زواج ام دراسة

البارت الخامس عشر

زواج ام دراسه
الحلقه الخامسه عشر
------------------
طبعا مر شهر ع اللي حصل شريف طلع من المستشفى وفارس بقي يروح لشهد قليل عشان والده وانجي امتحنت وخلصت وبتفضل جنب والدها ع طول وشريف صحته بتتحسن شويه شويه وجودي وهاشم اتجوزوا ودلوقتي هم شهر عسل وهدي وتسنيم عاملين يخططوا لشهد وسعديه وادم وجنه يوميا عند شهد وجنه الاكتر عشان النبطشيات وكده بس طبعا بتكلم ادم ساعه النبطشيات بتاعتها ومحمود سافر برا البلد عشان قضيه مهمه وادم قطع علاقته بمهاب بعد ما أعترف بكل حاجه وابراهيم مستني شهد تفوق من الغيبوبة بتاعتها نروح لشهد بقي ونشوفها شويه
#فلاش_باك
شهد بهيام : بحبك. ولسه هيبوسها. ااااااااااااااأاااااااه
صوت من بره
ابراهيم : اي ده ف اي
شهد بخضه : معرفش وطلعوا يشوفوا اي إللي حصل وشافوا هدي واقعه ف الأرض وتسنيم بتعيط جنبها ابراهيم جري عليها هو وشهد
ابراهيم بخضه : اي ف اي مالها ماما
تسنيم (الحربايه) بدموع تماسيح : معرفش يا ابراهيم فجاه وقعت من طولها
ابراهيم شالها : طب اتصلي بالدكتور بسرعه
تسنيم : حاضر. وطلعت تتصل بالدكتور وشهد وقفت جنب الباب وحمدت ربنا انها مقلعتش الاسدال
ابراهيم وهو بيحاول يفوق هدي (المرأة العنكبوت ) : ماما ماما فوقي
تسنيم دخلت : حاولت يا ابراهيم مش راضيه تفوق😥
شهد : طيب والدكتور جاي
تسنيم بصتلها بقرف : ايوه  شهد بصتلها من فوق لتحت ومردتش. شويه والباب خبط ودخل الدكتور وكشف ع هدي
ابراهيم بقلق : خير يا دكتور ماما أخبارها اي
الدكتور : متخفش هو السكر علي مره واحده عشان كده حالها دوار واغمي عليها هي بس تاخد الأدوية بتاعت السكر دي وكتبهاله وهتبقي زي الفل
شهد : وهي هتفوق امتي يا دكتور
الدكتور : شويه وهتفوق عن اذنك
ابراهيم طلع معه وحاسبه ورجع تاني كانت هدي ابتدت تفوق
هدي: ابراهيم
ابراهيم : الف سلامه يا ست الكل كده تقلقيني عليكي يا ماما
هدي : أنا معرفش اي إللي جرالي يا ابراهيم فجاه لقتني وقعت في الأرض
تسنيم : السكر علي عليكي يا ماما عشان كده أغمي عليكي
شهد : الف سلامه يا طنط
هدي بقرف : شكرا
شهد بصتلها ومعلقتش وقالت لابراهيم : طيب كده ماما بقت كويسه يا ابراهيم ندخل الاوضه بقي
هدي بسرعه: لا يا ابراهيم خليك جنبي يا أبني انا تعبانه
ابراهيم : يا ماما ما تسنيم اهي ولو ف حاجه هتقولي
تسنيم : لا أنا مبعرفش اتصرف يا ابراهيم أنت شوفت أنا صوت بس بمجرد ما وقعت من طولها
ابراهيم : بس يا ماما مينفعش
هدي بغضب : خلاص يا ابراهيم أنت حر روح
ابراهيم : يا ماما
شهد بمقاطعه : خلاص يا ابراهيم اقعد مع طنط وخلاص عادي
ابراهيم : انا اسف يا شهد
تسنيم : بتعتزرلها عشان قاعد مع امك
شهد : خلاص انا هدخل انا الف سلامه يا طنط. ودخلت الاوضه
شهد : اووووف اي الناس دي بس احسن بردو انها جت كده ام اغير وانام بقي وغيرت هدومها ولبست ترينج عليه ميكي ماوس ونامت ام عند هدي وتسنيم ابتسموا لبعض ف الخباثه وتسنيم افتكرت
#فلاش
هدي : بت يا تسنيم اي إللي إنتي جايبه ده
تسنيم : يا ماما ده برشام بيرفع السكر للي السكر عندهم واطي
هدي : ايوه بردو لي جايبه
تسنيم : عشانك يا ماما
هدي باستغراب : عشاني بس أنا السكر بتاعي مش واطي
تسنيم اتنهدت : يا ماما يا حبيبتي انتي هتشربي البرشامه دي بعض الفرح ع طول وساعتها هتقعي من طولك
هدي : يا لهوي افتكري موت
تسنيم : لا ياماما انتي هيغمي عليكي بس مش اكتر وساعتها هنمنع شهد وابراهيم أنهم يتحدوا مع بعض
هدي : الله عليكي بس انا لم يغمي عليا هيعرف ازاي
تسنيم : يا الله ما انا هكون معاكي هروح الواد مع أبوه واجب معاكي وطبعا هفضل مراقبهم لحد ما يصلوا انتي تشربي البرشامه وانا هصوت ساعتها
هدي : ماشي يا تسنيم اصبري عليا يا بنت سعديه
#باك
تسنيم ف نفسها : ولسه يا شهد إنتي هتعيشي ايام حلوه اوووي بس ف نفس الوقت مش هتفضلي ع ذمه اخويا كتير
وناموا وطلع الصبح (يوم الصباحيه زي ما بيقولوا )
وهدي قامت من النوم براحه عشان ابراهيم نايم جنبها ودخلت عند شهد الاوضه
هدي بصوت خافت : شهد شهد شهد
شهد ابتدت تفوق واتفزعت
هدي بسخرية : اي شوفتي عفريت 😏
شهد : لا خالص يا طنط ب لسه متعودتش ع البيت وكده
هدي : اممممم طب قومي بقي عشان تعملي لجوزك فطار
شهد بصدمه : أنا
هدي : آمال انا هو اتجوزك لي يعني قومي وبطلي كسل وغيري اللي إنتي لبساه ده
شهد : امممم حاضر اتفضلي عشان اغير
هدي : ماشي. وطلعت بره وشهد قامت دخلت الحمام إللي ف الاوضه وغيرت لبست دريس ابيض طويل وعليه ورد من تحت وكان شكله تحفه ولبست الاسدال صلت وقلعته وطلعت بره كانت تسنيم صحيت
تسنيم بسخرية : صباحيه مباركه يا عروسه
شهد ف سرها : ع اي يعني
شهد بتافف ليها : شكرا وبصت لهدي فين المطبخ يا طنط
هدي : هناك اهو وتسنيم هتيجي معاكي عشان تعرفك الحاجه إللي ف المطبخ
تسنيم بخبث : من عنيا تعالي يا حبيبتي (حبك برص وعشره خرص يا بعيده😒(
دخلوا المطبخ مع بعض وتسنيم بتوري لشهد كل حاجه ف المطبخ وواقفه جنبها بترقبها وتراقب حركتها وشهد مش مهتميه أوي وبحركه خفيفه قلبت زجاجه الزيت ع الارض
تسنيم بدهشه مصطنعه : اووووو سوري يا شهد مكنش قصدي
شهد بزهق : عادي يا تسنيم ولا يهمك وسعي انظفه
تسنيم : لا لا أنا اللي وقعته لازم اشيله
شهد رجعت للأكل وقالت بلامبالاه : إللي يريحك وتسنيم كانت هتفرقع من ردها بس اتملكت اعصابها بصعوبه ونظفت الزيت وشهد عملت الفطار وطلعته بره وتسنيم وراها
هدي : كويس انك عملتي الفطار بسرعه هدخل اصحي ابراهيم
شهد : لا ارتاحي إنتي يا طنط انا هدخل اصحيه
هدي بحزم : لا أنا إللي هدخل اصحي ابني
شهد : يا طنط مهو جوزي
تسنيم : أنتي هتجادلي امي ولا اي ابنها وتعمل اللي يرحيها
شهد بتافف : انتوا حريين براحتكم  ودخلت هدي تصحي ابنها
هدي بحنيه : ابراهيم هيما ابراهيم أنت يا وااااد
ابراهيم بنوم : صباح الخير يا حبيبتي
هدي : صباح الخير يا حبيبي قوم يلا عشان تفطر
ابراهيم فتح عينه شويه شاف هدي اتعدل من مكانه بسرعه
ابراهيم بقلق : ماما انتي كويسه
هدي : اه يا حبيبي بقيت كويسه قوم عشان تفطر
ابراهيم : آمال فين شهد مجتش صحتني لي
هدي بحزن مصطنع : قولتله ادخلي صحي جوزك قالتلي صحيه انتي هو مش ابنك ونايم ف اوضتك خلاص صحيه انتي مش هو سابني امبارح وفضل معاكي خلاص ادخلي ليه إنتي
ابراهيم بدهشة ممزوجه بعدم تصديق : هي قالت كده ازاي اذا كانت هي اللي قالتلي أني أفضل معاكي
هدي : مش عارفه يا ابراهيم واضح أن شهد مش سهله
ابراهيم : ولا تزعلي يا ماما انتي عارفه شهد طيبه معلش تلاقيها كانت نايمه بس ومش مركزه
هدي بتافف : ماشي يلا قوم بقي الفطار هيبرد
ابراهيم : حاضر يا ست الكل. وقام طلع مع مامته  ولقي شهد قاعده ف جنب وتسنيم ف جنب
ابراهيم : صباح الخير قاعدين بعيد عن بعض لي يا جماعه
شهد لسه هتتكلم بس تسنيم سبقتها
تسنيم : ابدا يا ابراهيم انا كنت قاعده برا لقيت شهد بتقولي تعالي وريني المطبخ عشان اعمل قطار قولتلها حاضر يا شهد ودخلت معاها المطبخ ف ازازه الزيت وقعت بالغلط ونزلت دموع تماسيح لقيتها زعقتلي وقالتلي اتفضلي نضفيه أنا مش هنضف وراكي
شهد بصدمه: نعم ده أنا
تسنيم بدموع تماسيح : ايوه انتي
شهد : ابراهيم صدقني أنا معملتش حاجه
تسنيم بغضب : قصدك أني كدابه
شهد : ايوه بتكدبي
ابراهيم : بس بقي شهد اتفضلي ادخلي الاوضه ومتطلعيش غير لم اقول
شهد : بس يا ابراهيم انا
ابراهيم بحزم : قولت اتفضلي ع اوضتك
شهد بغضب : حاضر ودخلت الاوضه ورزعت الباب
هدي : شايف يا ابراهيم عمايل مراتك
ابراهيم : مهو يا ماما معرفش لي تسنيم بتتبلي ع شهد
تسنيم بصدمه : نعم اتبلي
ابراهيم : ايوه عشان شهد استحاله تعمل كده
تسنيم : يعني أنا كدابه
ابراهيم : ايوه كدابه
تسنيم بعصبية : شايفه ابنك يا ماما دي طريقه يعامل بيها أخته الكبيرة المفروض تعاملني باحترام يا استاذ
ابراهيم : لم تكوني محترمه هحترمك
تسنيم : يعني أنا مش محترمه وبصوت عالي عشان شهد تسمع والله عااال بتتخانق معايا عشانها
ابراهيم : لو سمحت يا تسنيم اتكلمي عدل متنسيش انك بتتكلمي ع مراتي
هدي بصوت عالي : افرحي يا شهد من اول يوم ليكي ف البيت وعملتي حريقه ف البيت
ابراهيم : يووووه هو ف اي من اول يوم خناق ما تهدوا شويه انتوا عالم تخنق ودخل اوضته وهو متعصب
شهد : ابراهيم انا
ابراهيم بعصبية : ممكن مسمعش صوتك. وقام لبس هدوم خروج وطلع كانت تسنيم مشيت وهو كمان نزل من البيت وهدي قعدت فرحانه أنها ماشيه زي ما هي عايزه بالظبط ودخلت نامت براحه وشهد قعدت تعيط وقطع صوت عيطها الفون بتاعها بصت عليه لقته جنه ردت عليها
شهد بصوت شبه كويس : الو
جنه بمزاح : صباحيه مباركه يا عروسه
شهد بضحكه وجع : عروسه ده انا منحوسه مش عروسه
جنه باستغراب : لي بتقولي كده
شهد : ولا حاجه يا جنه ولا حاجه
جنه : إنتي بتكدبي يا شهد قولي ف اي
شهد لتغير مجري الحديث : اي هتسافري امتي
جنه فهمت أنها بتغير الحديث ورضيت بده لأنها عارفه شهد  : هسافر بعد يومين
شهد : بالسرعة دي
جنه : عشان الحق اظبط اوراقي هناك واتاقلم ع العيشه
شهد : هتوحشيني يا جوجو والله مش هلاقي حد ارغي معاه
جنه : آمال الفيس والواتس اي لازمتهم ها كل يوم مع بعض يا حلوه مش هسيبك
شهد : ايوه صح ماشي يا جنه عايزه حاجه
جنه : سلامتك يا حبيبتي باي
شهد : باي يا حب وقفلت معاها ونامت شويه
__________&
ف بيت سعديه ادم واقف ف البلكونه وحزين وماسك كويتيه النسكافيه ف ايده حزين ع حاجاتين الحاجه الاول جواز شهد والحاجه الثانيه سفر جنه واضح أن الحياه دي ناويه أنها تعيشهم ف عذاب كبير مش هيخلصوا منه أبون وامه كانوا مخبيين السر ولو مكنش سمعهم بالغلط مكنش عرف ولا اكتشف ان شهد مش أخته من الام ومكنش عرف ان .... قطع تفكيره خبط ع باب الاوضه
ادم : اتفضلي يا ماما. دخلت سعديه الاوضه وشافت ادم والحزن اللي ع معالم وجهه
سعديه : مالك يا حبيبي
آدم : تعبان تعباااان اوي يا ماما
سعديه : من اي يا حبيبي احكيلي
ادم : من كل حاجه تعبت تعبت من دنيا مش عايزه اننا نعيش في سعاده تعبت من أن كل حاجه جايه علينا تعبت من أن احنا ملناش حق نفرح زي ما نكون لو فرحنا ممكن نتحرق
سعديه حضنته : بس يا ادم اكيد يا حبيبي هنفرح ف يوم اكيد الدنيا شايله لينا الفرح
ادم : هو فين الفرح ده بابا مات واختي وقعت في ايد ناس مبيحبوهاش وجنه صاحبتها هتسافر بعيد عنها واحنا هنبعد بعيد عن شهد كمان
سعديه بعدم فهم : نعم إزاي يعني
ادم : زي الناس يا ماما ضروري نبعد عن شهد ودي كانت رساله واضحه
سعديه : رساله رساله اي
ادم : هقولك...........   )وحكالها كل حاجه وهنعرف بعدين )
سعديه بصدمه : لا مستحيل
ادم : عرفتي بقي انا لي كنت مش موافق
سعديه : بس كده مينفعش وشهد
ادم : ده عشان شهد هو إحنا بايدينا اي نعمله قولتلك بلاش بس خلاص
سعديه بدموع : يعني خلاص كده مش هقدر احميها
ادم : إنتي اللي ودتيها لهناك يا ماما وانا مش هسامحك لو حاجه حصلت لشهد عشان شهد اختي حتي لو كانت من الاب بس عن اذنك عشان عندي شغل بدري ف الكافتيريا. وسابها ونزل وهي قاعده تعيط
_____________&
عدا الوقت وجيه الليل وشهد صحيت وفضلت مستنيه ابراهيم وجيه ودخل عند مامته لقها صاحيه
ابراهيم : لسه منمتيش يا ماما
هدي : أنام ازاي وانت مش ف البيت يا ابني
ابراهيم باس ايدها : أنا آسف يا ماما لو كنت عليت صوتي عليكم الصبح
هدي : أنا مش زعلانه منك بس أختك
ابراهيم : متخافيش الصبح أن شاء هكلمها بس المهم انك متكونيش زعلانه مني
هدي : بشرط
ابراهيم : اشرطي
هدي : تنام جنبي النهارده
ابراهيم : بس شهد
هدي : يا دي شهد مهي مراتك هي هتطير يعني
ابراهيم : يا ماما دي عروسه وامبارح كانت الدخله وكده والنهارده كانت الصباحيه وبردو
هدي : عادي يا ابراهيم أنت مش اول واحد يعني ده هو طلب يا هيما
ابراهيم : حاضر هروح اغير واجي
هدي : ماشي يا حبيبي. وف نفسها مش لازم تلمسها ولي ينفع تلمسها دلوقتي خالص يا ابراهيم خالص
ودخل ابراهيم اوضته وشهد قامت ع طول وقربت منه
شهد : تحب اجهزلك عشا خفيف يا ابراهيم
ابراهيم : لا يا شهد متشكر
شهد : انا اسفه لو كنت ضايقتك بحاجه بس انا بجد معملتش حاجه
ابراهيم : خلاص يا حبيبتي متزعليش انا إللي اسف انس اتنرفزت عليكي جامد كده مكنش ينفع بس غصب عني
شهد: عادي يا حبيبي مفيش حاجه أدخل غير بقي
ابراهيم : ماشي ودخل غير هدومه وطلع ومشي ناحيه الباب
شهد باستغراب : أنت رايح فين
ابراهيم : رايح انام مع ماما النهارده عشان زعلانه مني
شهد بدهشة : ماما وف سرها ماشي يا بن امك وبصوت واضح براحتك يا ابراهيم تصبح ع خير
ابراهيم : متزعليش بس إنتي عارفه غلاوتها عندي
شهد : مش مهم بقي اعرف ولا معرفش تصبح ع خير ونامت وهو تنهد ف ضيق وخرج ونام مع مامته. ومر ع الحال ده ست شهور طبعا هدي بتعمل المستحيل عشان ابراهيم ميقربش من شهد وكل شويه هي وبنتها بيعملوا مشكله وابراهيم بيجي يتخانق مع شهد وكانت أقنعت ابراهيم أنه يشتغل شغلنتين ف اليوم عشان الفلوس مش بتكفي وشهد مستغربه معامله هدي وتسنيم واستغربت اكتر ان محدش من أهلها بيزورها حتي سعديه ومبيتصلوش بيها وعاملين ليها بلوك من المكالمات وجنه بقت تتكلم معاها كل فين وفين بسبب الدراسه والحياه بقت زفت ع شهد بسبب الشغل والمشاكل إللي بيتسببوا فيه لشهد وإبراهيم مبيكدبهمش ونوعا ما بقي بعيد كل البعد عن شهد مبيشوفهاش غير ع ساعه النوم واحيانا لا لحد ف يوم
هدي بحنيه : شهد حبيبتي
شهد باستغراب : نعم يا طنط
هدي : خدي اشربي العصير ده عملته بايدي
شهد : ميرسي يا طنط مكنش ليه داعي
هدي : لا إزاي ده انتي زي تسنيم خدي يا حبيبتي
شهد اخدت العصير : شكرا يا طنط. وشريت العصير وهدي ع وشها ابتسامه خبث ملحظتهاش شهد
وقعدوا مع بعضها وابراهيم جيه بدري عن معاده
شهد : خير يا ابراهيم جيت بدري يعني
ابراهيم : عادي مكنش فيه شغل كتير ف الكافتيريا ف صاحب الكافتيريا خلاني امشي
هدي : حلو عشان تتغدا معانا
ابراهيم : مليش نفس
هدي : لا إزاي لازم تاكل معانا وانا هحضر الاكل
شهد : لا يا طنط هقوم انا أحضره
هدي بسرعه : لا يا حبيبتي ارتاحي إنتي وخلصي كوبايه العصير
شهد باستغراب من المعامله اللطيفه دي : حاضر يا طنط. وابراهيم نفسه استغرب بس ما اهتمش ودخلت هدي وبعد عشر دقائق طلعت ومعاها الأكل
هدي : يلا يا جماعه الأكل جهز. كان ابراهيم دخل غير هدومه وطلع وقعدوا كلوا مع بعض وبعد الأكل
شهد : هدخل اغسل الطبقين دول واخلص
هدي : لا يا شهد ابقي اعمليهم ف وقت تاني ارتاحي النهارده
ابراهيم : غريبه
هدي : اي إللي غريبه
ابراهيم : الحنيه دي مره واحده
هدي : عادي يعني ما أنا طول عمري كده
شهد ف سرها : هتقوليلي
هدي : يلا أدخلوا ارتاحوا ومش عايزه نقاش. وفعلا دخلوا الاوضه وبعد شويه ابراهيم قرب من شهد
ابراهيم : مالك ابت احلويتي كده لي
شهد بمياصه : ما انت زي القمر بردو اهو
ابراهيم : لا لا بلاش تتكلمي بالاسلوب ده
شهد بدلع : ليه
ابراهيم : لا حول الله ما تجيبي سكر ابت
شهد بضحكه خليعه : هيهيهيهيهيهي
ابراهيم : أموت انا تعالي بقا وشالها
شهد بدلع: ابراهيم نزلني مينفعش
ابراهيم : هوووووس
شهد : يا ابراه وقطع كلامها بوسه من ابراهيم طويله وبعدين  (سكتت شهرزاد عن الكلام المباح )
__________________&
تفتكروا اي الرسالة دي
لي ادم وسعديه بعدوا عن شهد
اي السر من كره هدي لشهد
لي ادم كان رافض فكره الجواز
لي هدي اتغيرت ف معاملتها مره واحده
توقعاتكم
#Nemo