حب على حافه الهاويه
الكاتبه Zahraa Mohmad
البارت الثاني
نور بقيت ابجي ومقهوره احلامي ضاعت مستقبلي انتهى بكلمه وحده من ابويه
معقوله الي جاي يخطبني يستاهل تنتهي حياتي لخاطره
شسوي ياربي المن اروح ومنو يوگف ويايه لا ام ولا اخوه ولاخوات كلها عدها مصير ومستقبل البنيه الزواج والاطفال
نمت من التعب حتى بدون غده ومحسيت غير على صوت امي وهيه تصيحني
نعم ماما كعدت وهسه نازله
هاا ماما محتاجه شي يمه ابوج كال النسوان باجر تجي وتشوفج واذا ماعندج فستان تلبسي خلي اخذج للسوك واشتري الي تردي امي تحجي واني فاصله عن العالم حسيت على صوت امي وهيه تصيح شبيج بنتي مو داحجي وياج
هااا اي لالا ميحتاج عندي هوايه ملابس
زين لعد تعالي ساعديني بتنظيف البيت قبل مايجي ابوج ويريد العشه جاهز
اي ماما تدللين نظفنا ورتبنا البيت ودخلنا للمطبخ نسوي العشه اني حتى الجوع مدااحس بي صدمتي جبيره وحالي الله ليعلم بي اجه ابويه وتعشينا وراها صعدت لغرفتي
واني افكر شراح اسوي وشلون راح تكون حياتي نمت وكعدت من الصبح حسب تعليمات الوالده لان اليوم جمعه يعني الغده يمنا وراح ينجمعون اخواني واخواتي وجهالهم
كمت غسلت ونزلت جوه دخلت المطبخ صباح الخير ردولي صباح النور
ماما يله بنتي تعالي تريكي سمعت صوت رسل صباح الخير نواره شلونج هلو حياتي شوكت اجيتي قبل شويه
ماما يله يمه تعالو تريكو ورانا شغل هوايه
كعدنا تريكنا وخلصنا وبلشنا بالتنظيف وتحضير الغده وبدو الوفود يجون اخواني وزوجاتهم واولادهم وخواتي وازواجهم وجهالهم يعني البيت انملى والهوسه متنوصف
احس الكل جايين يوقعون قرار اعدامي
خلينا الاكل وانقسمنا الرياجيل وحد واحنا والجهال وحد ويه الاكل السوالف والضحك واني احاول ابين طبيعيه
مروه صدك نور حضرتي فستان تلبسي
اي عندي واحد جديد حلو وبسيط البسه وارتب شعري
مروه حياتي نور الشعر والمكياج عليه تعرفين اني استاذه بهالشغلات ههههه ضحكنا على مروه وامي كالت ياه خفو ايديكم وخلصو الاكل وشيلو ونطفو المطبخ
نور اي ماما هسه لايمه انت روحي سبحي وتحضري البنات موجودات ميقصرن
سمر اي نواره روحي احنا نكمل ونجي نساعدج
صعدت سبحت وطلعت انشف بشعري صعدت مروه وكالت يله نور تعالي اسويلج شعرج واخليلج مكياج اليوم اخلي اهل العريس يصفنون على جمالج وانتِ ماشاء الله حلوه
كملت مروه وكالت لبسي الفستان وخلي اشوفج
لبسته طلعت حلوه حيل بشهاده مروه وسمر الى بقو يهوسون على راسي
ومروه الي خبصتنا تريد تفتح صالون واحنا نكلها حتى ابويه يذبحج كمنا نضحك وهناك وسمعنا الجرس اني جمدت بمكاني
سمر ومروه كالو يله اكيد هاي اهل العريس اجوي اكلج صدك هو العربس هم يجي وياهم
اني من سمعت حجيهم ماعرف شصار بيه
نزلنا گبلنا للمطبخ حضرنا العصير والكيك واني خايفه وارجف شراح اسوي وشلون ادخل واشوفهم
مروه يله نور اخذي الصينيه وروحي قدمي
هااا اي اي اخذتها ودخلت وكلت السلام عليكم ورفعت راسي وانصدمت بلي شفته ....يتبع
أنت تقرأ
حب على حافة الهاويه بقلم Zahraa Mohmad
Romanceقصه لفتاة جميله تعاني من ظلم الاهل وتحارب لانهاء الدراسه ودخول الجامعه وكلها امل انها تنتقل لحياه اخرى وتنصدم بابن عم لها في الجامعه وتعيش ماساه جديده
