زواج ام دراسة

البارت الحادي عشر

زواج ام دراسه
الحلقه الحاديه عشر
--------------
عدي أسبوع ومفيش اي استجابه لشهد والكل حزين وعايزين شهد ترجعلهم وفارس بيجي ليها طول الليل بيفضل معاها وبعدين يمشي ع 12 بالليل وهو قاعد معاها كعادته
قلبه : بتحبها
عقله : معرفش بس انت متعرفش تحب
قلبه : لي لي يعني هو ناقصه اي
عقله : انت عارف هو ناقصه اي اكيد محدش هيرضي
قلبه : لي ما تجرب تسألها مش ممكن هي كمان تكون
عقله بنفي : لا طبعا هم الإثنين متعملوش مع بعض
قلبه : وف اي هو مفيش حب بيتولد من أول نظره ولا اي
عقله : أنت هتخرف ده ف الروايات بس
نسيب الحرب اللي جوا فارس ونشوف شهد
#فلاش_باك
جيه يوم الجمعه الموعود وطبعا شهد كانت نزلت واشترت طقم جديد عباره عن أوف شولدر أبيض وبنطلون جينز وفضلت قاعده قلقانه وجنه طبعا كانت معاها وكانت لابسه اوف شولدر نبيتي ع بنطلون ابيض وكانت بتهدي ف شهد
جنه : يا شهود خلاص ف اي
شهد : مش عارفه متوتره أوي يا جنه
جنه : من اي بس
شهد : مش عارفه
جنه : آمال لم تتجوزي هتعملي اي
شهد بكسوف : بس بقي
جنه : ايوه يا عم عارفه لو مرمتيش الورد عليا هولع فيكي
شهد : ورد -_- انتي قديمه اوي يا جنه
جنه : أنا قديمه ملكيش دعوه عشان نلحقك يا حبيبتي
شهد : هههههه ومين بقي سعيد الحظ
جنه بهيام بس بصوت هامس : ادم
شهد بعد ما سمعت : بتقولي مين
جنه : ها ولا اي حاجه
شهد بخبث : ماشي
جنه : آمال فين طنط سعديه وادم
شهد بحزن : ماما بتظبط الدنيا وادم مش عايز يحضر
جنه : لي كده
شهد : مانا قولتلك هو مدايق مني
جنه : ولو هو لازم يحضر
شهد : وهتعملي اي يعني
جنه : ملكيش دعوه انا رايحه أكلمه
شهد : لا يا جنه بلاش عشان ميحرجكيش
جنه : ملكيش دعوه انتي وطلعت بره
جنه : طنط سعديه
سعديه : نعم يا حبيبتي وياريت بلاش طنط دي
جنه بابتسامة : حاضر يا ماما هو ادم فين
سعديه بحزن : متتعبيش نفسك يا بنتي مش هيجي
جنه : إزاي يعني لا يمكن يحصل آمال مين اللي هيقف معاها
سعديه : معاها ربنا وبعدين احنا معاها ووالدك جي
جنه بحده : لا مينفعش أنا هروح أكلمه هو فين
سعديه : ف اوضته  روحي   جنه دخلت اوضته بعفويه
جنه : ادم
ادم وقف : جنه ف اي
جنه : ينفع اعرف انت لي مش هتحضر
ادم لف وشه : اكيد شهد قالتلك
جنه : ايوه قالتلي بس ده مش سبب انك متحضرش
ادم : أنا مش موافق ع الجواز دي من الأول
جنه : لي كل حاجه ليها سبب اي سيبك
ادم : مزاجي كده انا حر
جنه بغضب : لا مش حر لم تسيب أختك كده مش حر
ادم : وأنتي مالك كنتي واصيه عليها
جنه : اه واصيه عليها مينفعش إللي بتعمله ده مهما كان السبب قولها يمكن هي بنفسها ترفض أي هو السبب شهد معندهاش اب يقف جنبها يا ادم وأنت دلوقتي ابوها قبل ما تكون أخوها
ادم بدون قصد : وانتي بقي إللي هتفهميني صح هو إنتي أمك معلمتكيش ازاي تتكلمي مع الاكبر منك ولا اي ولا صح امك قعدت ٥ سنين ف غيبوبه  وبعدين ماتت وابوكي دائما عنده مشاغله فمفيش حد هيعلمك الصح من الغلط
طبعا الكلام ده كسر قلب جنه جامد لان اخر شخص كانت تتوقعه يقولها كده هو ادم وعنيها دمعت وادم لاحظ اللي قاله بس متأخر
جنه بدموع بتحاول تداريها : صح يا ادم انت صح بس انا اللي حبه أقوله لك انك متسبش شهد لوحدها ف يوم زي  ده متتخنقش معاها فهمها شهد مش صغيره عن اذنك
ادم : جنه ا... بس كانت جنه طلعت بسرعه
ادم : اوووووف كل ما احاول احلها اعقدها. جنه مسحت دموعها بسرعه قبل ما سعديه تاخد بالها ولا شهد كمان بس سعديه كانت دخلت اوضتها وجنه دخلت لشهد
شهد : مالك يا جنه
جنه بابتسامة مصطنعه : مفيش يا شوشو
شهد : انتي مبتعرفيش تخبي عليا قولي ف اي
جنه : صدقيني مفيش
شهد : ادم زعلك ف حاجه
جنه بابتسامة حزينه : حد يقدر يزعلني وانت موجود يا كبير
شهد بابتسامتجه : ماشي قالك اي
جنه : بصي هو.  دخل ادم
ادم بابتسامة : هو موافق يحضر
شهد جريت عليه : بجد يا ادم
ادم : بجد يا روح ادم. شهد حضنته اوي وادم حضنها بس بص ع جنه لاقها باصه ف الارض وحزينه
شهد : متتخيلش انا فرحانه قد اي
ادم : طبعا مش النهارده هنقرا فتحتك
شهد فرحت : بجد يعني انت مش زعلان يا ادم
ادم : يا عبيطه حد هيزعل لفرحه أخته لا طبعا
شهد حضنته : انا بحبك اوي اوي
ادم : وانا كمان بحبك بس لو جرالك حاجه تقولي ليا ع طول
شهد : من غير ما اقولك اختك راجل
ادم : طبعا. شهد جريت ع جنه وحضنتها
شهد وهي بتخضنها : مش عارفه أشكرك إزاي بجد انتي احسن واجدع اخت وصاحبه
جنه بابتسامة : اي خدعه عدي الجمايل
سعديه دخلت : شهد خل..... اي ده ادم
ادم : اي رأيك حلو الطقم
شهد : يا باشا انت تعجب القمر نفسه ولا اي يا جنه
جنه : ها اه معلش يا شهد انا عايزه اروح
سعديه باستغراب : لي يا جنه وف حاجه دايقتك
جنه : لا خالص يا طنط مفيش حاجه بس تعبانه شويه
شهد : لا انتي فيكي حاجه غريبه من ساعه ما روحتي لادم
سعديه : انت عملت اي يا ادم
ادم : معلش ينفع تسيبونا شويه
شهد : يبقي طينتها عملت اي
ادم : شهد لو سمحتي
سعديه : تعالي يا شهد. وطلعوا مع بعض بس طبعا مقفلوش الباب عشان دي بنت وعيب أصلا
ادم : جنه انا اسف
جنه لفت وشهادة ومسحت دموعها : ع اي انت عملت حاجه
ادم : جنه بجد انا كنت متعصب شويه
جنه : عادي يا أبيه مفيش حاجه حصلت
أدم : ما دام قولتي يا ابيه يبقي إنتي مدايقه مني جامد
جنه بدموع : ولا مدايقه منك ولا حاجه عادي
ادم لفها لي : جنه بالله عليكي ماتعيطي أنا آسف والله انا غبي عارف بس بجد انت عارفه اني بعزك قد اي وبعدين ده طلع ف ساعه غضب فمتزعليش مني
جنه بدموع : انت اول واحد تقولي كده كل ده عشان كنت بكلمك
ادم بحزن : خلاص بقي متزعليش والله اولع ف البت شهد
جنه بغضب : طب اعملها
ادم : هو أنا أقدر كانت ولعت فيا انا
جنه : هههههههههههه
ادم : ايوه كده عبوشكل اللي يزعلك
شهد دخلت : لووووولي اي رايكم نقرا فاتحتين النهارده. ادم وجنه بصلوها بغضب  وبعدين بصوا لبعض
ادم وجنه ف صوت واحد : بتفكر/ي ف إللي بفكر فيه. وابتساموا وقربوا من شهد
شهد وهي بترجع لورا : اي ف اي مالكم  وفجأة مسكوت شهد زغزغه
شهد : هههههههههههه خلاههههههه خلاص يا ادم هههههههههههه بس اغغغغغغغ هههههههههههه جنه خلااااص أنا عيله
ادم وجنه يعدوا وهم بيضحكوا : هههههههههههه
شهد : يخربيت اللي يزعلكوا انا كنت بهزر اي مبتهزرش انت وهي
ادم : لا ياختي مبنهزرش
جنه : يلا ياختي عشان نظبط شعرك ده
ادم : دي محتاجه حرق
شهد بزعيق : برررررره يا اااااادم  أدم طلع وهو بيضحك وشهد وجنه قاعدين مع بعض
سعديه : خلاص رضيت عنها
ادم : ماما انتي عارفه اني مشكلتي مكنتش مع شهد انا مشكلتي مع الجوازه نفسها
سعديه : يابني اطمن مش هيحصل حاجه
ادم : خايف يا امي مش مطمن عليها. نسيبهم بقي ونروح ل المرأه العنكبوت (هدي)
ابراهيم : خلصتي يا ماما
هدي طلعت وهي لابسه اسود ف اسود ولا اكنها راحه عزا مش فرح
ابراهيم بفزع : اعوذ بالله من الشيطان الرجيم
هدي : اي ياخويا شوفت عفريت
ابراهيم : اي إللي انتي لابسه ده يا ماما
هدي : ماله يا حبيبي مهو كويس
ابراهيم : كويس اي يا ماما انتي راحه عزا
هدي بزهق : ابراهيم شوف حالك كويس اني رضيت اجي
ابراهيم بحزن من أمه : طيب يلا نمشي
هدي: لا استني أختك جايه معانا
ابراهيم : ما تيجي مع جوزها يا ماما
هدي : اهو انا مزاجي تيجي معانا
ابراهيم : يا الله
هدي بسخرية : معلش استحملنا يا اخويا. الباب خبط اهو أختك جت اهي. وقامت فتحت
تسنيم : اي يا ماما عامله اي
هدي : هعمل اي يعني اهو حظوظ ما تدخل يا صالح
صالح : الف مبروك يا عريس
ابراهيم : الله يبارك فيك عقبال ابنك
صالح : ياخي قول عقبالي
هدي : لي يا حبيبي انت كنت ناوي تتجوز ع بنتي ولا اي
صالح : لا طبعا هو أنا أقدر يا حماتي وبصوت خافت الله يحرقك انتي وبنتك انا غلطان اني احداها كان يوم اسود
تسنيم : بتبرطم بتقول اي يا صالح
صالح : ولا حاجه مش يلا نمشي عشان منتاخرش
ابراهيم : يلا. وركبوا عربيه ابراهيم ومشيوا ع بيت شهد
تق تق تق
جنه : جم يا شوشو
شهد : انا متوتره أوي
سعديه : اش حال بتحبيه قوم أفتح يا ادم. ادم قام فتح ومتفجئش من منظر هدي ولا بنتها
ادم : أهلا يا ابراهيم ادخلوا
هدي بقرف : ازيك يا ادم
ادم بنفس القرف : اهلا
سعديه طلعت : أهلا وسهلاً ازيك يا هدي
هدي : ازيك انتي يا سعديه لسه عايشه
آدم : لي كنتي عايزها تموت ولا حاجه
ابراهيم : احم ماما بس
تسنيم : ازيك يا طنط
سعديه : ازيك يا حبيبتي
صالح : آمال فين عروستنا
تسنيم : مستعجل اكتر من اخويا نفسه لي
ادم بصوت هامس : الله يطولك يا روح
سعديه : ثواني هجيبها. ودخلت ندهت لشهد وطلعوا مع بعض وجنه جنبها واتفجئوا من هدي وتسنيم والأسود بتاعهم ( نلبسه ف عزاكم أن شاء الله ونشرب شربات)
هدي بابتسامه مصطنعه : اهلا أهلا بعروستنا الجميله تعالي جنبي يا حبيبتي
صالح ف عقله : هتموت البت الله يخدها
شهد بكسوف : ازيك يا طنط ازيك يا تسنيم
تسنيم من تحت ضرسها : اهلا يا روحي
ابراهيم : مفيش ازيك يا ابراهيم ولا اي
شهد وشها احمر
هدي : بس يا ابراهيم عروستنا بتتكسف
تسنيم بصوت خافت : وش كسوف اوي البت اش حال علقت الواد
جنه قربت من آدم : هم لابسيين كده لي
ادم : معرفش بيجهزوا لغزا بعض مين هتموت قبل مين
جنه : هههههه يا راجل
ادم : طبعا آمال عم محمود مش هيجي ولا اي
جنه : للاسف عنده شغل
سعديه : ليكي وحشه يا هدي
هدي : انتي اكتر يا حبيبتي عامله اي من بعد المرحوم
سعديه : أحسن منك يا حبيبتي 😊
ابراهيم : ندخل في الموضوع بقي إحنا مش جايين نتعارف
ادم : كويس انك عارف وأنتي يا شهد تعالي جنب جنه هنا
تسنيم : لي ما تسببها وسطنا
ادم : معلش عشان الخنقه
تسنيم وهدي : خنقه 😏. قامت شهد طبعا وقعدت جنب جنه
هدي : هو الجو حر عندكم لي كده
ادم : المره الجايه هحجزلك ف مرسي مطروح تيجي تخطبي بنتنا مننا
ابراهيم لتلطيف الجو : انا جي اطلب ايد شهد منك
سعديه : والله الرأي رأي العروسه اي رأيك يا شهد
شهد لسه هترد بس تسنيم سبقتها : رأي اي بس مهم بيحبوا بعض وخلاص كفايه كده
شهد بصتلها يغيظ وسكتت
ادم : ماشي بس إحنا لينا شروط
ابراهيم : اتفضل
ادم : تسكن ف شقه لوحدها
هدي : نععععععععم انا ابني مش هيسبني هي هتسكن معايا
ادم : والله ده شرط ولو مش عايزين خلاص جيب شقه ليها المهم بعيد عن امك اقصد والدتك واكتبها باسمها
تسنيم : لي ان شاء الله مالها امه
صالح بصوت واطي : اتلمي يا تسنيم ومتدخليش احسن اكسر رقبتك هنا واخلص. طبعا تسنيم اتخرست
سعديه : خلاص يا ادم خليها مع مامته ادم هيرد بس سكت
ابراهيم : ماشي والشرط الثاني
ادم : الدهب بتاعها ميقلش عن ٦٠ جرام عيار ٢٤
هدي : لي ان شاء الله جايين نخطب بنت الوزير. شهد كانت هتقوم تاكلها بس جنه مسكتها
سعديه : والله دي مقامه بنتنا
ابراهيم قبل هدي : وانا موافق حاجه تاني
ادم : هتدخل ع عفش جديد العفش القديم ده مينفعش
ابراهيم : لا طبعا مش هينفع يا ادم ده فيه ريحه ابويا الله يرحمه
ادم : خلاص يرجع للشرط الأول وانك تجيب شقه
هدي بسرعه : لا هيغيره وخلاص حاجه تاني كده
ادم : لا خلاص وطبعا العروسه بتاعتنا هتجيب الأطباق وحاجات المطبخ دي
تسنيم : ماشي مش هنشرب حاجه بقي من ايد العروسه
سعديه : طبعا بس نقرا الفاتحه الاول
هدي وهي مش طايقه نفسها : وماله يا حبيبتي نقرا الفاتحه   وقرأوا الفاتحه وشهد دخلت تعمل شاي وجنه فضلت قاعده برا ومش مرتاحه  ليهم وعملت الشاي وطلعت بره تقدمه لادم ويعطيه وبعدين هدي وطبعا بحركه خفيفه من هدي قلبت الشاي ع شهد
شهد بصراخ : اااااااااااااااااااااااه   ادم وجنه وابراهيم وسعديه جريوا عليها
ادم بص لهدي بشرار وجاب كوبايه مياه ودلقها ع رجل شهد
آدم : إنتي كويسه دلوقتي يا حبيبتي
شهد : رجلي يا ادم 😭😭😭😭
هدي : اووووو انا اسفه يا شهد مكنش قصدي
جنه : ولا يهمك يا طنط قومي يا شهد ع الحمام  ودخلت معاها وبعدين خرجوا
هدي : بجد انا أسفه يا بنتي
صالح ف نفسه : اه يا بنت الكدابه عالم نسخه
شهد يغيظ : لا ولا يهمك يا طنط انا هقوم أعمل شاي تاني
سعديه : لا يا حبيبتي خليكي انا هعمله
شهد بخبث : لا معلش يا ماما انا هعمله. وغمزت لجنه وادم وهم تقريبا فهموا اللي ف دماغها
جنه : سيبيها يا ماما
تسنيم بسخرية : ماما منين يا حبيبتي
جنه بصتلها من فوق لتحت ومتكلمتش وتسنيم اتفرست
ادم : ها عايزين الخطوبه امتي
ابراهيم : والله خير البر عاجله ياريت يكون الأسبوع الجاي
هدي : لا طبعا مينفعش خليها بعد اسبوعين عشان نلحق نجهز
سعديه : مفيش مشاكل وهتعملوا فين
هدي : ف البيت بتاعنا طبعا. وفضلوا يتكلموا وشهد طلعت بالشاي واول ما قربت من هدي جنه زقتها والشاي كله اتدلق على هدي
هدي : اااااااااااااه انتي عاميه جري عليها ابراهيم وتسنيم وصالح فضل مكانه
شهد باسف : سوري يا طنط عيب كده يا جنه مش تحاسبي
جنه : معلش ما اخدتش بالي
صالح وهو هيموت من الضحك : واضح يا جماعه أن الشاي ده نحس احنا نمشي بقا ونتقابل بعد اسبوعين
هدي : ااااااااه وفضلت ترفع البنطلون الاسود وتعمل حركات غريبه برجلها
ابراهيم : يلا مع السلامه يا جماعه سلام يا شهد
جنه : مع السلامه وابقي طمنا ع طنط. ونزلوا من هنا والكل انفجر ضحك من هنا
سعديه : الله عليكي يا شهد رضتيها
آدم : لا عجبتيني انا افتكرت انك هتحطي حاجه ف الشاي
جنه : لا اكيد مكنش دي خطه شهد انا لقيتها بتبص ناحيه رجلها فهمت عشان كده قربت منها وكعبلتها عشان ميبنش انها مقصوده
شهد : هههههههههههه وبعدين فكره اني احطلها حاجه ف الشاي فكره قديمه افرض مرضيتش تشرب كده أنا معملتش حاجه
ادم : هههههههههههه لا كده انا اطمنت عليكي
شهد : طبعا يابني هو أنا تسببها تدلق عليا الشاي واسكت
سعديه : لا طبعا هههههههههههه والكل قعد يضحك واكلوا مع بعض وشهد أصرت ع جنه تبات معاها بم أن باباها مش هيرجع من الشغل وهم معندهمش مدرسه ولا حاجه بكره
سعديه : شوفت يا آدم قولتلك شهد قدها
ادم : عارف يا ماما بس برضو خايف
سعديه : متخفش ان شاء الله خير
ام عند هدي فكانت بتولع
هدي يغيظ : شوفت البت ردتها ليا إزاي ودلقت عليا الشاي
ابراهيم : لي يا ماما تظلميها ما انتي شوفتي جنه هي اللي كعبلتها
تسنيم : وانت دخل عليك الحته دي اقطع دراعي لو مكنوش متفقين
صالح : هيتفقوا إزاي بس ما البت كانت واقفة متحركتش ولا انتي بتفكري ف شر بس
تسنيم بغضب : أنا بفكر ف شر
صالح : اه ويلا عشان نتزفت نروح
تسنيم : روح أنت أنا هقعد مع ماما
ابراهيم : بقولك اي مش ناقصاكي روحي مع جوزك
هدي : اسمعي الكلام بقي انتي كمان انا ناقصه كفايه رجلي
تسنيم : ماشي يا ماما يلا يا واد واخدت ابنها وجوزها ومشيوا
هدي : ماشي يا بنت سعديه
ابراهيم : يالله منك يا ماما مش هنخلص انا داخل انام ودخل اوضته
هدي : ادخل ادخل ما ده اللي باخده منك بلا قرف ماشي يا شهد حسابك تقل معايا ام وريتك. قطع الفلاش باك بتاع شهد صوووت  
*اي ده انت مين وبتعمل اي هنا
فارس بص ع الشخص ده ووووو
______________
تفتكروا مين ده
اي رايكم في اللي عملته شهد
توقعاتكم
#Nemo