#عشقي لكي ممنوع
البارت الثاني والاربعون
ل وردالعامري
ليث :تعبان بعدني مكمت ع رجلي وبدت لمشاكل عله راسي متهنيت ساعه بجيتها مصدكت جتي وشفتها طلعلي من نغص عليه
كاعدين ويامحلانه وده نصلح طيحان الحظ جتي ثريا من خافت وتريد تكون وتهد ايدي ضجت ممسوي شي غلط مادام نيتي وياها واضحه مثل الشمس مااخاف ولااستحي من شي عندي علاقه وياها خل الكل تعرف ماعندي وياها غير حب بداخلي الها ماكوشي خايف منه حته اغطيه حبيتها واريدها ع سنه الله ورسوله تشاركني كلشي بحياتي
كمت اوصلها من شفت ثريا لحت كتلها روحي لان ماريد كدامها يصير شي اعصابي تغلي بس سمعتها طلعت كبيت
انتي شتردين مشكلتج شنو
ام ليث: يمه فدوه ماصارلك ساعه من كمت عوفها يمه الامربيدك محد ايحكمك
ثريا: يمه انتي مساندته مثل مساندتيهم وتهمتوني
ليث: راح اتخبل قصتجن شنو وحده بيجن تفهمني انوب تهم صارت منو تاهمج فهموني مو حته عقل مخليتن براسي غضب الله عله روسجن كون
ام ليث: ياا ختولي يمه بكيفها تصفط هاي
ليث: ياتصفط هذا لبينجن شنو خل افهمه مو خليتني افتر حوالين نفسي
ام ليث: شبيك يمه هنه من زمان حزازيه ابينهم دكعد يمه فدوه لاتوكع خل يولن هنه ع شغله الي تعرفها لاتحرك دمك. عيني
ليث: لج انتي مستحين اذا ابنج وله بنتج ازوجو انتي بيبي هسه لج اطعج طعج ولخلقج مو ع راسج رجاال ابن اوادم تبحوشين بااراح ليش ذيج نكول مخبله تغار ع رجلها ماعدها شغل وعمل وحدتجن الي يشوف طولها وعرضها يشبع وعقولجن عقول جهال ولجهال احسن والله
لج ثريا احترمي لرجال الي صار سنين عايشه وياه وربج انحرج نحر لاانتي مراهقه واكول عقلها ولاانتي مزوجتي وبرتي حته اكول مقهوره كسر قسمتها لج ياا اعوذ بالله منك يلساني مو مااريد اكل……..
ثريا: اييييي تالي تتهدد عليه ليث من وره بت خلوصه
ليث :خرب…. لج انعل يومج ع يوم اخلاص ع يوم الشفتجن بيه لج استحي شويه اتهدد عليج لانج متستحين ياابت الاصول الي تفكر برجال غير رجلها الي صارلها سنين عايشه تحت جناحه وجهالها بطولها صارو وبعدها تفكر بعمر مراهقه متاخره ده تضهر هسه هاي شنو ميحتاج احجي احترامن لروحي مااحجيها واله انتي وحده ممخليه احترام لنفسج انتي وذيج عبالجن بعدجن بنات ال14وحدتجن لشيب تارس راسها وماعرفه تثكل شويه
ثريا: اني…
ام ليث: اشششش شنو انتي متعبين كومي كومي طلعي بره يله كومي
ثريا: اطرديني يمه اطرديني من بيت ابويه
ام ليث: لاتلطمين ابيتي الي يدخل هل بيت يحترم راعيه كافي شتردن هوه هل حيله لعندي كسرت ضهره من طفولته جابها ركض بركض مصدكت يرتاح كاعدخ تفتحين دفاتر اندثرت واكلها لتراب لاوالله روحي انتي ودفاترج ماريدج
ثريا: من زمان تشهكين بااسم ليث ليش ماعرف مااهمج اني بس هوه كلها طز
ام ليث: اي والف طز ليش مو زين ليث مزوج وركض ووكف وياجن موخوش ليث هسه جان زين من انتن وزلمجن تاكلن بخيره من تتأمرن اريد هذا وذاك ويركض جان زين بس هسه لا موخوش ليش لان دور استقرار والله طز بيجن يارخص لبيجن وغلات البيه ابو بيتي هذا عامود بيتي الي مخالني احتاج احد بيوم وامد ايدي اله جاب طفولته ومراهقته يركض حته ميقصر ومايخلينه نحتاج هسه اني مادور راحته والله اوبسابع سمه راحته اطير واجيبها اله
ثريا: طالعه يمه وماطب بيتج بعد ولاعندي اهل من ليوم كومي سهى كومي امج مخلفت غير ليث
سهى: لا عيني اني شعليه انتي ادورين مشاكل لوبيج خير تفرحين لااخوج هوه هل واحد شعدنه ال 10 ولج
ثريا: من ليوم ماعرف احد بيكم ولااريدكم ماعندي اهل بعد
ليث: امي استلمتها سكتت اني بس رغم هذا مقهور اختي مهما تكون بس لموضوع ميسوه وعيب ينحجي بيه بعد
يمه عذريني بس هيه جبرتني
ام ليث: لايمه معذور ومحشوم من الغلط ميحتاج تعتذر عله شي انت رجال حر مثل ماكل وحده بيهن استقرت واسست بيت من حقك تختار وتتخير كم ليث يمه عندي ماصدكت عيوني ليوم كاعد ويايه نومتك كسرت ضهري
ليث: اسم الله عليج ياغاليه الله يخليج فوك راسنه والله لو الها عيب ع بنيه ويمه بروح موتاج اذا جنتي مرايدتها انتي والله ركبتي جوه نعالج ينسد لموضوع كله
ام ليث: لايمه ليش بنيه جنها لبخت وصغيره وحلوه عجينه بيدك انت تشكلهه ليش ماريدها يمه والله يمه جنكم ورود كاعدين معليك بالحجي يمه الراح راح هوه ميت دم ولحم بشر ويانه جان عايش هم اذا مات نذكره سنه ونلطم عليه وعود نذكره ذكره عاديه راح وانسه مو سالفه من سنين
سهى: هاك اشرب هذا برتقال وجهك اصفر وتتراجف هاي عصبيتك يمعود شويه ع كيفك جنك نار توج شكو عليمن يمه الله يعينها ع خبالك
ليث: منو لمخبل ولج
سهى: اني والله اني
ليث: ههههههه اووف اتوبه من خبالي جان وداني بداهيه
ام ليث: حشاك يمه
ليث :سهى جيبيلي مخده هنا
ام ليث: شبيك يمه
ليث: مابيه شي يمه شويه دخت اريد اتمدد يمكم ماريد انام
ام ليث: تعال يمه تعال نام ع رجلي بين مجيبلك
ليث: ااخ احله نومه بروح ابوج لاتكومين خليني شويه ماريد مخده روحي رجعيها
