كعدت على صوت امي يله يمه كعدي راح يتأخر الوقت ومتلحكين وراج صالون ومكياج
نور نزلت والبيت جان صاير مهرجان خواتي وجهالهم ومشغلين اغاني ويركصون وفرحانين ومحضرين ملابسهم وعالگين الدنيا
تلگوني بالهلاهل والهوسات وفرحانين
كتلهم والله انتو مو صاحين شبيكم من الصبح
مروه غير عدنا عرس شنسوي لعد
ماما كالت يله يمه تعالي تريكي حتى تروحين للصالون خابرت ام علي تكول حجزتلها
نور على شنو الصالون هنا مروه ورسل يعرفون يسوون شعري ومكياج وهاي هيه
ردت عليه ماما كالت شنو هالحجي المره مكلفه روحها وحاجزه وفرحانه بيج وانت تكولين على شنو
اي ماما على شنو كلتها بنتره
كالت سمعي هذا الحجي ميصرفلي تره انطيناج عين هوايه تسمعين وتكولين نعم وبس وعلى شنو انتي گالبه خلقتج وكامت تصيح عليه
اني هنا مااعرف شصار بيه وكمت ابجي وانهاريت وكتلها مااريده مااحبه انتو جبرتوني عليه وبصياح ومانتبهت منو جان واگف ومااشوف الا يجيني راشدي قوي لزمت خدي ورفعت راسي وشفت بابا معصب حيل گال شنو هالحجي الي داسمعه ومبرد گلبه ضربني راشدي ثاني وفقد وخلصوني من ايده گوه البيت حاله انگلب وبدل الاغاني والركص صار خوف وقلق
گال بابا اسمعي لج الظاهر اني انطيتج مجال هوايه حجايه وحده متحجين وتتحضرين للعقد اليوم وحتى دوام ماكو بعد
اني صعدت اركض لغرفتي وشمرت نفسي على الفراش وابجي ومنهاره صعدو خواتي ورايه كعدو يمي وبدو يحجون ويايه ويهدوني مروه ..نوره حبيبتي الولد مابي شي وامه خوش مره وكافي راح يخليج تكملين كليه ومامعترض وشتكولين يوافقون عليه
كلها تحجي الظاهر ومحد يعرف الحقيقه ومحد يدري بقلبي شكو
گومي عيني سبحي وبدلي وخلي نروح للصالون اتجفي الشر وانتي تعرفين ابويه واخواني شنو هسه يذبحوج ولايرفلهم جفن مو سهله تفضحيهم بهيج يوم شيكولون الناس عليهم
حجت سمر كالت اكيد راح يكولون وراها شي وعافها ابن عمها ويبدون بتاليف القصص ويذبون الصوج بيج
يحجون واني مالي حتى طاقه اجاوبهم كمت وسبحت وبدلت ورحت للصالون
استلمتني ام الصالون وگلبت خلفتي كلها وسويت شعري طلعتني لعابه حسب وصفهم
رجعت للبيت لبست الفستان وتحضرت ونزلت لگيت الدنيا كلها جايه وهوسه وتكلوني بالهلاهل واجتني ام علي يمه صلاوات على النبي طالعه تخبلين لازم اقرالج اخاف عليج من الحسد
الله يسلمج خاله بستها من راسها ورحت كعدت والبنات حايرات بها الاغاني والركص
اخويه صاح امي وراحت ورجعت كالت يمه السيد راح يعقد ويكول اخوج تعالي تقربب يم الباب حتى يسمع موافقتج
رحت واني صدك لعابه يحركون بيها منا ومنا ومتحجي
اجه السيد وكمل التفاصيل وبقى منتظر جوابي واني ساكته
حسيت امي تدغ بي گولي نعم
كلت نعم وبدت الهلاهل والتبريكات
والاغاني وراها كالو الولد راح يجي يلبس الذهب
لبسو البنات حجابهم ودخل واني حتى ميعجبني اباوع بوجهه
رغم شفت البنات انعجبو بي وبطوله وبشكله بس كرهي اله مخلاني اشوف بي شي حلو
وبلشت هاي المراسيم المعتاده بكل الاعراس هو جان فرحان حيل يمكن لان انتصر عليه
ويه مجان يلبسني الذهب انتبهت على بنيه جانت كاعده وصافنه عليه وتباوع بحقد مااهتميت الها ولا سالت منو هيه وليش تباوعلي بهالطريقه مركزت على الموضوع
طلع علي وبلشو البنات بالركص بعد ماخلصو من توزيع الكيك والببسي ومر اليوم وجان حلو للكل الا اني وراحو كل المعازيم وعلي وصل امه ورجع
صاحني يوسف كال علي يريدج
مكدرت ارفض ولااحجي شي
رحت وكعدت واني مدنكه وهو يباركلي وفرحان ويحجيلي شراح يجهز وشراح يسوي واني بقلبي اكول هذا من كل عقله يحجي لو ديضحك ويستهزء بيه
احنا اثنينا نعرف شنو سبب هالزواج
على شنو هالحجي بعد المهم ويه مديحجي لزم ايدي وتقرب عليه اني هنا مااعرف شصار بيه عطت انت تخبلت وسحبت ايدي حيل
كال نسيتي انتي زوجتي حلالي يعني كلج ملكي اني تعرفين لو لا بصيحه
كتله تحلم اكون الك وعفته وصعدت
واني ارجف وابجي دك التلفون مسج
بسيطه انتي بديتي الحرب
شمرت التلفون حيل وبقيت ابجي
دخلت عليه مروه كالت شبيج نوره حجيتلها وشوفتها المسج
كعدت تلومني وتكلي انت راح تخربين حياتج تدرين اذا حجه لابويه لو لاخواني شيصير
نور تأقلمي ويه الوضع وانطي فرصه اله ولروحج وهاي فتره الخطوبه تعرفي عليه انطي مجال يعرفج وراها يمكن تقتنعين بي واذا مقتنعتي ذاك الوكت نشوف حل
هزيت براسي بمعني اي
مروه كومي حبيبتي غسلي وبدلي وارتاحي تعبتي اليوم
كمت وسبحت وبدلت ونمت من التعب
كعدت الصبح شفت خواتي خطيه منظفين البيت ومرجعين كل شي لمكانه
تلكوني بابتسامه وضحكه حتى يغيرون جو البيت لان بابا وماما حتى ميباوعون بوجهي
كعدنا تريكنا سويه وسوالف وضحك واكيد وياها قشبه على المعازيم شلابسات وشمسويات ومن هالحجي اتذكرت هاي البنيه الي جانت تباوعلي بحقد سالت عنها خواتي هم معرفوها منو كالو يجوز من جوارين ام علي
خلصنا وبدو البنات يحضرون غراضهم حتى يروحون
اني ضجت حيل لان راح ابقى وحدي وخصوصا محد طايقني بالبيت ودعتهم وراحو وصعدت فوك ارتب ملابسي واقره شويه لان انشغلت هوايه عن دراستي
ومر اليوم نمت وكعدت الصبح بدلت وشلت جنطتي ومحاضراتي ونزلت وصلت المطبخ وسمعت صوت بابا صاح صيحه رج البيت وين موليه ....
أنت تقرأ
حب على حافة الهاويه بقلم Zahraa Mohmad
Lãng mạnقصه لفتاة جميله تعاني من ظلم الاهل وتحارب لانهاء الدراسه ودخول الجامعه وكلها امل انها تنتقل لحياه اخرى وتنصدم بابن عم لها في الجامعه وتعيش ماساه جديده
