حب على حافة الهاويه بقلم Zahraa Mohmad

حب على حافة الهاويه

البارت الاخير
البارت التاسع عشر  والاخير بقلمي Zahraa Mohmad (الزهره الجميله)

نور . رجعت للبيت واني منهاره مااكدر اوصف الكم حالتي احس هموم الدنيا كلها على راسي حياتي الي خسرتها ابني الي راح اربي وحدي
تلكوني اهلي ركضت لحضن امي واني ابجي واتوسل لازم اتطلك من علي ....
ابويه كلي بنتي الطلاك مو سهل فكري ابنج شلون يبقى بدون اب انت بعدج زغيره واول وتالي مالج غير بيتج وزوجج صح هو غلط وقصر بس اكيد متندم سامحي يابنتي
اني هنا انفجرت وبعد مكدرت اتحمل وحجيت لاهلي كل الي صار بيه من اول يوم زواجي وبعدها من تغير علي والي صار والي شفته منه وانه جنت ساكته ومااحجي لخاطر عمتي لان وكفت ويايه ضد ابنها وحاولت ويا وحتى من رجعت لاهلي جانت تجي وتجيبلي الي ولابني ومتقصر وتتصل بيه دائما
بعد ماسمع ابويه واخواني الحجي الي كلته
قررو يروحون على علي
وفعلا راحو وعلي مكدر يحجي شي او ينكر الي صار لانه بالفعل جان مقصر ومصان الامانه وبعدها بلغو علي انه لازم
يطلكني وانه بعد لهنا وانتهى كل شي وابني يبقى يمي واني اربي وطلعو
علي .هنا حسيت انه صدك بعد ماكو ماامل
اني خسرت نور وابني وخسرت حياتي بقيت حزين والدنيا مو بعيني
بقيت بغرفتي ومالي خلك اشوف احد او اسمع احد حاولت امي تطلعي من الي اني بي بس مكدرت
وفاء كامت تتصل ومرات تجي على امي باي حجه واني مااحجي وياها بس احس اكو شي يجذبني الها بس احاول ارفض هذا الشي
مرت ايام واني هذا حالي
الى ان بيوم اجتني امي وكالتلي اكو رجال يريدك بالباب طلعت وجان هذا مبلغ من المحكمه
كالي نور زوجتك رافعه عليك دعوه تفريق
هنا صدمتني جانت جبيره حسيت حيلي انهد
وخسرت كل شي
نور . بعد مارجعو اهلي وصار قرارنا واحد كلنا انه نرفع دعوى طلاق وفعلا اخويه راح للمحامي وبلش بالاجراءت وره فتره وصل تبليغ لعلي
وفد يوم اجتي عمتي وطلبت مني انطي لعلي فرصه لخاطر ابنا وحجتلي عن حاله وشصاير بي وانه خايفه يروح من ايدها
بس اني جنت مصره على موقفي اعتذرت منها وبوستها وكتلها راح ابقى مثل بنتها وحسوني ابنهم شوكت متريد تشوفه
ام علي رجعت لعلي وجنت اتمنى اجيبله خبر يفرحه بس مع الاسف
ساءت حالة علي وزهد عن كل شي وحبس نفسه بالغرفه حتى لدوامه ميروح قدم اجازه

صار يوم المحكمه اصعب يوم بحياة الزوجين
يوم ثكيل وكئيب راح يوكفون بي ينهون حياتهم الزوجيه ويمحون كل ذكرياتهم سويه كل مواقفهم الحلوه وكل لحظات الحب الي عاشوها
حضرت اني وابويه والمحامي للمحكمه
واني كاعده وعيني على الباب انتظر جيه علي
وشفت من بعيد علي بس جان انسان ثاني ضعيف وشكله تعبان  ومو طبيعي
وصل يمنا وبقى صافن بوجهي وبلحظه شفت علي واكع بالكاع واغمى عليه
هنا ركضت عليه واني اصيح وابجي كل الي تذكرته بوقتها حبه. الي  وخوفه عليه حسيت وقتها ان الزعل شكد صعب بس انك تفقد انسان هذا الاصعب والمدمر
اجه ابويه وساعدو شباب جان موجودين ووصلو للسياره واخذنا للمستشفى
والطريق كله ابجي وعيني عليه وهو فاقد ومغمى عليه وصلنا للمستشفى واخذو علي
للطواريء الدكتور  بعد مافحصه كال لازم ينقل
للعنايه المركزه
هنا حسيت الدنيا فترت بيه حسيت هاي هيه
انتهى كل شي ابني راح يتيتم
يمكن اكو حقيقه
جنت  غافله عنها اني جنت دايتم ابني بيدي
يوم طلبت الطلاق فكرت بنفسي وبس
فزيت على صوت عمتي وهيه تصيح يمه ابني
راح بعد ماشوفه كلولي شسوي بحياتي بعد
اعيش المن رحت عليها اركض وحضنتها وهيه
شافتني كامت تبجي يمه علي راح يروح من قهره عليج وعلى ابنه يمه اسمعه الليل كله يبجي ويصيح اني ضيعتهم من ايدي
كوم يمه علي هاي نور حياتك هنا
كوم يمه ابنك يريدك وزادت بالبجي وبجت
كل الموجودين
اجه علينا ابويه وكال ادعوله بدل متبجون ومرت ساعات واحنا القلق والخوف الي عشنا
مينوصف حتى مكدرنا نترك المستشفى قبل
مانطمن عليه

هناطلع الدكتور وركضنا عليه كال الحمد لله الحاله استقرت بس يحتاج راحه
فرحتنا متنوصف يارب الحمد لله ممكن نشوفه دكتور كال اي بس لاكلكم وحاولو لتعبو اسمحلولي تسلم دكتور
دخلت عمتي لعلي وشافته وبقت تحجي ويا وفرحانه بي وكلتله كوم مرتك وابنك يريدوك
باوع عليها وبنره حزن كللها مرتي وابني ضيعتهم يمه صاحتلي عمتي ودخلت ودموعي تنزل كتله الحمد لله على السلامه ودخل ابويه وبيده حسن وركض لابو وعلي من الفرحه حضن ابنه وهو يبجي انداريت على ابويه كالي
روحي بنتي لرجلج وابنج الله يسعدكم
طلع علي من المستشفى وقررنا نبيع البيت ونروح لمنطقه ثانيه
والحمد لله كعدنا بالبيت الجديد  وحاليا اني  حامل بالشهر السابع بنوته واكيد تطلع حلوه
تشبهني 😃😃
لهنا انتهت قصتي واريد اكول نصيحه لكل زوجه
لتسمحين لاحد يحطم حياتج حاربي وقاتلي
لاجلها لان بالنهايه الخاسر الوحيد انت واطفالج
اعتذر منكم وحاولت اختصر المواقف الحزينه والصعبه على كد ماكدر
انطوني اراءكم لاول تجربه لكتابه القصه ومثل
ذكرت القصه  حقيقه وصاحبه القصه تتمنى تسمع اراءكم وتبلغكم تحياتها
انتظروني بقصه جديده