البارت الرابع
#لو_اننا_لم _نفترق
4
كعدت الصبح رحت لجامعتي وطلعت من الدوام وكبل للشغل لان متاخر ذبيت هدوم الجامعه ولبست البدله مال عمل المدهنه استاذي طلع وكت غداه وشوي وطب ايمن كال هذا الغده
عاشت ايدك شفته مدلغم تعال لك
ها
شبلاك شكو
مامو شي يله في امان الله
مو وياااك رجع التفت كعدت بالكع اكل اشرتله اكعد احجي شكو
ماكو شي
لا اكو
هيج
باوعتله دمعت عينه وصاير نار
لك شكو احجي دفعت السفر طاس اذا متحجي والله بالسبانه اهفك
هذا محمود ميجوز من مكسراته
يامكسرات ولك عكدت حاجبي خليت ايدي على سكسكوتي ولحيت الحكتني من توترت
مصادق جيراننا شفته طاها الرقم
ياهو هاي فكيت حلكي غير يحجييييي صحت
البصفنا صديقه شهد
ها بيت ام يس ولك بعدها صغيره
بكد شهد صف ثالث متوسط مره صغيرتيش
وانت متاكد
اي شفتها دتحاجي والبارحه داكلب بتلفون امي دازه رساله لشهد كالتلها واخيرا طاني الرقم
فكيت عيني ورفعت تك حاجب وانت شدعوه مهتم وتلفون امي تلزمه وتراقب
لا اني اخاف على شهد بس مابينلها واباوع كل فتره الفايبر شتحجي وي صديقاتها
شو ايمن باوعني على غسان
باوعتله ونصيت غسان من صغري احبها وممعبرتني هسه بس طاها الرقم كيفت ليش جيف عده فلوس
اي هذا شنو معناه معناه متفيدك لك التحبك سكتت مبتسك تذكرت عيون نرجسه جريت نفس براحه التحبك متبدله فلوس ولبس وسفر وطبه وطلعه ومتريد اكثر من نضره عين ايمن كوم حبيبي بعدك صغير وهاي الجامعه كلها كدامك ومستقبلك يخبل لك انت نفطاووووي
ابتسمت زادت ثقتي بنفسي واستقليت فاطمه صديقه شهد وكفت ودرت وجهي راجع للبيت اتغده
الله وياك جريت السفر طاس كملت اكل التلفون دك رقم غريب. رديت الو
همس الو وحدك بالورشه
سكتت وكفت اللكمه هاي شون بيها سديته بوجهه وقفلته عدنا اربع سيارات عطلانه عزلت الورشه عليه ونمت جواهن اصلح بيهن كملت 3ووحده عصلجت طيحت حضي طلعت اجه استاذي رجعت للبيت بعد ما كملنا شغل سبحت وكعدت اقره لليل صعدت فوك لشهد ضل بالي من كلام ايمن فتحت الباب على كيفي لكيتها مطفيه الضوه بس ماهي التفتت لكيتها واكفه يم الشباك تباوع على بيت عمي تعجبت تقربت وراها اشوف تباوع عاللمه مال شباب فزت من حست بيه. هاي ليش دتباوعين
ها لا هيج مكدرت انام صوتهم عالي وهاي جيت داشوف ديسوون
اممم باوعتها مستغرب شهد كبرت بلعت ريك اكولج تلفون امي وين
جوه يمها من تنام تاخذه توقت المنبه عالصلاه
ممم ديله فوتي نامي
اي همست كلبي راد يوكف طلع وسد الباب اعرف بعدني 3متوسط بس من صغري اكره محمود ابتجن عمي لان ياذيني بالكلام من جنت صغيره يسميني سلحفاه لان ضهري محروك ومساحه جبيره منه غيرلون وملمسها خشن اكرهه وتنرفزني النضره البيها خباثه بعينه واتمنى يجي يوم اكسر خشمه بس مابيدي شي غير اراقب صديقتي تحبه هواي واليوم طاها الرقم يوميه يلم شباب المنطقه ببيتهم لو يشوون لو يشربون وصوتهم عالي شباك غرفتي يطل على حديقتهم ابد ممنتبه عليه لان بيتهم كلش عالي وغرفتي صفح واباوع من وره البرده ومن الصفحه الثانيه بيت صديقتي فاطمه اللي تحبه هم مبينه حديقتهم كلها بدت علاقه وياه حذرتها هواي متقبلت تمول من اول معجب بيه ويحبني بس انتي تغارين كلتلها براحتج بعد ------ صديقتي وتحجيلي كلشي ومتضم شي عليه ولا اني اضم شي عليها ---
ايمن- احتركت ورقه فاطمه كدامي هاهي بعد مافكر بيها كل كلمه كالها غسان صح الجامعه كدامي واكيد فد يوم راح الكه الاحبها وتحبني ببساطتي
غسان- رجعت دانام رجع دك تلفوني هم رقم غريب رديت ساكت همست الو مرديت رجعت همست الو قسان عكدت حاجبي وحده بس التلفض اسمي هيج وكفت علكت الضوه اركز االو
هه هلاو
منو
معرفتني
والله ههه عرفتج بس منصدك
ليش لان ماعدي رقمك اخذته من بهاء
ههه شونج
زينه الحمد لله انت شونك صار شكد ممحاجيتك
كمت افتر بالحوش ولازم راسي اضحك وجهي احس صار نار وهي وجفه صوتها خبلتني خجلانه ومتوتره اغلب الوكت ساكتين ومنحجي
الو
الو الو وياج
اي
اي هههه
هههه اني مااعرف شوت تجرات
تنهدت كلش كيفت من خابرتي
هههه اشكرك
العفو همست كعدت تعبت من التوتر اي
اي هههه
مااعرف شحجي
ولا اني
تنهدت شونج بالدراسه
زينه يعني
موفقه
تسلم بقيينا ساكتين --- يله تصبح على خير
وين رايحه
