ﺃﻣﻴﺮﺓ ﻣﺶ ﺟﺎﻳﻬﺎ ﻧﻮﻡ ﻭﻗﻠﺒﻬﺎ ﻣﺶ ﻣﻄﻤﻦ ( ﻃﺒﻌﺎ ﺯﻳﺎﺩ ﻗﺎﻟﻠﻬﺎ ﺍﻧﻪ ﻋﻨﺪﻩ
ﺷﻐﻞ ﻳﻮﻣﻴﻦ ﺑﺮﺍ ﺍﻟﻤﺪﻳﻨﺔ ... ﻣﺎﺫﻛﺮﺵ ﻣﻮﺿﻮﻉ ﺍﻟﺰﻭﺍﺝ ﺍﺑﺪﺍ ) ﺧﺸﺖ
ﺃﻣﻴﺮﺓ ﻟﺪﺍﺭ ﻫﻨﺎﺩﻱ ﻭﻛﺎﻧﺖ ﺭﺍﻗﺪﺓ ﻭﻣﺘﻐﻄﻴﺔ ... ﻛﺮﺕ ﺃﻣﻴﺮﺓ ﺍﻟﻐﻄﺎﺀ :
ﺩﻭﺩﻱ ﻧﻮﺿﻲ ﻫﺪﺭﺯﻱ ﻋﻠﻴﺎ ﻧﺤﺲ ﻓﻲ ﺭﻭﺣﻲ ﻗﺎﻟﻘﺔ
ﻫﻨﺎﺩﻱ : ﺍﻭﻭﻭﻭﻑ ﺧﻠﻴﻨﻲ ﻧﺮﻗﺪ ... ﻋﻨﺪﻱ ﻣﺤﺎﺿﺮﺓ ﺍﻟﺼﺒﺢ ﺑﺪﺭﻱ
ﺃﻣﻴﺮﺓ ﺿﺮﺑﺘﻬﺎ ﺑﺎﻟﻤﺨﺪﺓ : ﺍﺭﻗﺪﻱ ﻳﺎﺣﻨﺔ ... ﻭﻃﻠﻌﺖ ﻣﻦ ﺍﻟﺪﺍﺭ
( ﺧﻠﻲ ﻧﺘﺼﻞ ﺑﺰﻳﺎﺩ ﺣﺒﻴﺒﻲ ﻧﺸﻮﻑ ﺷﻦ ﺃﺧﺒﺎﺭﻩ) ﻭﺍﺗﺼﻠﺖ ﺑﻴﻪ ...
ﺯﻳﺎﺩ : ﻫﻼ ﺣﺒﻲ ﺍﺷﺘﻘﺘﻠﻚ ﻳﺎﻋﻤﺮﻱ ﻭﺭﻭﺣﻲ ﻭﻛﻞ ﺩﻧﻴﺘﻲ
ﺃﻣﻴﺮﺓ: ﻭﺍﻧﻲ ﺑﺎﻻﻛﺜﺮ ﻭﺍﻟﻠﻪ ﻗﺎﻟﻘﺔ ﻣﻦ ﺩﻭﻧﻚ .... ﺷﻦ ﻣﺎﺯﺍﻝ ﻣﺎﺭﻗﺪﺗﺶ
ﺯﻳﺎﺩ : ﻣﻨﻴﻦ ﺑﻴﺠﻲ ﺍﻟﻨﻮﻡ ﻭﺍﻧﻲ ﺑﻌﻴﺪ ﻋﻠﻲ ﻗﻠﺒﻲ
ﺃﻣﻴﺮﺓ: ﻛﺎﻥ ﺗﻔﻮﺗﻪ ﺍﻟﺸﻐﻞ ﻭﺗﺮﻭﺡ
ﺯﻳﺎﺩ : ﺧﻼﺹ ﻭﺣﻴﺎﺗﻚ ﺭﺑﻊ ﺳﺎﻋﺔ ﻭﻧﻜﻮﻥ ﻋﻨﺪﻙ
ﺃﻣﻴﺮﺓ: ﺣﻘﺎ ﺣﺒﻲ
ﺯﻳﺎﺩ : ﺃﻛﻴﺪ ﺃﻧﻲ ﻋﻠﻲ ﺧﺎﻃﺮ ﺃﻣﻴﺮﺗﻲ ﻧﺪﻳﺮ ﻛﻞ ﺷﻲ ... ﻭﺑﻌﺪﻳﻦ ﺍﺻﻼ
ﻣﺎﺻﺎﺭﺵ ﻣﻨﻪ ﺍﻟﺸﻐﻞ
ﺃﻣﻴﺮﺓ: ﺭﺑﻲ ﻳﺨﻠﻴﻚ ﻟﻴﺎ ﻳﺎﺭﺏ .... ﻭﺍﻣﺸﺖ ﺃﻣﻴﺮﺓ ﻟﺠﻨﺎﺣﻬﺎ ﺣﺎﺳﺖ ﻋﻠﻲ
ﺭﻭﺣﻬﺎ ﻭﺿﻤﺖ ﺍﻟﺪﺍﺭ ﻭﺑﺨﺮﺗﻬﺎ ﻭﻗﻌﻤﺰﺕ ﺗﺮﺍﺟﻲ ﻓﻲ ﺯﻳﺎﺩ
ﺳﻜﺮ ﺯﻳﺎﺩ ﻣﻦ ﺃﻣﻴﺮﺓ ﻭﻻﺷﻌﻮﺭﻳﺎ ﺭﻭﺡ ﻟﻠﺤﻮﺵ ﻭﻧﺴﻲ ﺭﻳﻢ ﻣﺮﺓ
ﻭﺣﺪﺓ ...ﺧﺶ ﻟﻠﺤﻮﺵ ﻟﻘﺎﻉ ﻫﺎﺩﻱ ﻛﻠﻬﻢ ﺭﺍﻗﺪﻳﻦ ﺭﻛﺐ ﻟﺠﻨﺎﺣﻪ
ﻃﻮﻝ ....
ﺃﻣﻴﺮﺓ ﺷﺎﻓﺎﺗﻪ ﻣﺸﺘﻠﻪ ﺗﺠﺮﻱ ﻭﺣﻀﻨﺎﺗﻪ : ﺍﺷﺘﻘﺘﻠﻚ
ﺯﻳﺎﺩ : ﻧﺤﺒﻚ ﻭﻧﻤﻮﺕ ﻓﻴﻚ ﻭﻣﺴﺘﺤﻴﻠﺔ ﻣﺮﺍﺓ ﻏﻴﺮﻙ ﺗﻤﻠﻲ ﻋﻴﻨﻲ
ﻣﺴﺘﺤﻴﻴﻴﻴﻴﻴﻴﻴﻞ
ﺭﻳﻢ ﺟﻬﺰﺕ ﻓﻮﺍﻛﻪ ﻭﻣﻜﺴﺮﺍﺕ ﻭﻗﻌﺪﺕ ﺗﺴﺘﻨﻲ ﻓﻲ ﺯﻳﺎﺩ ﻳﺠﻲ ﺑﺲ
ﻣﺎﺟﺎﺵ .... ﺗﺄﺧﺮ ﺍﻟﻮﻗﺖ ﻓﺨﺪﺍﻫﺎ ﺍﻟﻨﻮﻡ ﻭﻫﻲ ﻉ ﺍﻟﻜﻨﺒﺔ ..
~~~~~~~~~~~~~~~~~~~~~~~~~~
ﻓﻲ ﺍﻟﺼﺒﺢ ﻃﻠﻌﺖ ﻫﻨﺎﺩﻱ ﻛﺎﻟﻌﺎﺩﺓ ﻣﻦ ﺍﻟﺤﻮﺵ ﻭﻣﺸﺖ ﻟﺤﻮﺵ ﻋﻤﻬﺎ
ﻋﺸﺎﻥ ﻣﺘﻌﻮﺩﺓ ﺗﻤﺸﻲ ﻟﻠﺠﺎﻣﻌﺔ ﻣﻊ ﻋﺒﻴﺮ ﻭﻳﺮﻓﻊ ﻓﻴﻬﻢ ﺍﻟﺴﻮﺍﻕ ...
ﺧﺸﺖ ﻫﻨﺎﺩﻱ ﻟﻘﺖ ﻋﺒﻴﺮ ﺗﻮﺍﺳﻲ ﻓﻲ ﻭﺷﺎﺣﻬﺎ ﻉ ﺍﻟﻤﺮﺍﻳﺔ : ﺻﺒﺎﺡ ﺍﻟﺨﻴﺮ
ﻋﺒﻴﺮ
ﻋﺒﻴﺮﺭ: ﺻﺒﺎﺡ ﺍﻟﻮﺭﺩ ﻭﺍﻟﻔﻞ ... ﻣﺎﺯﺍﻝ ﺑﺪﺭﻱ ﻉ ﺍﻟﻤﺤﺎﺿﺮﺓ ﺗﻌﺎﻟﻲ ﻧﺒﻴﻚ
ﺷﻮﻳﺎ
ﻫﻨﺎﺩﻱ ﻣﺴﺘﻐﺮﺑﺔ : ﺧﻴﺮ ﺍﻥ ﺷﺎﺀ ﺍﻟﻠﻪ
ﻋﺒﻴﺮ ﺑﺘﺮﺩﺩ: ﻫﻨﺎﺩﻱ ﺑﻨﺴﺄﻟﻚ ﺳﺆﺍﻝ ﻭﺟﺎﻭﺑﻴﻨﻲ ﺑﺼﺮﺍﺣﺔ
ﻫﻨﺎﺩﻱ : ﺗﻔﻀﻠﻲ
ﻋﺒﻴﺮ : ﺍﻧﺘﻲ ﺗﺤﺒﻲ ﺧﻮﻳﺎ ﻓﺮﻳﺪ؟؟؟؟
ﻫﻨﺎﺩﻱ ﺑﺪﻫﺸﺔ : ﺍﻧﺘﻲ ﺷﻦ ﺗﻘﻮﻟﻲ؟؟؟؟
ﻋﺒﻴﺮ : ﺍﺻﻼ ﻭﺍﺿﺢ ﻓﻲ ﻧﻈﺮﺍﺗﻚ ﻟﻴﻪ ﻋﻼﺵ ﺍﺩﺳﻲ ..
ﻫﻨﺎﺩﻱ ﺑﺪﺕ ﺗﺒﻜﻲ ﻭﺧﻼﺹ ... ﻋﺒﻴﺮ: ﺑﺴﻢ ﺍﻟﻠﻪ ﺧﻴﺮﻙ؟؟؟
ﻫﻨﺎﺩﻱ : ﺧﺎﻳﻔﺔ ﻳﻜﻮﻥ ﻳﺤﺐ ﻭﺣﺪﺓ ﺛﺎﻧﻴﺔ ﻏﻴﺮﻱ
ﻋﺒﻴﺮ : ﻣﻨﻮ ﻓﺮﻳﺪ؟؟ ﻻ ﻻ ﻣﺴﺘﺤﻴﻞ ﻛﺎﻥ ﻳﺤﺐ ﻭﺣﺪﺓ ﻛﻨﺖ ﺍﻧﻲ ﺍﻭﻝ
ﻭﺣﺪﺓ ﻧﻌﺮﻑ
ﻫﻨﺎﺩﻱ : ﺑﺎﻩ ﻭﻏﺎﻟﻴﺔ ﻣﺎﻳﺤﺒﻬﺎﺵ
ﻋﺒﻴﺮ ﺗﻀﺤﻚ ﺑﺼﻮﺕ ﻋﺎﻟﻲ: ﻫﻬﻬﻬﻬﻬﻬﻬﻬﻬﻬﻪ
ﻫﻨﺎﺩﻱ : ﺗﻲ ﺍﺳﻜﺘﻲ ﻓﻀﺤﺘﻴﻨﺎ
ﻋﺒﻴﺮ : ﻏﺎﻟﻴﺔ ﺑﺎﻟﺬﺍﺕ ﻣﺴﺘﺤﻴﻞ ﺩﻳﻤﺎ ﻳﻘﻮﻝ ﻣﺜﻘﻞ ﺩﻣﻬﺎ ﻭﻛﺎﺳﺮﺗﻠﻪ ﺭﻗﺒﺘﻪ
ﻫﻨﺎﺩﻱ ﻓﺮﺣﺖ: ﺑﺠﺪ؟؟؟؟؟
ﻋﺒﻴﺮ : ﻭﺍﻟﻠﻪ ﺍﻟﻌﻈﻴﻢ ﺯﻱ ﻣﺎﻧﺤﻜﻴﻠﻚ
ﻫﻨﺎﺩﻱ ﺍﺭﺗﺎﺣﺖ ﻣﻦ ﻏﺎﻟﻴﺔ ﻭﻫﻤﻬﺎ ﺑﺲ ﺗﻮﺍ ﺍﻟﻤﻄﻠﻮﺏ ﺗﻌﺮﻑ ﺷﻦ
ﺷﻌﻮﺭ ﻓﺮﻳﺪ ﺍﺗﺠﺎﻫﺎ
ﺍﻡ ﻓﺮﻳﺪ : ﻋﺒﻴﺮ ﻋﺒﻴﺮ ﻧﻮﺿﻲ ﻓﺮﻳﺪ ﻳﺮﻓﻌﻜﻢ ﺍﻟﺴﻮﺍﻕ ﻧﺒﻴﻪ ﺍﻟﻴﻮﻡ
ﻋﺒﻴﺮ : ﺣﺎﺿﺮ ﻳﺎﻡ ﻭﺭﻛﺒﺖ ﺑﺘﻨﻮﺽ ﻓﺮﻳﺪ ....ﻫﻨﺎﺩﻱ ﻓﺮﺣﺖ ﺍﻫﻲ ﻓﺮﺻﺔ
ﺗﺸﻮﻑ ﻓﺮﻳﺪ ...
ﻓﺘﺤﺖ ﻋﺒﻴﺮ ﺑﺎﺏ ﺍﻟﺪﺍﺭ ﻭﺧﺸﺖ ﺗﻨﻮﺽ ﻓﻲ ﻓﺮﻳﺪ : ﻓﻮﻓﻮ ﻓﻮﻓﻮ ﻧﻮﺽ
ﻓﺮﻳﺪ ﺣﻮﻝ ﺍﻟﻐﻄﺎ ﻣﻦ ﻋﻠﻲ ﻭﺟﻪ: ﺧﻴﺮ ﻳﺎﻃﻴﺮ ﻓﻮﻓﻮ ﻉ ﺍﻟﺼﺒﺢ ﺃﻛﻴﺪ
ﺗﺒﻲ ﺣﺎﺟﺔ
ﻋﺒﻴﺮ : ﻣﺎﻣﺎ ﺗﺒﻲ ﺍﻟﺴﻮﺍﻕ ﻭﻧﺒﻴﻚ ﺗﺮﻓﻌﻨﺎ ﻟﻠﺠﺎﻣﻌﺔ
ﻓﺮﻳﺪ : ﻗﻠﺖ ﺍﻧﻲ ﻫﺎﻟﺪﻟﻊ ﻣﺶ ﺑﻼﺵ ...
ﻋﺒﻴﺮ : ﻫﻬﻬﻬﻬﻬﻬﻪ ﺣﻘﺎ ﻓﺮﻳﺪ ﺍﻧﺖ ﺗﺤﺐ؟؟؟؟
ﻧﺎﺽ ﻓﺮﻳﺪ ﻭﻗﻌﻤﺰ : ﺷﻦ ﻫﺎﻟﺴﺆﺍﻝ ﻉ ﺍﻟﺼﺒﺢ ﻳﺎﺑﻨﺖ
ﻋﺒﻴﺮ : ﻭﺍﻟﻠﻪ ﻧﺘﻜﻠﻢ ﺑﺠﺪ ... ﻻﻧﺎ ﻓﻲ ﻭﺣﺪﺓ ﺗﺤﺒﻚ
ﻓﺮﻳﺪ : ﻫﻬﻬﻬﻬﻬﻬﻬﻬﻪ ﺧﺮﻓﻲ
ﻋﺒﻴﺮ : ﻭﺍﻟﻠﻪ ﻧﺘﻜﻠﻢ ﺟﺪ ... ﻭﺍﻧﻲ ﺑﻨﺮﺿﻲ ﺿﻤﻴﺮﻱ ﻭﻧﻘﻮﻟﻚ ﻣﻦ ﻫﻲ
ﻓﺮﻳﺪ : ﻣﻦ ﻫﻲ ﺳﻌﻴﺪﺓ ﺍﻟﺤﻆ ﺗﺮﺍ؟؟؟؟
ﻋﺒﻴﺮ : ﻫﻨﺎﺩﻱ ﺑﻨﺖ ﻋﻤﻲ .... ﻭﻃﻠﻌﺖ
ﻓﺮﻳﺪ ﻣﺼﺪﻭﻡ ( ﻫﻨﺎﺩﻱ .. ؟؟؟؟؟ ﺑﺲ ﺍﻧﻲ ﻣﺎﻧﺤﺒﻬﺎﺵ ﻭﻻﻋﻤﺮﻩ ﺣﺴﻴﺖ
ﺑﺸﻌﻮﺭ ﺗﺠﺎﻫﺎ )
~~~~~~~~~~~~~~~~~~~~~~~~~~
ﻏﻴﺮ ﻓﺮﻳﺪ ﺩﺑﺸﻪ ﻭﻧﺰﻝ ﺭﻛﺐ ﻓﻲ ﺍﻟﺴﻴﺎﺭﺓ ﻭﺭﻛﺒﺖ ﻣﻌﺎﻩ ﺍﺧﺘﻪ
ﻭﻫﻨﺎﺩﻱ .... ﻭﺍﺗﺼﻞﺕ ﻋﻤﺘﻪ ﻗﺎﻟﺘﻪ ﻳﻔﻮﺕ ﻋﻠﻲ ﻏﺎﻟﻴﺔ ﻳﺮﻓﻌﻬﺎ ﻣﻌﺎﻫﻢ
ﻫﻨﺎﺩﻱ ﻃﺎﺭﺗﻠﻬﺎ ﻟﻤﺎ ﻋﺮﻓﺖ ﻏﺎﻟﻴﺔ ﺑﺘﻤﺸﻲ ﻣﻌﺎﻫﻢ ﺑﺲ ﺩﺍﺭﺕ ﺭﻭﺣﻬﺎ
ﻋﺎﺩﻱ ...
ﺭﻛﺒﺖ ﻏﺎﻟﻴﺔ : ﻣﻌﻠﻴﺶ ﻓﺮﻳﺪ ﺑﻨﺘﻌﺒﻮﻙ
ﻓﺮﻳﺪ : ﻻ ﻻ ﻋﺎﺩﻱ ﻣﺎﻓﻴﺶ ﻣﺸﻜﻠﻪ
ﻏﺎﻟﻴﺔ ﺣﺒﺖ ﺗﺤﺮﺝ ﻫﻨﺎﺩﻱ ﻗﺼﺪﺍ : ﻫﻨﺎﺩﻱ ﻋﻼﺵ ﺷﻌﺮﻙ ﺑﺎﻳﻦ؟؟؟
ﻓﺮﻳﺪ ﻻ ﺍﺭﺍﺩﻳﺎ ﺷﺒﺢ ﻓﻲ ﺍﻟﻤﺮﺍﻳﺔ ﻭﻛﺎﻥ ﺷﻌﺮﻫﺎ ﺑﺎﻳﻦ ﻓﻌﻼ : ﻣﺶ
ﻋﺎﺭﻓﺔ ﻋﻼﺵ ﺿﺮﻭﺭﻱ ﺗﻄﻠﻌﻮﻫﻢ ﻫﺎﻟﺸﻔﺎﺷﻴﻒ
ﻫﻨﺎﺩﻱ ﺍﻧﺼﺪﻣﺖ ﻣﻦ ﺭﺩ ﻓﺮﻳﺪ : ﻣﺎﻟﻴﻜﺶ ﻋﻼﻗﺔ ﺑﻌﺪ ﺗﻜﻮﻥ ﺧﻮﻳﺎ
ﺣﺎﺳﺒﻨﻲ
ﻏﺎﻟﻴﺔ. ﺑﺨﺒﺚ : ﻋﻴﺐ ﻫﻨﺎﺩﻱ ﺗﻜﻠﻤﻲ ﻭﻟﺪ ﻋﻤﻚ ﻫﻜﻲ
ﻫﻨﺎﺩﻱ : ﺳﻜﺮﻱ ﻓﻤﻚ ﺍﻧﺘﻲ ﻓﺎﻫﻤﺔ
ﻓﺮﻳﺪ : ﺧﻼﺹ ﺍﻧﺘﻲ ﻭﻳﺎﻫﺎ ﺳﺎﺩ ...>_< ﻭﻭﺻﻞ ﻗﺪﺍﻡ ﺍﻟﺠﺎﻣﻌﺔ ﺣﻄﻬﻢ
ﻭﻧﺰﻝ
ﻋﺒﻴﺮ : ﻫﻨﺎﺩﻱ ﻣﺎﺗﺰﻋﻠﻴﺶ ﻣﻨﻪ ﺭﺍﻩ ﻣﺎﻳﻘﺼﺪﺵ
ﻫﻨﺎﺩﻱ : ﻣﺎﻳﻬﻤﻨﻴﺶ ﻳﻘﺼﺪ ﺍﻭ ﻻ
ﻋﺒﻴﺮ : ﻣﺎﻫﻮ ........ ﻭﻗﺎﻃﻌﺘﻬﺎ ﻫﻨﺎﺩﻱ: ﻫﻴﺎ ﻭﻗﺖ ﻉ ﺍﻟﻤﺤﺎﺿﺮﺓ .
~~~~~~~~~~~~~~~~~~~~~~~~~~~
ﻧﺰﻝ ﺯﻳﺎﺩ ﻣﻦ ﺟﻨﺎﺣﻪ ﻭﻛﺎﻧﺖ ﺍﻟﻌﻴﻠﺔ ﻣﻘﻌﻤﺰﺓ ﺗﻔﻄﺮ ... ﻭﺑﻮﻩ ﻟﻤﺎﺷﺎﻓﻪ
ﺗﻔﺎﺟﺄ: ﺍﻧﺖ ﺷﻦ ﺍﺩﻳﺮ ﺍﻫﻨﻲ؟؟؟؟ﻭﺍﻻ ﺗﻠﻌﺒﻮ ﺍﻧﺘﻢ ﻭﺍﻻ ﻛﻴﻒ؟؟؟
ﺧﺎﻟﺪ ﺗﺪﺧﻞ ﺑﺴﺮﻋﺔ : ﻻ ﻳﺎﺑﻮﻱ ﻏﻴﺮ ﺍﻟﺒﻨﺖ ﺍﻣﺲ ﺗﻌﺒﺎﻧﺔ ﻭﺍﻟﻴﻮﻡ ﺍﻥ ﺷﺎﺀ
ﺍﻟﻠﻪ ﺑﻴﻤﺸﻲ ﺯﻳﺎﺩ ﻳﺠﻴﺒﻬﺎ
ﺍﻡ ﺯﻳﺎﺩ : ﻳﺎﺭﻭﺣﻲ ﺭﺑﻲ ﻳﺸﻔﻴﻬﺎ
ﺍﺑﻮ ﺯﻳﺎﺩ ﻳﺸﺒﺤﻠﻬﻢ ﺑﻨﺺ ﻋﻴﻦ: ﻭﺍﻟﻠﻪ ﻣﺎﻧﺪﺭﻱ ﻋﻠﻴﻚ ﺍﻧﺖ ﻭﺧﻮﻙ ﺷﻦ
ﺩﺍﺳﻴﻴﻦ
ﺯﻳﺎﺩ ﻗﻌﻤﺰ ﻉ ﺍﻟﻜﺮﺳﻲ : ﻣﺎﺗﺨﺎﻓﺶ ﻳﺎﺑﻮﻱ ﺷﻬﻮﺭ ﺑﺲ ﻭﺗﺸﻮﻑ ﺣﻔﻴﺪﻙ
ﺧﺎﻟﺪ ﻓﻲ ﺧﺎﻃﺮﻩ ( ﺍﻱ ﺣﻔﻴﺪ ﻭﺍﻧﺖ ﻣﺎﺩ ﻭﺟﻬﻚ ﺍﻫﻨﻲ ﺍﻣﺎﻻ
ﺑﺎﻟﻤﺮﺍﺳﻠﺔ) .. ﻭﻛﻤﻠﻮ ﺧﺎﻟﺪ ﻭﺯﻳﺎﺩ ﻭﻓﻄﻮﺭﻫﻢ ﻭﻃﻠﻌﻮ ﻷﻋﻤﺎﻟﻬﻢ ..ﺭﻛﺒﻮ
ﻓﻲ ﺍﻟﺴﻴﺎﺭﺓ ﻣﻊ ﺑﻌﺾ
ﺧﺎﻟﺪ : ﻧﺒﻲ ﻧﻔﻬﻢ ﺷﻦ ﺟﺎﺑﻚ ﺍﻫﻨﻲ ﺑﺲ
ﺯﻳﺎﺩ : ﻭﺍﻟﻠﻪ ﻣﺎﻗﺪﺭﺕ ﺣﺘﻲ ﻧﻘﻌﻤﺰ ﻓﻲ ﺟﻨﺒﻬﺎ ﻭﻣﺶ ﻃﺎﻳﻘﻬﺎ
ﻳﺎﺭﺍﺟﻞ .... ﺑﻌﺪﻳﻦ ﺗﻌﺎﻝ ﺍﻫﻨﻲ ﻫﺎﺫﻱ ﻣﺴﺘﺤﻴﻞ ﻳﻜﻮﻥ ﻋﻤﺮﻫﺎ ﺛﻼﺛﻴﻦ
ﺧﺎﻟﺪ : ﺃﻩ ...ﻻ ﻻ ﻋﺎﺩﻱ ﻓﻲ ﻧﺴﺎﻭﻳﻦ ﻫﻜﻲ ﻛﺒﺎﺭ ﺑﺲ ﻳﺒﺎﻧﻮ ﺻﻐﺎﺭ
ﺯﻳﺎﺩ ﺑﺤﺰﻡ: ﺧﺎﻟﺪ ﻓﺎﻫﻤﻚ ﺭﺍﻩ ... ﻣﺎﺗﻘﻌﺪﺵ ﺗﻠﻒ ﻋﻠﻴﺎ ﻭﺗﺪﻭﺭ ﻛﻢ ﻋﻤﺮﻫﺎ
ﺗﻜﻠﻢ
ﺧﺎﻟﺪ : ﺃﺃﺃ ... ﻳﻤﻜﻦ 20 ﻭﻻ ﻧﻘﻮﻟﻚ 18
ﺯﻳﺎﺩ ﺍﻧﺼﺪﻡ : ﻣﻬﺒﻮﻝ ﺍﻧﺖ ﺗﻲ ﻛﻴﻒ ﺗﺰﻭﺟﻨﻲ ﻭﺣﺪﺓ ﺑﻴﻨﻲ ﻭﺑﻴﻨﻬﺎ ﺍﻛﺜﺮ
ﻣﻦ 10 ﺳﻨﻴﻦ
ﺧﺎﻟﺪ : ﺍﻧﺖ ﺷﻦ ﺩﺧﻠﻚ ﻓﻴﻬﺎ ﺍﻟﻤﻬﻢ ﺗﺠﻴﺒﻠﻚ ﺍﻟﻮﻟﺪ ﻭﺑﻌﺪﻳﻦ ﺗﻠﻘﻲ ﻣﻦ
ﻳﺎﺧﺪﻫﺎ
ﺯﻳﺎﺩ : ﻫﺎﺫﻱ ﻗﺎﻋﺪﺓ ﺻﻐﻴﺮﺓ ﺣﺮﺍﻡ ﻧﻈﻠﻤﻬﺎ ﻭﻣﺎﺯﺍﻝ ﻣﺎﺷﺎﻓﺖ ﻣﻦ ﺍﻟﺪﻧﻴﺎ
ﺷﻲ ﺣﺮﺍﻡ ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﺍﻧﺖ ﺍﻟﻠﻲ ﻳﺴﻤﻊ ﻛﻼﻣﻚ ﺩﻳﻤﺎ ﻳﺘﻌﺐ
ﺧﺎﻟﺪ : ﺑﺎﻩ ﺧﻼﺹ ﻏﻴﺮ ﺣﻄﻨﻲ ﻓﻲ ﺍﻟﻤﺴﺘﺸﻔﻲ ﻭﺳﺎﻫﻞ
~~~~~~~~~~~~~~~~~~~~~~~~~~~
ﺣﻂ ﺯﻳﺎﺩ. ﺧﺎﻟﺪ ﻓﻲ ﻋﻤﻠﻪ ﻭﺗﺬﻛﺮ ﺭﻳﻢ ﻓﻲ ﺍﻟﻔﻨﺪﻕ ﺍﺗﺼﻞ ﺑﻴﻬﺎ ﻉ
ﺗﻠﻴﻔﻮﻧﻬﻢ ﻭﺭﺩﺕ ﻋﻠﻴﻪ ﻭﻫﻲ ﻛﻴﻒ ﻧﺎﻳﻀﺔ ﻣﻦ ﺍﻟﻨﻮﻡ: ﺍﻟﻮ
ﺯﻳﺎﺩ : ﺗﻮﺍ ﻛﻴﻒ ﻧﻀﺘﻲ ﻳﺎﻓﺎﻟﺤﺔ
ﺭﻳﻢ ﻣﺎﻋﺮﻓﺘﺶ ﺍﻟﺼﻮﺕ : ﻣﻦ ﺍﻧﺖ ﻭﺷﻦ ﺗﺒﻲ
ﺯﻳﺎﺩ : ﺍﻧﻲ ﺯﻳﺎﺩ
ﺭﻳﻢ ﻧﺰﻟﻮ ﺩﻣﻮﻋﻬﺎ ﻭﺳﻜﺘﺖ ... ﺯﻳﺎﺩ ﺍﺳﺘﻐﺮﺏ ﺳﻜﻮﺗﻬﺎ : ﻫﻴﻴﻴﻲ ﻓﻴﻚ ﺷﻲ
ﺭﻳﻢ ﻣﺴﺤﺖ ﺩﻣﻮﻋﻬﺎ ﻭﺑﺼﻮﺕ ﻭﺍﻃﻲ: ﻻ
ﺯﻳﺎﺩ : ﻃﻠﺒﺘﻲ ﻓﻄﻮﺭ؟؟؟؟
ﺭﻳﻢ : ﻻ ﻣﺎﺧﺎﻃﺮﻳﺶ
ﺯﻳﺎﺩ : ﺑﺎﻩ ﺧﻼﺹ ﺑﻌﺪﻳﻦ ﻟﻤﺎ ﻧﺮﻭﺡ ﻣﻦ ﺍﻟﺸﺮﻛﺔ ﻧﻤﺮ ﻋﻠﻴﻚ ﻭﺳﻜﺮ ...
ﺳﻜﺮﺕ ﺭﻳﻢ ﻣﻦ ﺯﻳﺎﺩ ﻭﻫﻲ ﻣﻘﻬﻮﺭﺓ ﻭﻧﺎﺿﺖ ﺧﺪﺕ ﺷﺎﻭﺭ ﻭﻏﻴﺮﺕ
ﺣﻮﺍﻳﺠﻬﺎ ...ﻭﻗﻌﻤﺰﺕ ﺧﺪﺕ ﻛﺘﺎﺏ ﺗﻘﺮﺍ ﻓﻴﻪ ﻭﺗﺘﺴﻠﻲ ....
ﺭﻭﺡ ﺯﻳﺎﺩ ﻣﻦ ﺍﻟﺸﺮﻛﺔ ﻭﺍﻣﺸﻲ ﻃﻮﻝ ﻟﻠﻔﻨﺪﻕ ﻭﺧﺶ ﻟﻠﺪﺍﺭ ﻟﻘﻲ ﺭﻳﻢ
ﻣﻘﻌﻤﺰﺓ ﺗﻘﺮﺍ ﻓﻲ ﻛﺘﺎﺏ .. ﻟﻤﺎ ﺣﺴﺖ ﺑﺨﻄﻮﺍﺗﻪ ﻛﺎﻥ ﻗﻠﺒﻬﺎ ﺣﻴﻄﻠﻊ ﻣﻦ
ﻣﻜﺎﻧﻪ ﻣﻦ ﺍﻟﺨﻮﻑ
ﺯﻳﺎﺩ : ﺍﻟﺴﻼﻡ ﻋﻠﻴﻜﻢ
ﺭﻳﻢ ﺑﺪﻭﻥ ﻣﺎﺗﺮﻓﻊ ﻋﻴﻨﻬﺎ ﻣﻦ ﺍﻟﻜﺘﺎﺏ : ﻭﻋﻠﻴﻜﻢ ﺍﻟﺴﻼﻡ
ﺯﻳﺎﺩ ﻭﻫﻮ ﻃﺎﻟﻊ ﻟﻠﺼﺎﻟﺔ ﺑﺮﺍ : ﻧﻮﺿﻲ ﻛﺎﻥ ﺑﺘﺎﻛﻠﻲ ﺍﻫﻮ ﺟﺒﺖ ﻏﺪﻱ
ﻗﻌﻤﺰ ﺯﻳﺎﺩ ﺑﻌﺪ ﻣﺎﺣﻂ ﺍﻟﻐﺪﻱ ﻉ ﺍﻟﻄﺎﻭﻟﺔ ﻭﻗﻌﺪ ﻳﺮﺍﺟﻲ ﻓﻲ ﺭﻳﻢ
ﻭﻃﻮﻟﺖ ...ﻓﻨﺎﺩﻱ ﺑﺼﻮﺕ ﻋﺎﻟﻲ : ﺭﻳﻴﻴﻴﻴﻴﻴﻴﻢ
ﻧﺎﺿﺖ ﺭﻳﻢ ﺗﺠﺮﻱ ﻭﺧﺎﻓﺖ : ﻧﻌﻢ
ﺯﻳﺎﺩ : ﺗﻌﺎﻟﻲ ﻗﻌﻤﺰﻱ ﻛﻮﻟﻲ ....ﻭﻗﻌﻤﺰﺕ ﺭﻳﻢ ﻉ ﺃﺳﺎﺱ ﺑﺘﺎﻛﻞ ﺑﺲ
ﻣﺎﻋﻨﺪﻫﺎﺵ ﻧﻴﺔ ﺷﺪﺕ ﻃﺮﻑ ﺧﺒﺰﺓ ﻭﻗﻌﺪﺕ ﻻﻫﻴﺔ ﻓﻴﻪ ... ﺃﻣﺎ ﺯﻳﺎﺩ ﻛﻠﻲ
ﺑﺸﺮﺍﻫﺔ ﻭﺑﻌﺪ ﻛﻤﻞ ﺧﺶ ﻟﻠﺪﺍﺭ ﻭﺍﻣﺘﺪ ﻉ ﺍﻟﺴﺮﻳﺮ ... ﻧﺎﺿﺖ ﺭﻳﻢ ﻟﻤﺖ
ﻋﻘﺎﺏ ﺍﻟﻤﺎﻛﻠﺔ ﺍﻟﻔﺎﺿﻠﺔ ﻭﺣﻄﺘﻬﺎ ﻓﻲ ﻛﻴﺲ ﻋﺸﺎﻥ ﻳﺠﻮ ﻳﺮﻓﻌﻮﻫﺎ ﺑﻌﺪﻳﻦ
ﺯﻳﺎﺩ ﺭﺍﻗﺪ ﻭﻳﻔﻜﺮ ( ﻻﻣﺘﻲ ﺑﻨﻬﺮﺏ ﻣﻨﻬﺎ ﺑﺲ .. ﺿﺮﻭﺭﻱ ﻧﺤﺴﻢ
ﺍﻟﻤﻮﺿﻮﻉ ﺍﻟﻴﻮﻡ ... ﺍﻧﻲ،ﻣﺶ ﻣﺘﺰﻭﺟﻬﺎ ﻧﺘﻔﺮﺝ ﻋﻠﻴﻬﺎ ﺿﺮﻭﺭﻱ ﺗﺠﻴﺒﻠﻲ
ﻭﻟﺪ )
ﺯﻳﺎﺩ : ﺭﻳﻢ .......ﺭﻳﻢ ﺳﻤﻌﺎﺗﻪ ﻭﻣﺤﺘﺎﺭﺓ ﺗﻤﺸﻴﻠﻪ ﺍﻭ ﻻ
ﺯﻳﺎﺩ ﺑﻌﺼﺒﻴﺔ : ﺭﻳﻢ
ﺧﺸﺖ ﺭﻳﻢ ﺗﺠﺮﻱ : ﻧﻌﻢ ﻭﻋﻴﻮﻧﻬﺎ ﻓﻲ ﺍﻟﻮﻃﺎ
ﺯﻳﺎﺩ : ﺗﻌﺎﻟﻲ ﻧﺒﻴﻚ
ﻗﺮﺑﺖ ﺭﻳﻢ ﻭﻗﻌﻤﺰﺕ ﻉ ﺣﺎﺷﻴﺔ ﺍﻟﺴﺮﻳﻮﻋﻴﻮﻧﻬﺎ ﻟﻮﻃﺎ: ﻧﻌﻢ ﺷﻦ ﺗﺒﻲ؟؟؟
ﺯﻳﺎﺩ : ﺷﻦ ﺗﺸﺒﺤﻲ ﺗﺤﺘﻲ ﺍﺭﻓﻌﻲ ﻋﻴﻮﻧﻚ ﻧﻜﻠﻢ ﻓﻴﻚ
ﻭﺭﻓﻌﺖ ﻋﻴﻮﻧﻬﺎ ﻓﻴﻪ ﻭﺷﺎﻓﺖ ﺍﺣﻠﻲ ﻋﻴﻮﻥ ﻭﻗﻠﺒﻬﺎ ﻗﻌﺪ ﻳﻨﺒﺾ ﺑﺴﺮﻋﺔ
ﻏﺮﻳﺒﺔ .. ﻭﻻﻧﻬﺎ ﻋﺎﺭﻓﺔ ﺍﻥ ﺃﻳﺎﻣﻬﺎ ﻣﻌﺪﻭﺩﺓ ﻣﻌﺎﻩ ﺧﺎﻓﺖ ﺗﺘﻌﻠﻖ ﺑﻴﻪ
ﻭﻧﺰﻟﺖ ﻋﻴﻮﻧﻬﺎ ﻭﻭﺍﻃﺖ ﺭﺍﺳﻬﺎ ﺑﺴﺮﻋﺔ
ﺯﻳﺎﺩ : ﻫﻬﻬﻬﻬﻬﻬﻬﻪ ﺧﻴﺮﻙ ﻧﺰﻟﺘﻲ ﺭﺍﺳﻚ ﻭﺍﻻ ﺧﺎﻳﻔﺔ ﻣﻦ ﻧﻔﺴﻚ ﻳﻐﺮﻳﻚ
ﺟﻤﺎﻟﻲ
ﺭﻓﻌﺖ ﺭﻳﻢ ﺭﺍﺳﻬﺎ ﺑﺘﺤﺪﻱ ﻭﻗﻌﺪﺕ ﺗﺸﺒﺤﻠﻪ : ﻋﻤﺮﻩ ﻣﺎﻳﻐﺮﻧﻲ ﺟﻤﺎﻝ
ﺍﻟﺮﺍﺟﻞ ..ﻻﻥ ﺍﻟﺠﻤﺎﻝ ﻟﻠﻨﺴﺎﻭﻳﻴﻦ
ﺯﻳﺎﺩ : ﺍﺷﻴﻪ ﺍﺷﻴﻪ ﻭﺍﻟﻠﻪ ﻣﺎﻧﻚ ﺳﺎﻫﻠﺔ
ﺭﻳﻢ ...................:
ﺷﺪ ﺯﻳﺎﺩ ﺭﻳﻢ ﻣﻦ ﺫﺭﺍﻋﻬﺎ : ﺃﺳﻤﻌﻲ ﻳﺎﺣﻠﻮﺓ ﺑﺎﻟﻚ ﺗﺤﺴﺎﺑﻴﻨﻲ ﺗﺰﻭﺟﺘﻚ
ﻋﻠﻲ ﺳﻮﺍﺩ ﻋﻴﻮﻧﻚ ﺍﻭ ﺟﻤﺎﻟﻚ ..ﺗﺰﻭﺟﺘﻚ ﻋﻠﻲ ﺧﺎﻃﺮ ﺗﺠﻴﺒﻴﻠﻲ ﻭﻟﺪ ﺑﺲ
ﻭﺗﻨﺘﻠﻔﻲ ﻓﻲ ﺳﺘﻴﻦ ﺩﺍﻫﻴﺔ ...ﻓﺨﻠﻴﻚ ﻣﻄﻴﻌﺔ ﺧﻴﺮﻟﻚ
ﺭﻳﻢ ﻣﺼﺪﻭﻣﺔ ﻣﻦ ﺍﻟﻜﻼﻡ ﺍﻟﻠﻲ ﺗﺴﻤﻊ ﻓﻴﻪ ﻭﺣﺎﺳﺔ ﺍﻥ ﻛﺮﺍﻣﺘﻬﺎ
ﺍﻧﺠﺮﺣﺖ : ﺍﻃﻠﻘﻨﻲ ﺍﻃﻠﻘﻨﻲ
ﺯﻳﺎﺩ : ﻣﺶ ﺑﻜﻴﻔﻚ ﻫﻮ ...
ﺣﺎﻭﻟﺖ ﺭﻳﻢ ﺗﻘﺎﻭﻡ ﺑﻜﻞ ﻗﻮﺗﻬﺎ ﺑﺲ ﺯﻳﺎﺩ ﺑﺤﻜﻢ ﺍﻧﻪ ﺭﺟﻞ ﺃﻛﻴﺪ ﻛﺎﻥ
ﺃﻗﻮﻱ ﻣﻨﻬﺎ
~~~~~~~~~~~~~~~~~~~~~~~~
ﻓﻲ ﺣﻮﺵ ﺃﻫﻞ ﺯﻳﺎﺩ ﻣﻘﻌﻤﺰﻳﻦ ﻳﺘﻐﺪﻭ .. ﺍﺑﻮ ﺯﻳﺎﺩ : ﺷﻦ ﺭﺍﻳﻜﻢ ﻧﻄﻠﻌﻮ
ﻛﻠﻨﺎ ﻟﻠﻤﺰﺭﻋﺔ ﻭﻧﻐﻴﺮﻭ ﺟﻮ
ﺍﻡ ﺯﻳﺎﺩ : ﻳﺎﺭﻳﺖ ﻭﺍﻟﻠﻪ ﻗﺪﺍﺵ ﺧﺎﻃﺮﻱ ﻧﻠﺘﻤﻮ ﻛﻠﻨﺎ ﻏﺎﺩﻳﻜﺎ
ﺧﺎﻟﺪ : ﺍﻧﻲ ﻃﻠﻌﻮﻧﻲ ﻣﻨﻪ ﺍﻟﻤﻮﺿﻮﻉ ﻋﻨﺪﻱ ﻋﻤﻞ ﻓﻲ ﺍﻟﻤﺴﺘﺸﻔﻲ
ﺍﺑﻮ ﺯﻳﺎﺩ: ﺧﻮﺩ ﺇﺟﺎﺯﺓ ﻣﺶ ﻗﻀﻴﺔ ﻭﺧﻠﻴﻨﺎ ﻧﺠﺘﻤﻌﻮ ﻛﻠﻨﺎ
ﺧﺎﻟﺪ : ﺑﺎﻫﻲ ﻧﺤﺎﻭﻝ
ﺍﺑﻮ ﺯﻳﺎﺩ: ﺗﻮ ﻧﻜﻠﻢ ﺣﺘﻲ ﺧﻮﺑﺎ ﻣﺤﻤﺪ ﻭﻧﻤﺸﻮ ﻛﻠﻨﺎ ﻣﻊ ﺑﻌﺾ
ﻫﻨﺎﺩﻱ ﻧﺨﺼﺖ ﺃﻣﻴﺮﺓ : ﻭﻳﻦ ﺳﺎﺭﺣﺔ ﻳﺎﺣﻠﻮﺓ؟؟؟
ﺃﻣﻴﺮﺓ: ﺷﺎﻏﻠﻨﻲ ﺯﻳﺎﺩ ﻣﺎﺟﺎﺵ ﻭﻣﺶ ﻣﻦ ﻋﺎﺩﺗﻪ ﻳﺘﺄﺧﺮ
ﻫﻨﺎﺩﻱ ﻭﺟﻌﺘﻬﺎ ﺃﻣﻴﺮﺓ ﻻﻥ ﻫﻨﺎﺩﻱ ﻛﺎﻧﺖ ﺗﻌﺮﻑ ﺍﻥ ﺯﻳﺎﺩ ﺗﺰﻭﺝ : ﺑﺎﻩ
ﺍﺗﺼﻠﻲ ﺑﻴﻪ
ﺃﻣﻴﺮﺓ: ﺍﺗﺼﻠﺖ ﺑﻴﻪ ﻭﻣﺎﻳﺮﺩﺵ
ﻫﻨﺎﺩﻱ : ﺟﺮﺑﻲ ﻣﺮﺓ ﺛﺎﻧﻴﺔ
ﻭﺧﺪﺕ ﺃﻣﻴﺮﺓ ﺍﻟﻨﻘﺎﻝ ﻭﺍﺗﺼﻠﺖ ﺑﻴﻪ ﻣﺮﺓ ﺛﺎﻧﻴﺔ ... ﺯﻳﺎﺩ ﻛﺎﻥ ﻣﻘﻌﻤﺰ ﺑﺮﺍ
ﻓﻲ ﺍﻟﺼﺎﻟﺔ ... ﻭﺭﻳﻢ ﻓﻲ ﺍﻟﺪﺍﺭ ﺗﺒﻜﻲ ﺑﻌﺪ ﺍﻟﻠﻲ ﺻﺎﺭ ﻭﺍﻟﻜﻼﻡ ﺍﻟﻠﻲ
ﺳﻤﻌﺎﺗﻪ ﻣﻦ ﺯﻳﺎﺩ
ﺳﻤﻊ ﺯﻳﺎﺩ ﺗﻠﻔﻮﻧﻪ ﻳﻀﺮﺏ ﺧﺶ ﻟﻠﺪﺍﺭ ﺑﻴﺮﺩ ﻓﻠﻘﻲ ﺭﻳﻢ ﻣﻘﻌﻤﺰﺓ ﻉ
ﺍﻟﺴﺮﻳﺮ ﻭﺷﻌﺮﻫﺎ ﻣﺒﻠﻮﻝ ﻭﺍﻟﺪﺍﺭ ﻣﺼﻘﻌﺔ ﺯﻱ ﺍﻟﺜﻠﺞ
ﺯﻳﺎﺩ : ﻣﻬﺒﻮﻟﺔ ﺍﻧﺘﻲ ﻗﺎﻋﺪﺓ ﻫﻜﻲ ﻭﺍﻟﺪﺍﺭ ﻣﺼﻘﻌﺔ ﻧﻮﺿﻲ ﺟﻔﻔﻲ
ﺷﻌﺮﻙ
ﻣﺴﺤﺖ ﺭﻳﻢ ﺩﻣﻮﻋﻬﺎ : ﺗﻮ ﻧﺠﻔﻔﻪ
ﺷﺎﻑ ﺯﻳﺎﺩ ﺍﻟﺮﻗﻢ ﻓﺎﺑﺘﺴﻢ : ﻫﻼ ﺑﻘﻠﺒﻲ
ﺃﻣﻴﺮﺓ: ﺍﻱ ﻗﻠﺒﻚ ﻭﻟﻴﺎ ﺳﺎﻋﺔ ﻧﻀﺮﺏ ﻋﻠﻴﻚ ﻭﻣﺎﺗﺮﺩﺵ
ﻗﻌﻤﺰ ﺯﻳﺎﺩ ﻉ ﺍﻟﺴﺮﻳﺮ : ﻭﺍﻟﻠﻪ ﻣﺎﺳﻤﻌﺘﻪ ﻛﻨﺖ ﻣﺸﻐﻮﻝ ﻣﻌﻘﻮﻟﺔ
ﻣﺎﻧﺮﺩﺵ ﻋﻠﻲ ﺃﻣﻴﺮﺗﻲ ﻛﺎﻥ ﻫﺎﺫﺍ
ﺃﻣﻴﺮﺓ ﺑﺪﻟﻊ : ﻻ ﻻ ﺧﻼﺹ ﺯﻋﻠﺖ ﺍﻧﺖ ﻣﺎﺗﺤﺒﻨﻴﺶ ..
ﺯﻳﺎﺩ : ﻛﺎﻥ ﻣﺎﻧﺤﺒﻜﺶ ﺷﻦ ﻓﺎﻳﺪﺓ ﺣﻴﺎﺗﻲ ﻧﻤﻮﺕ ﺧﻴﺮ
ﺃﻣﻴﺮﺓ: ﺑﻌﻴﺪ ﺍﻟﺸﺮ ﻋﻠﻲ ﻋﻴﻮﻧﻲ ... ﺍﻧﺖ ﻭﻳﻦ؟؟؟
ﺯﻳﺎﺩ ﻗﻌﺪ ﻳﺸﺒﺢ ﻓﻲ ﺭﻳﻢ ﻭﻛﺎﻧﺖ ﻣﻮﺍﻃﻴﺔ ﺭﺍﺳﻬﺎ ﻭﺷﻌﺮﻫﺎ ﻧﺎﺯﻝ ﻋﻠﻲ
ﻭﺟﻬﺎ ﻓﻴﺒﻲ ﻳﻘﻬﺮﻫﺎ : ﻗﺎﻋﺪ ﻋﻨﺪ ﻭﺍﺣﺪ ﺩﻣﻪ ﺛﻘﻴﻞ ﻭﺑﺎﺭﺩ ﺑﺲ ﺍﻟﻠﻪ ﻏﺎﻟﺐ
ﻋﻨﺪﻱ ﻣﺼﻠﺤﺔ ﻋﻨﺪﻩ ﺷﻦ ﺑﻨﺪﻳﺮ
ﺭﻳﻢ ﺣﺴﺖ ﺑﻤﻮﺱ ﻧﻐﺮﺱ ﻓﻲ ﻗﻠﺒﻬﺎ ﻓﻌﻠﺖ ﺻﻮﺗﻬﺎ ﻋﺸﺎﻥ ﺗﺴﻤﻌﻬﺎ
ﺃﻣﻴﺮﺓ: ﻛﺎﻥ ﺩﻣﻲ ﺛﻘﻴﻞ ﻋﻼﺵ ﻗﺎﻋﺪ ﻣﻌﺎﻳﺎ ﺍﻃﻠﻊ ﻭﺧﻠﻴﻨﻲ
ﺃﻣﻴﺮﺓ ﺳﻤﻌﺖ ﺍﻟﺼﻮﺕ ﻭﻓﻬﻤﺖ ﺑﻌﺾ ﺍﻟﻜﻼﻡ ﻭﺑﻌﻀﻪ ﻻ ﻓﺴﻜﺮﺕ
ﺍﻟﺴﻤﺎﻋﺔ
ﺯﻳﺎﺩ ﺟﻲ ﻟﺮﻳﻢ ﻭﺷﺪﻫﺎ ﺑﻘﻮﺓ ﻣﻦ ﻛﺘﻮﻓﻬﺎ : ﺗﻮﺍ ﺷﻦ ﻧﺪﻳﺮ ﻓﻴﻚ ﺷﻦ
ﻧﺪﻳﺮ ﻓﻴﻚ
ﺭﻳﻢ : ﻋﺎﺩﻱ ﻃﻠﻘﻨﻲ
ﺯﻳﺎﺩ ﺯﺍﺩ ﺿﻐﻂ ﻋﻠﻲ ﻛﺘﻮﻓﻬﺎ : ﻧﻄﻠﻘﻚ ﻟﻤﺎ ﺗﺠﻴﺒﻲ ﻭﻟﺪ ... ﻛﺎﻥ ﻫﺎﺫﺍ ﺷﻦ
ﻧﺪﻳﺮ ﺑﻮﺣﺪﺓ ﻭﺍﻃﻴﺔ ﺯﻳﻚ
ﺭﻳﻢ : ﻛﺎﻥ ﻭﺍﻃﻴﺔ ﻋﻼﺵ ﺧﺪﻳﺘﻨﻲ
ﺯﻳﺎﺩ : ﻻﻧﻚ ﻣﻦ ﺍﻟﻨﻮﻉ ﺍﻟﻠﻲ ﻳﻨﺸﺮﻱ ﻭﻳﻨﺒﺎﻉ
ﺭﻳﻢ : ﻛﺎﻧﻚ ﺭﺍﺟﻞ ﻃﻠﻘﻨﻲ
ﻭﻋﻄﺎﻫﺎ ﺯﻳﺎﺩ ﻛﻒ ﻟﻴﻦ ﺣﺲ ﺑﻮﺟﻊ ﻓﻲ ﻳﺪﻩ ﻭﻗﻌﺪ ﻳﻐﺰ ﻉ ﺳﻨﻮﻧﻪ : ﻣﺮﺓ
ﺛﺎﻧﻴﺔ ﺍﻋﺮﻓﻲ ﺷﻦ ﺗﻘﻮﻟﻲ ﺑﺎﻫﻲ ﻭﻫﺎﺫﻱ ﺍﺧﺮ ﻣﺮﺓ ﺗﻜﻠﻤﻴﻨﻲ ﺑﺎﻟﻄﺮﻳﻘﺔ
ﻫﺎﺩﻱ ﻭﺭﻣﺎﻫﺎ ﻉ ﺍﻟﻮﻃﺎ ﻭﻃﻠﻊ .... ﻭﺭﻳﻢ ﺷﺎﺩﺓ ﺧﺪﻫﺎ ﻭﺗﺒﻜﻲ
~~~~~~~~~~~~~~~~~~~~~~~~
ﻧﺎﺿﺖ ﺍﻣﻴﺮﺓ ﻣﻦ ﻋﻠﻲ ﺻﻔﺮﺓ ﺍﻟﻐﺪﻱ ﻭﻟﺤﻘﺘﻬﺎ ﻫﻨﺎﺩﻱ ﻻﻧﻬﺎ ﺣﺴﺘﻬﺎ
ﻣﺶ ﻋﻠﻲ ﺑﻌﻀﻬﺎ
ﺃﻣﻴﺮﺓ ﺗﺒﻜﻲ : ﻣﻌﻘﻮﻟﺔ ﺯﻳﺎﺩ ﻳﺨﻮﻧﻲ
ﻫﻨﺎﺩﻱ : ﺷﻦ ﺗﻘﻮﻟﻲ؟؟؟؟ ﻣﺴﺘﺤﻴﻠﺔ ﺯﻳﺎﺩ ﺍﻳﺪﻳﺮﻫﺎ
ﺃﻣﻴﺮﺓ: ﺗﻲ ﻛﻴﻒ ﻣﺴﺘﺤﻴﻞ ﻭﺍﻧﻲ ﺳﻤﻌﺖ ﺻﻮﺗﻬﺎ ﺑﻮﺫﺍﻧﻲ
ﻫﻨﺎﺩﻱ ﺑﺨﻮﻑ: ﻫﺎﺫﻱ ﻣﺮﺗﻪ
ﻧﺰﻝ ﻫﺎﻟﻜﻼﻡ ﻋﻠﻲ ﺃﻣﻴﺮﺓ ﺯﻱ ﺍﻟﺼﺎﻋﻘﺔ ﻭﺣﺴﺖ ﺭﻭﺣﻬﺎ ﻟﺴﺎﻧﻬﺎ ﺍﻧﺸﻞ
ﻣﻌﺎﺵ ﻗﺎﺩﺭﺓ ﺗﺘﻜﻠﻢ
ﻫﻨﺎﺩﻱ : ﺃﻣﻴﺮﺓ ﺣﺒﻴﺒﺘﻲ ﺍﻧﺘﻲ ﻋﻨﺪﻙ ﻋﻠﻢ ﺑﻜﻞ ﺷﻲ
ﺍﻣﻴﺮﺓ ﺗﺘﻜﻠﻢ ﺑﺼﻌﻮﺑﺔ ﻣﻦ ﺍﻟﺒﻜﻲ : ﻋﺎﺭﻓﺔ ﺑﺲ ﻣﺎﺗﻮﻗﻌﺘﺶ ﺑﺎﻟﺴﺮﻋﺔ
ﻫﺎﺫﻱ
ﺧﺶ ﺯﻳﺎﺩ ﻟﻠﺤﻮﺵ ﺑﺴﺮﻋﺔ ﻭﺭﻛﺐ ﻟﺠﻨﺎﺣﻪ ﻃﻮﻝ ﻟﻘﻲ ﻫﻨﺎﺩﻱ ﺗﻬﺪﻱ ﻓﻲ
ﺃﻣﻴﺮﺓ .. ﻗﺮﺏ ﻣﻨﻬﺎ ﻭﻣﺴﻚ ﺇﻳﺪﻫﺎ ﺑﺤﻨﺎﻥ : ﺳﺎﻣﺤﻴﻨﻲ ﻳﺎﻏﺎﻟﻴﺔ
ﺍﻧﺴﺤﺒﺖ ﻫﻨﺎﺩﻱ ﺑﻬﺪﻭﺀ ... ﻭﺃﻣﻴﺮﺓ ﺣﻀﻨﺖ ﺯﻳﺎﺩ ﺑﻜﻞ ﻗﻮﺗﻬﺎ ﻭﺗﺒﻜﻲ
ﺯﻳﺎﺩ ﻳﻤﺴﺢ ﻋﻠﻲ ﺷﻌﺮﻫﺎ : ﺃﻣﻴﺮﺗﻲ ﻣﻌﺎﺵ ﺗﺒﻜﻲ ﻭﺣﻖ ﺍﻟﻠﻲ ﺧﻠﻘﻨﻲ
ﻭﺧﻠﻘﻚ ﻣﺎﺗﺴﻮﻱ ﻋﻔﺴﺔ ﺭﺟﻠﻴﻚ
ﺃﻣﻴﺮﺓ: ﺃﻛﻴﺪ ﺯﻳﺎﺩ؟؟؟؟؟
ﺯﻳﺎﺩ ﺍﺑﺘﺴﻢ : ﺃﻛﻴﺪ ﻭﻧﺺ ﻭﺯﺍﺩ ﺿﻤﻬﺎ ﻟﺼﺪﺭﻩ ...
~~~~~~~~~~~~~~~~~~~~~~~~
ﻓﺎﺕ ﻳﻮﻣﻴﻦ ﻭﺯﻳﺎﺩ ﻣﺎﻣﺸﺎﺵ ﻟﺮﻳﻢ ﺑﻜﻞ ... ﻭﺭﻳﻢ ﺷﺎﺩﺗﻬﺎ ﺩﻣﻮﻉ ﻭﺧﻼﺹ
ﻭﻫﻲ ﺣﺎﺳﺔ ﺑﺎﻟﻮﺣﺪﺓ .
ﺍﻡ ﺭﻳﻢ ﺗﻜﻠﻢ ﻓﻲ ﻣﺮﺕ ﻋﻤﻬﺎ : ﺑﺎﻟﻠﻪ ﻋﻠﻴﻚ ﺧﻮﺫﻳﻠﻲ ﺭﻗﻢ ﺭﺍﺟﻞ ﺭﻳﻢ ﻣﻦ
ﻋﻤﻬﺎ ﻧﺒﻲ ﻧﻜﻠﻤﻬﺎ ﻗﻠﺒﻲ ﻣﺸﻐﻮﻝ ﻋﻠﻴﻬﺎ .
ﻣﺮﺕ ﻋﻢ ﺭﻳﻢ : ﻣﺎﺗﺨﺎﻓﻴﺶ ﺍﻛﻴﺪﺓ ﻣﺸﻐﻮﻟﺔ ﻣﻊ ﺭﺍﺟﻠﻬﺎ. ﺗﻮ ﻧﻜﻠﻢ ﻋﻤﻬﺎ
ﻭﻧﺎﺧﺪ ﻣﻨﻪ ﺍﻟﺮﻗﻢ
ﺍﻡ ﺭﻳﻢ : ﺑﺎﻩ ﺷﻦ ﺻﺎﺭ ﻓﻲ ﻣﺪﺭﺳﺘﻬﺎ؟؟؟؟
ﻣﺮﺕ ﻋﻢ ﺭﻳﻢ : ﻗﻠﺘﻠﻬﻢ ﺗﺰﻭﺟﺖ ﻭﻋﻄﻮﻫﺎ ﺇﺟﺎﺯﺓ ﺃﺳﺒﻮﻋﻴﻦ
ﺍﻡ ﺭﻳﻢ : ﺭﺑﻲ ﻳﺨﻠﻴﻚ ﻟﻴﺎ ﻳﺎﺍﻭﺧﻴﺘﻲ ﻣﺶ ﻋﺎﺭﻓﺔ ﺷﻦ ﻛﻨﺖ ﺣﻨﺪﻳﺮ ﻣﻦ
ﻏﻴﺮﻙ
~~~~~~~~~~~~~~~~~~~~~~~~~
ﻭﺗﻮ ﺍﻟﻌﻴﻠﺘﻴﻦ ﺭﻭﺣﻬﻢ ﻋﺸﺎﻥ ﻳﻤﺸﻮ ﻟﻠﻤﺰﺭﻋﺔ .. ﺑﻮ ﺯﻳﺎﺩ ﻭﺍﻣﻪ ﺭﻛﺒﻮ ﻓﻲ
ﺳﻴﺎﺭﺓ ...ﻭﻫﻨﺎﺩﻱ ﻭﺃﻣﻴﺮﺓ ﺭﻛﺒﻮ ﻣﻊ ﺧﺎﻟﺪ ﻻﻥ ﺯﻳﺎﺩ ﻋﻨﺪﻩ ﺷﻐﻞ ﻓﻲ
ﺍﻟﺸﺮﻛﺔ ﻭﻣﺎﻳﻘﺪﺭﺵ ﻳﻤﺸﻲ ..
ﻓﻲ ﺣﻮﺵ ﻋﻤﻬﻢ ﻣﺤﻤﺪ ... ﺭﻛﺐ ﻓﺮﻳﺪ ﻭ ﺧﻮﺍﺗﻪ ﻋﺒﻴﺮ ﻭﺩﺍﻧﻪ ﻭﻏﻼ ﺑﻨﺖ
ﻋﻤﺘﻬﻢ ﻋﺸﺎﻥ ﺑﻮﻫﺎ ﻣﺘﻮﻓﻲ .. ﻭﺑﻮ ﻓﺮﻳﺪ ﻭﺃﻣﻪ ﻭﺑﻨﺖ ﺩﺍﻧﺔ ﻣﺸﻮ ﻓﻲ
ﺳﻴﺎﺭﺓ ﺛﺎﻧﻴﺔ ..
ﺍﺗﺼﻞ ﺯﻳﺎﺩ ﺑﺼﺎﺣﺐ ﺍﻟﻤﺤﻞ ﺍﻟﻠﻲ ﻳﺄﺛﺚ ﻓﻲ ﺍﻟﻔﻴﻼ ﻭﻗﺎﻟﻪ ﺍﻧﻪ ﺍﻟﻔﻴﻼ
ﺟﺎﻫﺰﺓ ﻭﻳﻘﺪﺭ ﻳﺴﺘﻠﻤﻬﺎ ...ﺍﻣﺸﻲ ﺯﻳﺎﺩ ﻭﺧﺪﻱ ﻣﻨﻪ ﺍﻟﻤﻔﺘﺎﺡ ﻭﺭﻓﻊ ﻣﻌﺎﻩ
ﻣﺎﻛﻠﺔ ﻭﻣﻼﺑﺲ ﻭﺣﻄﻬﻢ ﻓﻲ ﺍﻟﻔﻴﻼ ... ﺑﻌﺪﻳﻦ ﻗﺮﺭ ﻳﻤﺸﻲ ﻳﺠﻴﺐ ﺭﻳﻢ
ﻣﻦ ﺍﻟﻔﻨﺪﻕ
ﺧﺶ ﺯﻳﺎﺩ ﻟﻠﻔﻨﺪﻕ ﻭﻓﺘﺢ ﺍﻟﺠﻨﺎﺡ ﻣﺘﺎﻋﻪ ﻭﻟﻘﻲ ﺭﻳﻢ ﺭﺍﻗﺪﺓ ﻉ ﺍﻟﻜﻨﻴﺔ
ﻭﺷﻜﻠﻬﺎ ﺗﻌﺒﺎﻧﺔ ..
ﺯﻳﺎﺩ ﺑﺨﻮﻑ : ﺭﻳﻢ !!!!!
ﺭﻳﻢ .............
ﻗﺮﺏ ﻣﻨﻬﺎ ﺯﻳﺎﺩ ﺑﺨﻮﻑ ﻭﺗﺤﺴﺲ ﻧﺒﻀﻬﺎ ... ﺑﻌﺪﻳﻦ ﺧﺶ ﻳﺠﺮﻱ ﺟﺎﺏ
ﻋﺒﺎﻳﺔ ﻭﻟﻔﻬﺎ ﻓﻴﻬﺎ ﻭﺭﻓﻌﻬﺎ ﻟﻠﻤﺴﺘﺸﻔﻲ ... ﺩﺧﻠﻮﻫﺎ ﻣﻨﻪ ﻭﻗﻌﺪ ﻳﺮﺍﺟﻲ
ﺑﺮﺍ ﻭﺧﺎﻳﻒ
ﻃﻠﻊ ﺍﻟﺪﻛﺘﻮﺭ ﻭﻣﺸﺎﻟﻪ ﺯﻳﺎﺩ ﻳﺠﺮﻱ: ﻫﺎﺷﻨﻮ ﻃﻤﻨﻲ ﻳﺎﺩﻛﺘﻮﺭ؟؟؟
ﺍﻟﺪﻛﺘﻮﺭ: ﻣﺎﺗﺨﺎﻓﺶ ﺳﻮﺀ ﺗﻐﺪﻳﺔ ﺑﺲ
ﺯﻳﺎﺩ : ﺑﺎﻩ ﻧﻘﺪﺭ ﻧﺸﻮﻓﻬﺎ
ﺍﻟﺪﻛﺘﻮﺭ: ﺗﻮﺍ ﻣﺮﻛﺒﻴﻠﻬﺎ ﺍﻟﺘﻐﺪﻳﺔ ﺑﻌﺪ ﺗﻜﻤﻞ ﺗﻘﺪﺭ ﺗﺮﻭﺡ ﺑﻴﻬﺎ ﻭﻳﺎﺭﻳﺖ
ﺗﻬﺘﻢ ﺑﺘﻐﺪﻳﺘﻬﺎ ... ﻭﻗﻌﻤﺰ ﺯﻳﺎﺩ ﺑﺮﺍ ﻳﺮﺍﺟﻲ
~~~~~~~~~~~~~~~~~~~~~~~~~
ﻭﺻﻠﻮ ﺍﻟﻌﺎﺋﻠﺘﻴﻦ ﻟﻠﻤﺰﺭﻋﺔ ﻭﻛﺎﻥ ﻓﻴﻬﺎ ﻓﻴﻼ ﻛﺒﻴﺮﺓ .. ﻛﻞ ﺩﺍﺭ ﻓﻲ ﺍﻟﻔﻴﻠﺔ
ﻛﺎﻧﺖ ﺑﺤﻤﺎﻣﻬﺎ ﺍﻟﺨﺎﺹ ﺑﻴﻬﺎ ..ﻭﻛﺎﻥ ﻓﻴﻬﺎ ﺃﺟﻨﺤﺔ ﻛﺎﻣﻠﺔ ... ﺍﻟﺪﻳﺎﺭ ﻋﻄﻮﻫﻢ
ﻟﻠﺒﻨﺎﺕ ﻭﺍﻻﺟﻨﺤﺔ ﻟﻠﻤﺘﺰﻭﺟﻴﻦ ... ﻭﺑﺎﻗﻲ ﺍﻟﺸﺒﺎﺏ ﺯﻱ ﺧﺎﻟﺪ ﻭﻓﺮﻳﺪ ﻧﺰﻟﻮ
ﻟﻠﻤﻠﺤﻖ ﺗﺤﺖ ...
ﺑﺪﻭ ﺍﻟﻨﺴﺎﻭﻳﻴﻦ ﻳﺮﺗﺒﻮ ﻓﻲ ﺍﻟﻔﻴﻼ ﻭﻳﻨﻔﻀﻮ ﻓﻴﻬﺎ ﻣﻊ ﺍﻟﺸﻐﺎﻻﺕ ... ﻫﻨﺎﺩﻱ
ﻭﻋﺒﻴﺮ ﺭﻛﺒﻮ ﻓﻮﻕ ﻟﺪﺍﺭﻫﻢ .. ﻭﺃﻣﻴﺮﺓ ﻗﻌﻤﺰﺕ ﻭﻫﻲ ﺗﻔﻜﺮ ﻭﺳﺎﺭﺣﺔ ﻓﻲ
ﺯﻳﺎﺩ ... ﺻﺢ ﻫﻮ ﻣﺶ ﺩﻳﻤﺎ ﻳﺠﻲ ﻣﻌﺎﻫﻢ ﺑﺲ ﻫﺎﻟﻤﺮﺓ ﻋﺎﺭﻓﺔ ﺍﻧﻪ ﻋﻨﺪ
ﻭﺣﺪﺓ ﺛﺎﻧﻴﺔ ...ﻭﺗﻔﻜﺮ ﻛﻴﻒ ﻳﺘﻌﺎﻣﻞ ﻣﻌﺎﻫﺎ
ﺩﺍﻧﺔ ﺧﺪﺕ ﺑﻨﺘﻬﺎ ﻭﺭﻛﺒﺖ ﻓﻮﻕ ﻟﺠﻨﺎﺣﻬﺎ ﺑﺘﺮﺗﺎﺡ .. ﺍﻣﺎ ﻏﺎﻟﻴﺔ ﻟﺒﺴﺖ
ﻭﺷﺎﺣﻬﺎ ﻭﻃﻠﻌﺖ ﺑﺮﺍ ﻟﻠﺸﺒﺎﺏ
~~~~~~~~~~~~~~~~~~~~~~~
ﻛﻤﻠﺖ ﺭﻳﻢ ﺍﻟﺘﻐﺪﻳﺔ ﻭﺧﺶ ﻋﻠﻴﻬﺎ ﺯﻳﺎﺩ ﻭﺷﺎﻑ ﻋﻴﻮﻧﻬﺎ ﻛﻴﻒ ﺫﺑﻼﻧﺔ ..
ﺯﻳﺎﺩ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ
ﺭﻳﻢ ﻛﺎﻥ ﺟﻮﺍﺑﻬﺎ ﺑﺲ ﺩﻣﻮﻉ ﻧﺰﻟﻮ ﻋﻠﻲ ﺧﺪﻭﺩﻫﺎ ﺑﻘﻬﺮ ﻭﺣﺰﻥ .. ﺯﻳﺎﺩ
ﻭﺟﻌﺎﺗﻪ ﻓﻘﺮﺏ ﻣﻨﻬﺎ ﻭﻣﺴﺤﻠﻬﺎ ﺩﻣﻮﻋﻮﻫﺎ : ﺗﻮﺍ ﻋﻼﺵ ﺗﺒﻜﻲ؟؟
ﺭﻳﻢ : ﻋﻼﺵ ﺟﻴﺖ
ﺯﻳﺎﺩ ﻣﺴﻚ ﻳﺪﻫﺎ ﻭﻛﺎﻧﺖ ﺑﺎﺭﺩﺓ ﺯﻱ ﺍﻟﺜﻠﺞ : ﻏﻴﺮ ﻧﻮﺿﻲ ﻣﻌﺎﻳﺎ ﺧﻠﻲ
ﻧﺮﻭﺣﻮ
ﺭﻳﻢ : ﺍﻧﺖ ﻣﺶ ﺗﺒﻲ ﻭﻟﺪ
ﺯﻳﺎﺩ : ﺧﻠﻴﻨﺎ ﻣﻨﻪ ﺍﻟﻜﻼﻡ ﻫﺎﺫﺍ ﺗﻮﺍ ﻭﻫﻴﺎ ﻧﻮﺿﻲ
ﻧﺎﺿﺖ ﺭﻳﻢ ﺑﺘﻮﻗﻒ ﺑﺲ ﺣﺴﺖ ﺑﺪﻭﺧﺔ .. ﺟﻲ ﺯﻳﺎﺩ ﺳﺎﻋﺪﻫﺎ ﻋﺸﺎﻥ ﺗﻠﺒﺲ
ﻋﺒﺎﻳﺘﻬﺎ ﻭﺭﻭﺣﻮ ﻟﻠﻔﻴﻼ ..
ﻃﻮﻝ ﺍﻟﻄﺮﻳﻖ ﻭﺭﻳﻢ ﺗﺒﻜﻲ ﺑﻌﺒﺮﺗﻬﺎ .. ﻭﺯﻳﺎﺩ ﻳﺸﺒﺢ ﻓﻴﻬﺎ ﻛﻴﻒ ﺗﺒﻜﻲ ﺑﺲ
ﻓﻀﻞ ﺍﻟﺴﻜﻮﺕ ..ﺷﻮﻳﺎ ﻭﻭﺻﻠﻮ ﻟﻠﻔﻴﻼ ﻭﻧﺰﻟﻮ .. ﻭﺭﻳﻢ ﻗﻌﺪﺕ ﺗﺸﺒﺤﻠﻬﺎ
ﻭﻛﺄﻧﻬﺎ ﺗﻌﺮﻓﻬﺎ ... ﻓﺘﺤﻠﻬﺎ ﺯﻳﺎﺩ ﺍﻟﺒﺎﺏ ﻭﻧﺰﻟﺖ ﻭﺍﻭﻝ ﻣﺎﺧﺸﺖ ﺗﺬﻛﺮﺕ
ﺭﻳﻢ ﺫﻛﺮﻳﺎﺕ ﻟﻴﻬﺎ ﻓﻲ ﺍﻟﻔﻴﻼ .. ﻭﺍﻣﺸﺖ ﻃﻮﻝ ﻟﻠﺤﺪﻳﻘﺔ ﻭﺷﺎﻓﺖ ﺍﻟﻮﺭﺩ
ﺍﻟﺠﻮﺭﻱ ﻭﺟﺖ ﺑﺘﻘﻄﻒ ﻭﺣﺪﺓ.
يتبع..........
