البارت الثاني
#لو اننا لم نفترق
بارت2
بعد ماكمل العزا ورجع والدي. وعمي طبيت للغرفه على ابويه
يابه رايدك بحجايه
كول ياب
يابه وحدنا
ها اي صار ام غسان عوفينا شوي اخذي ايمن وشهد والباب وياج --- اكعد يابه
جريت نفس رفعت راسي باوعت بعينه يابه ادري مو وكتها بس يمكن عمي يريد يطلعنا من البيت
وانت شون تسمح لروحك تدخل بهالمواضيع
يابه اني مو زغير
لا زغير مدامك تسوي مشاكل صغير
العفو ياب
امشي اطلع بره واني اكول صار رجال متستحي تحجي على عمك
اسف يابه بقيت منصي طلعت من الغرفه اختنكت شجاني وحجيت بقيت بره محمود متمدد بمكاني رجله تلعب النفس جريت نفس وتمددت بيبي جرت راسي كالت
بيبي تعال بحضني
لا بيبي اضوجج رجليج تون عليج
بيبي متون من الحنين تعال بيبي يبو كلب الابيض
نمت على رجلها ضلت تمسد براسي. اباوع لمحمود مخلي رجل على رجل ومتمدد وياكل موطه لعبت نفسي جتي شهد تفرش يمي لايمن باوعتلي تبتسم ضحكتلها نصت طلع ضهرها المحروك اموت بدمي من اباوع عليه واتذكر محمود السبب يزيد كرهي اله
محمود- ها سلحفاه
غسان- لتكولها هيج انت معليك
هي قابله انت شغاثك تعاي سلحفاه تاكلين موطه
غسان- صرت اعصاب تقدمت شهد تبتسم واخذتها منه مااعرف شصار بيه اكلت فضالته حلكه الوصخ اووووووووف ربيييي. تعبت بس نار تاكل بيه مااكدر احجي كلها براسي باوعت لببي تباوعلي احس تحس بيه غمضت عيني غفيت على رجلها حسيت دفعت راسي فزيت
ها بيبي نملت رجليج
لا يمه مثل النسمه لان ماعدك ذنب تعال نام بفراشك كام الشيطان
كمت من مكانها ونمت بفراشي بعد مانفضته وعدلته ونمت مرت كم يوم بتعب نتليجنا طلعت ناجح وبتفوق محمود رسب وايمن الاول وشهوده اولى بهاء ابن عمي نجح للرابع عام
جنت فرحان حيل رغم بس امي شاركتني فرحتي بدموعها الحلوه وحضنها الدافي والدي بيومها وزع بقلاوه على روح جدي ونذر نجاحي بليل من دانام بيبيتي نصت على راسي
بيبي غسان
بلي بيبي
هاي من جدك كال تنطيها لغسان مال نجاحه قبل لايموت
فتحت عيني سبحه جدي المذهبه دمعت عيني بستها من راسها
بيبي ضمها هذا المشيطن اذا شافها يحير شيسوي بيها
هزيت راسي اختنك نفسي بلعت ريك ورحت للغرفه شوفتها لابويه كال بالعافيه تستاهلها ضميتها بكنتوري احلى هديه من عده رغم مشفت منه شي بحياته بس جان دائما يدري من توكع السالفه براسي واسكت يكولي الك الله يافقيرواني ادنك
بيومها كلش ارتاحيت حسيت راضي عن نفسي مرت الايام وانفتح مو ضوع البيت انلمو عمي وابويه بالصاله وحدهم بعد مشكله جبيره بين امي ومرت عمي تتهم امي ماخذه سوارها الذهب وعركه وصياح ووالدتي بس تتحسب وتفرك بايدها وذيج تصيح عليها
ادري كاعده ببيت مال حراميه دقيقه ماابقه هنا ابو محمود شوففلي جاره
حسين- امشي صعدي بعدين اتفاهم وياج
كالها بهدوء صفننا كلنا عليه جر ابويه للصاله ساعه وطلعو ابويه محني ضهره وهو واكف بثبات ------بايامها كان ايام الامريكان وعمي بذيج الفتره اشتغل وي الامريكان كمنا منشوفه الا نادرا
دخل ابويه الغرفه باوعناله هايابه شبيك باوعلي ونصه عرفت شنو قصده بهالنضره قصده يكول كلامك صح كان
علي ابو غسان- ام غسان ابو محمود كال اشتري حصتك من البيت
علي واحنا وين نروح
نشتري غير بيت
-غسان-بقيت اتصفن بنصهم
علي- البيت 600متر اني الي300وهو 300 امي تنازلتلنا
ام غسان- خوش زين ليش مو ياخذ قسمه
واني منيلي ابني ياخذ نصه يخرب البيت بس اقترح عليه ياخذ من حصتي ويبنيلي بفلوس الاخذهن
شكد ياخذ
كال 200
لا علي هواي يوضاها الله
لعد شنسوي اجي ادور بيت بهالازمه محد يبيع وماكو شره واني اريد بمنطقتي ومااكدر اطلع من بيت ابويه
زين سوي اليريحك
اني كتله انطيك 150وبقيلي 150
خوش
خلنشوف باجر يرد خبر
الله كريم باوعت لغسان ها يمه شبيك
بس يمه والله هيج ضلم
علي- يابه يبقى عمك
سكتت عفتهم وطلعت يم بيبي ضلت سامته محجت شي غطيت راسي ونمت مرت الايام عمي اخذ اللييت ونطانه 150سوالنا غرفتين جوه ومطبخ وحمام وطرمه وطابق واحد وكال خلصت فلوسكم يومين ثلاثه والبناء بده يسحب رطوبه اباوع البناء الديبني اله مو طبيعي دبل فاليوم وكله سيراميك والباب شكبرها ضلو يبنون بي شهرين ومرت عمي والجهال راحو لاهلها شهرين اني نرجس محروم منها كمت اشتغل بفرن مال صمون وي جماعتي واطلع يوميتي اني وايمن وشهود تساعد امي بالبيت رضينا بحكم القوي عمي رجع هو وعائلته بيبي بعد مسال عنها غير مره وحده ومحمود شاف روحه اكثر من قبل سياره اخر موديل وطبه وسفر وطلعه واحنا على حالنا وامي متحجي وياهم بعد التهمه التهم ها بيها عده كم شهر واخيرا شفت نرجس. من شباك غرفه شهد الفوك اللي بناها ابويه الها شباكها يطل على حديقتهم وعلى حديقه جيراننا من الصفحه الثانيه بقيت اباوعلها بالحديقه كاعده ترسم بس لو ترفع راسها تشوفني شكد مشتاق لحنيه عينها يربي طلعت امها صاحت نرجس تعاي شري الملابس
