حب على حافة الهاويه
البارت السادس
بقلمي Zahraa Mohmad
نور ..اني هنا گلت هاي نهايتي لازم اتصرف رحت اركض وراه وكتله علي ارجوك اسمعني خلي افهمك
علي ..هسه كمتي تترجين وينه لسانج الطويل
نور الله يخليك اسمعي وبدت دموعي تنزل لوحدها من الخوف اني ممخطوبه ولاشي اني حجيت هيج حتى لحد يفكر يتقربلي
يعني كذبتي عليه لو هذا حجي حتى تخلصين نفسج بس
نور لا والله صحيح اني من شفت الشباب هنا كل شويه واحد يريد يتعرف قررت اكول مخطوبه وارتاح منهم
بس اني مو واحد من هالشباب
واني شمدريني لا شايفتك ولا اعرفك لذلك حجيت هيج
علي وهسه المطلوب اصدك
نور اي صدك والله هاي الحقيقه
زين بس اعتبري من هاي اللحظه انت تخصيني وممنوع احد يتقربلج واي شي اشوفه وميعجبني تعرفين مصيرج شنو اعتقد فهمتي كلامي ..مع السلامه
نور من بعد ماعلي راح رجعت للبنات وكتلهم اني راجعه للبيت خابرت على الخط واجاني
نور وصلت للبيت واني الخوف والقهر ماليني شراح اسوي اذا نفذ تهديده ليش كل ماافرح تجيني شغله تضيع فرحتي گلت راح اخلص من ابويه واخواني وتحكمهم وعصبيتهم وارتاح اجاني علي حتى يكمل عليه وتستمر تعاستي
دخلت وتلكتني ماما
هانوره يمه اجيتي شلونها الحفله
هاا زينه زينه
ديله لعد يمه بدلي وتعالي ساعديني بالغده
نعم ماما هسه ادللي
نزلت بعد ماغسلت وبدلت وساعدت ماما واحنا ننحضر بالغده اجه ابويه واني تملكني الخوف وكل شويه اكول راح يصيحني
كملنا الغده وكعدنا نتغده واني عيوني على ابويه بس الحمد لله جان طبيعي اكيد مالحگ يروحله
كملنا الغده وصعدت لغرفتي واني افكر بكلامه شنو يقصد تخصيني وشراح يسوي
اووه جنت ناقصه اني بس لازم اكون قويه ومااخلي يأثر عليه وماانطي مجال يدمرني
مااعرف احجي لاهلي لو هالمره اني اعم على روحي
المن احجي ومنو راح يتفهم لا اخت ولا اخ ولاام ماعندي غير رب العالمين ادعي الله يخلصني من علي وارتاح
علي ..رجعت للبيت وتلكتني الحجيه هايمه شلونك
بخير يمه شبيك يمه شو گوه تحجي
مابيه بس اليوم رحت للكليه وشفت نور بنت عمي وحجيت لامي كل الي صار
اي يمه مابيها شي ليش ضايج بالعكس البنيه ماغلطت رادت تحمي نفسها من شباب هالوكت
علي يجوز كلامج صحيح بس مااعرف ليش اني تعصبت هلكد وهددتها
ام علي ياصخام شهددتها يول هاي بنت عمك متجوز من سوالفك
علي يمه شبيج على كيفج ويايه قابل شهددتها
الله يخليج
اروح انام احسن لي حتى غده مااريد رحت لغرفتي واني افكر بلي صار واني ليش سويت هيج
صورتها متروح من بالي ودموعها أذتني رغم كابرت وبينت ممهتم
اوف ياعلي وين جنتلك هاي المشكله هاي بنت عمي مو اي وحده اكدر اتحداها واخليها تحبني واعوفها وانتقم لكرامتي
تعبت من التفكير ونمت وكعدت المغرب جوعان رحت للمطبخ شفت امي بوست راسها وكتلها شعندج اكل ميت جوع
اسم الله عليك يمه هسه اسويلك تدلل
مرت ايام واني الموضوع بالي وافكر بي
وقررت اروح للكليه واشوفها واحجي واعتذر لان عصبت عليها وصلت للكليه وشفتها واكفه هيه وصديقاتها تسولف وتضحك والولد قريبين عليها ويباوعولها اني تخبلت
تقدمت عليهم وسلمت ردوو السلام واشوفها هيه تغير لونها وحسيتها ضاجت
كتلها نور ممكن لحظه محتاج احجي وياج
البنات تركونا وراحو
جانت مدنكه وساكته بعدين حجت نتره ممكن تحجي بسرعه عندي محاضره وماريد اتاخر فضني
انت ليش تحجين بهالطريقه شنو محد معلمج تحجين بأدب
شوف أني مؤدبه وغصبن عل..
صحت بيها غصبن على منو كملي
علي انت شتريد مني عوفني بحالي تره هوايه لحيت ويايه شنو متحس انت
تدرين اني جنت اعتذر على كلامي هذاك اليوم بس على هذا اسلوبج وكلامج راح اخليج تندمين
نور راح علي ورجعو البنات يمي كتلهم يله
نروح نلحك على المحاضره
بعد وكت نور شبيج
مابيه شي وبداخلي احس نار اختنكت منين اجاني هذا ويتحداني ويهدد بيه بس ليش استغرب واحد من اهل ابويه شريد يصير غير مثلهم احجي بقلبي واباوع للبنات يسولفون ويضحكون بس اني كأنه بغير عالم عايشه
سوسن صديقتي شبيج نور شو من اجه ابن عمج وشكلج تغير هنا ماتحملت وبديت ابجي
الله يخليكم لحد يسالني عذروني ماكدر احجي هسه
عافوني براحتي ودخلت للمحاضره والي مفتهمت منها شي اكيد
طلعت اجاني الخط ورجعت للبيت وكالعاده حضرنا ومشى اليوم مثل كل يوم
قررت بعدها انسى الموضوع كله واكون قويه وانتبه لدراستي
وخصوصا بعد مامرت فتره وهو ماكو
وبيوم رجعت للبيت ونفس روتين كل يوم دنحضر الغده واجه بابا كعدنا نتغده شفته يباوع عليه اني هنا خفت
گال نور
اني كمت ارجف كتله نعم بابا
انت ِ تعرفين ابن عمج علي شفتي بالكليه
حرت شاجاوب اي لو لا صفنت
صاح بابا جاوبي شبيج ....يتبع
اعتذر على التاخير وان شاء الله راح يكون النشر يوميا
أنت تقرأ
حب على حافة الهاويه بقلم Zahraa Mohmad
Romanceقصه لفتاة جميله تعاني من ظلم الاهل وتحارب لانهاء الدراسه ودخول الجامعه وكلها امل انها تنتقل لحياه اخرى وتنصدم بابن عم لها في الجامعه وتعيش ماساه جديده
