#عشقي لكي ممنوع
البارت التاسع والعشرون
ل وردالعامري
لوجين: ماعرف ليش رضيت بسهوله مع العلم بكلبي زعلانه منه ضلمني بس هوه لسبب لو ابويه بابا ليش هيج حجه هوه حته مسئلني بس ليث ليش هيج سوه طبيت للبيت امي بالمطبخ حته مباوعت عليه بسرعه طبيت بدلت وطبيت جوه البطانيه ليش هيج ديصير ياربي شسوي اني صح سامحته بس كلبي محروك منه ليش هيج سوه ليث زين اسئل ابويه اووف شكوله ليش كذبت
طبت ليان
ليان بيوم الي انكشف التلفون ماما كايلتلهه عدج رصيد تلفوني مابي خلصته ودنيه صبح منو مفتح هسه
هيه مجاوبه امي اني ماعندي بس هسه اشوفلج تلفون لوجين هيه ام. الرصيد ليث دائما يحولي رصيد بس رسايل ابينه بس هوه يدز كارت وره كارت ايحول
ليان طالعه منها بعفويه لان دائما احول الها رصيد
من منتبهه ع الي حجته ركضت رادت تخلصني عود بس خلص انكشفنه فه من طلعت دايسه اعاده ضبط لمصنع وعايفته من اخذته امي جان كلشي مابي فارغ بس لحظ وصل رساله ليث
وصار الي صار
ليان :هلوووو
لوجين/هلو
ليان: شبيج شو تخنين هاي شنو شو لخشم محمر ودموع شكو ولج ضربتج امي
لوجين :لا
ليان :شبيج لعد
هاي شكو كتلج شبيج لو ضمي راسج وابجي منو وياج لجونه اوووف والله موقصدي من حجيت ياربي
لوجين: لامعليج انتي
ليان: شبيج لعد
لوجين: شفت ليث
ليان: والي يشوف لحب هيج يصير بحاله هههه لج شبيج والله خوفتيني شصاار
لوجين: بابا رادله خبرراني مموافقه وهوه اصلا محاجاني
ليان: لاصدك عزه جان كلتيله ماكو هل حجي
لوجين: كتله بس بعد ماكلب الدنيه ع راسي
ليان: شلون ولج فهميني
لوجين: شفته يم لمدرسه حاجيته ورد بس وجهه مجان عاجبني و...............
ليان: عزه بعينج ولج مو كتلج لاترحين وياه بعد لومسوي شي هل مخبل عزه لا بابا هذا خبالو لاتتورطين وانتي سامحتيه عادي
لوجين: موبيدي ليان ماعرف حسيت اريد انهزم منه ونهزمت منه اله كلبي محروك من تصرفه ويايه بس الكاله الف عذر تصدكين حته لمت بابا حته ابريه
ليان: اوووي لج عيني شنو انتو صدك يعني تحبيه لوجين
لوجين: مادري بس من اشوفه احس لدنيه فارغه وبس هوه بيها
ليان: والله انتو اهل حب وبس اني مكيفه احب ولج ياحب لوهل حب لوميراد واحد مخبل ولاعب لعب والخ هايمه بي خرب عمي هنيالكم عيني احنه ولد البطه لسوده
هههه كافي لتلبجين انتي مادام تراضيتي وياه بعد ميحتاج هذا كله
لوجين: ليان والله زعلانه
من نفسي ليان والله ماريد اشوفه عله الي سواه لان اذاني موقفه مسئل ولاتعب نفسه حته يعرف هل بشر يمكن يكون مثل اطرش بزفه وكل الي ابالي خلص ينتهي كلشي وكافي شلون ركضت لصدره ابجي مادري كأن الي ركضت حته ابجي واني راسي ع صدره موهوه نفسه الي سوه هذا كله
ليان: والله ماعرف شكولج شوفي لتصرف غلط غلط مومن حقه يمد ايده بس بنفس لوقت ماعرف احكم عليه بشي متعرفين شصار يجوز مثل مكلتي يكولج لوما احبج جان مااصرف هيج بتهور ويمكن مضبط اعصابه وهذا غلط بس اممم خلص عدت وانتي
بعتبار تراضيتي وياه بس خليها تكون عبره ونوبه لي علمت متضر مره ثانيه لاتكونين بهل ضعف ولاتقبلين بهيج وضع لان غلط يتعلم ايمد ايده عليج وماكو اي مبرر يطيه الحق بضربج
كومي يله امج بله شي مسويه اضراب ويانه انوب نختل بالغرفه هسه شتكول شوف شيسون كومي غسلي كومي راح اطلع اني غسلي وعدلي خلقتج وطلعي
لوجين: تصدكين كل شويه اريد اسئلها ليش هيج سويتو ليش رديتو من غير متسئلوني
ليان: اي ليش لا ولج متعلمتي من الكتله الي اكلتيها ولج والله تذبحج سكتي وهيه تبين ماكو شي ينضم تنعرف وتجي لي يمج وتسمعين الحجي كله صبري
ليث :قبل الله عمي
ابوعلي: هلاهلا ليوثي كوم حماتك تحبك عمتك مسويه شلون غده
ليث: هههه والله اشك انها تحبني عمي
ابوعلي: ههههههههه ليش ليش
ليث: عمي اني خابرتك الصبح وكتلي لبنيه موافقه
ابوعلي: هههههههه ليش انت جنت منتضر اني اكولك هوه انتو طابخيها سوه
ليث: عمي علي كايل لاامي لبنيه مموافقه
ابوعلي: لا شهل حجي اني سئلتها اول ماذبيتني من جنه بالمستشفى هنا بهل مكان شلون كعدتك كبالي حطيتها وسئلتها كالت موافقه صح يامره لو انا يتخيلي هل شي
ام علي: لالاصحيح واني قبل متجي حاجيتها ومن حاجيتها انت رجعت عدت عليها وكتله لاتزعل يمه ليث اكبر منج كالت مااعيش ويه مواليده اعيش وياه
ابوعلي: هذا لحجي لصار بعد شنو لتغير
ليث: والله عمي ماعرف بس كل الي اعرفه اني متأكد من موافقه لبنيه وانتو اكدتولي هل شي فااذا علي عده غلط عليه ايواجهني بي حته اعرفه يجوز متهوم بي يجوز سوءتفاهم حته اذا موعله شغله زواج بس هم يهمني اشوف ابن عمي ليش هيج رد وانت كدامك جان مرحب هوه بالفكره
ام علي: اووووف نسوان يمه نسوان
ابوعلي: ليش طفل حته تلكيله عذر نسوان كومي جيبي تلفوني يامره كومي
ليث :عمي اني لوما شاري نسب علي ومشاري لبنيه ماالح الحمدلله من فضل الله باني نفسي بنفسي ويعز عليه احس كأني مسوي غلط وميردون ايواجهوني بي
ابو علي: محشوم عمي انت دوختني هسه اني وعلي حجينه هوه بلسانه كال ليث خوش ليث والف وحده تتمناه ومالكه احسن منه شنو الي تغير بعد
ليث: والله عمي ماعرف (لتغير اكو من خربط لدنيه كلها )
ابوعلي: هسه اخابره نفتهم منه شنو بليل يحجي شكل ويغير الصبح جيبي طلعيلي اسم ابنج دكي عليه
