42
عبد الله- كوم ويايه نسوي تبليغ وناخذ الطفله كافي ذل
كرار- عبد بسسسس
شكو شبيك انت شو باررد شبيكم انت اللاخ عمار لو خالي عايش جان حركها للدنيا ولكم هي هالوحده
كرار - عبد الله يحجي واني وعمار كاعدين منصين راسنا يصيح وواكف يروح منا ويجي منا مللني وزهكني صحت كافيييي روح يابه مالك دخل كفيت ووفيت
يجبس ةولي شون كادر تسكت
لان اختي طيحت حضنا منكدر نفتح حلكنا بعد صار هو ابو الراهي
ليش بله باوعتله معاجبني اطبب بعينه واخذ حقي كومو ويايه
ولك لاكفها مصادقه تدري لو متدري تعرف شنو مصادقه ولاكفها كمت ادك عالميز عبد الله فتح عينه كلها وبقه على تاشيره ايده كعد لزم اليده مال قنفه يستند جر نفس رجع وكف تلفونها ويييين صاح بعلو صوته احس صوته طلع من كلبه
مادري جريت نفس ارتجيت مادري كلشي مادري اذا اطب احاجيها احتمال املخها واطلع
حيبلي الجهاز لتستعجل
باوعت لعمار دز مرتك عليها جريت نفس دزيناها كالت هناك بقى يمهم
خربببب كومو ويايه
لك شكوم اروح بصخاام وجهي
شكالتلك من حاجيتها
تكول صداقه نترت تكول محاجيه شي عيب بس صداقه شايفه السالفه عاديه فاهم شنو معناها خالك تربيته بالبوش طكيت ايد بيد راحت كلها بالبوش
هاهي اذن محاجيه شي مصاررر اي حجي زايد
لا والله هههه عبد الله حل عني رحمه لا الله
كرار مصااار شي
كام يصيح فقد ويدك عالميز وكفت جريته من زيكه عبد عوفني تره محترك جد جدي وشمرته مشه اصابعه بشعره كال اذا بيكم خير واحد منكم يجي ويايخ نبلغ ناخذ القضيه وناخذ البنيه
عمار- والله اني منا لهنا مااتحرك من اول كنالها نفض كلشي وكرامتج محفوضه جللبت تالي صخمتها يطبها طوب
عبد- والتالي هسه شلون
هاهي خلياخذ بنته ويطلكها كافي فضايح
هممم واختك تموت
وموتتهم مفكرت بينا لعد عبالك مراح تنشر تره الفرق بينا وبينهم 3فروع ومرته عرفت كلشي اذا مطشتها اني مو ابن ابويه تدري دنفكر نبيع كلشي ونطلع من المنطقه لو لا
عبد- يطبببه طوب الحجه والما حجه
عبد الله روح
ماشي ماشي جريت نفس ماشي رايح طلعت وصلت للباب فتحتها رجل ديكلب بالاوراق مبلغ من المحكمه دك الجرس طلع كرار جريت نفس شفته وقع هالورقه باوعلي كال هاهي تبليغ هذا
اي عرفت جريت نفس
هاهي خل تخلص
بلبل- طبت مرت عمار وكالت اجه مبلغ من المحكمه هزيت راسي ببرود صرت فجاه بارده ميهمني شي بس حضني الفارغ من بنتي دياكل بيه شهد اتصلت بيه وفتحت كام ويايه ونور هم
نور- بلبل حبيبي شونج
عفيه نور فدوه نرجوسه
لتخافين عليها اخذتها شهد وسكتت يمها
ها بجيت بعدها متاكل
لا كلشي متاكل متقبل
سوده بوجهي كمت اشهك يربي شون
لتخافين حبيبي الله يردها لحضنج ضللي اندعي والله يسمع دعاج كمت ابجي لبجاها
والله الله يدري
الله يساعدج طب ايمن ديله عمري حروح باجر اخابرج
اوك
سديته باوعلي ابمن
بلبل مو
اي بلبل عفيه شون
مداصدك طلع هالشي منها 4
لك كل عقلك مستحيل تطلع منها هيج شغله
لعد شنو قتبل يتبلى عليها
انت تصدك
لا والله جريت نفس لا والله ماصدك باوعتلها تلفونها بس لو اشوفه
فوك مشمور باوعتله مستغربه
تكدرين تجيبي باوعتلها باستفهام
اي بس خاف يشوفوني
لالا اوكفلج عالدرج
اوك صعدت للغرفه جبته ونزلت منضر البيت موحش نزلت طلعت نرجس من الغرفه باوعتلي مستغربه
شعدج فوك
ايمن- هيج دزيتها على شغله باوعت لنور ضمت التلفون طبت لبيتنا طبيت وراها اخذته خليته عالشحن لان مطفي فتح اباوع بي رمز ربطته عالحاسبه كدرت افتحه بله فرمته دخلت على البرامج فعلا لكيت عالماسنجر مراسله بس فعلا بس صداقه مثل مكالت ماكو كلمه تتعده المحدود بقيت اكلب وافرك بوجهي باوعت لنور مادري اطبك وياها لو وياه
نور- مع الاسف
اي والله مع الاسف انحسبت عليها غلطه ذبيت التلفون رجيت راسي ماعرف شون اساعدها البنيه حتموت تريد امها
حباب ايمن احجي وياه بلكن يقبل
بابا مكلوب چلب شحاجي
بلبل- مرت كم يوم وطلعت للمحكمه وي كرار ميباوع بوجهي تطلكت وكف كدامي طلكني ببرود واني متاثرت ابد بقه يباوعلي باستحقار التفتت عليه همست يباوعلي معاجبه
حسبي الله ونعم الوكيل الله يحرمك مثل محرمتني من بنتي
هز راسه بشماته روحي روحي راسلي وي عشاقج زين
كرار- متحملت تقربت جريت زيكه يباوعلي مبتسم بحقاره دفعته خرب مثل بلاع الموس خلتني جريتها وطلعت من المحكمه كافي مخازي
غسان/ رجعت راسي برد. شهد جتي ابت نرجس لو باجر لو عكبه امي تجي مرتي ممقصره بالبيت بس حيل شنتاقيت لامي نرجس بنتي متسكت على فد بجيه ليل ونهار دمرت اعصابي شهد شايلتها وتفتر بيها ومحمود يلوب يباوعلي وكلما تقربت نور لو مرتي تعيط بالزايد شحيعودها لهاي اني كلبي خلصان
جتي امي من الحج وابويه لحد هسه ميحاجيني باركنالها طايرين بيها وره شوي كالت
وينها بلبل
نور- باوعت لغسان هاي مكايللها عززه
شو تصفنننون بلبل ويين
عد اهلها كال غسان بنتره
ليش شوكت تجي
ماحي بعد طلكتها
لييييش لطمت على وجهي ليش يمصخم وبنتك
بنتي جو نايمه شبيها
لك يوم تريد تموتني
امي ماريدها بعد واريد من الله واحد يكولي ليش لو يحاسب
لك يمه بنتك حرام
يطبها طوببب
ليش بس كولي جريت عباتي
يمه وين رايحه
اروح اشوف البنيه باوعت لنرجس طبت بيننا بت افراح بعد كلتها بكلبي
تعاااي يمعوده. يبوووو
انت انجب صاير خركه بيد النسووووان خركه من طاح حضك
يمه شنو زغير كدامج
اي وزعطوط هم وكفت نفضت عباتي وكف كبالي يصيح
يمه مصادقه لكيتها
جمدت بمكاني دمعت عيني مستحيل
والله والقران مراسلات شفتها بعيني متشوفيها مجانت طايقتني
شوف لك هالحجي اباوع عالكل واحجي هالحجي اذا طلع من بيتنا لا اكلبلكم الدنيا احجي وابجي هالحجي فضايح وعدكم بنيه توكع بيها
اي ادري كايللهم هالحجي اكعدي اهدي
متامد انت
اي اكرلها شغت بعيني
نور- خاله بس صداقه مامو حجي زايد والله
غسان- ههههه يعني الصداقه عدج عادي باوعت لايمن عادي اذا مرتك تصادق ولد مو والله غيره عدك
محاجيه شي لك البارحه كلبنا بجهازها والله حجي عادي
مارررريد ينفتح موضوعها بعد قسما بالله اطلع من البيت ومااطب بعد
عفتهم وطبيت للغرفه نرجس جتني حضنتني قوي غمضت عيني تعبت اريد ارتاح انعل ابوج يابو صوت نرجس تصرخ دمرني كمت مااتحمل اسمع اي صوت
بلبل- مرت كم يوم والفديو ياذيها ويخليها تصرخ اكثر تريدني واني الوب محتركه واندعي دخيلك ربي رايحه ضعفانه عمري شهد تبجي وياها من تبجي متعرف شتسوي
مرت ايام طويله غسان لكف شهد دتفتح فديو ويايه مخلاها تروح يمها بعد اتخيل صراخها واتخيل يضربها يربي بس خليها تتاقلم يم ابوها لزمت العده هالفتره من الغرفه مااطلع روحي تريد تطلع بس اهديها بس صلاه وعباده وي امي من اشتاق لنرجس روحي احس تريد تطلع من صدك يوم وره يوم واني لا اكل ولانوم الا قليل ضعفت كلش
نور- مر شهر نرجس متاكل كلشي ودوها دكتور كال ضعف عام ونطاها مشهي مقبلت خاله تنطيها الها بس انجبرت حتى تاكل وجانت شتاكل تذبه وتضل تصرخ غدت جلد وعضم وننطيها مشهي تكضيها نووم لليل
ام غسان- شدتنطيها نرجس
خاله مشهي
لااا لتنطيها كلسا ناطيتها شي.
خاله حتى تامل
متاكل متاكل بس نايمه عوفيها
تضل تبحي لعد
انتي شعليج جيت يم نرجس خل تبجي شلتها صايره ريشه كمت ابجي مبيها حيل حتى للبجي وهاي تجي وتنطيها دوايات باوعتلها تباوعلي معاجبها نترت بعد معليج منها فاهمه متنطيها اي دوه
خاله غسان راسه يكوم يوجعه
ووووجعتهم انعل ابوكم يابو اخذتها وطلعت للطرمه افتر بيها مغربيه هاي الكلها حيويه وتركض بيننا وتلغي مبيها حيل بس نايمه وصفره نامت غفت بيدي طب ابوها خليتها على قنفه الهول جريته اجه ورايه يجر نفس شايل هم
باوعها يمه شون صايره يمه برضايه عليك وديها لامها حتموت متنقهر عليها هاي المدلله الحامت متوكع من ايدك هيج كلبك يقسي عليها ليش يايمه ليش
غسان- باوعتها نايمه والعضم مال قفص صدري مبين وي النفس دمعت عيني جريت نفس مايس منها مدتاكل ابد اباوع من تتنفس القفص الصدري يرتفع عبالك بيها جفاف ونايمه عبالك ميته جريت نفس باوعت لامي اخذيها جريت نفس اخذيها خلصيني
اي يمه فدوه لعينك بسته الله يهديك
هزيت راسي نزلت دموعي طب ايمن باوعلي ودار وجهه كالتله اني اخذها لاهل بلبل يمه اخذها طاير
بلبل- اندكت الباب بليل ماعرف ليش كلبي طار بدكتها عبالك اكو شي طب كرار لغرفه ابويه فتح الباب هلكيفه بيده شايل طفله باوعلي يبتسم رفعت راسي من السجود ركضت اكيد نرجس يممه بنتي يمه شافتني وبس دموع تجري حتى مبيها حيل تبجي يايمه كلللبي
يتبع
