهد بكسوف هزت راسها بمعني اه
ابراهيم بفرحه : بجد بجد انتي وافقتي ازغرط
شهد : اه ياريت خليني اشوفك
ابراهيم : ليليليليلي
شهد : هههههههههههه ليليليلي اي بس أو تزغرط تاني
ابراهيم : انا فرحان اوي انا هنزل لادم أقوله
شهد بسرعه : لا مش دلوقتي
ابراهيم : لي مش دلوقتي
شهد : يعني خليني انا اقولهم الاول بعدين انت
ابراهيم : ماشي اطلعي قوليلهم
شهد : لا مش دلوقتي
ابراهيم باستغراب : لي
شهد : أول ما اخلص امتحانات الثانويه الاول
ابراهيم : انتي بتهزري يا شهد
شهد : لا مبهزرش مش هينفع دلوقت
ابراهيم ينفخ : ماشي انولي يا شهد
شهد : ابراهيم انت زعلت
ابراهيم : لا ازعل ع اي انزلي
شهد : ابراهيم
ابراهيم : قولتلك انزلي يا شهد
شهد : حاضر ونزلت وطلعت ع البيت وابراهيم روح ع بيته
هدي : جيت يا ابراهيم
تسنيم : اخويا حبيبي وحشتني
ابراهيم : أهلا ازيك يا تسنيم
هدي : خير يا ابني ما انت كنت زي الفل الصبح
ابراهيم : مفيش حاجه يا أمي
هدي : بتكدب ع امك ده انا عرفاك
ابراهيم : شهد يا امي
تسنيم : مالها ماتت  ابراهيم بصلها بصت غضب
هدي : عيب يا بنتي
تسنيم : انا اسفه مالها ست شهد
ابراهيم : حكالهم اللي حصل. هدي قامت وقفت
هدي : انت اتجننت عايز تتجوز تربيه سعديه
ابراهيم : مالها بس سعديه يا امي
هدي : لا طبعا انا مش موافقه ع كده
تسنيم : أنت عايز تخلي الجربوعه دي مراتك
ابراهيم : متدخليش إنتي يا تسنيم
هدي : لا تدخل اختك الكبيرة ورايها يمشي ع الكل
ابراهيم : تقول اللي تقوله انا هتجوز شهد
هدي : وانا مش موافقه ع الجوازه دي
ابراهيم : لي يا ماما فهميني لي
تسنيم  : انت عايز تجيب لماما واحده تربيه سعديه عايزها تشلها
ابراهيم : قولتلك ملكيش دعوه
تسنيم : لا ليا يا ابراهيم انا أختك الكبيرة وأعرف اكتر منك
ابراهيم : هو انا قولتلك عايز رايك يا بت
تسنيم : بت ف عينك
هدي : حلو اوي شهد هانم من قبل ما تدخل البيت وبقت تعمل خناقه بين الاخوات اهو
تسنيم : البت دي داهيه ولو هيا دخلت البيت انا مش هدخله
ابراهيم : الباب عندك مطلبناش من حضرتك تيجي تزوريني
تسنيم : شايفه يا ماما انا بطرد من بيت ابويا انا هاخد أبني وامشي
هدي : استني هنا انتي كمان ده بيتك وبين ابوكي الله يرحمه تمشي لي
تسنيم : انتي مش شايفه يا ماما بيقول اي
هدي : يخبط دماغه ف اجدعها حيطه لو مش عاجبه يمشي هو
ابراهيم : صح انتي صح انا ماشي سلاااام بس يكون ف علمك انا هتجوز شهد غصبن عن الكل
هدي : مش هتتجوزها يا ابراهيم مش هتتجوزهاااااا
ومشي ابراهيم بعد ما رزع
تسنيم : هتعملي اي يا ماما
هدي : منها لله سعديه اكيد هي اللي قالت للبت تعمل كده عشان تاخد اخوكي
تسنيم : يعني هتسبيه يتجوزها
هدي : مش عارفه سيبيني افكر شويه
تسنيم : ماشي يا ماما بس متسمحيش للمهزله دي تحصل وشهد تدخل البيت ده اش حال من دلوقت خلتني انا واخويا نتخانق آمال لم تدخل البيت هتولع الدنيا انا همشي انا واسيبك يلا يااااض. ومشيت طبعا وهدي عماله تفكر هتعمل اي ؟؟؟!
ام عند شهد ف طلعت البيت وقعدت تفكر وقالت تقول لامها وخلاص عشان ابراهيم ميزعلش وطلعت بره
سعديه : خير يا شهد عايزه حاجه
شهد : ماما عايزه اتكلم معاكي ف موضوع
سعديه : خير يا بنتي
شهد : الاول ادم فين
سعديه : ف الشغل هيتاخر شويه اي ف اي
شهد بتوتر : ماما ف الحقيقة أنا وابراهيم بنحب بعض وعايزين نتجوز
سعديه قامت وقفت : اي انتي اتجننتي ف عقلك
شهد : اي يا ماما ف أي لده كله
سعديه : ف أنك اتهبلتي حضرتك جواز أي وكلام فارغ اي وبعدين الدراسة
شهد : عادي يا ماما هكمل عادي ولو مرضيش يبقي هقعد ف البيت وخلاص
سعديه : قولت لا وخلاص وكلام ف الجواز والكلام الفاضي ده انتهي
شهد : انا بحبه وهو بيحبني يا ماما فيها اي يعني لم نتجوز
سعديه : انتي هبله تتجوزي اي ودراستك
شهد : الدراسه هتفدني ف اي كل اللي درسوا اخدوا أي كلهم قاعدين ف البيت
سعديه : لا هتفيدك ع الاقل يبقي معاكي شهادة وبعدين بن عمك ممكن يستني ولو لقدر الله حصل حاجه يبقي معاكي شهادة تنفعي بيها نفسك
شهد : يووووووووووو انا مش عايزه شهاده ولا زفت ومتعمليش نفسك خايفه عليا اوي انتي طول عمرك بتحبي ادم وهو ابنك فامتدخليش ف حياتي
سعديه بحزن : انا يابنتي ربنا وحده اللي يعلم اني بحبك انتي واخوكي زي بعض وبعدين انتي بنتي الصغيره
شهد بتكمل : يعني الفرح إللي ف قلبي وانتي بنتي الصغيره اللي واخده حته من قلبي اسطوااااانه قديمه اوووي سيبني ف حالي بابا مات اه بس انتي ملكيش كلمه عليا  ومتعمليش نفسك خايفه عليا اوي يا ماما ده لو كنتي فعلا امي
سعديه : انتي بتقولي اي يابت
شهد : والله افهمي زي ما انتي عايزه وانا مش هكمل دراسه وهتجوز ابراهيم وكفايه بقي لحد كده.  وسابتها ودخلت ع الاوضه وهي متعصبه وجنه ترن عليها وهي مش عايزه تكلم حد لغايه ما غلبها النوم  فاقت شهد ع صوت
الشخص بصدمه : شهد انتي هنا
________________
تعتقدوا اي الحقيقه وازاي سعديه مش ام شهد
مين الشخص ده ويعرفها منين
شهد هتعمل اي مع جنه ومع الشخص ده
توقعاتكم
#Nemo