زواج ام دراسة

البارت السادس عشر

زواج ام دراسه
الحلقه السادسه عشر (قبل الاخيره)
-----------------
طبعا ف ارض الواقع طلع النهار والكل نزل لأشغاله بس عند شهد لسه ع حالتها
#فلاش_باك
شهد بدلع: ابراهيم نزلني مينفعش
ابراهيم : هوووووس
شهد : يا ابراه وقطع كلامها بوسه من ابراهيم طويله وبعدين  (سكتت شهرزاد عن الكلام المباح )
تاني يوم الصبح شهد صحيت من نومها لقت ابراهيم نايم  دخلت الحمام اخدت شاور وطلعت وهي مستغربه أي اللي حصل امبارح أنا نمت ازاي كده ومحستش بدنيا  وليست هدومها كان ابراهيم صحي
ابراهيم : صباح الخير يا شهد
شهد : صباح النور
ابراهيم : هو أنا نمت امتي امبارح
شهد : مش عارفه انا اخر حاجه فكرها انك كنت ع المكتب امبارح وانا قاعده ع السرير وبعدين مش فاكره حاجه
ابراهيم : غريبه بس يلا مش مشكله ندخل اغير بقي بسرعه عشان الشغل
شهد بدهشه : ماشي وف نفسها ام اطلع أسأل طنط يمكن تكون عارفه حاجه مهي مبتنمش غير لم تنيمني وبالمره اجهز الفطار. وطلعت من الاوضه كانت تسنيم وصالح جوزها وابنهم مع هدى بيتكلموا
شهد : صباح الخير
الكل : صباح النور
شهد : ازيك يا تسنيم ازيك يا استاذ صالح
تسنيم بفرحه: ازيك يا حبيبتي
شهد باستغراب من الفرحه دي : الحمدلله
صالح : ازيك يا شهد
شهد بابتسامة : الحمدلله
هدي : اي يا شهد نمتوا بدري امبارح يعني
شهد : والله يا طنط انا مش فاكره إحنا نمنا امتي اصلا حاسه ان جسمي مكسر
هدي : يا حبيبتي انا دخلت اشوفكم لقيتك نايمه وابراهيم نايم ع المكتب شلته بالعافيه عشان مصحكوش ونيمته ع السرير
شهد: بس انا مش فاكره حاجه خالص
تسنيم : خلاص بقي يا شوشو الله عادي انتوا كنتوا تعبانين ولا حاجه
شهد : يمكن 😶 انا هدخل اجهز الفطار
الكل : اوك   دخلت المطبخ وابراهيم طلع من الاوضه
ابراهيم: عم صالح حبيبي ليك وحشه يا راجل
صالح : لا يا راااجل ع أساس انك بتخلص الكرت عليا
ابراهيم : والله مشاغل بعيد عنك
صالح : بعيد عني اي بس إللي انت متعرفهوش اني هشتغل معاك ف الكافتيريا 😏
ابراهيم بضحك : هههههه يا راجل لي كده
صالح بص لتسنيم : أسأل اختك كل شويه صالح عايزه لبن صالح عايزه شامبو صالح عايزه سلك مواعين وتايد وبريل وحاجات كتير
تسنيم بغيظ : انا بعمل كده يا صالح ماااشي
صالح : 😏 يعني اكدب ع اخوكي
ابراهيم : امورنا يا حبيبي والله الكافتيريا هتضلم اقصد هتنور
صالح : اممممم ماشي
شهد وهي طالعه بصنيه الفطار : الفطار جاهز يا جماعه. واتجمعوا كلهم وفطروا مع بعض وصالح وابراهيم نزلوا ع اشغالهم وصالح اخد ابنه معاه للحضانه
هدي : شهد
شهد : نعم
هدي : انزلي جيبي الحاجه إللي ناقصه للبيت
شهد : حاضر. واخدت فلوس ونزلت
تسنيم : اي الاخبار
هدي بابتسامة : تمام اوي
تسنيم : كده مش فاضل غير اخر حاجه بس
هدي : ايوه بس مين
تسنيم : عيب عليكي اتصرفت
هدي : مين بقي
تسنيم : ......
هدي : إنتي اتجننتي ازاي يعني يا تسنيم
تسنيم : يا ماما مهو مش هيتدخل هو بس هيتصرف ف حاجه
هدي : طب وانتي عملتي كده إزاي ولا هو وافق إزاي
تسنيم : هقولك (وقالت لها إللي حصل إللي هنعرفه بعدين)
هدي : تمام اوي كده مش فاضل كتير يابنت يا بنت سعديه
تسنيم : ماشي بعد اسبوع هم يومين وكل حاجه تخلص خااالص
هدي : بنت امك صحيح هي دي اللي جبتها من الدنيا تعالي ف حضني يا حبيبتي وحضنتها (سلاما ع عقول مريضه يتمتعون بالايذاء )
شهد رجعت من تحت
شهد : الحاجه كلها اهي
هدي بتافف: طيب طيب
تسنيم : همشي أنا بقي (يارب عربيه تشيلك اشيخه)
هدي : لي اقعدي معايا هتسبيني معاها لوحدي
تسنيم : هههههههههههه مش فاضل كتير يلا باي
شهد واقفه مش فاهمه حاجه يعني اي مش فاضل كتير مش مهم. ونزلت تسنيم وهدي دخلت الاوضه تحط ماسك (ده إنتي يتحط ع وشك اسمنت مش ماسكات زي الناس)
شهد : روحي يا شيخه الهي تتقلبي من البلكونه ونخلص منك يا بعيده انتي وبنتك. شويه والفون رن
شهد : welcome dear how are you
جنه : هنستهبل يا عنيا متتعدلي
شهد : يخربيتك فصيله انا بس كنت بحاول اتكلم زي عندك كده
جنه : لا يا ماما مع بعضينا بنرجع لاصلنا
شهد : حاضر يا شبح
جنه : حبيبي يثطا اخبارك
شهد : لسه فاكره تكلميني ياختي طبعا ما انتي بقيتي مشغوله ونسيتيني انتي وانكل
جنه : يا شيخه اتنيلي يعني أنا اللي بشوف انكل اوي ده دايما ف شغل وسفر
شهد : يا شيخه خلاص مش هقلب عليكي وحشتيييييييييييني يا كتكوتي
جنه : وانتي اكتر يا حوووووبي
شهد : أخبار كليه الطب
جنه : يووووه حاجه تانيه خالص أنا ف رايي لو كنت ف مصر والله مكانش هيبقي كده دلع ابنتي والله ياريتك كنتي معايا يا شهد
شهد زعلت شويه بس كملت عادي ؛ يا ستي ما انا معاكي بقلبي اهو المهم صورتي المحاضره والحاجات الخاصه من الكتب
جنه : عيب عليكي عملتلك كل حاجه هبقي ابعتهم ع الواتس
شهد : حبيبي يا نااااس تعرفي أنا بحبك اووووي
جنه : مش اكتر مني عامله اي مع ابراهيم وعائلته
شهد : والله ولا حاجه انا وابراهيم مبقناش زي الاول تحسي بقي فيه فتور بيني وبينه بسبب العقربه امه الله ياخدها. ف الوقت ده كانت هدي رايحه لشهد وسمعتها من ع الباب
هدي ف نفسها : بقي انا عقربه يا.....  الهي ربنا يخدك انتي يا بعيده ونرتاح منك ماشي يا شهد ماشي. ورجعت تاني ع اوضتها
جنه : هههههههههههه انا اصلا من الاول مكنتش بحب الست دي
شهد : يعني أنا إللي بحبها اوي بلا هم
جنه : ماشي يلا عايزه حاجه عشان انام
شهد باستغراب : تنامي ااااه صح صح فرق التوقيت ماشي تصبحي ع خير يا حب
جنه : وانتي من اهل الخير بااااي
شهد : باا... جنه
جنه باستغراب ؛ نعم
شهد : متعرفيش أخبار ماما وادم
جنه باستغراب : هو انتي مش بتشوفيهم ولا بتتصلي بيهم
شهد بحزن : كل ما اروح هناك محدش يرد عليا مع اني عارفه انهم هناك بس مبيفتحوش وكلهم عملولي بلوك من ع المكالمات والفيس وكله
جنه : لي كده
شهد: معرفش يا جنه
جنه : اووو طيب يا شهد انا هشوف كده واقولك
شهد : شكرا ياجنه
جنه : انتي عبيطه مفيش شكر بين الاخوات يلا سلام
شهد : مع السلامه. وقفلت معاها ام جنه اتصلت ع ادم وهي قلبها بيدق بسرعه اوي (هتعرف اي إللي حصل ف المكالمه دي بعدين )
طبعا عدا باقي اليوم عادي جدا معامله ابراهيم أو هدي لشهد مختلفتش ف حاجه ومر اسبوع ع الكل ومفيش جديد لحاجه
لحد ف يوم
شهد : يووووه حاضر هو أنا قاعده جنب الباب يا إللي برا
وفتحت الباب لقت شاب ف العشرينات واقف قدامها
شهد باستغراب : افندم
هاشم : مش ده منزل الاستاذ ابراهيم ولا انا غلطان
هدي من جوا : مين يا شهد
شهد باستغراب : معرفش يا ماما واحد شكله غريب كده
هدي جت : شكله غريب بصتله اوي ااااه ده هاشم صاحب ابراهيم ادخل يا هاشم
هاشم : ازيك يا طنط عامله اي
هدي : ازيك يا حبيبي شهد اعملي لهاشم عصير
شهد: حاضر ودخلت المطبخ
هدي : هو انت بقي
هاشم : ايوه هي دي
هدي : ايوه هي
هاشم : اممممم مش بطاله
هدي : ماشي بس هتخلص امتي
هاشم : بالكتير أسبوعين
هدي : ييييييي لسه اسبوعين تسنيم قالت ف يومين
هاشم: لي هو انا جي اكفن ميت وادفنه ولا بعمل عزا وبعدين يعني ع حسب علمي انتي استنيتي ٧شهور تقريبا مش عارفه اصبري أسبوعين
هدي بنفخ : اووووف ام نشوف
شهد : اتفضل العصير 
هاشم  وهو متعمد انه يمسك ايديها : تسلمي يا جميل
شهد بعدت ايديها بسرعه : أنا هدخل اجهز الغدا
هدي : لا اعدي معانا دلوقتي
شهد : امممم ماشي وقعدت وهو تعمد يقرب منها وشهد تبعد شويه
شهد بحزم : لو سمحت وسع مينفعش كده
هدي : ف اي يا شهد ده يعتبر اخو ابراهيم ف الرضاعه
شهد : ع عيني وراسي يا طنط بس ميلزقش فيا كده
هدي ف نفسها : لا طاااهره اوي بس اللي قالته طيب انا هدخل الاوضه اشوف حاجه واجي
هاشم : براحتك يا طنط أنا قاعد مع القمر 🌒 هنا
هدي : ماشي
شهد ف نفسها : لا اله الا الله الواد ده محتاج يتشبشب ليه
هاشم : وانتي عندك كام سنه يا شهد
شهد : لي هتطلعي بطاقه مثلاً
هاشم ف نفسه : قويه بس قمر
هاشم : لا يسأل عادي من باب العلم بالشئ
شهد : اممممم حيث كده بقي لا معرفش عندي كام سنه
هاشم : اي الغلاسه دي يا بت
شهد : بت ام تبتك ما تتلم يا جدع انتي سكتنا له دخل بحماره ولا اي
هاشم بصدمه : اي ده كله
شهد : ان كان عاجبك   هاشم سمع صوت الباب بيتفتح
هاشم : بس تصدقي أن الفستان حلو عليكي روعه يعني. ابراهيم سمع الكلام ده واستغرب يمكن تسنيم وصالح هنا ودخل ف نفس الوقت إللي كانت شهد هترد ع هاشم واتصدم أن الكلام ده لشهد
شهد : ابراهيم حبيبي انت جيت وراحت عليه وابراهيم باصص ليها هو والثاني ده بنظره صدمه
هدي طلعت : هيما حبيبي حمدلله ع السلام سلم ع هاشم
ابراهيم : هاشم مين
هاشم : اخس عليك يعني عشان زعلانين مع بعض تعمل كل ده وتتبري مني
هدي : لا ميصحش تعالي معايا يا ابراهيم
ابراهيم : ماشي بصلهم اوي ودخل الاوضه
هدي : ينفع إللي عملته مع صاحبك ده
ابراهيم : صاحبي مين انا معرفوش
هدي : إزاي بقي
ابراهيم : اي إللي ازاي انا معرفوش
هدي : غريبه آمال شهد قالتلي أنه صاحبك لي
ابراهيم بصدمه : شهد
هدي : أيوه لم جالنا من أسبوعين قالتلي أنه صاحبك وانت معرفها عليه
ابراهيم : اسبوعين وأنتي كنتي بتعملي اي ف الاسبوعين دول يا ماما
هدي : انا اول ما هاشم ده كان يجي كانت شهد بتخليني أدخل الاوضه وهم يفضلوا مع بعض بالساعتين
ابراهيم : نععععععععم ساعتين ومكنتيش بتقولي ليا لي
هدي : لو كنت قولتلك كنت هتقولي اني بوقع بينك وبين مراتك
ابراهيم سرح ع الطريقه إللي كانت بتعامله بيها كول السبع شهور وأنها كانت بتمنعه يقرب منها بحجه مامته
هدي بخبث : يلا نطلع يا ادم. وطلعت هي وابراهيم كان هاشم مشي
شهد : ابراهيم اتاخرت كل ده لي هاشم مشي وهو زعلان منك
ابراهيم بقرف منها: احسن بردو
شاهد : مالك يا ابراهيم بتكلمني كده لي
ابراهيم : دي طريقه كلامي لو عاجبك غوري اعملي ليا الحمام
شهد : اي الطريقه دي انت بتكلمني كده لي انا مسمحلكش
ابراهيم : والله عال اتكلمي عدل وانتي بتتكلمي مع جوزك
شهد : لم تتكلم معايا باحترام هبقي اتكلم باحترام. وف ثانيه كان قلم نازل ع وشها وشهد اتصدمت وهدي ابتسمت بانتصار
ابراهيم بعصبية : أم اكون بكلمك متعليش صوتك إنتي فاهمه امشي غوري من وشي. ودخلت شهد ع اوضتها جري وقعدت تعيط
هدي بحزن مصطنع : لي كده يا ابراهيم
ابراهيم : ماما لو سمحتي متدخليش بيني وبين مراتي انا نازل رايح الشغل سلام
هدي : ابراااهيم بس ابراهيم كان نزل ورزع الباب وراه
هدي ابتسمت جامد وجابت الفون بتاعها
تسنيم : اي يا ماما
هدي : انا خلصت كل حاجه ف ثانيه
تسنيم باستغراب : ازاي
هدي : حكتلها إللي حصل
تسنيم : الله عليكي يا ماما كده بقي مش لازم أسبوعين زي ما بيقول كل حاجه هتخلص بكره
هدي بتنهيده : يااااا رب نخلص بقي
تسنيم : أن شاء الله المهم انا (وحكتلها الخطه بتاعتها )
هدي : خلاص ماشي يلا سلام
تسنيم : مع السلامه
________&
ادم : مالك يا ماما
سعديه : مش عارفه انا قلقانه اوي ع شهد
ادم : من اي بس
سعديه : معرفش بنتي فيها حاجه
ادم بقلق : متقلقنيش يا ماما الله يخليكي هي كويسه اكيد
سعديه : يارب يا ادم يارب
ادم ف نفسه : ربنا يستر
سعديه ف نفسها : ربنا يحفظك يا شهد يا بنتي
__________&
صالح رجع من شغله تعبان اخر النهار ولقي تسنيم لابسه قميص نوم لونه بنفسجي غامق وضيق ع جسمها وحاطه ميكاب وقاعده مستنياه
صالح باعجاب : مين القمر
تسنيم : صلوحه انت جيت يا حبيبي
صالح : صلوحه وحبيبي وقميص نوم وميكاب اكيد ف حاجه
تسنيم : هههههه لي بس بتقول كده
صالح : هو أنا مش عارفك يا تسنيم دي إنتي مراتي
تسنيم : اصل انا مبسوطه أوووووي يا صالح
صالح : من اي ما تبسطيني معاكي
تسنيم : هههههه لا مش مهم
صالح : صح تعالي يا جميل بقي (جميل والنبي انت معمولك عمل ) وشالها ودخل الاوضه (وسكتت الحربايه عن الكلام المباح عشان دي مينفعش معاها شهرزاد خاااالص)
طبعا ابراهيم رجع ع البيت ومدخلش الاوضه ونام بهدومه ف الصاله وشهد نامت من كتر العياط
طلع النهار وشهد قامت اتوضت وصلت فروضها وطلعت من الاوضه جهزت الفطار ودخلت أوضتها تاني وابراهيم صحي لقي الفطار ع الترابيزه فطر ودخل الاوضه مكلمش شهد ف حاجه وهي كمان واخد هدوم دخل الحمام وطلع صلي ونزل ع الشغل وشهد عيطت وبعدين مسحت دموعها لم باب الاوضه خبط
شهد : نعم يا طنط
هدي : إنتي كنتي بتعيطي ولا أي
شهد : لا ابدا ف حاجه
هدي : لا أنا كنت جيبالك العصير ده تشربيه
شهد : ميرسي بس أنا مش قادره
هدي : هتكسفي ايدي ولا اي خدي يا شهد
شهد اخدته وابتسمت : متشكره
هدي بكره بتداريه : عادي يا حبيبتي أنا هنزل انا بقي شويه وهاجي
شهد : ماشي يا طنط. ونزلت هدي بس فضلت فاتحه الباب حته صغيره لحد ما اتاكدت أن شهد شربت العصير ومسكت الفون وو
هدي : الو انت فين
هاشم وهو نازل من وراها : انا اهو
هدي : بسم الله الرحمن الرحيم
هاشم بسخرية : عارفه ربنا اوي
هدي : اتكلم عدل يا جدع انت
هاشم : اووف ماشي اي الأخبار
هدي : اهي جوا اهي ادخلها بقي
هاشم : ماشي بس ياريت نخلص بسرعه عشان تعبان وعايز انام
هدي : ع ما اعتقد انك مش بتعمل كده لله وللوطن انت بتاخد فلوس ع الكلام ده اتفضل أدخل خبط عليها. هاشم خبط عليها وهي نزلت تحت بسرعه
شهد فتحت الباب : افندم
هاشم : ازيك يا شوشو
شهد بغضب : شوشو دي امك يلا
هاشم : ولي الغلط طاه
شهد : بلا طاه بلا ظاه  لخص عايز اي
هاشم زقها لجوه وبصلها بخبث : كل خير ان شاء الله
ف نفس الوقت هدي كانت اتصلت بابراهيم اللي كان لسه واصل قدام البنك
ابراهيم : ايوه يا ماما
هدي : ابراهيم الحقني
ابراهيم بخضه : اي ف اي
هدي : انا نزلت تحت عشان ادفع فلوس للبقال واتاخرت شويه طلعت فوق بخبط محدش بيرد عليا وانا ماخدتش مفتاح الشقه معايا
ابراهيم : طيب أهدي أهدي انا جي
هدي : ماشي بسرعه عشان انا قلقانه ع شهد
ابراهيم : سلااام وقفل معاها ورجع بالعربيه تاني بسرعه
وهدي ابتسمت بخبث ف نفس الوقت عند شهد فوق
شهد: أنت عايز اي ابعد عني
هاشم : انتي واحده جميله وخساره ان الواحد يشوف الجمال ده ويسكت
شهد حست ان اعصابها كلها اتشلت عن الحركه ووقعت ع الكنبه ومش قادره تعمل أي حاجه لا تتكلم ولا تتحرك وهاشم طبعا استغل كده وقطع حته من البيجامه بتاعتها وفتح زراير القميص وفضل واقف قدامها وقرب منها
هاشم بصوت خافت : انتي دلوقتي تقدري تقولي مشلوله كليا متقدريش تعملي اي حاجه وانا اعمل إللي انا عايزاه
شهد دمعت
هاشم لمس وشها وهي عايزه تتحرك : وشك حلو وجميل وخسارة الوش ده يعيط عدا ١٠ دقائق مبيعملش حاجه غير أنه يلمس وشها وسمع صوت الباب بيتفتح قرب منها جامد من عند رقبتها ع اساس انه هيبوسها ف نفس الوقت كان مفعول الدوا راح وهي جايه تزقه بس ابراهيم دخل واتصدم
شهد بصدمه : ابراهيم
ابراهيم قرب منها جامد وف ثانيه كان القلم نازل ع وش شهد وهي بتعيط جامد وهو نزل عليها بالقلم الثاني وقرب ع هاشم ضربه بالبوكس ف وشه لدرجه ان مناخيره جابت دم
هدي : يالهوووووووي منك لله اي إللي بتعمليه ده يا لهووووووووووي الحقووووونا يا نااااس
هاشم زق ابراهيم وجري بسرعه ام ابراهيم فراح لشهد ومسكها من كتفها جامد ودخلها الاوضه وقفل عليها مع مناده أنه ليه وتسنيم جت والجيران نزلوا
ابراهيم بغضب : عملتي كده لي ها وضربها بالقلم
شهد : ابراهيم اسمعني الأول طيب
ابراهيم : أنت ...... انتي واحده مستهالش حاجه  من إللي عملتهالك اتجوزتيني ليييي وضربها بالقلم تاني
هدي من برا : يا ابراهيم افتح الباب وبتخبط جامد
ابراهيم : إنتي وأحده خاينه زباله تربيه شوارع اهلك معرفوش يربوكي وضربها ف بطنها برجله
شهد : اااااااااااااه
راجل : عيب عليك دي مراتك بردو ميسحش اللي بتعمله ده
ابراهيم : ملكش دعوه محدش يتدخل
شهد : اااااااه الحقووووني الحقوني
هدي : افتح الباااب يا بني هتروح ف داهيه عشان دي
ابراهيم  : لازم اعلمها الادب وفضل يضرب فيها
تسنيم : يا ابراهيم اهدي طيب والناس قعدوا يزقوا ف الباب لحد ما انكسر ودخلوا وحاشوا ابراهيم عن شهد بأعجوبة
شهد بدموع ووجع : انا معرفوش صدقني هو إللي اتهجم عليا
ابراهيم : كداااابه بطلي كدب أحسن افتح دماغك دي
شهد : انا مبكدبش عليك
هدي : أهدي يا ابراهيم
شهد : قوليله يا طنط أني مبكدبش قوليله انه جيه امبارح بس
هدي بخبث : عشان نصدقكك أن مفيش بنكوا حاجه نعمل كشف إذا كنتي لسه بنت ولا بقيت مدام   شهد بصتلها بصدمه كبيرة والكل واقف متفاجئ
____________&
كده عرفتوا الخطه ولا لا
تفتكروا اي رده فعل شهد
رد فعل اهلها اي
استنوني ف الحلقه الاخيره أن شاء الله
توقعاتكم
#Nemo