زواج ام دراسة

البارت التاسع

زواج ام دراسه
الحلقه التاسعه
---------------
ابراهيم بغضب : ادم يعمل كده لي عايز اعرف بس  وساعتها ادم دخل ولم شافه ظهرت معالم كتيره غضب حزن عصبيه وووو
______________
نسيب عالم الذكريات ونروح لأرض الواقع شويه
سعديه دخلت ع ادم الاوضه بتاعته لقت هدومه ف الارض والسرير مش متظبط والبوم الصور مرمي ف الارض
سعديه بشهقه : ادم ف اي
ادم بص لامه ورجع بص ع الحيطه وسعديه راحت لادم
سعديه : ف اي يا ادم متقلقنيش
ادم اترمي ف حضنها وعيط وهي خايفه
سعديه : مالك يا ادم مالك يا ابني
ادم : شهد يا امي
سعديه بقلق : مالها شهد
ادم بدموع مكتومه : شهد دخلت ف غيبوبه ياماما
سعديه بصدمه : اي ازاي
ادم : معرفش معرفش وعيط
سعديه بدموع : اي السبب يا ادم وعرفت منين
ادم : انا معرفش السبب بس جنه اتصلت عليا وقالتلي تعالي الشركه اللي بتشتغل فيها شهد وأنا روحت وساعتها لقيت ابراهيم ف وشي. سعديه ركزت انا شوفته ف الشركه ولقيت شهد مرميه ف الارض ومغمي عليها اخدتها انا وجنه وف الآخر شهد دخلت ف غيبوبه الدكتور قال إنها متهربه من الواقع بتاعها 😢😢
سعديه : ابراهيم ابراهيم كان بيعمل اي ش
ادم اترمي ف حضنها : معرفش إحنا لي منكنش زي الباقي لي مش عارفين نعيش طبيعيين لي يا ماما لي احنا اللي ف مشاكل لي مش عارفين نرجع عائله واحده انا قولتلك من الاول يا ماما مينفعش قولتلك
سعديه قامت وقفت ودخلت اوضتها ولبست العبايه بتاعتها وادم غسل وشه وخرج واستغرب
ادم : رايحه فين يا ماما هتروحي اشهد
سعديه : قبل ما اروح لشهد لازم اروح مشوار تاني
ادم : هتروحي فين
سعديه نزلت وهي متعصبه ومردتش وادم نزل وراها بسرعه وركب عربيته وطلع ورا التاكسي إللي اخدته ولقها وقفت عند ........
_________________
فارس رجع ع الشركه وهو باين ع عيونه اثر الدموع وجيداء شافته اتخضت وجريت عليه
جيداء بخوف : فارس ف اي مالك
فارس : شهد يا جيداء
جيداء : مالها شهد يا فارس كويسه صح
فارس : شهد دخلت ف غيبوبه
جيداء بشهقه : اي غ غيبوبه
فارس : ايوه
جيداء : لي اي اللي حصل انت عملتلها اي يا فارس
فارس ضرب المكتب : معملتش حاجه انا معرفش اي إللي حصل وأنتي شوفتي انا ملمستهاش
جيداء : امال اي اللي حصل شهد طلعت من مكتبها عادي واخدت التصاميم بتاعتها وجتلك
فارس باستغراب : أنا محدش جالي انا كنت قاعد ومحدش دخل انا سمعت صوتها بس
جيداء: غربيه البنت دي غربيه اوي  وسكتت بس انت كنت بتعيط
فارس لف وشه : اعيط واعيط لي
جيداء : فارس انا وانت متربيين مع بعض يعني اعرفك اكتر ماانت تعرف نفسك
فارس : معرفش بس حسيت اني مخنوق حسيت ان كل حاجه بتروح مني أني مليش حق افرح
جيداء : فارس انت بتحبها
فارس سكت وبعدين : معرفش انا مش عارف حاجه كل إللي اعرفه اني بكون عايز اشوفها
جيداء: انت بتحبها يا فارس صدقني
فارس : أنا مليش ف الحب وانتي عارفه انا واحد معندوش قلب ومينفعش يحب
جيداء : لي ان شاء الله ناقصاك ايد ولا رجل ولا مثلا حالتك الماديه متسمحش ليك
فارس : لا مش كده بس
جيداء : بس اي يا فارس أنت بقي عندك ٣٠ سنه ومش راضي تتجوز لي ها بنات كتير يتمنوك وانت ولا هنا لي فارس
فارس : كده وخلاص انا حر هو انا ست هعنس ولا حاجه ولا مثلا أنت جت زيك دخلت ع ٢٨ ولسه مفيش جواز ها
جيداء زعلت : براحتك يا فارس أنت حر
فارس اتنرفز : اقولك ع حاجه قولي للموظفين يمشوا انا همشي مع السلامه
جيداء : مع السلامه يا فارس
ومشي فارس وهو مخنوق ومدايق من نفسه مش عارف يروح فين
____________________
نروح لشهد ونشوف
#فلاش_باك
ابراهيم بغضب : ادم يعمل كده لي عايز اعرف بس  وساعتها ادم دخل ولم شافه ظهرت معالم كتيره غضب حزن عصبيه وخبط الباب وراه وشهد اتنفضت واستخبت ورا ابراهيم
ادم بعصبية : جيت لي يا إبراهيم
ابراهيم : ينفع اعرف لي عملت ف شهد كده
ادم بص لشهد وبعدين بصله ببرود: ميخصكش
ابراهيم : لا يخصني يا ادم
ادم : يخصك ف أي ها
ابراهيم : شهد حبيبتي وده كفايه وكمان هنتجوز
ادم : ومين وافق ع الجواز
ابراهيم : شهد موافقه وطنط
ادم : بس انا مش موافق
سعديه بحزم : ادم
ادم مقاطعا : ماما لو سمحتي انا مش هرمي اختي ف التهلكه
ابراهيم : تهلكه اي ها مالك يا ادم اتغيرت من ساعه معرفه اني عايز اتجوز شهد
ادم : لان امك ا...بص لامه شافها بتهز رأسها بمعني لا
ابراهيم : مالها امي ها
ادم اتنهد : مش هتوافق ع الجواز ده انتوا ولاد عم مش اكتر
شهد : بس احنا بنحب بعض يا ادم وابراهيم بيحبني اكتر من الكل
ادم : شهد متدخليش
ابراهيم : لا من حقها تدخل انت تسكت خالص
آدم بغضب : ابرااااهيم ومسكه من رقبته وسعديه جريت عليهم وشهد مصدومه من اخوها
سعديه بزعيق : بس بقي بس اي مفيش إحترام ليا خلاص الموضوع ده إنتهي ابراهيم تقدر تجيب اهلك يوم الجمعه
ادم : ماما
سعديه : ولا كلمه ابوك مات بس انا لسه عايشه وانا إللي أقرر بخصوص بنتك
ادم : صح انتي صح خلاص بس محدش يجي يشتكي وانتي يا شهد أول ما هتتجوزي إبراهيم انسي أن ليكي اخ
شهد بصدمه : نعم
ادم : زي ما سمعتي
سعديه : ادم انت اتجننت
ادم : لا متجننتش بس كل واحد بيفكر بمزاجه خلاص يلا بقي اول ما شهد هتتجوزك يا ابراهيم ملهاش اخوات ساعتها وده قراري. ودخل اوضته وهو مخنوق وشهد واقفه ودموعها نازله معقوله هيتخلي عنها
ابراهيم : ادم ماله اتغير لي كده
سعديه اتنهدت بحزن : ولا حاجه تقدر تمشي يا ابراهيم
ابراهيم باسي : طيب سلام سلام يا شهد
شهد بصتله ودخلت اوضتها وقفلت عليها وهو مشي وهو مدايق وسعديه راحت ع اوضه ادم وخبطت محدش بيرد وجت تفتح لقت الباب مقفول عرفت أنه مدايق ودخلت اوضتها وهي زعلانه ع ولادها اللي حصل ده كله ف يوم. وابراهيم رجع ع البيت وهو مخنوق
هدي بضيق : كنت فين يا ابراهيم
ابراهيم : عند شهد
هدي : اي كتبت عليها ولا اي
ابراهيم بخنقه : اي الطريقه دي يا ماما
هدي : طبعا مش هي قوتك عليا
ابراهيم. : انتي مالك مبتحبيش شهد لي
هدي : اي لي ان شاء الله بيني وبينها تار ولا اي
ابراهيم : والله معرفش
هدي : يا حلاااوه باين أنها لعبت ف دماغك قوي
ابراهيم : يووووه إنتي الكلام معاكي مش بينفع
هدي بشهقه : بتزعلقي يا خساره تربيتي فيك روحلها يا خويا مش زعلت اختك عشانها برضو
ابراهيم : هي قليله الادب هي شهد عامله لكم اي اه وخدي بالك   يوم الجمعة هنروح عشان نقرأ الفتحه
هدي : روح أنت أنا مش رايحه
ابراهيم : والله براحتك عايزه تيجي تيجي مش عايزه برضو براحتك بس شهد هتبقي مراتي وده اخر كلام تصبحي ع خير
هدي : واضح أن البت دي لعبت ف دماغه جامد ماشي يا شهد ماااااشي
عند أخته تسنيم
صالح : يعني إنتي مالك هو حر
تسنيم : حر إزاي انت عايز البت دي تبقي مرات اخويا
صالح : لي لا مؤدبه ومحترمه
تسنيم : لا والله ما تروح تتجوزها احسن
صالح : لا متنفعش صغيره
تسنيم بغضب : يعني لو كانت كبيره كنت اتجوزتها
صالح: يوووه انتي هتتجنني عليا أنا هروح انام مع الواد
تسنيم : يكون احسن وطلع بره
تسنيم بخنقه : كتها نيله اللي عايزه تتجوز بلا قرف اخرتهم كرش مدلدل قدامهام وكل حاجه عندهم الأكل تقولش متجوز طباخ بلا قرف
ونام الكل تاني يوم الصبح شهد صحيت من نومها وغسلت وشها وليست لبس المدرسه وطلعت تفطر
شهد : صباح الخير يا ماما
سعديه : صباح النور يا حبيبتي دراعك عامل اي
شهد : احسن الحمد لله
سعديه : الحمدلله يلا اقعدي افطري عقبال ما اصحي ادم
شهد : ماشي. وقعدت وسعديه دخلت تنادي ادم
سعديه : ادم يلا عشان تفطر
ادم : حاضر وطلع بره وشاف شهد قاعده ع الاكل
ادم : مش هاكل
سعديه : لي
ادم : نفسي اتسدت من ع الأكل مش عامل معاها
شهد زعلت وسعديه لاحظت : اقعد يا ادم وكما فطار مش لعب عيال هو
شهد قامت من ع الأكل : انا شبعت
سعديه : اقعدي انتي كمان اي التهريج ده اتفضل اقعد بقي
ادم قعد وشهد كمان واكلوا وخلصوا اكل
شهد : ادم
آدم :.    
شهد : ممكن اروح المدرسه
ادم : ده شئ يخصك انا مليش دعوه
شهد : لا طبعا من حقك مش اخويا
ادم : لا وانا قولت الكلام ده من امبارح
شهد : بس انت قولت لم اتجوز ابراهيم وأنا لسه متجوزتش
ادم : لا من النهارده أنا معرفكيش انتي مجرد ضيفه مش اكتر
سعديه : تعالي يا ادم ع اوضتي وانتي يا شهد روحي مدرستك
ادم : لا معلش عندي محاضره
سعديه : قولتلك تعالي وانتي كمان يلا روحي
شهد بحزن : ماشي سلام ونزلت وادم وسعديه دخلوا الاوضه
سعديه : ينفع افهم قولت كده لي
ادم : انا حر
سعديه : انا واضح معرفتش اربي انت تتكلم مع الكل معوج الا معايا تقف معوج وتتكلم عدل
ادم : نعم يا ماما عشان انا مش هقدر أشوف شهد بتروح التهلكه بنفسها واسكت
سعديه : وانت عرفت منين كنت بتشم ع ضهر ايدك ولا اي
ادم : ماما احنا مش هنضحك ع بعض إحنا عارفين أن هدي مش بتحب شهد
سعديه : واحنا مالنا بهدي إحنا لينا ف ابراهيم
ادم : مهي دي المشكله ان هو ابنها
سعديه : مشكله ف اي هو بيحبها وهي كمان
ادم : بس شهد محدش بيحبها ف البيت اللي هناك هدي كمان زرعت الحقد ف قلب تسنيم محدش يعرف الحقيقة
سعديه : لاحظ أن  انت كمان كانت مش هتعرف ح لولاه انك سمعت صدفه
ادم : المهم اني عرفت انتي عايزه شهد تعيش مع دي إزاي
سعديه : هي هتعيش معاها دي هتعيش مع ابنها
ادم : ابراهيم بيروح البنك الصبح وهي هتفضل مع أمه اليوم كله واحتمال كمان تيجي أخته
سعديه : ساعتها شهد تيجي هنا
ادم : هتيجي هما كل يوم يا امي
سعديه : يووووه يا ادم متصعبهاش
ادم : انا مش بصعبها بس انا بقول الواقع
سعديه : بس مينفعش انك تبعد عن شهد
ادم : ده الصح مش هقدر اشوفها بتتعءب وافضل ساكت عشان كده لازم ابعد عنها
سعديه : ومين إللي هيقف جنبها لو حصل حاجه
ادم شاور عليها : انتي مش إنتي اللي وافقتي خلاص خليكي انتي يا ماما يلا عشان متأخر سلام ونزل بسرعه عشان ميضعفش وشهد وصلت المدرسه وهي حزينه وجنه شافتها وجريت عليها
جنه : شهد حبيبتي ف اي
شهد : انا تعبانه اوي يا جنه
جنه : تعالي اقعدي وقولي لسه فاضل ع الحصه وقت مالك مكنتيش بتردي عليا لي ومجتيش امبارح لي واي اللي حصلك
شهد : حكتلها اللي حصل ودموعها ع خدها وجنه مصدومه
جنه : يااااه كل ده حصل وأنا معرفش
شهد : مش عارفه اعمل اي وادم زعلان اوي
جنه : وأنتي بتحبي ابراهيم من امتي
شهد : مش عارفه الاول مكنش ف دماغي حاجه بس فجأه لقتني بدأت احبه
جنه : امممممم وهتعملي أي مع ادم
شهد : مش عارفه انا بجد مش عارفه ادم ماله اتغير لي
جنه اكيد ف حاجه يا شهد فكرتي تسألي
شهد : جربت بس هو مش بيرد عليا
جنه : وهتجوزي ازاي يا شهد فعلا ودراستك
شهد : يا ستي يعني اللي درسوا دول اخدوا اي اخرتها شهاده ع الحيطه وانا هبقي معايا الثانويه العامه وخلاص
جنه : بس يا شهد ده مستقبلك وهينفعك بعدين
شهد : مش عارفه بقي يا جنه اللي ربنا كاتبه هنشوله يلا عشان الحصه بدأت يلا. ودخلوا ام عند ابراهيم فهو صحي بس مكلمش امه
هدي : طب قول صباح الخير ولا القطه بلعت لسانك
ابراهيم : ف اي يا امي هو جر شكل ع الصبح
هدي : واجر شكلك لي يا حبيبي
ابراهيم : والله مش عارف ع العموم صباح الخير حلو كده
هدي : ماشي... الا انت قولتلي هتقرا الفاتحه امتي
ابراهيم ساب الاكل وبصلها باستغراب : يوم الجمعه لي
هدي : اي اللي لي عشان اجي معاك طبعا
ابراهيم بفرحه : بجد يعني وافقتي
هدي : ايوه مبسوط
ابراهيم : طبعاً كنت عارف ان قلبك طيب
هدي بخبث : اوي اوي مقولكش
ابراهيم : ماشي يا حبيبتي انا خلصت اكل يلا هروح الشغل سلاااام
هدي بخبث : مع السلامه يا حبيبي. ونزل ابراهيم وهدي مسكت الفون
هدي : الو
تسنيم : اي يا ماما
هدي : جوزك جنبك
تسنيم : اهو متلقح مع الواد جوا
هدي : اي اتخانقتوا تاني
تسنيم : ييدافع عن ست شهد هانم
هدي : والله ما اعرف البت دي عامله لهم أي
تسنيم : فكك المهم ف اي
هدي : اخوكي هيروح يقرأ الفاتحة يوم الجمعة
تسنيم بصدمه : نععععم ع مين
هدي : يعين هيكون ع مين ع شهد ياختي
تسنيم : ازاي مستحيل يحصل إنتي هتروحي
هدي بابتسامه خبيثه : طبعا
تسنيم : اممممم صوتك بيقول أن ف حاجه ف دماغك
هدي : بنت امك اقولك بقي ............(هتعرفوا بعدين)
تسنيم : تحفه وانا كمان هحضر
هدي : طبعا يا حبيبتي يلا عايزه حاجه
تسنيم : لا خليني اشوف الراجل ده
هدي : يا بت خلي بالك منه اتعلمي من المنيله شهد
تسنيم : متجبيش سيرتها يلا مع السلامه
هدي : سلاااام وقفلت معاها
هدي : ماشي يا شهد يا بنت ...يا بنت سعديه هنشوف مين فينا إللي هيكمل. ورجعت شهد ع البيت وادم مبتعملش معاها وابراهيم رجع هو كمان ع البيت ومستني يوم الجمعه بفارغ الصبر  عدي يومين من غير احداث تذكر وجيه يوم الجمعه الموعوووود
________________
نسيب بقي الماضي شويه وتروح للواقع
سعديه وصلت ع المكان وادم استغرب جدا دخلت سعديه وادم نزل وراها وووو
____________
بس كفايه تفتكروا سعديه راحت فين
اي السر اللي محدش عارفه
فارس لي مش عايز يحب ولا يتجوز
هدي وتسنيم ناوووووين ع ايييييي
ابراهيم ليه علاقة ف الموضوع
توقعاتكم
#Nemo