19
شهد- بلبل صار عدها طفل غسان من صار اب لحد هسه يوميه اروح لاهلي وارجع قبل جيه محمود بساعه العب وياها اشبع منها وارجع تعلقت بيها كلش وبديت الح على محمود بموضوع الفحص والاطفال
محمود حباب خل نروح للدكتور
اهوووو شهد عدي كومه شغل وانتي من اول تدرين بيه صفر من قبل زواجج شكو رضيتي بيه لو جيف جنتو فكر وهسه طكيتو بزود اخوج--- من اول مطبيت وكعدت اكل وفكت الموضوع واني ملاحظ تعلقها ببت غسان والشي يخليني انشال وانركع ويوميه لتحه على موضوع الطبيب واني خلص كلبي من العلاجات وكلهن جذذب ---
- حبيبي هاي شبيك نعمت صوتي ووصلته للهمس حبيبي اني مداعيرك بس اكو امل مثل مكال الطبيب ليش نخسره هالامل اريد طفل يشبهك
ميصير بابا ميصييييير صيحت وكلبت الميز فقدت روحي ماريدج يمعوده محملتني منيه من دنعل ابوج يابو اخوتج
- بقيت صافنه بوجهه خفت رجعت ليوره وهو يصيح ويعيط وكسر البوفيه باللي عليها بقيت ارجع ليوره خفت منه كلش تحول لوحش
- تقربت منها وهي تتهزم جريتها من جتفها وجريت العبايه من وره باب المطبخ بعصبيه ودفعتها من باب الطرمه فقدت محسيت على روحي شداسوي صحت بعلو صوتي
ولي روحي لاهلج روحييي خلصيني واذا وصلتي هنا اكسر رجلج وركعت الباب عفتها وطبيت للغرفه لزمت راسي كل كطره بدمي محروك ابوها استغفر الله اني شكو حبيتها شكو علقت روحي بيها وهي اذا مو بزره شتصخم بيه صوره جرجوبه استغفر اللللله كله من وره غسان لو ما يطلع عينها بفلوسه تضل مسكومه بالفكر وتنجب وتسكت نزعت قميصي بعصبيه وشمرته ونمت بقيت اتكلب اتخيل منضر عمي والولد من يشوفوها وتحجيلهم اكيد حيطلكوها اي طبعا صارو احوال بقيت افكر لحد ماصار ساعه بالفراش اختنكت حريت الباكيت وطلعت من الغرفه اباوع المواعين والهوسه بالمطبخ حريت نفس وكعدت بالهول احس مخنوك من البيت كله رجعت طبيت للغرفه لبست القميص حتى مطببته ببطن البنطرون ببهذله جريت سويجي ودااطلع لاي مكبره كهوه بس ماريد اشوف اي شي يخصها طلعت من باب الطرمه واني ادكم بالقميص واتفاجا بوجودها بالمرجوحه وعباته مصفطه بصفها جانت عيونها وارمه من البجي ضليت صافن عليها واكف بباب المطبخ وهي بالطرمه عزفت هي مطلعت من البيت بلحضتها ندمت. وعرفت شكد تحبني تقربت منها بثكل التفتت عليه ونصت راسها كعدت بصفها شهكتها شككت روحي باوعت بعينها ورجعت نصيت جريت نفس. باوعتلها همست
كومي فوتي جوه حاره هنا
شهد- نصيت راسي مرديت
مو وياج. همست نزلت دموعها متحملت جريت راسها حضنتها لتبجين كافي
اسفه
اني الاسف شهوده بس والله حجيت لمصلحتج انتي اذا تردين طفل تطلكي مني يبنت الناس اني ميصير عدي طفل
لا هسه يصير والله بس اخر مره وهاهي
بقيت اباوع بعينها مورمه وتشهك جريت نفس بتعب نترت ماررروح لو اموت
كيفك خنكتني العبره وكفت ابتعدت عن حضنه وشلت عباتي وطبيت جوه الم بالغراض والهوسهحسبت بيه ورايه يمسح الكزاز بالماسحه ويلم ويخلي بال سطل ويفرغه ويباوعلي من جوه ليجوه اشتغل بهدوء بعدها رجفه الخرعه بيه كملت شغل وطبيت للحمام سبحت وطلعت تمددت باوعت من الشباك شفته ديرش الحديقه الصغيره التفت شافني بالبرنس ابتسملي بتعب لو بس يقتنع ويتعاون ويايه بكد تعبك اني تعبت والله بقه يباوعلي سد البوري ولف الصوت ه وعيونه بعيني واني لازمه البرده ولافه الخاولي بشعري واباوعله من الشباك شفت طب للبيت وقفل الباب شوي وطب للغرفه بقه يباوعلي بعتب نزع قميصه وفانيلته وفات سبح وطلع تمددت بعدما بدلت اجه نام يمي التفت يباوعلي حرك ايده تلمس شعري الرطب جر راسي حضنني وباسني من راسي غفيت بحضنه رجعلي احساس الامان بحضنه وبين ايده الجبيره السمره غفيت بتعب
محمود- نامت بحضني اباوعلها مراح تكدر تكمل العمر وي واحد عقيم مستحيل صار تسع شهور اتعالج وماكو جاره. راح تمل مني اباوعلها وافكر واحرك بدمي راح تكمل حياتها وي غيري ويصير عدها اطفال مجرد التفكير حسيت حتى النفس يملخ بريتي دفعتها وكمت كعدت بالهول ادخن مااعرف شسوي وصلت لتفكير خل اعيش يوم بيومه من تريد تاطلك اطلكها محد مات وره احد طبت وره شوي كالت
ااجوعان ?مااكلت
عدج اكل
الا بس هسه اكلي. كبب
تنهدت لا بدلي خل نطلع ناكل بره
ها ابتسمت دقيقه وابدل
هسه يجي قصدج ساعه ودقيقه
لا والله مااتاخر
خل نشوف راح احسبلج باوعت على ساعه موبايلي وبديت احسب يله هاي ب6هسه عدج عشر دقايق تبدلين بيها رفعت راسي ملكيتها ركضت للغرفه هههههه رجيت راسي عالقنفه مااعرف شضامتلي الدنيا خليها كلشي بوكته حلو طلعنا كعدنا بمطعم حلو تعشينا وتغدينا صار نفس الوجبه وطلعنا حسيتها رجعت ارتاحت بس اني بعدها النار . بيه تاكل خايف من بعد كم سنه كون الله ياخذ روحي قبل لاشوفها لغيري تصير مرت الايام عاديه بيننا مداراتها زادت وحبها ودلالها الي رغم من اجي من الشغل طبيعتي كالب خلقتي بس تستقبلني بضحكه وهدوء وكلمه طيبه تطفي تعبي ومغثتي من الشارع مو كم يوم ورجعت مره من وكت لكيتها مو بالبيت استغربت الاكل على ام الفتل خابرت عليها دك تلفونها عالشحن شنو السالفه وينها هاي صفنت هاي اكيد عد اهلها مكابله بت غسان رحت لبيت عمي لكيتها بالحديقه تلعب وياها وخابصه روحها وذيج تكمز وياها اخذتها ورجعت مااعرف ليش داحس بتقصير واعصابي نار حست بيه عصبي
- حبيبي اسفه بس والله مادري بيك تجي من وكت
باوعتلها رفعت حاجبي بعصبيه ودرت وجهي
محمود
هاااا
والله مااتاخر بعد
متروحين بعد نترت بعصبيهزشمرت السويج روحه لاهلج ماكو
لاحباب تطك روحي اشتاقلها
يططططبج طوب روحي لجججج روحي لاهلج لتضلين محملتني منيه امشي لمي هدومج روحي ماريدج
محمود هاي شبيك
وشبااااجه امشيييييي صحت بعلو صوتي امشي روحي لمي هدومج ماريد اشوفج
بقيت صافنه بوجهه دفعني للغرفه التفتت عليه صحت ماريد ماريد اروح
داكولج روحي هناك ماريد اشوفج وروحي شوفيلج احد يتزوجج وتخلفين منه
محمود حبيبي والله ماروح بعد كمت ابجي وهو يصيح رفع ايده يريد يضربني واني بس صافنه عليه جريت جنطتي خليت كم هدمه وطلعت خفت منه وهم صار اعصاب رحت لاهلي بعد فرعين عننا طبيت كلشي محجيت كتلهم طالع سفره محمود بقيت عد اهلي يومين لاخابر لاسال ولا وصل واني مكدرت انام ساعه وحده مشتاقتله وبالي يمه خابرت مرتين مرد عليه بديت اتمرض حتى نرجوسه هم مدرتلها بال بقيت بس انام امي ضل بالها كمل اسبوع ومحمود مااجه كالت
يمه رجلج ليش مااجاج شنو متلاغين
لايوم ماكو شي جريت نفس وذبيته رفعت راسي بلبل عالدرج تمسح
ابابيل-هلو شهوده
هلاو كلبي كلتها بتعب
شهد شو بس نايمه خومبيج شي خاف مشككله يولو
شمشكله
يعني حامل
صفنت صار اسبوع ماكو لا هاي جيف انهبطت يجوز احجي وي روحي تعديتهم وفتت للحمام سبحت واسمع ابويه يحاجي امي
ابو غسان- ماادري كلبي وجع
ام غسان- ليش ياعيني شسويت خاف تعبت روحك
لا والله بس دااتمشى اني وابو محمد شو لزمني كلبي
سلامتك دتمدد ارتاح
شهد- طلعت ركض من الحمام للهول ابويه متمدد
بابا حبيبي شبيك
مابيه ياب مابيه شوي تعبان باوعت لماما تنطي الحبوب بلعها وغطته رجع ايمن
ايمن- شنو شبي ابويه خابرني جيراننه ابو محمد يكول تخربط
ايو غسان- يابه مبيه شي شوي كلبي نغزني ورجعت للبيت لتسووها سالفه
ام غسان- عوفو يرتاح يمه مابي يحجي
شهد- عفنا واباوع عليه نومته ونفسه مو طبيعي حتى ايده ترجف يارب دخيلك بليل رجع غسان من الشغل جابله طبيب ونرجوسه تكمز يمه بالحجله وهو يبتسملها فحصه الدكتور كال شاك بدايه جلطه ديرو بالكم عليه وبعدو عننه التوتر بقينه نتصفن بهاء جان وي ايمن من اجه الطبيب رجع للبيت لليل اجه عمي ومحمود سمعت صوته جنت بغرفتي
محمود- فشلان من الصار ومااعرف اذا تريدني اولا بعد هالشي بس من سمعت عمي تخربط لازم اروح رحت وي ابويه وطبيت مبين عليهم مصدكين انه اني مسافر مثل مكالت الهم شهد
محمود- ها عمي حمد الله عسلامتك خوفتنا عليك اباوع على عمي وبدربي اقره ملامح غسان وايمن وخاله اسراء لكيتهم يبتسمون لي تاكدت ماعدهم اي علم ارتاحيت
مابيه شي بس تعرف مرت عمك توهس
غسان- شوكت رجعت ابو شكريه جريت نرجوستي من الحجله لحضني كعدتها
محمود- باوعت لبته وجاوبت اا اليوم العصر احم بلعت ريك لعد شهد وين
عسان- ذيج هم مدري شبيها من رحت بس تنام مدري على فراكك مدري مريضه
محمود- نصيت راسي ورفعته باوعت لغسان تكدر تسويلي درب اصعدلها باوعت نزلت هي وام نرجس بلعت ريك ونصيت ارجف من عيونها درت وجهي على عمي
غسان- هاي جتي تعاي عيني ام النوم هاي رجلج اجه ابتسمتلها انتبهت عليها تباوعله وتنصي يمكن صاير بينهم شي باوعت لمحمود دار وجهه عنها باوعت لشهد هزيت رجلي جريت نفس كعدت ابابيل يمي مبتسمه نرجس كتلت روحها تريدها طيتهيا وعيني على شهد ومحمود متاكد صاير شي شهد كعدت يم ابابيل باوعتلها همست كومي حضري هدومج دتروحين وي رجلج
محمود- درت وجهي على صفحه غسان بس منصي راسي اخاف من عيونها حيل مردت شي واعرف غسان شك وكفت شهد وراحت فوك غسان حاوطني بعينه بنضرات تخوفني ومتخليني مرتاح نزلت شهد وي جنطتها تقربت منها. وكفت اخذت الجنطه من ايدها تقربت على عمي بوسته
عدك العافيه يابه يله في امان الله
شهد- تقربت لابويه بسته من راسه اباوع بعينه -- بابا فدوه دير بالك عروحك
اي بابا ميخالف دير بالج على رجلج وبيتج
اي
غسان- شهد-
نعم
تعاي بعدني على كعدتي وصحتها تقربت مني منصيه محمود باوعلي وطلع للطرمه
شهد تره اني موجود اي شي تحتاجين لتخافين واكو امور مينسكت عليها
اي اي هزيت راسي الله يخليك النا بست نرجس وابابيل واني وطلعت وراه جان ديدخن بالباب من طلعت ذب الجكاره وصعد بالسياره صعدت يمه وطلع سكووت بيننه ولا واحد حجه كلمه وحده وصلت للبيت ونزلت البيت مرتبه بعد الهوسه ذبني وراح مااعرف وين تركته براحته وكمت عالبيت نضفته وطبيت اسبح سمعته رجع طلعت والخاولي براسي شفته ديخلي المسواك بالثلاجه عفته وفتت للغرفه احس روحي تعبانه نشفت شعري ضفرته وتمددت طب شافني دااتغطه باوعلي جر نفس ورجع طلع
محمود- ميت جوع وهي اول مجتي نامت طلعت فواكه من الجبتهن دااكل بالمطبخ
شهد- كمت وراه خاف راد شي شفته ديغسل التفاحه
احم ردت شي
باوعتلها ودرت وجههي ببرود چچ هزيت راسي بالرفض
رجعت للغرفه مااعرف شديصير بيه بحيث مالي خلك حتى اصالحه تمددت وراسن غفيت
محمود- طبيت لكيتها غافيه بقيت صافن صدك جذب تحجي نزعت بنطروني والقميص بقيت بالداخليه وجيت تمددت اخاف اقترب منها جريت الغطا فزت بقت تباوع بعيني واباوع بعينها كامت تغمض وتفتح بتعب لحد ماسدت عينها بعد مفتحتها يايابه شكد مشتاق لوجهج كلتها بداخلي بقيت اتامل ملامحها لحد ماغفيت كعدت الصبح عالمنبه باوعت عالفراش شهد ماكو كمت للمطبخ ماهي سمعت صوتها بالحمام تكح ضل بالي دكيت الباب فكيتها مقفوله
شهد شهد
همم
شبيج تكحين
مابيه شي فكيت الباب جريت نفس جسمي غده مي عركانه والدنيا ثلج
شبيج عكدت حاجبي مريضه لازمه صفحتين الحايط مستنده بي
لا بس شوي دايخه
خاف مصخنه شو عركانه كلش
ماادري عفته ورحت للغرفه مطايقته كوه امشي
هاي شبيها مشيت وراها
شون ماروح للشغل خاف توكعين
مبيه شي روح جاوبت ببرود
شعد شبيج
مابيه شي والله نمت وجريت الفراش وتغطيت
بقيت صافن هيج كرهتني حرت اروح لو لا خابرت بهاء كتله يجيب مرته يمها قبل وطلعت كبل لشغلي بس رجعت من وكت
شهد- حسيت على ريحه طبخ. شلت راسي سمعت صوت طكطكه بالمطبخ هاي هاله
هلو هاله
هلو حبيبي شون صرتي
زينه احسن شوكت جيتي غير نكعديني
والله حبيبتي محمود خابر يرجف على بهاء يكوله مااع ف شبيها وبهاء حجزلج يم الطبيب رفعت حاجبي ونزلته
عابتلج غميتها مبتسمه متجوز من سوالفها ورجعت للغرفه لملمتها وطلعت الملابس الوصخه وفتت سبحت لان البارحه كلش عر كت شوي وطب محمود قلق وي بهاء تغدو وكال محمرد
بيش ساعه موعد الحجز
ب4
يعني بعد ساعتين خل ننام ووراها نروح وانت ويانا لان هاف ميدخلونا واني اضوج انتضر
صار
شهد- خو اني اروح وي مامه ليش مكلفين نفسكم
بهاء-لا الدكتور صاحبي وبعدين خاله ملتهيه وي عمي
اي صح
ديله يابه اني اروح وادكلك اربعه الا
ماشي الله وياك طلع بعاء وسديت باب الحرش ورجعت شهد دتغسل بالمواعين بقيت اباوعلها شعرها مخربط مال حجاب الجانت لابسته من بهاء تقربت من وره اعدله جمدت وراها كملت غسل مواعين لميته على كيفه اكو عالسنك مرايه تعكس وجهه باوعتلها اريد اقره وجهه بس جانت بارده بتعاملها جريت نفس رتبت شعرها واخذت المواعين رجعتها لمكانها باوعتلي كالت
لا عوفها اني ارجعها
مابيه حيل يوميه مشتر ي مواعين
اني شعليه انت تكسر بكل مناقشه
همممم ابتسمت شفتها نشفت ايدها كملت غسل مواعين تقربت منها اي بعد طلعيهن
اي شنو نترت
هاي شبيج هميت مبتسم اباوع بوجهه كتفت ايدي رادت تتعداني وكفت بوجهه وين
داروح لغرفتي
يمعوده بس تطبين تنامين ههه
تريد مني شي رفعت حاجبي باستفهام
اي بلعت ريك
شنو اامر
مديت ايدي اتلمس ركبتها غمضت عينها
جريت نفس هذا الردته بس اتاكد وخلص
من شنو
بعدج تحبيني
باوعتله معاجبني عفته ومشيت من يمه لحكني للغرفه راد يضحكني اني مالي خلك مدري جيف زعلانه مدري روحي طالعه طبيت وطب ورايه حضني راسن وتنفسه تسارع
شهد والله مجان سبوع جان دهر
بقيت ساكته دمعت عيني
كوليلي شسوي بس فهميني اني مااكدر اعيش دونج والله مشايف هالحنان حتى من امي
ليش تاذيني لعد
البيه ميخليني حتخبل من اعرف ترحين لغيري
شون يعني اروح لغيرك
اذا مصارت خلفه من لعشر سنين متطلبين الطلاك
ههه انت صدك تحجي ابتعدت اباوع وجهه
اي لعد شنو ذنبج ماعدج طفل
لالا محمود يعني جديات تفكر هيج
اي والله شنو لعد
محمود
جريت نفس ها
حتى لو مصارطفل ذني دور الايتام نتبنالنا طفل اني مااكدر اعيش وي غير رجال انت شبيك
بقيت صافن مراح تعوفيني
شعوفك انت كل عقلك بابا اني احبك
ابتسمت لعد ليش هلقتج مكلوبه من رجعتي ليهسه
جريت نفس انت متحس على روحك من تعصب تكوم تخربط بس خليها ببالك اخوتي مياخذوني منك
عكدت حاجبي ودرتوجهي عنها
سمعت حبيبي واحنا نضل نحاول لحد ما تخلص كل التجارب
شنوووو عيني باعي ميعجبج رجعي لبيتكم من هسه داكولج اني اي علاج مااخذ بعد تعبت ودكتور ماطب لو اموت
بس اسمعني
يبووووووووو هااا هااا حنرجع
هسه انت ليش متنطيني مجال
يايابه تهجيين اكبر واحد جريت قميصي اطلع اوكف محمود محمود هاهي والله حسكت
مو يومين وترجعين على هالقوانه كلتها بعصبيه وملل وتعب
لا هاهي منا لسناين مصار نتبنه طفل
بلعت ريك جريت نفس مغمض عيني والقران شكد ماانتي تعبانه اني هللللللكت صحت
ميخالف اعذرني لزمت كتفه اباوعله بتوسل
رفعت ايدي تلمست وجهه اباوعها بتعب دمعت عيني همست مشتاقلج والله
اني هم كلش اشتاقيتلك جرني لحضنه عصرني وجرني للفراش بعدها نمناحسيت ب3ونص بدلت وكعدته خابر بهاء ورحنا للطبيب ضجت من وضعيتي بس اتجطل مابيه حيل وصلنا وراسن فتنا لان بهاء صديق الطبيب طلب تحاليل حللنا ومحمود ويايه رجعت للطبيب باوع ورجع باوعلنا مبتسم
صاركم شكد متزوجين
محمود- صارسنه ونص خير دكتور
هاي مرتك حامل يابه وعدها فقر دم لهذا دتدوخ ومبيها
محمود- بلعت ريك عيني غوشت لزمت الميز كعدت شهد بره جانت يم هاله بهاء تقرب مني يضحك
لك هاااا ههه هاي الحمد لله بعد شتريد
باوعتله جريت نفس لك ربك كريم
ادري ادري كوم لتخزينا هالمشاعر بالبيت عود
دمعت عيني باوعتله لتكوللها لشهد اني اموللها
اوكي هههههه
طلعنا ورجعنا للبيت رحت بشرت ابويه كيف ىحتى امي كامت تبجي ايمن شفته بالفرع كتله ركض للبيت يكوللهم
شهد- طلع محمود مدري شبي وكفت بهاء اخذ هاله وراح واحنا بسيارتنا
محمود شنو طلع التحليل
فقر دم كلتها ببرود
اهوووو الابر تموت مالته
ليش صاير عدج قبل
اي من جنت بنيه
هممم
طاك ابر
اي وكال معلاك وحليب
اهووو ياربي شنو وين رايحين مو منا طريقنا
حريت نفس رجيت راسي على مخده السياره باوعتلها بلعت ريك دمعت عيني
محمود شبيك وين رايحين
رايح اتشكر من الامام
شنو عكدت حاجبي هو ماله اي علاقه بالدين شديحجي هذا
شهد انتي حامل برطمت ودرت وجهي مكدرت الزم نفسي
كذاب والقران كذاب كمت اكمز والزم ايده الله عليك اخلف
والله كوه طلعت من حلكي صوتي اختنك
يعني شنو اني هسه حامل
هزيت راسي مسحت دموعي اشوف الطريق
خل نروح لاهلي حباب
خل اروح اتشكر من الامام ونرجع ميخالف
ياامام
الكاضم جريت نفس درت وجهي عنها كتلها قبل اربع ايام جان عدي شغل بشارع الصنايع بالكاضميه وصار كدامي الكبب مالته كتله اذا انت صدك امام وعدك شارات رايد منك طفل وانت تعرف بيه عفت الشرب والمكسرات والله هداني
- دمعت عيني تدري اني هم نخيته بعد روحي ميخيبون بقه بس صلاتك
عوفيني على راحتي اني من وحدي اكوم اصلي
ماشي ههه محمود عود خل نشتري برمه. باوعتله بتوسل
ههه صار وبعد
واريد حليب ومعلاك حتى اتقوه هههههوالنون يطلع قوي مثلك
درت وجهي رجعت عيوني تدمع مداصدك احمم ميخالف وصلنا زرنا وهاي اول مره اطب ازور وراها طلعنا اخذنا كم شغله ورجعنا للبيت حتى شغلي مرجعتله مدااكدر افاركها كلسا وبايسها من بطنها وصل حد كمت اغسل الطرمه الصغيره حتى متتعب ابويه مخله شي مسواه ميت نذر ناذر وحتى امي مصدكت من طبت لبيتي وبوستني تبجي وبوست شهد بس قبل لتطلع سمتها بالحجي
شهد عود اكلي زين حتى يطلع الطفل قوي مثل ولدي مو مثل اخوتج امج جانت كلشي متاكل وتوكلكم من جانت حامل جهالها ضعيفين من الماكو
شهد- اي مو داكول لازم تذب سم بقيت ساكته عمي ابتسملي وغمز نصيت راسي طلعو واندار محمود عليه
عيني ام جواد لتخلين احد يضوجج ويغثج ياثر عالبيبي
جواد منو
اللي ببطنج اذا ولد ولو اني متاكد ولد اسمي جواد
شون متاكد
اني طلبته منه بعد
الله كريم كلشي من الله يامحلاه جريت نفس حضنته احبك محمود
اموت عليج اوف الحمد لله تعاي كملي غداج
اي جيت ----مرت الايام براحه مر شهر والشهر الثاني الحمد لله ابويه تحسنت حالته
ابابيل- تغيرت هواي صرت شخصيه ثانيه غسان تعلم عالدلال غسل ميغسل الا اني اغسله يكولي اطلع كلش نضيف هياتله جو من الدلال خاص بالملوك ---ركص يوميه بليل ارقى لبس وطاعه كدرت ادخل لعقله واعرف هالشي من خلال ابتسامته وهم تجي على غفله ايام يلوب بيها بالسطح كمت اتركه براحته مااضغط عليه ساعه ساعتين ويرجع لحضني ماعده غيري
غسان- الشاهد الله ترست حياتي هي ونرجوسه بس هذا كلبي لو اشبله واخلي بمكانه كابريتر هم احسن. ابابيل ممقصره نوبات احس روحي ملك زماني خلتني كلما باوع لمره مغريه اتذكرها واتذكر حركاتها وادير وجهي عن كل مره بس نرجسه كلبي مديور الها مو عيوني كلما تجي يمنا شهد اسالها عنها تكول تخابر محمود بين فتره وفتره واني الوب صار عمر نرجوسه 6شهور واني صارلي سنه ونص تزوجت شبسع مشه الوكت يعني صار بالضبط سنتين من اخر مره شفتها اخخخخ ياربي الا اموت يله انساها
بلبل- حبيبي شبيك
مابيه جريت نفس
اسوي مساج لضهرك
لا لا تنهدت من اتذكر نرجس ماريد اشوف ابابيل بعد
تريد اطلع من الغرفه ترتاح
باوعتلها متفاجا هيج مبين عليه بقيت اباوعلها
باعت ريك شبيك
بلبل
ابتسمت اول مره تدلعني عيون بلبل
جريت نفس اني تره سكتت نصيت راسي
احجي ماضوج والله معرفتني عاد
اني تره داحبج جريت نفس تلمست خدها بقت فاتحه حلكها ودموعها نزلت
ههه شبيج خبله
شنو كلت برطمت
كتلج دااحبج بلعت ريك
الله عليك
والله ههه جريت راسها لحضني كافي تعبتها كافي عاد متعرف شون تداريني واني مثل الطير ارجع لسجن نرجس بلعت ريك وهي تشهك على صدري سمعت هوسه جوه
هاي شكو
مادري مسحت دموعي وكمت لبست شفته لبس شحاطته ونزل ركض
غسان- هاي شكو هاي الهوسه ملها منج
اي هههه شونك
زين الحمد لله انتي شونج الحمل شونه وياج
زين وينها بلبل
فوك رجلج اجه
اي يم بابا
خوش رحت يمه وهي صعدت لابابيل لك ها ابوجواد
هههه شونك غسان
الحمد لله انت شونك
كلش زين جرين نفس فدوه فد شاحنه هذا حيخلص شحن ومنتضر مكالمه بالشغل
ايمن- جيبه نفس فوني هذا
اي والله ياريت كعدنا سالفه منا وضحكه منا خاله اسراء دتسوي العشا وي البنات اجه ابويه وبهاء هم يمنا
غسان- كلبي حيوكف من خله جهازه عالشحن ليهسه كاعد واهز برجلي متوتر شفت صارت لمه رحت لغرفه ايمن محد حس بغيابي طبيت راسن على تلفونه فكيته الحمد لله مابي قفل كلبي يرجف من اللهفه حيوكف ارجف وادور بالاسماء لكيت اسمها اريد اوكف مااكدر كعدت على جربايه ايمن اباوع عالرقم طلعت تلفوني من جيبي خزنته طبت ابابيل تدور عليه
بلبل- هاي انت هنا
ها اي اي دادا اشحن تلفون محمد مخلص شحنه بلعت ريك
بقيت صافنه عليه ايده ترجف وعركان وعيونه حمر بقيت صافنه عليه
ها تبقين بغرفه ايمن
لا هسه حجي وراك انعصر كلبي وضاعت فرحتي محمود وتلفونه معناها نرجس ورقمها اوووف ربي لشوكت اضل مصدكت فزحت شوي طلعنا للمطبخ واشوفه كاعد على اعصابه وبس ينتر تركته متقربت منه
غسان-حموت بس ارد اسمع صوتها بس الهوسه كلها يمنه وهاي حتضل لازكتلي مصدكت امي كالت لايمن روح جيب لبن كمزت
ااني حروح اجيب
ايمن- هاي شبيك فززتني
مهتميت طلعت من البيت لزمت تلفوني ارجف ادك بس اسمع صوتها ماريد اكثر حتى ماكلها اني منو وصلت لراس الفرع دكيت رجلي بعد مشالتني اويل يابه دك دك دك اربع دكات ردت بصوت تعبان
الو
شكو اعصاب بيه رخت ورجفت اباوع للسما ودموعي تنزل ليش ربي شسويت وتحرمني منها
الو
غمضت عيني بلعت ريك جرت نفس وذبته اخ اللللللللللللله نصيت راسي سدته لزمت راسي بديه نسيت اني بالشارع حسيت روحي ببطن روحي محد يشوفني حسيت نفسي بس احساس ماكو جسم الناس تشوفه اني عمري محبيت غيرج ولا راح احس هالاحساس غير وياج رجعت للبيت وره ساعه مابيه امشي
ام غسان- وين صرت ماما الكباب برد ومجايب لبن
غسان- باوعتلها ونصيت
ماما شبيك حبيبي ليش عينك حمره
ابابيل- باوعتله ودرت وجهي صعد فوك
ام غسان- تعال تعشىج ج
ابابيل- خاله عوفي براحته هو من يجوع يكول بقيت اباوعله من ديصعد فاصل من ام الدنيا باوعت لشهد تقربت منها وره العشه
شهد فدوه ساعديني
شكو
باعي هذا غسان اخذ رقم اخت محمود
شنو مستحيل
والله اني شفته من شفت تلفونه عالشحن وبيد غسان
بقيت صافنه عليها الله يساعدج بلبل
الله كريم بس ردت منج تمسحين رقمها وهي من تخابره يطلع رقم عادي
اوكي بسيطه جريت نفس ماشي
ابابيل بيومها مصعدت فوك نمت بهول بيت عمي اني ونرجوسه بتي وهو منزل سال عني عمتي سالت كتلها تعبتن خطيه وهاي متنام بس تبجي تركتني براحتي كضيت الليل ابجي حتى ملاحظ عدم وجودي جان محاس عروحه غفيت وحسيت ب5على طبكه باب بيتنا فزيت طلعت لكيت غسان طالع شنو شدعوه من وكت هالكد بقيت صافنه بحالتي واتذكر من جنت بنيه
يتبع
