#عشقي لكي ممنوع
البارت السادس عشرر
ل وردالعامري
شكد مثلت التماسك كدامها حته لاتحس انها عصبتني بس طلعت من الباب وصعدت سيارتي انفجرت اغلط بعلو حسي واضرب بالستيرن ليش الانسان يشوف لشي الي اله عادي وطبيعي والي لغيره لاميصير اذكر حارث من راد بت عمي وهوه هم اكير منها بحدود 12/13سنه كلها صاحت اكبر احسن ولرجال ميعيبه عمره هسه لا اختلف لوضع طلعت بوجهي للبيت سهى اختي يمنه حامل ولحمل متعبها وتجي يم امي هيه وزوجها يبقون
طبيت للبيت اتلكتني امي بست راسها وبوجهي لغرفتي مالي طاقه لااسولف شي ولا احجي،شي تمددت حلها شنو احسن شي احجي ويه علي بس خل تعدي فتره لاامتحانات صوت رساله قطعت تفكيري
(هلو شنو الي صاير كلت لماما شي انت)
(عله شنو لجونه ليش شصار)
لوجين: يجي ليث كل يوم ايدرسني وهوه موصيني مااحجي ومتفقين وره الامتحانات كلي فكري ان يينه فرق وكذا بس تعامله ويايه مخليني احسه قريب عليه تصرفه احسن من تصرفات الي بعمري كل مااشوفه غصبا عني اضل ابتسم وهوه يكتم لضحكه كوه امي صارلها كم يوم ماعرف شبيها ساعه تسئلني شكلج ليث او شسوه ليث اليوم حسيت ثنينهم ناس متحمله ع ناس ليث باسني من راسي وكرص خدي وحسيته مثل لوجه رساله ل امي وطلع اول مطلع لزمتني امي شكوبينج وبين ليث
-هااا ممم. اااككوو شي
ام لوجين: كون صدك حته اصدك ان ماكوشي لان ممرتاحه لهل جواب بس يالوجين وروح امي اذا جان اكو شي لومفكره بشي اتشوفين الي عمرج مشايفته مني
لوجين: معقوله ليث حجه شي هاا ليش ماما شبيج اني
ام لوجين: مابيه شي بس هل وضع معاجبني مبقه عليه غير اخو ثريا خلصت
لوجين: وليش يعني واذا اخو ثريا
ام لوجين: شقصدج لج ادفنج بالكاع بعدج هااا كدج تحاججيني لج لوجين
لوجين: ماما ما احاجج بس انتي كلتي اخو ثريا واني ردت اعرف ليش هيج كلتي يعني اكو شي صاير وشمسويه خاله ثريا
حاولت اغير لموضوع امي نااار صايره
ام لوجين :ميخصج روحي درسي بيج خير امدايه لوبي خير ميباوع زعطوطه اني اعلمه الامهات شخلفن
لوجين: ضليت اكرض بضافيري شصار يربي ارييد بس الزم لتلفون احسن حل اكولهم حسبح واطب للحمام وادزله مسج دزيتله ورد
(ماما اعصاب ماعرف شبيها انت حاجيتها شي)
(لا هيه سئلت واني جاوبت سوتلج شي)
(شنو سئلت لا بس صيحت عليه تكولي شكو بينكم)
(هاااا وشكلتي انتي )
(مكلت شي انت موكتلي لتحجين هسه )
(اي اني افتح لموضوع بس خلصي امتحاناتج انتي وين فتحي خط اريد اسمع صوتج)
(لامااكدر بس ممكن سؤال)
(كولي حب جواب)
(شكو بين ماما وخاله ثريا)
(ليش هل سؤال لجونه )
(ماما كالت اخو ثريا شصاير بينهم)
(هااااااااااا كلتيلي من اشوفج افهمج روحي حبي درسي بعدين اراسلج)
معقوله هل عقليه صار سنين وانتهه لموضوع كله
فات ليوم واني راسي مسطور ليش هيج ديصير ويايه اذن لفجر واني منايم وعندي دوام غصبت روحي ع نوم
كعدت الصبح بدلت ده اروح للدوام بعدني مطالع من الغرفه فاتت امي ووراها سهى وامي ادك ع رجلها وتحجي شكو
سهى: مادري اخلاص مرت علي خابرتها وماعرف شبيها
ليث: هاااا جريت كرسي وكعدت واسمع امي الي تصيح لا عيني هوه ميسويها لا صدك كذب جريت التلفون منها
اولا موطفل تشتكي لاامه ثانيا عندج حجي ويايه اني ميحتاج تحجين ويه غيري اني موجود ولعندج كولي بوجهي
ده تحجي سديته بوجهه
ام ليث: ليث صد...
ليث: لحضه قبل متحجين احب لوجين واعرف موبعمري واعرف اكبر منها بس وروح ابويه اخذها احبها وهسه صارت حب وعناد
ام ليث: ولك تاليتك انت وابن عمك تتمالخون
ليث: ليش بايكه ناهبهه معتدي عليها اريدها بحلال الله والي عنده غلطه عليه يجي يكولياها
ام ليث: اخلاص تكول مكلت لعلي وهذا لشي مستحيل يصير
ليث: وهيه مره واني رجال وخل تشوفني لمستحيل اخذت سويجي وطلعت بوجهي لبيت علي دكيت لباب طلعت
علي هنا
-لابدوام
-مشكلتج ويايه شنو ام سامر
-تفضل اول شي
-منو من لولد موجود
-كلهم بدوام
-بيتج عامر بيت رجال مابي مافوته مشكلتج ويايه شنو غلطت بكلمه تصرفت خطأ ابيتج
-لاحشاك بس اني حسيت اكو شي وكلت اسمعك اذا شغله مويمك تبين بس لبارحه انت اكدت
-لالاشعليج بالبارحه عليج باليوم ام سامر اني رجال من فضل الله لااخاف ولااستحي لان ماعندي خطأ استحي منه ولااول ولااخر انتي كلتي احساس واني ميرضيني تحسين احساس بس
لوجين اصغر مني. واريدها ع سنه الله ورسوله
ام سامر: والله عينك وكحه الي كدامي هيج تحجي
ليث: حشايه من عين لوكحه اكدر الف وادور بس اني رايد لبنيه
ام سامر: سابع لمستحيلات
ليث: لسبب عمري مثلا حجه ضعيفه تره واذا عدج غلط احجي بصراحه احسن
ام سامر: تريد لصراحه عمرك ممبين عليك وحشاك من الغلط مشفنه منك شي موزين وكلها تحمد بيك بس لو عندي ابنيه بعمرك هم مااطيك
ليث: هههههههههه البيت بيتك بس لجامع ادفالك ام سامر دفاتر العتيكه سديهه راحت عيب تنفتح بعد
ام سامر: اها وانت فهمت لوحدك الله يرزقك بنت لحلال بعيد عن بناتي وهاا هنيالها التاخدك
ليث: شوفي بت عمي اني شاري بدم بروح بعراك بكتال بغصب برضه لوجين لغيري متصير وانتي موجوده واني موجوذ
ام سامر: ثق اذا جنت متأمل بعلي بذاك اليوم لي يوافق يزوجكياها ايطلكني
ليث: مع الاسف والله ام سامر ماستاهلين الطلاك بس شسوي كلشي قسمه سلام بت عمي
