حب على حافه الهاويه
بقلمي Zahraa Mohmad
البارت الخامس
اني نور تفضل منو حضرتك اني علي
منووو علي
اكيد انتو هم تريدون تعرفون منو علي !!
علي اني ضابط بالجيش وقدمت وانتسبت لكليه العلوم دوامي قليل بالكليه بحكم عملي ونزولي للبيت خميس وجمعه والسبت التحق اصدقائي هوايه وحياتي مگضيها ضحك وسوالف وعلاقات بالنبات دائما اصدقائي ينصبون عليه ويكلولي ان شاء الله يجي يوم وتوكع بحب وحده وتتوسل بيها ومتقبل بيك
ارزلهم كل مره وميفيد بيهم
بيوم نزلت مجاز للبيت وتلكتني الوالده بالسلام وبمائده الطعام كالعاده الكاها مسويه كل الاكل الي احبه الله يخليها اليه ماعندي غيرها والدي توفى بمرض السرطان واني جنت صغير
واني اعتمدت على نفسي وكدرت اكمل واكون نفسي حالتنا الماده جيده الحمد لله
عمرت الوالده المائده وكعدنا نتغده والحجي يجيب الحجي
كالت امي صدك يمه عمتك تكول بنت عمك صايره بالجامعه
بنت عمي منو ؟
بنتك عمك نور بنت ابو رياض شبيك
اول مره اعرف عندي بنت عم جبيره ورايحه للجامعه
اي يمه مو تدري ابوهم حيل متعصب وميخليهم يطلعون على احد بس تكول عمتك ماشاء الله حليوه خواتها تزوجن وظلت بس هيه
اي تذكرت من خطبوهم دزو علينا بس مااعرف عدهم بعد وحده
اي وهسه شنو المطلوب مني هم كولي اروح اخطبها الك اسمعي يمه اني زواج مااتزوج
ام علي يمه منو جاب طاري الزواج بطل من سوالفك واني كتلك من زمان ماعليه بزواجك منين متريد روح جيبها
علي يمه الله يخليج لتزعلين وهاي هم بوسه من راسج بعد شتريدين
هسه نرجع لبنت عمي كليلي شبيها
يمه ابوها من سمع بيك بالكليه تكول عمتك فرح وامن على بنته واني اريد منك تسال عليها تشوفها محتاجه شي تعرف يمه الوضع والدنيا شلون صايره والبنيه صغيره وحلوه وهاي عرضك بعد مايحتاج اكلك
صار يمه تدللين اكيد شلون لعد واجبي هذا
ام علي . الله يخليك يمه ويهديك وينور طريقك
علي . الله يخليج اليه وعلى هالدعوه الحلوه راح اسويلج الجاي بيدي هههههه
علي . رحت للكليه الصبح كلت اسال عليها واطلع لان عندي واجب حتى ارجع
تلكوني جماعتي سلام وبوس واحضان صار فتره ممداوم وحجينا وسولفنا كالعاده والنصب والشقه والضحك وراها استأذنت منهم
وصلت لقسمها ولكيت هوسه مسوين حفله تعارف كلت زين يعني مو بالمحاضره خلي اسال عليها اي وحده البنات اني حتى شكلها مااعرفه
شفت بنيه اجتي تمشي گدامي سلمت ردت السلام سالتها عن نور كالت راحت هيه والبنات للكافتريا
مشت مسافه ويايه واشرتلي عليهم واستأذنت وراحت
دخلت للكافتريا وتقدمت وسلمت وسالت منو بيكم نور
ردت عليه وحده حتى بدون متكوم او تشوفني من مكانها اني نور تفضل
علي.. بعدني ماحجيت اشوف وحده انهدت بيه
شوف عيني خاف حافظ كم كلمه وجاي تكولهم اني معجب واحب اتعرف وهالسوالف الي متخلص اني اختصرها الك واگلك اني مخطوبه وتفضل ارجع منين ماجيت
اشوف البنات يأشرولي بمعنى كومي
اني كمت وانداريت عليه لگيت واحد متعصب والشرار يتطاير من عيونه صفنت عليه رغم عصبيته بس جان حلو وشكله هيبه
علي . اني واگف واسمع كلامها ولسانها الطويل احسن نار تطلع من عيوني وره ماكامت واندارت شفت بنيه حلوه كل شي بيها حلو ماعدا لسانه
لزمت ايدها حيل واني صاك على سنوني
وصحت بيها شگلتي مخطوبه والمن بله سحبت ايدها حيل وكالت انت تخبلت شلون تتجرأ وتلزم ايدي وانت شعليك المن مخطوبه
اعرفك تعرفني
صحت بوجها لج اني ابن عمج شلون تنخطبين وماعرف شلون عمي ينطي بنته واحنا مندري
نور اني هنا اسودت الدنيا بعيني وكلت بقلبي اني شسويت بنفسي صخام اذا راح كال لابويه هاي هيه اعتبر نفسي ميته وين جانت لي هاي واني صافنه وجان افز على صيحته
اني طالع بوجهي لابوج وافتهم منه شنو موضوع الخطوبه وهذا لسانج الطويل اعرف شلون اگصه ....يتبع
أنت تقرأ
حب على حافة الهاويه بقلم Zahraa Mohmad
Romantizmقصه لفتاة جميله تعاني من ظلم الاهل وتحارب لانهاء الدراسه ودخول الجامعه وكلها امل انها تنتقل لحياه اخرى وتنصدم بابن عم لها في الجامعه وتعيش ماساه جديده
