قصة حب على حافه الهاويه
للكاتبه Zahraa Mohmad
البارت الاول
حين تجمعنا الصدفه ونمشي بطريق واحد بدايته واضحه ولكن نهايته غير معلومه تعتمد على مسار طريقنا اما ان نكمل الطريق سوية او تفرقنا الاقدار ..
قصتنا اليوم حقيقيه عن بنت عانت الامرين في بيت اهلها وحاربت لتكمل دراستها وتصل الى الجامعه وهناك يخبيء القدر لها مالم تضعه في الحسبان تابعو القصة ...
نور بطله القصه فتاة جميله تميل الى الجمال الهندي ذكيه من عائله ميسوره الحال لكن متعصبه جدا عائلتها متكونه من الاب والام والاخوه الثلاثه والاخوات اثنان .
الاخ الاكبر رياض مدرس اسلاميه متزوج وعنده اطفال اثنين والثاني اسامه متزوج وعنده طفل واثنينهم متزوجين وطالعين من البيت اما يوسف كان متزوج وباقي مع العائله ضابط بالجيش متزوج من رسل وزوجته حبابه وخريجه معهد طبي لكن اكيد ممتعينه لان من ضمن الممنوعات التعيين .
نبدي قصتنا ويه نور اصغر وحده بالعائله والمفروض المدلله بس بقانون بيت ابو رياض ماكو شي اسمه دلال
نور .ماما حبيبتي اني خلصت شغل راح اروح للمدرسه محتاجه شي مني بعد
الام اسمعي نور ابوج معصب وميقبل تداومين يابنتي اكعدي وستري علينا اليوم
نور ماما الله يخليج عندي امتحان ارحموني المدرسه متقبل تمتحني اذا اغيب ليش تسوون بيه هيج يوميه بطلي واكعدي وبالتواسيل ارجع اداوم خلوني اكمل دراسه جنت احجي بعصبيه وبجيت وصعدت لغرفتي ركض وبقيت بيها ومنزلت للظهر سمعت صوت ابويه يصيح ام رياض وينج
اجتي امي تركض هله ابو رياض الله يساعدك هله بيج تعبان وجوعان غداج حاضر اي اي على ماتسبح وتبدل كل شي تلكاه جاهز
نور نور نعم ماما تعالي بنتي ساعديني ابوج يريد الغده بسرعه يله يمه
حضرنا الغده وكعدنا نتغده واني گالبه وجهي ومبين عليه باجيه وعيوني حمر
باوع عليه ابويه گال خيرج شو گالبه خلفتج شكو ياستار
بابا الله يخليك ليش تحرمني من المدرسه والله اني احب الدراسه واتمنى اكمل وقبل مااكمل كلامي صاح بيه اني گلت ماكو دراسه تكعدين بالبيت الى يجيج ابن الحلال حالج حال اخواتج وبنات عمج وبنات عماتج ماعدنا بنيه تكمل دراسه موضوع شيلي من بالج
نزلت دموعي زين بابا ميخالف خليني اكمل وشوكت مااجه ابن الحلال الي تكول عليه ذاك الوكت ابطل الله يخليك امي لاول مره توگف ويايه هاي هيه ابو رياض خليها تداوم الى ان تتزوج وذاك الوكت بعد مالها حجه
زين زين ميخالف بس ميحتاج اوصي واكول لبسج وصوتج ماريد اسمع يكولون بنت ابو رياض لبسها مو محتشم لو صوتها طالع تره اخلي طلقه براسج وميرفلي جفن لتكولين ابويه ماگال
حاضر بابا تدلل واني من الفرحه مااعرف شاسوي بوسته من راسه اشكرك بابا حبيبي
سويلي جاي دوختي راسي
تأمر امر سويت الجاي وكملت تنطيف المطبخ ور كضت لغرفتي حتى ادرس
مرت ايام نفس الروتين اليومي جنت اخاف من يجون اخواني زياره علينا يبقون يحجون ويحركون بابويه ليش مخليها تكمل دراسه مع العلم همه من تزوجو اختاروهم خريجات بس ممنوع يتعينون
واني ايدي على قلبي اخاف الى ان يروحون وابويه ممغير رأيه
نجحت من الخامس. وصرت بالسادس واني فرحانه اخر سنه واوصل للجامعه بس بيوم رجعت من المدرسه سمعت ابويه يگلها لامي اني بعد مرجعتلهم خبر گلت الولد يسألون عنهم واذا خوش ناس نتوكل على الله اني اسمع ومصدومه يارب الي سمعته غلط دخلت وتلكاني ابويه واكدلي الي سمعته صح اسودت الدنيا بعيني ومااعرف شاحجي ركضت فوك دخلت شمرت روحي على الفراش وكمت ابجي ...يتبع
أنت تقرأ
حب على حافة الهاويه بقلم Zahraa Mohmad
Romanceقصه لفتاة جميله تعاني من ظلم الاهل وتحارب لانهاء الدراسه ودخول الجامعه وكلها امل انها تنتقل لحياه اخرى وتنصدم بابن عم لها في الجامعه وتعيش ماساه جديده
