لو اننا لم نفترق

11

البارت الحادي عشر

#لو_اننا_لم_نفترق
11

عذروني تاخرت. بنوتتي مالها خلك بعدها
وانتضروني ببارت لخ الفجريه
ابابيل- رجعت للبيت واني راسي حيطك تالي هالهيبه يطلع هيج عمار اخويه يباوعلي مستغرب كلشي محجيت اول مطبيت لغرفتي كضيتها مناحه واسبوع اني منداومه ومريضه بالفراش مرت الايام ورجع عبد الله يزورنا دائما لبيتنا واني بس اسمع صوته جسمي كله يقشعر وتلعب روحي منه ماانزل ولا خلي يشوف وجهي كم مره دز اختي واني مااقبل انزل ومره دز اخته واني قافله لحد ماطلعت سنه بيبيتي ورجع خالي فتح موضوع وي ابويه وامي صعدت ماما تحاجيني
ها ماما شون صرتي
زينه الحمد لله بيدي الكتاب اباوع بي كلشي مداافهم
ماما اليوم اجه خالج ومرته فتحو موضوعج
كعدت عدل عكدت حاجبي ماما اني ماريد عبد الله
هااا
مثل مسمعتي لو تذبحوني مااقبل بي
وشنو الصار مو هذا عبودج وعبودج غير واحد يفهم شنو الصار
ماريد اي احد يضغط عليه حياتي وكيفي اني مااقبل عليه ميعجبني شنو ناطيني لواحد اكبر مني سبع سنين شكو متعاجزين من لكمتي ماريد
لج ماما افهمي انتو من انتو صغار مخطوبين وتموتين عليه لتخبليني
اي هسه كبرت وتفتحت اني عبد الله اضوج منه متزمت ومااعرف شونه
هاي شنو هالحجي الجديد انتي فريتي راسي
ماما كمت اصيح مااااريددد طب ابويه على صياحي كال شكووو
بابا ماريد عبد الله شنو تجبروني
ليش بابا شبي عبد الله
ماريده كيفي كيفي اني مااحبه واموت منه انشاء الله حتجبروني عليه
لابابا ماعاش اليجبرج بس عبد الله تره ورده مال الله وانتي هسه يله حجيتي غير اعرف شنو الصار وشسامعه عنه
ملشي مصار ومسامعه عنه اي شي وماريييده
هاهي زين هاهي لتصيحين باوعت لام عمار عمار وينه خل احاجي
ام عمار- فاكه حلكي صافنه عليها جريت نفس بره بالباب يم صديقه نزل الاب باوعت لابابيل اني متاكده اكو شي لان قبل شهر سالتيني شوكت تطلع سنه ببيتي
جنت طفله وفتحت ماما اخر مره اكولج محد يضغط عليه
لا يمه براحتج هذا زواج وحياه بس والله خبلنتيني
لا خبلتج ولا ابد الموضوع سدو
هاهي كيفج طلعت امي وسدت الباب رجيت راسي عالتاج مال جربايه اندكت الباب منوو كلتها بملل

اني اني
تعال عمار
ها بلبل شونج
هلاو شونك نصيت ااسي عالكتاب
اكولج شنو سالفه عبد الله
شكو شبيه يابه متزوجني واني ماادري
لا بس مو مخطوبين صار كومه وانتي اله شنو اللي تغير
اني كبرت ميعجبني اكبر مني بهواي وخواته يحجولي عنه ميعجبني وفكرت بنفكير عقلاني اني. مو نفس تفكيره مختلفين واحس مااكدر اعيش وياه وماريد احد يضغط عليه تره اي مشكله اوكعها براسكم
لا يابه من. حاجي وياج بس داشوف عبالي صاير شي سامعه شي
كلشي مامو بس اني كلبت عليه
اي هاهي براحتج يعني نكول لخالي هاهي
اي كولوله يابه البنيه رافضه وانطو انت. اي سبب
كيفج
طلع واني صافنه غمضت عيني بله اني هذا عشره عمره وتالي يطلع كذاب وعده مكسرات وهو وهيبته ومخامي تالي يطلع هيج شون حوثق بالعالم بعد شون حتزوج عمي لا اتزوج ولا اورط روحي --------
شهد- مرت ايام وايمن بده يوكف على رجله ويتدرب بهاء خطيه متركه العلاج. والالات كلها عليه وبعده والدي ميقبل ياخذ اي مساعده من عمي باقين على راتب الدوله 300بالشهر وامي تخبز بهاء دائما يمر لغسان ومحمود هم مرات والدي ومرات عمي محمود صار دائما ببيتنا وبس اسمع صوته كبل اصعد فوك
محمود- كعدت من النوم ارجف اليوم مبلعت حبايه واحوالي تخربطتت فتحت المجرات ادور ماكو ولا وحده طلعت من غرفتي طابق الثاني فارغ بس اني وبهاء كلمن بغرفته ركضت لبهاء ماكو غيره ماخذهن فتت كعدته بقوه فز
شكووو
اريد حبايه
درت وجهي ببرود ماعدي وغطيت راسي حسيت برجفه ايده على كتفي
كوم طيني ادري انت ماخذها
صحت ماعدي دفعت ايدي حسيت انسحلت من فراشي بعصبيه وشمرني بالكع انطيني داكولك لا اموتك بله ماحس على روحي
بهاء- بقيت اباوع بعينه واني متكوم بالفراش باوعتله ووكفت انت متدري شدتسوي بروحك مدتحس على نفسك جريت فكه باوع روحك بالمرايه شوفتله وجهه باوع جوه عينك وبشرتك مكلوبه جهرتك باوع سواد شفتك اوكسجين مديوصل لاجزاء جسمك من وره الحبوب حتموت روحك
دفعته مالك دخل بيه فات الاوان
مامو شي اسمه فات الاوان خويه لحك لنفسك
وخرر دفعته صايرلي دكتور براسي طيني يله بسع
بس اسمعني انطيك هسه و باجر نروح اني وياك لطبيب لا اني وانته تعرفه خوش ويمشينا على كورس وتترك الكبسله لزمت وجهه ها شكلت