#عشقي لكي مستحيل
البارت الثالث
ل وردالعامري
عمري 13سنه اني نجار بشهاده الاستاديه مالتي اذكر اليوم الي صاحني بي استادي ابوحسين كالي اشتغل كرسي حلاق جانت عطله لمدارس الصيفيه اطاني اسبوع اخلصه لازم اني يومين عيوني مشايفه النوم ليل ونهار اشتغل بيه رجعت لامي كتلها حبات بالمعمل صيحت عليه ورادت طلعت اركض اسمعها تصيح ورايه يومين اشتغل بيه الصبح شلته ع وفرحان بيه حطيته اباب لمحل حته ايشوفه استادي من اجه شافه مصدك هذا شغلي وخلال يومين اذكر اطاني 50دينار وكلي شيطيني فوزي لحلاق الك نصهن شلته شيول ع كلبي ووديته لفوزي الحلاق اطه بي 100اطاني استادي هم50صارت 100دينار عندي لزمتهن كل قوتي اخاف عليهم سادايدي عليهن اخاف يضيعن وديتهن لاامي فرحان بيهن حسيت بوقتها اني مسوي انجاز من يومها صارو ايعاملوني كنجار اهل ابويه عمامي معافونه كل اسبوع ايجيبون مسواك ويجونه امي جانت تخجل وجهه الف لون يطي وتمسح العرك الي بكصتها بشيلتها عمري 14سنه وكفت عمي كتله تريد تجي ازورنه
حياك الله بيك ريحه ابونه بس لتجيب شي وياك
-ليث هذا بيتي واني اجيب لبيتي
-عمي بيتك وحياك الله بااي وقت بس رجاءعمي لتجيب شي بعد وياك
-ماشي الي ايريحك بس الاسبوعيه مالت….
-عمي كفيتو ووفيتوو واذا احتاج شي انتو موبعاد اني اجي واطلب منكم
-الله ليحوجك لااحد ان شاءالله ليوثي انت ابنه واحنه نعرف ااخبارك وكلنه نحجي بيك الله يحفضك ويرحم ابوك ع هل خلفه
من يومها منعت اي،شي يدخل للبيت مومن تعبي امي شجعتني عله هل خطوه خصوصا بعد……..
جان عمري11سنه علي ابن عمي سلطان اكبر مني م 69بس احبه جدا واحترمه انسان محترم ومثقف وماله علاقه بااحد ع كد السلام ويه الاهل كلها تحترمه اختي ثريا جانت تحبه عرفت من سمعتها تكول لصديقتها جيرانه،جتي وره مطلعو عمي سلطان وعلي سمعتها تكولها احبه وره فتره جان اله ابويه ميت كم شهر اجه بولاده سهى اجه عمي وحده كال وره لسنه ناخذ ثريا لعلي امي فرحت علي،طالب يدرس بس يشتغل ويه عمي محل حلويات اذكر فرحه اختي ثريا جنت طفل ويحجون كدامي هيه وامي عدن يومين اجه علي كال اريد احجي وياك وويه امك
ام ليث: كول يمه علاوي
علي: خاله اني مستحي منكم بس لان احسبج مثل امي جيت اكولكم هل شي
ام ليث: كوول يمه محتاج شي
علي: لاخاله ممحتاج سلامتج بس الوالد جاي وحاجي بموضوع من غير ميسئلني الله شاهد عليه اني اشوف ثريا مثل اختي
ام ليث: هااا اي يمه مصار شي ولايهمك
علي: خاله عذروني ثريا بت عمي بس اني اشوفها والله وحده من خواتي وماريدكم تزعلون مني
ام ليث: لايمه لاليش نزعل منك كلشي قسمه ونصيب وان شاءالله مصار شي
علي: اكيد خاله
ام ليث: ياا اكيد يمه واذا تريد اني امشيلك ع الي تكول عليها انت
علي: مشكوره خاله فرحتيني والله ان شاءالله عن قريب
ام ليث: ان شاءالله يمه غريبه
علي: لاخاله بت عمي سلمان اعتذر خاله بس مثل مكتلج مكالي لوالد ومن رحت احاجيه با اخلاص بت عمي سلمان كالي ع هل موضوع يشهد الله ماكو احسن من ثريا بس ماكدر اخذ اختي
ام ليث: هذاهوه يمه واحسب لموضوع مصار اصلا
ليث: علي باس راس امي واعتذر وطلع
اختي متقبلت لموضوع انقهرت من هل موقف وره فتره سمعنه بخطوبته وازوجها بسكوت علمود وفاه ابويه لاعرس ولاابد لان جان مستعجل
