27
بقيت صافنه واتخيل روحي راجعه والعينتين متزوج غير اتخبل اهوو لازم اشيله من راسي قلع تذكرت تهديد نرجس تره اخذه منج اذا اذيتيني بقيت ساكته وانتضر رحمه الله اشوف ليوين توصل
غسان- رجعت من الشغل امي وشهد ببيتنا
السلام
شهد- هلاو غسان شونك
انتي شونج هاي شنو ولج بطنج. واصله لخشمج
اسكت وخليها
ام غسان- يمه شوكت ناوي تجيب ابابيل
ماجيبها باوعت ببرود ونزلت راسي عالجدر اشوف شمركبين ايباه باوعت لشهد هاي انتي سويتي الباميه مو
اي همست باوعتله وباوعت لامي
شبيكم طلعولي بالنضيف طب ايمن
ها ولك الله يساعدك
هله هله ايمن
وين نرجس روحي طافره خل اتداهر وياها شوي
ببيت جدها جريت نفس مشتاقلها كومه كلتاها بداخلي اباوعلهم نصراتهم مو راضيه بلعت ريك مالي خلك عركه امي كالت
هي هاي وضعيه تهدم بيتك والبنيه توكع بيها
باوعت معاجبني هاي يابنيه سوده عليه يابنيه يوووم تره حيه لتخافين عليها طب محمود سلم نزع حذاءه سكتت وامي مسكتت باوعتلي رافعه حاجبها
روح جيب مرتك تره دقيقه ماابقى هنا حرام عليك يتيمه
منيييييه صحت انتي اليتيمه لتخافين عليها يمه ام مشاكل وصلفه لتخافين خافي على روحج باوعت لمحمود نصه راسه اشرتله اش غير تسكت مامو انفكت عبالك مصدكت
روح جيبها وبوس راسها راضيها
هاي شبيج شون اشك هدددومي داكولج ماريدها وكحه ماريدها
شهد- باوعت لمحمود طب وكعد ديكلب بالتلفون باوعت لغسان حبيبي صار شكد يمنا ولا شفنا منها شي حرام عليك البنيه فقيره
ولج من فقيره بابا واصله مرحله من العياره انتي شتحجين لج روحي شوفي شمسويه وتعاي احجي
ادري كلشي ادري واخابرها يوميه والله العضيم باوعت لمحمود لو اني رجلي فكر هيج يسوي لا اكلبله الدنيا نار الغيره حراكه حقها باوعت لمحمود يباوعلي بقلق بقه صافن درت وجهي على محمود المشكله محمود اخاف يحس روحه اله ذنب لان منوره اخته وغسان ياشر النا اسكتو بس مماما استغلتها فرصه وانفتحت بعد 6
والله اني من اول كتلها وتوسلت بيها وهي لا حياه لمن تنادي رجاءا سدو الموضوع
ام غسان- ماسده روح هسه جيب مرتك وتعال لا اكلبلك الدنيا واعدل بينهم خلي الله بين عيونك
اهووووووووووو صحت شمرت الخبز من ايدي دخل ابويه اااشر لامي بس وهي متدير بال
ام غسان- حرام عليك بنات الاصول لعبه بيدك حتى نرجس بت عمك كلتلك بس انت كلبك حجاره صاير
ابو غسان- شكو هاي
غسان- ماكو شي يابه اباوع لامي غير تسكت ايمن غير موضوع وهي ماكو
ابو غسان ابنك شامر مرته ببيت اهلها صار سبوع
ابو غسان- شون خزرته ولك انت متخاف الله هسه اروح لعمك واحجيله اشوف منو ينطيك مره
خليت ايدي على وجهي اهز برجلي متوتر وكفت صاح
تعال وين
ها يابه
روح جيب مرتك
ماجيبها همست باوعت لامي اباوع لايكن ولشعد ولمحمود كلها مراضيه --- اي اي احجو هسه اني الموخرش عمي اني ضالم وموخوش رجال احجو عليه وذبوها براسي كله منج انتي باوعت لامي اني باقي بله زواج ومرتاح وكفتيلي هالوكفه تزوج وماارضه عليه وزعلتي خليتيلي على عمه عيني اتزوج شمرت الكلاص كافي ارحموني ابابيل مكعدت راحه باوعت لابويه مخلت لا عيال نرجس لا احد بالمنطقه مشوفتله الصور وهم ياريت فد صور بيها حظ بس لو بيها خير وتحبني صدك تقبل مو بجيت بحضنها مثل الزعاطيط بس هي ماعدها رحمه بست ايدها يوووووم بست ايدها كتلها احبها مااكدر وهي بكل عين وكحه تخبلت النوب ادري شنو شسوي اكتلها لروحي حتى ترتاحون وترتاح ست ابابيل والقران واللي نزله اللي يتدخل منكم يصبح الصبح متلكوني لا اني ولا نرجس باوعت لمحمود ودرت وجهي صعدت فوك ابويه كام يكول
لاحول ولا قوه الا بالله صعدت اخر درجه اسمعه ديكول لامي روحي جيبيها وحاجيها تكعد وتسكت وكوليلها عمج يكول اكعدي وستري على بيتج بينكم بنيه
ام غسان- صار جريت نفس وكعدت باوعت لمحمود منصي
شهد- ماما نرجس حبابه والله وغسان خطيه كومه عانو اجي وياج احاجيها اني
اي يمه امشي هي صديقتج
هسه وره الغده نروح
ماشي ماشي صيحيله خل يجي ياكل صارله سبوع عايش عالمطاعم جانت مدللته
