السلام عليكم ...اتمنى الجميع يكون بخير ^^
عندي كلام قبل ما انزل البارت...عندي فضول اعرف سن متابعين الروايه
اتمنى من كل متابعة ترسل بالتقييم عمرها ...واكون شاكره لكم ^^
بارت 21
مع مرور الزمن ندرك أن خروج بعض البشر من حياتنا كان نعمة من الله عز وجل، وليس نقمة كما كنا نتصور.
تنهدت بضيق ام راكان والغصه بحلقها
والدموع تنذر بالنزول : تعالي يمه عند الحريم !
هزت راسها بدون نفس بس وقفها الكلام : انا ابغى ساره تجلس عندي
وبعدين تروح عند الحريم !
زمان ما شفتها !
ام راكان عفست ملامحها ما لها خلقه : سلمان لو تنكتم يكون افضل
تعالي يا ساره ندخل للحريم !
ام محمد طالعت ساره بتعليم : لا تفشلينا
عند الحريم
قطعت كلامها بفشيله وهي تشوف ساره تركتها وراحت للداخل مو معبره كلامها !
لحقتها وقلبها نار بعد ما شافت ماجد وسلمان إلي كتموا ضحكتهم !
ابو الوليد وهو يرتشف من فنجان القهوة براحه : يا حلاة الصلح !
»«»
«»«
«»«
'»«
دخلت وسلمت على الحريم بهدوء
وطنشت بعض النظرات
متأكده وجودها ما هو مرحب فيه
جلست عند ام خالد بملل !
ام راكان بابتسامه للتوأم : تعالي إلعبي انت واختك مع البزران
واشرت على صاله صغيره كلها بزران يلعبون !
سرعان ما ارتفعت انظار التوأم لساره
وكأنهم يسألونها عن رأيها
اعطتهم نظره بمعنى لا !
دخلت اسيل ما كانت موجوده لما دخلت ساره : هلا والله بخالتي سوير !
وقفت امامها تسلم
مدت ساره يدها وهي جالسه
سرعان ما سحبتها اسيل : ايوه كذا وقفي!
اسيل بمرح : لو تركتك جالسه افضل
رقبتي عورتني وانا اطالع لفوق !
تابعت اسيل كلامها بابتسامة : يا عيني ذول بناتك ؟!
وبحركه سريعه بعثرت شعر التوأم : ليه الكشره يا حلوات !
سوار بانزعاج وهي تعدل شعرها بيدينها الصغيره وبدلع : ماما شوفيها !
خربطت شعراتي!
اسيل تبغى تعضها ؛ تجنننن
ابغى اعضها !
ام راكان سحبت اسيل : اتركي البنات واجلسي !
رجعت جلست ساره مكانها وتسمع لام خالد إلي تكلمها بصوت اقرب للهمس !
شروق همست لنوره وهي ماسكه نفسها والغيره ذابحيتها : اكيد شافها !
وش اعمل يا نوره احلى مني بكثير !
اخخخ يا قهري !
بموت يا نوره لو عرفت إنه ناظرها حتى لو لمحه !
نوره بذات الهمس لكن بنبره واثقه هاديه : انت ليه ما تسمعين الكلام !
الجمال مو كل شيء بالزواج !
وانت ما شاء الله عليك !
خليك واثقه من نفسك ..شوفيها
حتى ما كلفت نفسها تناظرك
الوضع عادي عندها
بالرغم انك اخذت خطيبها منها !
لو وحده ثانيه كانت عملت ن وما يعملون !
شوفيها مو مهتمه لك ابدا !
الظاهر اهتمامها منحصر في بناتها
حتى سمعت انها متعلقه بالمجنون بشكل جنوني !
ورفضت الطلاق واضطرت تسكن عند عمار حتى ما يرفع قضيه طلاق !
ارتاحي من جهة ساره لاني متأكده
مو داريه عن هوى داره !
تنهدت شروق : ان شاء الله كلامك يكون مضبوط وما ترجع تلفت انتباه عبدالله !
نوره مسكت يدها وشدت عليها : انتبهي على زوجك وعيالك ولا تخلين
اي شيء تافه يخرب بيتك !
ولما ترجعين لجناحك ما تفتحين مع عبدالله سيرتها نهائيا !
لا تضعفي وانت طول وقتك محاضرات للناس عن الثقه وتطوير الذات
وعند اول لقاء تضعفين !
شروق هزت راسها : ان شاء الله !
~
~
قريب منهم كانت تناظر ساره بكره
وتضرب اخماس بأسداس !
وش ح تعمل لو فكر ابو تالا يرجع يخطبها !
طردت الفكره وهي تونس عمرها
تراها متزوجه متزوجه !
~
~
جودي همست لاختها : رافعه خشومها للسماء !
ليان بتأييد : صادقه ما ادري على وش شايفه نفسها !
جودي : شفت كيف سلمت علينا وعلى امي ؟!
ليان مطت شفتها بترفع : إحترام للموجودين
والا كان تصرفت معها تصرف ثاني !
جودي : حزنت على عمار وهو يطلب مني ما اعمل مشاكل ويمشي الصلح على خير !
وبجديه اكبر اقتربت من اختها : تدرين ابغى اقول لعمار يسألها
وش الدايت إلي تعمله !
ليان هزت راسها بتأييد : يا ليت والله
شوفي كرشتي ما هي راضيه تختفي من بعد الولاده !
جودي تأففت بقرف : اففف من الحمل والولاده
تخريب للجسم !
شوفي جدتي ام راكان كيف تكلم ساره ومهتمه فيها وكأنها كائن فضائي نازل من السماء وأول مره تشوفها !
ليان ابتسمت على جنب : شوفي نظرات جدتي ام محمد
شوي تقوم وتأكل ساره !
جودي رفعت حاجب : شوفي زوجة عمي محمد للحين مهتمه بنفسها !
امي تقول جايه تتشمت فيها !،
ليان بحق: امي من يومها ما تحبها
مع إني ما شفت منها شيء
ابتسمت جودي بنعومه : تتوقعين وش رد فعل خالي عبدالله بعد ما شافها ؟!!
ليان : شوفي وجه شروق كيف مخطوف
وتهمس لنوره من قهرها من لما شافت ساره !
جودي بهمس وهي تترقب ما تبغى احد يسمعها : اقولك بيني وبينك
تستاهل هالشروق
احسها رافعه خشومها انها شيء كثير !
تذكرين لما كنت انا وانت بالجامعه كيف كانت ؟!
ليان بتأييد : كل بنات خالي ابو الوليد مغرورات ونافشات ريشهن !
نوره تبط كبدي وكأنه ما في احد بالعالم بجمالها !
وإلي بط كبدي حضرت عزام لبسها نقاب حتى ما احد يشوف جمالها من الرجال !،
يغار عليها !
مالت عليه !
جودي : حتى ام ماجد مع انها حرمه كبيره
بس شايفه نفسها كثير !،
وتقهرني لما تجلس تثني على خطيبة ماجد !
إلهي خطيبة ماجد تحط المر بحلقهم !
يقهروني وكأنه ما احد ذكي ودرس تخصصات الطب غيرهم !
وبقهر الله يسامحك يبه
قاطعتها ليان بحقد : الله لا يسامحه
جودي بضيق : والله تصدف ابغى ادعي عليه بس أتراجع اخاف من الاثم
واتذكر انه أبوي !
حرمنا من كل شيء حلو بصغرنا
اليتيم كان حاله افضل من حالنا !.
سكتت وهي تشوف ساره وقفت
**
**
***
**
وقفت بعبوس مع ام خالد !
ام الوليد بإعتراض : وين رايحه
دوبك جيتي !
ام خالد : البنات مو متعودات على السهر !
واشرت على التوأم !
ام راكان : بس
ام محمد بكره : ابوك يالكذب
طول الليل ما ارقد من التوآم
للساعه 2 حتى يندفس
ام وليد قاطعتها حتى ما تصير مشاكل : على راحتكم !
ولا تنسوا العشاء باكر !
ام خالد بابتسامة : ان شاء الله
~~
~~
~~
«ساره»
طلعت وانا أشوف نظرات التوأم على البزران
جربت الطفوله واحساس الصداقه واللعب
مزروع بداخل الاطفال
ومشاركه اللعب مع البزران إلي بعمرهم !
أحس بتأنيب الضمير تجاه التوأم
بمنعهم من الاختلاط بأحد !
خاصة ذول البزران ما ابغى التوأم يختلطون فيهم !
حتى انا صحيح وافقت على الصلح
لاسباب عده
وبنفس الوقت ح يكون مجرد صلح
سطحي
سلام من بعيد وانتهينا !
خلاص الزمن تغير عندي هدف اكمل دراستي
وألاقي خلف !
زفرت بقهر من ذكرى خلف !
ما ادري لمتى اشباح الماضي تلاحقني ؟!!
ما ادري قلبي ما حن لايام عمي ابو راكان !
ما توقعت قلبي حقود واسود لهذي الدرجه ؟!
ما ادري كلما بغى قلبي يحن له
اشوف امامي موقف لما طردني ورماني للخارج وزوج عبدالله
بدون ما يكترث لمشاعري !
تعرضت لمواقف كثيره بحياتي
خلتني اكره حياتي وكل من حولي !
لا ارى شيء بالحياه جميل !
قلبي الميت ما ادري هل سيحيى من جديد ؟!!!
مستحيل اسامح كل من شارك بدفن قلبي بعز شبابه !
**
***
***
***
مرحبا انا اسمي عائشه !!!
ادري انكم تعرفوني بس اتغشمر ><
ذكرت اسمي اخاف نسيتوني بعد تحيز الكاتبه لبعض الشخصيات
والظاهر نسيتني !
ما علينا من هالسيره !
احس بهموم الكون فوق راسي بعد رجوع ماجد !
طول الفتره إلي مضت وانا حياتي ما فيها احداث تذكر نفس الروتين
انسانه منهمكه بالدراسه والتفوق
وحصول اعلى الدرجات !
واذا عندي خطيب ما ادري عنه < يقال ثقيله
خايفه من اللقاء !
بابا يقول انه اليوم يبغى يزورني ماجد !
الله يستر من هالزياره !
مشكلتي لما اشوفه ما اقدر امسك اعصابي !
ادري ذاك الوقت لما خطبني كنت صغيره ومراهقه
اما الحين انا كبيره وفاهمه اني يمكن غلطت بإسلوبي بالتعامل معه من البدايه !
بس هو بعد يرفع الضغط !
معقول تغير وصار انسان راكز وعاقل ؟!
زفرت بضيق وش ابغى بعقله وركازته
الاهم وش يبغى مني ؟؟؟؟؟
ما ابغى اي توقعات لاني
_ عائشه ماجد وصل !
احس دقات قلبي وصلت للالف وكأني رح اقابل شخص اول مره اشوف
حاولت أهدي دقات قلبي ورديت على ماما : هذا انا جايه !
طالعت نفسي بالمرايه عدلت الشيله مضبوط !
لا تناظروني كذا !
ادري انه خطيبي بس انا للحين مصره ما اتكشف عنده حتى أتأكد من وضعنا المتأرجح !
اخذت نفس عميق وطلعت من الغرفه
وانا حاطه يدي على قلبي إلي يدق بقوه !
طرقت الباب بهدوء يقال اني ذربه !
وفتحته بهدوء وانا ارد السلام وللحين قلبي يدق حشى وكأنه يشتغل طقاقه !
المهم ما عليكم من قلبي !
رفعت نظري اتأكد وانا اسمع الصوت الرجولي البحت يمكن اني مخربطه
واو هذا بعلي ما اصدق !
متغير كثير كثير !
