25
رجعت لاهلي خايفه ميته قلق مرت عمار انتبهت
شبيج شو وضعج معاجبني
كعدي خل احاجيج ليكون امي تدري تره الضيم البيها كافي
شكو
ولج --- حجيتلها من اول لحد مااخر شي سويته
هاهي يطببه.طوب هو الاجه وداس بساطنا انتي شنو ذنبج انعل ابو يابو بت عمه كلش زين سويتي اريد رجال يوصل للبيت
خاف ياخذ نرجس مني
باعي ابابيل ياخذها خل ياخذها طز هي تكرع راسه هناك تريدج
ها
والله العضيم خل يجي لو رجال يجي يواجه اخوج وولد عمج بكيفه
سكتت طتني قوه غريبه عافتني وكامت لفيت راسي ونمت براحه
غسان- رجعت من اربيل تعبان طبيت ابابيل، ماكو نزلت لامي كالت اجه عليها اخوها قبل شويه ضليت مستغرب شوي واندكت الباب طلعت كلت جتي فتحتها محمود
هله هله ابو شكريه اباوعله غادي جمره -- شبيك خوماكو شي
ليش هيج غسان ليش ولك موصرنا اهل واخوه ونسابه متوقعتها منك
شكو بلعت ريك باوعت بهاء وراه اجه هم صاير اعصاب كال
ابويه اذا صار بي شي ابتلي بيك عافني وراح تعال بهاء يمعود باوعت لمحمود يباوع بعتب جر نفس باوعلي كال شعدك وي اختي معليه بحجي النسوان اسمع منك
جريت نفس عرفت ليش رايحه لاهلها الخاتون خل تصبرلي بقيت ساكت اباوع بعينه --تفضل محمود للحديقه نتفاهم
طبيت بثكل راسي حيطك من الصور الشفتها كعد كدامي غسان
محمود انت كلشي تعرف من اول وهسه اختك زوجها توفى واني اريدها والكل يعرف بحبنا واذا احد اعترض يكون ببالكم اخذها واسافر لاهي القاصر ولا اني الزعطوط
نصيت راسي ادري يابن عمي مو هاي عرضك خل تكمل العده هو احنا ناقصين حجي ،
ليش شمسوي اني عكدت حاجبي
شفت كلشي بعيني
ششفت وكفت متخبل شعر راسي وكف اني ملازمها لاختك وهذا الله شكبره يشهد ولك اخاف ادنسها بت عمي هاي ولك هاي شون تحجي هيج
والسطح غسان لتخليني احجييييي ضغطت على سنوني والله متوقعتك هيج والله متخاف عليها
ولك شبي السطح بالقران ممسوي شي بس حجي ودقايق واكولها فوتي وهي اصلا راسن تفوت ولك كانما جايه بيتنا
بقيت ساكت بلعت ريك
كعدت كدامه قربت الكرسي احجيلي محمود رحمه لا الله
مرتك جتي وكامت تحجي جريت نفس رفعت راسي ليفوك ورجعت باوعتله وشوفتلي صور انت واكف وره الجايط وراسها هي هم مبين دتضحكون طاكتها هي
بقيت فاك حلكي بلعت ريك ضربت على فخذي عمي شافهن
هزيت راسي بله صوت
كوم خل احاجي
لاعوفه هسه
لا ماعوفه اريد احاجي شو عدتها شرعا طالعه شنو علمود حجي العالم طز بالعالم من جبيرها لصغيرها
غسااان نترت اكعد داكولك
كعدت اهز رجلي شخربطت هاي
مكالت شي جريت نفس بحسره بس انت غلطت مو وكتها
نصيت راسي فشلان خفت لتروح مني مره لخ
هسه شون حتحلها
شحل
مرتك غسان ام نرجس شون حتقنعها اذا بالمشاكل والله ماتخلص ولاابويه الراح يقبل
محد يتدخل رفعت حاجبي نترت بي حرمتونا من بعضنا والله اليتدخل اكلبله الدنيا
بقيت صافن عليه لزمت راسي ووكفت
وين
رايح لابويه تنهدت
اجي وياك
لا خليها هسه اني حروح احاجي اهدي وانت تعال بليل واحجي وياه هم
اسف محمود بس والله مكدرت اخليها تروح من ايدي بعد
احنا ضلمناكم غسان واني اكبر حصه من هالضليمه لهذا بالعها وساكت
نصيت راسي طلع من البيت واني شايط نار اخذت السويج وطياره لاهلها البت الكلب دكيت الباب طلع اخوها هلاو ابو نرجس
هلو ابو ياسر هله بيك
تفضل تفضل
لا ماريد مستعجل مشكور بس صيح ابابيل
اي يله بلبل اجه رجلج
ابابيل- بقيت صافنه طلعت عمار بعده كلشي ميدري طب عمار وصلت لنص الطرمه يباوعلي متحلف يهز راسه بالقبول ويكولي بسيطه رجعت لباب المطبخ كتله روح مااجي
ها مو تخسرين ولو بالحالتين خسرانه
اي خل اخسر طز روح ماارجع وياك بعد
اطلكج والقران متبقين على ذمتي خاف عبالج اجي اتوسل انتي وهذا اشرت على برميل الزبل اللي بصفي
بقيت اباوعله بشموخ جاوبته ادري كلش زين دمعت عيني طلعت ن جس تخطي راحتله شالها باسها كال يعني مراح تجين
لا مااجي
يطبج طوب
مرديت اخذ نرجس وطلع كعدت ابجي من كل عقلي عالمرجوحه جتي يمي مرت عمار تهدي بيه وكالت روحي لاهل رجلها باوعتلها فكره اصلا جانت ببالي اسويها الا افضحها يله انطيهيا ام الرياجيل
غسان- اخذت نرجس ورحت لاخلي كعدت وي امي بعد حكمت هاهي -- يوم اني اريد نرجس
شوون
سمعت ني كلش زين البنيه من اني هلكدوتني احبها واللي يوكف بوجهي لو يرفض وحق هو الله متشوفوني بعد
يمه ومرتك
يطبها مررض ردتها بالحسنى مقبلت حارت شسوت بت القندره استغفر الله ابوها خوش رجال
تالي هسه شون هاي عركاتك وياها من وره بت عمك
اي من وراها شسوي اذا هي متحس واني ممقصر بشي اتعارك واحجي غادي نار نرجس مترد على تلفوني ردت اموت الا شوي امي تهدي بيه وتتوسل يمه مرتك عيب من العالم
يمه بتهم ادبسز مربوها وهي متريد يطبها طوب لعبتها لروحي
يمه لخاطر نرجس
شبيها نرجس شوكت متريدها اوديها
يمه لتحكم راسن خل نكعد ونتفاهم
مااتفاهم بت عمي اريدها واريد سبع يكولي لاا كمت اصيح طلع ابويه من الغرفه عبالي مو بالبيت
عفيه عفيه بوليدي الصاير رجال عله امه
العفو يابه همست نصيت
ليش ليش يابه ليش
يابه مسويت شي
تنصي راسي كدام اخويه
يابه كلللللكم تدرون شكد احبها لحد يعترض هسه حلا للنزاع هسه اروح اعقد عليها ونخلص
بسسسسس. اخجل من روحك خاف عبالك بعدك صغير
ممسوي شي يابه والقران فركت وجي والقران منسوي شي
سكت والدي يباوعلي بغضب همس روح لعمك رايدك
اي يابه صار رايح بسته من راسه يابه الله يخليك اوكف ويايه اريدها ومااكدر اعيش بدونها باوعت بعينه هز راسه يباوعلي بغضب روح والله كريم طلعت من بيت. اهلي طبيت لبيت عمي شفت محمود طلع بالسياره وحده جانت دنيا ليل تقريب العشره طبيت للبيت دكيت باب المطبخ الداخليه كلي قوه واصرارولهفه انه الاريده قرب يصير الي دكيت كم دكه صاحت امها
منو
اني خاله افراح
ها غسان اي دقيقه
ماشي جريت نفس كله منها شوي وطلعت هله يمه هله بيك تفضل ووجهه يضحك هلو خاله عمو هنا
اي موجود بالهول ينتضرك
ماشي طبيت باوعت عالدرج عبالي المحها دكيت باب الهول وفتت باوعلي عمي ونصه راسه
شونك عمي مرد عليه ابتسمت شنو زعلان عليه مرد تقربت كعدت يمه جريت نفس
جنت صغير واخاف عليها من الهوا شكد حاولت خاله افراح تمنعها مني لو تمنعني منها بس مكدرت جريت نفس هو منصي يسمع -- كبرنا وكبر حبنا ويانا غيرتي وحببي الها زاد لحد ماصار الحادث والولد تسكط جريت نفس واخذوها مني روحي طلعت عمي ابلوعله منصي يحرك بجف رجله عالزوليه جريت نفس من بعدها معشت مثل العالم صرت واحد بله كلب بس يشتغل وضائفه ياكل يشرب ويتزوج ويتكاثر حالي حال الحواوين كلبي ماحس بي ولا يفرحني شي جريت نفس لحد ما اخذت رقمها من جهاز محمود دكيتلها وسمعت صوتها وسديته حسيت رجع دك حسيت بكلبي عمي وحسيت بروحي جنت ميت وهي حياتي بعدها مرجعت تقربت ابد تكفيني ذكراها لحد ما ترملت كلت مستحيل اخليها تروح من ايدي بعد--رفع راسه باوعلي اقلها تكمل العده لو تحبها متخلي احد يجيب بسيرتها
ينكص لسانه اليحجي عليها عمي هاي عرضي واني ممسوي شي غير الحجي جريت نفس وهسه شتومر اني حاضر والله لو تموتني مااهتم شو اني بلياها ميت وماعدي طموح
اني موافق بس بشرط تراضي ام ابابيل ومستعد باجر انطيكياها هذا شرطي وماعدي حجي بعد لان حجيت وي نرجس هم
عمي مرتي متريدني هي رادت الطلاك
اي راضيها وليدي وتعال اعقدو وتزوجو شو بيت ابوك جبير ويوسعكم بس المهم تعدل بينهم مالي خلك اضلم احد بعد
جريت نفس صار بلعت ريك اكدر احاجي نرجس
باوعلي رافع حاجبه حتى لو بوجودك
لا بابه لا روح راضي مرتك وتكمل عدتها واعقدو هسه ماكو لاحجي ولا تلفون اريد حجايه رجال منك
صار همست وكفت وطلعت بستها من راسه وطلعت من بيته مرتاح بس مشتاق لنفسي وروحي باوعت عالشباك تحركت البرده وانسدت بهدوء يكفيني احساسج بيه صعدت فوك ذبيت هدومي اخذت الجهاز اباوع على مكالماتنا وحجينا وصورها وادخن شتاقيتلها كلش تمددت ارتاح من الهوسه الصارت هاليوم كعدت الصبح لبست ونزلت بله ريوك للشغل بطلعتي هم لمحت محمود طلع من فرعنا بسيارته شلت ايدي اسلم سوه روحه مشافني وطلع مستعجل عكدت حاجبي شبي هذا مو البارحه حجينا كلشي مبي سديت باب الحوش وطلعت كملت شغلي كلت خلي يمر كم يوم واروح اجيبها لخاي خل تبرد السالفه موضوعي يمها صار حضي المصخم مرت الايام كمت ماشوف نرجس الا لمح بالصيدليه وبهاء يمها اخجل اطلع كبل نرجس رجعتها وره يوم رادت امها واليوم شتاقيتلها كلش رحت لبيتهم طبيت كعدت وي عمار خرطتله الاكو والماكو بقه صافن عليه
تره مبيها شي لا اول ولا اخر واحد يتزوج على مرته
واذا ابابيل مقبلت شون عكدت حاجبي
لا غير اقنعها
راح اصيحها ونكعد نحاجيها جريت حسره
ماشي انتجيت متنهد كارهه بس مجبورعمي خلالي شرط رجوعها
ابابيل كمت اصيح من كلي عمار يتزوج ويعدل
ماريده بابا خل يروح الها ويطلكني ماريددد
غسان- سمعت صياحها طلعت من الصاله باوعتلها اخذ نرجس منج واسافر ومتشوفيني ولا تشوفيها
شنوو دمعت عيني شكد قاسي انت
جريت نفس ابابيل قصرت فد يوم وياج
كل حياتي وياك قصرت بيها بحنانك انت شدتخرط هو اني شفت منك حب ليش هي الدنيا بس فلوس
هسه النردي شنو متقبلين دااخذ بنتي واطلع
بقيت ساكته كعدت عالقنفه ابجي
كعد بصفي عمار باسني من راسي حبيبتي شنو تردين واني وياج والله كرار اخوج خابر هسه كال لحد يضغط عليها وشتريد عين خد وعين فراش
باوعتله ابجي تعبت عمار
ميخالف والله تبردين هيه وغسان هم خوش ولد
غسان- كتفت ايدي اباوعلها مااعرف انقهر عليها لو انقهر على روحي جريت نفس ساكت قنعها اخوها ولمت هدومها دتجي ويايه التفت عليه كال
اختي امانه بركبتك شكد جنت تدلل هسه تزيد عشر قوط ولا عبالك ماوراها احد وابويه مات والله تلفون يجي كرار من السويد وولد عمها يلتمون خلي الله بين عيونك وخاف الله بيها
يحجي واخز راسي اي اي اي طلعت واخذتها نرجس بحضني احس مضغوط عليه واحسها مجبوره هي تموت عليه حارت شيوت بنرجس مو عاد مجبوره يابه اشك حلكها اذا تفربت منها بقيت ساكت وهي هم ساكته طبيت للبيت ركضت امي عليها بوستها وصعدت فوك تخلي الغراض ونرجس تلعب يمي بقيت اكلب بالتلفون وكفت باوعتلها
تردين شي من بره
اي مسواك وحليب لنرجس،
ماشي جريت نفس وطلعت تسوكت ورجعت سوت العشا وكعدت اكل رغم كل هذا مااكل غير اكلها لان كلش طيب بس شنو شايل حقد يكلبي يعادل اليهود-----
يتبع
