ﺃﻣﻴﺮﺓ ﺍﺳﺘﻐﺮﺏ ﻋﻼﺵ ﺭﻳﻢ ﺍﻣﺸﺖ ﺗﺠﺮﻱ ﻭﺍﻟﺘﻔﺖ ﻭﺭﺍﻩ ﺷﺎﻑ
ﺯﻳﺎﺩ : ﻳﺎﺭﺍﺟﻞ ﺧﻠﻌﺖ ﺍﻟﺒﻨﺖ ﺧﻴﺮﻙ ﻫﻬﻬﻬﻬﻬﻬﻬﻬﻬﻬﻪ
ﺯﻳﺎﺩ ﺷﺎﺩ ﺇﻋﺼﺎﺑﻪ ﺑﺎﻟﺴﻴﻒ : ﺷﻦ ﺗﺒﻲ ﻣﻨﻚ؟
ﺧﻮ ﺃﻣﻴﺮﺓ : ﻛﺎﻧﺖ ﺗﺴﺄﻝ ﻋﻠﻲ ﻭﻟﺪ ﺍﺻﻐﻴﺮ ... ﺑﺲ ﻓﻴﻬﺎ ﻋﻴﻮﻥ ﻭﺟﺴﻢ
ﻳﻬﺒﻠﻮ ﻳﺎﺭﺟﻞ
ﺯﻳﺎﺩ ﻛﺎﻥ ﻳﻠﻘﻲ ﻳﻨﻂ ﻋﻠﻲ ﺧﻮ ﺃﻣﻴﺮﺓ ﻭﻳﻌﺠﻨﻪ ﻃﺮﻳﺤﺔ ﺑﺎﻫﻴﺔ: ﺑﺎﻩ ﺍﻧﺖ
ﺷﻦ ﺗﺒﻲ ﻭﺍﻗﻒ ﺍﻫﻨﻲ؟؟
ﺧﻮ ﺍﻣﻴﺮﺓ : ﻛﻨﺖ ﺟﺎﻱ ﻧﺒﻲ ﺍﻧﺎﺩﻱ ﻋﻠﻲ ﺃﻣﻲ
ﺯﻳﺎﺩ : ﺑﺎﻫﻲ ﺗﻮ ﻧﺨﺶ ﺃﻧﺎﺩﻳﻬﺎ
ﺭﻳﻢ ﺭﺟﻠﻴﻬﺎ ﻣﻌﺎﺵ ﺭﻓﻌﻮﻫﺎ ﻭﺟﺖ ﻭﻗﻌﻤﺰﺕ ﻉ ﺍﻟﻄﺎﻭﻟﺔ ﺟﻨﺐ ﺍﻣﻬﺎ
ﻭﻭﺟﻬﺎ ﻣﻮﻟﻲ ﺍﺻﻔﺮ
ﺍﻡ ﺭﻳﻢ : ﺍﻟﻠﻄﻒ ﺧﻴﺮﻙ ... ﻭﻭﻳﻦ ﻭﺍﺋﻞ؟؟؟
ﻭﻣﺎﺯﺍﻝ ﻣﺎﻛﻤﻠﻮﺵ ﻛﻼﻣﻬﻢ ﻭﺟﻲ ﺯﻳﺎﺩ ﻟﻠﻄﺎﻭﻟﺔ ﻭﺑﻌﺼﺒﻴﺔ : ﺍﻧﺘﻲ ﺷﻦ
ﺍﺧﺮﺗﻬﺎ ﻣﻌﺎﻙ ﻳﺎﺑﻨﺖ؟؟
ﺭﻳﻢ ..............
ﺯﻳﺎﺩ ﺷﺪﻫﺎ ﻣﻦ ﺫﺭﺍﻋﻬﺎ : ﻟﻤﺎ ﻧﻜﻠﻤﻚ ﺭﺩﻱ
ﺭﻳﻢ : ﺍﻱ ﺍﻳﺪﻱ
ﻭﺟﺖ ﺍﻡ ﺯﻳﺎﺩ ﺗﺠﺮﻱ ﻋﻠﻲ ﺻﻮﺕ ﺍﻟﺪﻭﺷﺔ : ﺧﻴﺮﻛﻢ ﺷﻦ ﻓﻲ ﺗﺤﺸﻤﻮ
ﻗﺪﺍﻡ ﺍﻟﻨﺎﺱ ... ﻭﺍﻧﺖ ﻭﻳﻦ ﺧﺎﺵ ﻫﻜﻲ ﻉ ﺍﻟﻨﺎﺱ
ﺯﻳﺎﺩ : ﻫﺎﺫﻱ ﻗﻮﻟﻴﻠﻬﺎ ﺗﺤﺘﺮﻡ ﻧﻔﺴﻬﺎ
ﺭﻳﻢ : ﺍﻧﻲ ﻣﺤﺘﺮﻣﺔ ﻏﺼﺒﺎ ﻋﻨﻚ
ﺯﻳﺎﺩ : ﻗﺴﻤﺎ ﺑﺎﻟﻠﻪ ﻳﺎﺭﻳﻢ ......... ﻭﻃﺎﺣﺖ ﺍﻡ ﺭﻳﻢ ﻉ ﺍﻟﻜﺮﺳﻲ ﻭﺩﺍﺧﺖ
ﻣﻦ ﺍﻟﻤﻮﻗﻒ
ﺭﻳﻢ : ﻣﺎﻣﺎ ﻣﺎﻣﺎ ﺭﺩﻱ ﻋﻠﻴﺎ ﺷﻦ ﻓﻴﻚ
ﻭﺍﻣﺸﺖ ﺍﻡ ﺯﻳﺎﺩ ﺗﺠﺮﻱ ﻟﺪﺍﺧﻞ ﺟﺎﺑﺘﻠﻬﺎ ﺍﻣﻴﺔ ﻭﺳﻜﺮ ... ﻭﺯﻳﺎﺩ ﻗﻌﺪ ﺷﺎﺩ
ﺍﻡ ﺭﻳﻢ ﻭﺣﻄﻬﺎ ﻛﻮﻳﺲ ﻉ ﺍﻟﻜﺮﺳﻲ ﻭﺭﻳﻢ ﺗﻌﻴﻂ : ﻋﺎﺟﺒﻚ ﻫﻜﻲ ﻋﺎﺟﺒﻚ
ﺯﻳﺎﺩ : ﺍﺳﻜﺘﻲ ﺳﺎﺩ ﺧﻠﻲ ﺗﻔﻴﻖ ﺃﻣﻚ ﻭﺳﺎﻫﻞ
ﻭﻓﺎﻗﺖ ﺍﻡ ﺭﻳﻢ ﻭﺟﻮ ﺍﻡ ﺯﻳﺎﺩ ﻭﺑﺎﻗﻲ ﺍﻟﻨﺴﻮﺍﻳﻴﻦ ﻓﻲ ﺟﻨﺒﻬﺎ
ﺭﻳﻢ : ﺷﻦ ﺣﺎﺳﺔ ﺭﻭﺣﻚ ﺗﻮﺍ ﻳﺎﻡ؟؟؟
ﺍﻡ ﺭﻳﻢ : ﺍﻟﺤﻤﺪ ﻟﻠﻪ ﺃﺣﺴﻦ
ﺯﻳﺎﺩ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ... ﻭﻃﻠﻊ
~~~~~~~~~~~~~~~~~~~~~~~~
ﺑﻌﺪ ﻧﺺ ﺳﺎﻋﺔ ﺍﺗﺼﻞ ﺯﻳﺎﺩ ﺑﺄﻣﻴﺮﺓ ﻭﻗﺎﻟﻠﻬﺎ ﺍﻥ ﺍﻟﻌﺮﺳﺎﻥ ﺑﻴﺨﺸﻮ ...
ﻓﻘﺎﻟﺖ ﺃﻣﻴﺮﺓ ﻟﻠﻨﺴﻮﺍﻳﻴﻦ ﻋﺸﺎﻥ ﻳﺘﻐﻄﻮ ...
ﺧﺶ ﻓﺮﻳﺪ ﻭﺧﺎﻟﺪ ﻭﺯﻳﺎﺩ ﺷﺎﺩﻫﻢ ﺍﻻﺛﻨﻴﻦ ﻭﻫﻮ ﻭﺳﻄﻬﻢ ...ﻭﻛﺎﻥ ﻃﺎﻟﻊ
ﻳﺠﻨﻦ ﺷﺒﻮﺑﻴﺔ ﻭﺷﻜﻠﻪ ﺭﺟﻮﻟﻲ ﺑﺎﻟﺮﻏﻢ ﻣﻦ ﺍﻟﺘﻌﺐ ﺍﻟﻠﻲ ﻛﺎﻥ ﺑﺎﻳﻦ
ﻋﻠﻴﻪ . ﻭﺭﻳﻢ ﻛﺎﻧﻮ ﻋﻴﻮﻧﻬﺎ ﻋﻠﻴﻪ ﻭﻗﻠﺒﻬﺎ ﺑﻴﻄﻠﻊ ﻣﻦ ﻣﻜﺎﻧﻪ ... ﻭﺍﻣﻴﺮﺓ
ﺗﺸﺒﺤﻠﻬﺎ ﻣﻦ ﺑﻌﻴﺪ ﻛﺎﻥ ﺗﻠﻘﻲ ﺗﻨﻂ ﻋﻠﻴﻬﺎ ﺗﻘﺘﻠﻬﺎ
ﻗﺮﺏ ﺧﺎﻟﺪ ﻣﻦ ﻋﺒﻴﺮ ﻭﻫﻤﺴﻠﻬﺎ : ﻧﺤﺒﻚ ﻭﺑﺎﺱ ﻋﻠﻲ ﺟﺒﻬﺘﻬﺎ ...
ﺍﻣﺎ ﻓﺮﻳﺪ ﻗﺮﺏ ﻣﻦ ﻫﻨﺎﺩﻱ ﻭﺑﻬﻤﺲ : ﺷﻮﻓﺘﻲ ﻭﺻﻠﺘﻠﻚ ﻭﺻﻠﺘﻠﻚ
ﺯﻳﺎﺩ : ﺷﻦ ﺗﺒﺮﺑﺮ ﻫﻴﺎ ﺑﻮﺱ ﻋﻠﻲ ﺟﺒﻬﺘﻬﺎ ﻭﺧﻠﺼﻨﺎ
ﺑﺎﺱ ﻓﺮﻳﺪ ﺟﺒﻬﺘﻬﺎ ﻭﻗﻌﻤﺰ ﻓﻲ ﺟﻨﺒﻬﺎ ..ﻭﻫﻨﺎﺩﻱ ﻗﻠﺒﻬﺎ ﺑﻴﺘﻘﻄﻊ ﻣﻦ
ﺍﻟﻜﻼﻡ ﺍﻟﻠﻲ ﺳﻤﻌﺎﺗﻪ ﻭﻣﺎﺗﻮﻗﻌﺘﺶ ﻓﺮﻳﺪ ﻳﻜﻮﻥ ﺗﺰﻭﺟﻬﺎ ﻋﻠﻲ ﺧﺎﻃﺮ ﺑﺲ
ﻳﻨﺘﻘﻢ ﻣﻨﻬﺎ ﻋﻠﻲ ﻛﻠﻤﺘﻬﺎ
ﺩﺍﻧﺔ : ﻫﻴﺎ ﻧﻮﺿﻮ ﺍﺭﻛﺒﻮ ﻓﻮﻕ ﻻﺟﻨﺤﺘﻜﻢ ﻋﺸﺎﻥ ﺗﺼﻮﺭﻛﻢ ﺍﻟﻤﺼﻮﺭﺓ ...
( ﻛﺎﻥ ﺍﻟﻌﺮﺳﺎﻥ ﺣﺎﺟﺰﻳﻦ ﻓﻲ ﻧﻔﺲ ﺍﻟﻔﻨﺪﻕ ﺍﻟﻠﻲ ﻓﻴﻪ ﺣﻔﻠﺔ ﺍﻟﻌﺮﺱ)
ﺭﻛﺒﻮ ﺍﻟﻌﺮﺳﺎﻥ ﻭﺍﻟﻌﺮﺍﻳﺲ ﻛﻞ ﻭﺍﺣﺪ ﻟﺠﻨﺎﺣﻪ ....ﺧﺎﻟﺪ ﻓﺮﺣﺎﻥ ﺑﻴﻄﻴﺮ :
ﺍﺧﻴﺮﺍ ﻋﺒﻮﺭﺗﻲ ﻭﻟﻴﺘﻲ ﻟﻴﺎ ﻳﺎﻋﻤﺮﻱ
ﻋﺒﻴﺮ ﻣﺘﺤﺸﻤﺔ ﻣﻨﻪ ﻭﻣﺎﺭﺩﺗﺶ ...ﺷﻮﻳﺎ ﻭﺧﺸﺖ ﺍﻟﻤﺼﻮﺭﺓ ﻭﺑﺪﺕ
ﺗﺎﺧﺪﻟﻬﻢ ﻓﻲ ﻟﻘﻄﺎﺕ
ﺍﻣﺎ ﺍﻟﻮﺿﻊ ﻋﻨﺪ ﻫﻨﺎﺩﻱ ﻭﻓﺮﻳﺪ ﻏﻴﺮ ...ﻓﺮﻳﺪ : ﻫﺎ ﺷﻦ ﺭﺍﻳﻚ ﺗﻮﺍ ؟؟؟
ﻫﻨﺎﺩﻱ ﺑﺎﺳﺘﻐﺮﺍﺏ : ﺭﺍﻱ ﻓﻲ ﺷﻨﻮ؟
ﻓﺮﻳﺪ : ﻣﺶ ﻗﻠﺘﻲ ﻻ ﺍﻧﺖ ﻭﻻ ﻋﺸﺮﺓ ﺯﻳﻚ ﺗﻮﺻﻠﻮﻟﻲ ﺍﻫﻮ ﻭﺻﻠﺖ ﻓﻴﻚ
ﻫﻨﺎﺩﻱ : ﻛﺎﻥ ﺍﻧﻲ ﻣﺎﻭﺍﻓﻘﺘﺶ ﻋﻠﻴﻚ ﻣﺎﻛﻨﺘﺶ ﺗﺤﻠﻢ ﺑﻴﺎ
ﻓﺮﻳﺪ ﺑﻌﺼﺒﻴﺔ ﻭﺗﻬﺪﻳﺪ : ﺑﺎﻫﻲ ﺍﻻﻳﺎﻡ ﺑﻴﻨﺎ ﻳﺎﻫﻨﺎﺩﻱ ... ﻭﻗﻄﻌﺖ ﻋﻠﻴﻬﻢ
ﺍﻟﻤﺼﻮﺭﺓ ﻭﺧﺸﺖ ﺗﺎﺧﺪﻟﻬﻢ ﻓﻲ ﻟﻘﻄﺎﺕ .. ﻭﻛﺎﻧﺖ ﺍﻟﺼﻮﺭ ﺟﺮﻳﺌﺔ ﺷﻮﻱ
ﻭﻫﻨﺎﺩﻱ ﻭﻓﺮﻳﺪ ﻣﺶ ﺭﺍﺿﻴﻦ ﻋﻠﻴﻬﺎ ﺑﺲ ﻣﻀﻄﺮﻳﻦ ﻳﺴﺎﻳﺮﻭ
ﺍﻟﻤﺼﻮﺭﺓ ...
~~~~~~~~~~~~~~~~~~~~~~~~~
ﻓﻀﺖ ﺍﻟﻘﺎﻋﺔ ﻣﻦ ﺍﻟﻤﻌﺎﺯﻳﻢ ﻭﻗﻌﺪﻭ ﺍﻟﻌﻴﻠﺔ ﺑﺲ ...ﻭﺍﻣﺸﻲ ﺯﻳﺎﺩ ﻳﺴﻠﻢ
ﻋﻠﻲ ﺧﺎﻟﺘﻪ ﺍﻡ ﺍﻣﻴﺮﺓ ..
ﺯﻳﺎﺩ : ﻛﻴﻒ ﺣﺎﻝ ﻳﺎﺧﺎﻟﺘﻲ
ﺍﻡ ﺍﻣﻴﺮﺓ : ﺍﻫﻠﻴﻦ ﺯﻳﺎﺩ ﻭﻳﻨﻚ ﻻ ﺗﺴﺄﻝ ﻻ ﺗﺪﻭﺭ .. ﺗﺒﻲ ﺍﻟﺤﻖ ﺯﻋﻼﻧﺔ
ﻣﻨﻚ ﺭﺍﻩ
ﺯﻳﺎﺩ : ﻭﺍﻟﻠﻪ ﺷﻮﻳﺔ ﻣﺸﺎﻏﻞ ﺑﺲ ﻳﺎﺧﺎﻟﺘﻲ ﻭﺍﻧﺘﻲ ﻋﺎﺭﻓﺔ ﻣﻜﺎﻧﺘﻜﻢ ﻭﻳﻦ
ﻋﻨﺪﻱ
ﺍﻡ ﺍﻣﻴﺮﺓ : ﺑﺎﻩ ﺍﻫﻢ ﺷﻲ ﺍﻧﻚ ﺑﺨﻴﺮ . ﺍﻟﻤﻬﻢ ﺧﻼﺹ ﺯﻱ ﻣﺎﺍﺗﻔﻘﻨﺎ ﺑﻨﺮﻭﺡ
ﺑﺎﻣﻴﺮﺓ ﻣﻌﺎﻱ
ﺯﻳﺎﺩ : ﻳﺎﺧﺎﻟﺘﻲ ﻋﺎﺭﻓﺘﻴﻨﻲ ﻣﺎﻧﻘﺪﺭﺵ ﻧﺴﺘﻐﻨﻲ ﻋﻠﻲ ﺃﻣﻴﺮﺗﻲ
ﺍﻡ ﺍﻣﻴﺮﺓ : ﻣﻌﻠﻴﺶ ﺍﺳﺘﻐﻨﻲ ﻋﻠﻴﻬﺎ ﺷﻮﻱ ﻻﻫﻠﻬﺎ
ﺍﻡ ﺯﻳﺎﺩ : ﺧﻠﻴﻬﺎ ﻳﺎ ﺍﻭﻟﻴﺪﻱ ﺗﻮﺳﻊ ﺧﺎﻃﺮﻫﺎ ﻋﻨﺪ ﺃﻫﻠﻬﺎ ﻭﺍﻧﺖ ﺑﻌﺪﻳﻦ
ﺍﻣﺸﻴﻠﻬﺎ
ﺍﻣﻴﺮﺓ: ﺯﻳﺎﺩ ﺑﺎﻟﻠﻪ ﻋﻠﻴﻚ ﻭﺍﻓﻖ
ﺯﻳﺎﺩ ﺍﻧﻘﻬﺮ ﻣﻦ ﺍﻣﻴﺮﺓ ﻛﻴﻒ ﺗﺒﻲ ﺗﻤﺸﻲ ﻭﺗﺨﻠﻴﻪ : ﺑﺎﻩ ﻧﻮﺍﻓﻖ ﺑﺲ
ﺑﺸﺮﻁ
ﺍﻣﻴﺮﺓ: ﺍﺷﺮﻁ ﺑﺮﺍﺣﺘﻚ ﻳﺎﻋﻤﺮﻱ
ﺯﻳﺎﺩ : ﺍﺳﺒﻮﻉ ﺑﺲ ﻭﻧﻤﺸﻴﻠﻚ
ﺍﻡ ﺍﻣﻴﺮﺓ : ﻳﺼﻴﺮ ﺧﻴﺮ ...
ﺍﻣﻴﺮﺓ ﻛﻠﻤﺔ ﺍﻣﻬﺎ ﺧﻮﻓﺘﻬﺎ ﻭﺣﺴﺖ ﺑﺸﻲ ﺣﻴﺼﻴﺮ ﻓﻲ ﻫﺎﻟﻤﺸﻴﺔ
ﺍﻡ ﺍﻣﻴﺮﺓ : ﺧﻼﺹ ﺍﺭﻓﻌﻨﺎ ﺍﻟﺤﻮﺵ ﻧﻠﻤﻮ ﺩﺑﺸﻨﺎ ﺑﻨﻄﻠﻌﻮ ﻏﺪﻭﺓ ﺑﺪﺭﻱ
ﺯﻳﺎﺩ : ﺍﻭﻛﻲ ﻫﻴﺎ ﺍﻟﺒﺴﻮ ﻧﺴﺘﻨﻲ ﻓﻴﻜﻢ ...ﻭﺍﻣﺸﻲ ﺯﻳﺎﺩ ﻭﻫﻮ ﻣﻀﺎﻳﻖ
ﻣﻦ ﻣﺸﻴﺔ ﺍﻣﻴﺮﺓ ﺣﺎﺳﺲ ﺍﻧﻪ ﺭﻭﺣﻪ ﺑﺘﻤﺸﻲ ﻣﻌﺎﻫﺎ
~~~~~~~~~~~~~~~~~~~~~~~
ﻛﻤﻠﺖ ﺍﻟﻤﺼﻮﺭﺓ ﻣﻦ ﻫﻨﺎﺩﻱ ﻭﻓﺮﻳﺪ ﻭﻃﻠﻌﺖ ... ﻓﺮﻳﺪ ﻳﻀﺤﻚ :
ﻫﻬﻬﻬﻬﻬﻬﻪ ﺗﺼﺪﻗﻲ ﺍﻧﻚ ﺣﻠﻮﺓ
ﻫﻨﺎﺩﻱ : ﻗﺪﻳﻤﺔ
ﻓﺮﻳﺪ ﺟﺒﺪﻫﺎ ﻣﻦ ﺧﺼﺮﻫﺎ : ﻧﻤﻮﺕ ﻓﻲ ﺍﻟﻮﺍﺛﻖ ﻣﻦ ﻧﻔﺴﻪ
ﻫﻨﺎﺩﻱ ﺍﺭﺗﺒﻜﺖ ﻣﻦ ﺣﺮﻛﺘﻪ : ﺑﻌﺪ ﻋﻠﻴﺎ
ﻓﺮﻳﺪ ﺯﺍﺩ ﻗﺮﺏ ﻣﻨﻬﺎ ﻭﺣﻂ ﺧﺸﻤﻪ ﻋﻠﻲ ﺧﺸﻤﻬﺎ: ﺣﻼﻟﻲ ﻋﻼﺵ ﻧﺒﻌﺪ
ﻋﻠﻴﻚ
ﻫﻨﺎﺩﻱ ﺑﺼﻮﺕ ﻳﺮﺗﻌﺶ : ﻗﺘﻠﻚ ﺑﻌﺪ
ﻓﺮﻳﺪ ﺑﻌﺪ ﻋﻠﻴﻬﺎ ﻭﻫﻮ ﻳﻀﺤﻚ: ﻫﻬﻬﻬﻬﻬﻬﻪ ﻭﺍﻟﻠﻪ ﻋﺎﺭﻓﻚ ﺗﻤﻮﺗﻲ ﻓﻴﺎ
ﻏﻴﺮ ﺗﻜﺎﺑﺮﻱ
ﻫﻨﺎﺩﻱ : ﻣﺴﻜﻴﻦ ﻣﺼﺪﻕ ﺭﻭﺣﻚ
ﻓﺮﻳﺪ ﻳﻀﺤﻚ ﺑﺼﻮﺕ ﻋﺎﻟﻲ : ﻫﻬﻬﻬﻬﻬﻬﻬﻪ ﺑﺎﻫﻲ ﻳﺎﺑﻨﺖ ﺍﻟﻌﻢ
ﻫﻨﺎﺩﻱ : ﺑﺎﻫﻲ ﺍﻃﻠﻊ ﺑﻨﺒﺪﻝ
ﻓﺮﻳﺪ :: ﺍﻭﻛﻲ ﺧﻮﺩﻱ ﺭﺍﺣﺘﻚ
ﻋﺒﻴﺮ : ﻭﺍﻧﻲ ﻣﺴﺘﺤﻴﻠﺔ ﻧﻌﻴﺶ ﻣﻦ ﻏﻴﺮﻙ ﻳﺎﻋﻤﺮﻱ
ﺧﺎﻟﺪ ﺑﺎﺱ ﺇﻳﺪ ﻋﺒﻴﺮ: ﻫﻴﺎ ﻧﻮﺿﻲ ﺑﺪﻟﻲ ﺑﻨﻤﺸﻮ ﻟﻠﻤﻄﺎﺭ
ﻋﺒﻴﺮ : ﻣﻄﺎﺭ ﺷﻨﻮ ﺗﻮﺍ؟؟؟
ﺧﺎﻟﺪ : ﺍﻱ ﺣﺠﺰﺕ ﻭﺭﺣﻠﺘﻨﺎ ﺑﻌﺪ ﺳﺎﻋﺘﻴﻦ
ﻋﺒﻴﺮ : ﻛﻴﻒ ﻭﺣﺘﻲ ﺍﻫﻠﻨﺎ ﻣﺎﻗﻠﻨﺎﻟﻬﻢ
ﺧﺎﻟﺪ : ﻣﺎﺩﺍﻡ ﻭﻟﻴﺖ ﺭﺍﺟﻠﻚ ﻣﻌﺎﺵ ﻟﻴﻚ ﻋﻼﻗﺔ ﺑﺄﻫﻠﻚ
ﻋﺒﻴﺮ ﺑﺄﺑﺘﺴﺎﻣﺔ : ﺣﺎﺿﺮ ... ﻭﺍﻣﺸﺖ ﺗﺒﺪﻝ
~~~~~~~~~~~~~~~~~~~~~~~~
ﺯﻳﺎﺩ ﻟﻘﻲ ﻭﺍﺋﻞ ﺭﺍﻗﺪ ﻋﻨﺪ ﺍﻟﺸﺒﺎﺏ ﻟﺒﺮﺍ ﻓﺎﺗﺼﻞ ﺑﺄﻧﻬﺎ ﻭﻗﺎﻟﻬﺎ ﺗﻘﻮﻝ
ﻟﺮﻳﻢ ﻭﺍﻣﻬﺎ ﻳﻄﻠﻌﻮ ﻋﺸﺎﻥ ﻳﺮﻭﺡ ﺑﻴﻬﻢ ... ﻭﻃﻠﻌﺖ ﺭﻳﻢ ﻫﻲ ﻭﺍﻣﻬﺎ
ﻭﺭﻛﺒﻮ ﺑﺪﻭﻥ ﻭﻻﻛﻠﻤﺔ ...
ﺍﻣﻴﺮﺓ ﻣﺸﺖ ﻫﻲ ﻭﺧﻮﻫﺎ ﻭﺍﻣﻬﺎ ﻟﻠﻔﻴﻼ ﻋﺸﺎﻥ ﻳﺎﺧﺪﻭ ﺣﻮﺍﻳﺠﻬﻢ ﻭﻃﻠﻌﻮ
ﻋﻠﻲ ﻃﻮﻝ ...ﻭﻃﻮﻝ ﺍﻟﻄﺮﻳﻖ ﺍﻣﻴﺮﺓ ﺗﻀﺮﺏ ﻋﻠﻲ ﺯﻳﺎﺩ ﻭﻣﺎﻳﺮﺩﺵ ﻋﻠﻴﻬﺎ
.
ﺧﺎﻟﺪ ﻭﻋﺒﻴﺮ ﺟﻬﺰﻭ ﺷﻨﺎﻃﻴﻬﻢ ﻭﺍﻣﺸﻮ ﻟﻠﻤﻄﺎﺭ ﻓﻲ ﺭﺣﻠﺔ ﺷﻬﺮ ﻋﺴﻞ
ﻟﺒﺎﺭﻳﺲ ..
ﻓﺮﻳﺪ ﺧﺶ ﻟﻠﺪﺍﺭ ﻭﻟﻘﻲ ﻫﻨﺎﺩﻱ ﻣﻘﻌﻤﺰﺓ ﻉ ﺍﻟﺴﺮﻳﺮ ﻭﺷﻌﺮﻫﺎ ﺍﻣﻴﺔ ﻛﺎﻥ
ﻭﺍﺿﺢ ﻋﻠﻴﻬﺎ ﺍﻧﻬﺎ ﻭﺍﺧﺪﺓ ﺩﻭﺵ ..ﺧﺶ ﺣﺘﻲ ﻫﻮ ﺧﺪﻱ ﺩﻭﺵ ﻭﻃﻠﻊ
ﻳﻨﺸﻒ ﻓﻲ ﺷﻌﺮﻩ ﻭﻗﻌﻤﺰ ﺟﻨﺐ ﻫﻨﺎﺩﻱ ﻉ ﺍﻟﺴﺮﻳﺮ
ﻫﻨﺎﺩﻱ ﻣﻦ ﺍﻟﺘﻮﺗﺮ ﻗﻌﺪﺕ ﺗﻄﺮﺑﻖ ﻓﻲ ﺻﻮﺍﺑﻌﻬﺎ
ﻓﺮﻳﺪ : ﺑﺸﻮﻳﺔ ﺭﺍﻙ ﺗﻜﺴﺮﻳﻬﻢ
ﻫﻨﺎﺩﻱ ..............
ﻓﺮﻳﺪ ﻣﺴﻚ ﺇﻳﺪﻳﻬﺎ: ﻛﺎﻥ ﻧﻜﺴﺮﻭ ﻣﻦ ﺑﻴﻄﻴﺒﻠﻲ
ﻫﻨﺎﺩﻱ ﺑﺪﻫﺸﺔ : ﺍﻧﻲ ﻧﻄﻴﺐ !!!!!!
ﻓﺮﻳﺪ : ﺇﻣﺎﻻ ﺃﻧﻲ
ﻫﻨﺎﺩﻱ : ﺑﺲ ﺍﻧﻲ ﻣﺎﻧﻌﺮﻓﺶ ﻧﻄﻴﺐ
ﻓﺮﻳﺪ ﺑﺨﺒﺚ: ﺑﺎﻩ ﺧﻠﻴﻨﺎ ﻣﻦ ﺍﻟﺘﻄﻴﺐ ﺗﻮﺍ ﻧﺒﻴﻚ ﻓﻲ ﺣﺎﺟﺔ ﺛﺎﻧﻴﺔ
ﻫﻨﺎﺩﻱ : ﻫﺎ ......
ﻓﺮﻳﺪ : ﺍﻧﺘﻲ ﻓﺎﻫﻤﺔ ﻋﻠﻴﺎ ^_*
ﻫﻨﺎﺩﻱ : ﺍﻧﺖ ﺧﺪﻳﺘﻨﻲ ﺗﺤﺪﻱ ﻭﺧﻼﺹ ﺣﻘﻘﺖ ﻣﺮﺍﺩﻙ ... ﻏﻴﺮ ﻫﻜﻲ ﻻ
ﻓﺮﻳﺪ : ﺗﺤﺪﻱ ﺷﻨﻮ ﺑﺲ ﺗﻮﺍ
ﻫﻨﺎﺩﻱ : ﺑﻌﺪ ﻋﻠﻴﺎ
ﻓﺮﻳﺪ : ﻣﻌﻘﻮﻟﺔ ﻓﻲ ﻭﺍﺣﺪ ﻋﺎﻗﻞ ﻳﻘﺪﺭ ﻳﻘﺎﻭﻡ ﻫﺎﻟﺠﻤﺎﻝ .......ﻫﻨﺎﺩﻱ
ﺣﺎﻭﻟﺖ ﺗﻘﺎﻭﻣﻪ ﺑﺲ ﻣﺎﻗﺪﺭﺗﺶ
~~~~~~~~~~~~~~~~~~~~~~~~
ﺭﻭﺣﺖ ﺭﻳﻢ ﻟﻠﺤﻮﺵ ﺧﺪﺕ ﺩﻭﺵ ﻭﺑﺪﻟﺖ ﻭﻃﻠﻌﺖ ﻣﻦ ﺍﻟﺪﺍﺭ ﻗﺒﻞ ﻳﺠﻲ
ﺯﻳﺎﺩ ... ﻭﻣﺸﺖ ﻟﺪﺍﺭ ﺍﻟﻀﻴﻮﻑ ﻭﺧﺪﺕ ﻗﺼﺔ ﺗﻘﺮﺍ ﻓﻴﻬﺎ ﻭﺗﺘﺴﻠﻲ
ﺧﺶ ﺯﻳﺎﺩ ﻭﺍﺭﺗﻤﻲ ﻉ ﺍﻟﺴﺮﻳﺮ ﻋﻠﻲ ﻃﻮﻟﻪ ﻣﻦ ﺍﻟﺘﻌﺐ ﻭﺭﻗﺪ ... ﻭﺑﻌﺪ
ﺳﺎﻋﺔ ﻧﺎﺽ ﻣﺎﻟﻘﺎﺵ ﺭﻳﻢ ﻓﻲ ﺟﻨﺒﻪ ﻓﻘﺎﻝ ﺃﻛﻴﺪﺓ ﻓﻲ ﺩﺍﺭ ﺍﻟﻀﻴﻮﻑ
ﻭﻧﺎﺽ ﻓﺘﺢ ﺍﻟﺒﺎﺏ ﺷﺎﻓﻬﺎ ﺷﺎﺩﺓ ﺍﻟﻜﺘﺎﺏ ﻭﺟﻲ ﻗﻌﻤﺰ ﻓﻲ ﺟﻨﺒﻬﺎ: ﺷﻨﻮ
ﺗﻘﺮﻱ؟؟؟
ﺭﻳﻢ ﺑﻌﺼﺒﻴﺔ : ﻣﺎﺩﺧﻠﻜﺶ ...ﻭﺳﺎﺩ ﺍﻟﻠﻲ ﺩﺭﺗﻪ ﻓﻴﺎ ﻓﻲ ﺍﻟﻌﺮﺱ
ﺯﻳﺎﺩ ﺷﺪﻫﺎ ﻣﻦ ﺷﻌﺮﻫﺎ ﻭﻭﻗﻔﻬﺎ: ﺣﻘﺎ ﺫﻛﺮﺗﻴﻨﻲ ﺷﻦ ﻃﻠﻌﻚ ﻣﻦ ﻏﻴﺮ
ﻋﺒﺎﻳﺔ ﻟﺒﺮﺍ
ﺭﻳﻢ : ﺍﻱ ﺷﻌﺮﻱ ﺍﻃﻠﻘﻨﻲ ﺍﻃﻠﻘﻨﻲ ... ﻧﺤﺴﺎﺑﻪ ﻣﺎﻓﻲ ﺣﺪ
ﺯﻳﺎﺩ ﻃﻠﻘﻬﺎ: ﺍﺧﺮ ﻣﺮﺓ ﺍﺩﻳﺮﻱ ﻫﺎﻟﺤﺮﻛﺎﺕ ﻓﺎﻫﻤﺔ
ﺭﻳﻢ : ﻣﻌﺎﺵ ﺑﻨﺪﻳﺮﻫﻢ ﺍﺭﺿﺎﺀ ﻟﺮﺑﻲ ﻣﺶ ﻟﻴﻚ
ﺯﻳﺎﺩ ﻋﺼﺐ ﻭﺷﺪﻫﺎ ﻣﻦ ﺷﻌﺮﻫﺎ ﻣﻦ ﺟﺪﻳﺪ : ﻣﺶ ﻗﺘﻠﻚ ﻣﻌﺎﺵ ﺗﻌﺎﻧﺪﻱ
ﺭﻳﻢ ﻧﺰﻟﻮ ﺩﻣﻮﻋﻬﺎ ﻋﻠﻲ ﺧﺪﻫﺎ: ﺷﻌﺮﻱ ﻳﺎﺑﻨﻲ ﺃﺩﻡ ﺷﻌﺮﻱ
ﺯﻳﺎﺩ ﺷﺎﻑ ﺩﻣﻮﻋﻬﺎ ﻋﻠﻲ ﺧﺪﻫﺎ ﻭﺟﻌﺎﺗﻪ ﻭﻃﻠﻘﻬﺎ : ﺗﻮﺍ ﺗﺒﻜﻲ ﻭﻗﺒﻞ
ﺷﻮﻱ ﺗﻌﺎﻧﺪﻱ
ﺭﻳﻢ : ﻗﺎﻋﺪﺓ ﻋﻨﺪ ﻛﻼﻣﻲ
ﺯﻳﺎﺩ ﺭﻓﻊ ﺇﻳﺪﻩ ﺑﻴﻀﺮﺑﻬﺎ ﻛﻒ ﻭﺭﻳﻢ ﺳﻜﺮﺕ ﻋﻴﻮﻧﻬﺎ ﻃﻮﻝ ﻻﺍﺭﺍﺩﻳﺎ
ﺯﻳﺎﺩ ﺿﺤﻚ : ﺧﻔﺘﻲ؟؟؟؟
ﺭﻳﻢ ..............
ﺯﻳﺎﺩ ﻗﺮﺏ ﻣﻨﻬﺎ : ﻋﻼﺵ ﻣﺎﺗﺮﺩﻳﺶ
ﺩﻓﺎﺗﻪ ﺭﻳﻢ ﻭﻃﺎﺡ ﻉ ﺍﻟﻜﻨﺒﺔ ﻭﻣﺸﺖ ﺗﺠﺮﻱ ﻟﻠﺪﺍﺭ ﺍﻟﺜﺎﻧﻴﺔ ﻭﺳﻜﺮﺗﻬﺎ ﻋﻠﻴﻬﺎ
ﺯﻳﺎﺩ ﻗﻌﺪ ﻳﻀﺤﻚ ﻋﻠﻴﻬﺎ ﺑﻴﺮﻗﺪ ﺑﺲ ﻳﺒﻲ ﻳﺤﺮﻗﻠﻬﺎ ﺃﻋﺼﺎﺑﻬﺎ ﺷﻮﻳﺎ ﻗﺒﻞ
.... ﻭﻳﺒﻲ ﻳﻌﺬﺑﻬﺎ ﺯﻱ ﻣﺎﻫﻲ ﻣﻌﺬﺑﺎﺗﻪ ...
~~~~~~~~~~~~~~~~~~~~~~~
ﻓﺮﻳﺪ ﻧﺎﺽ ﺍﻟﺼﺒﺢ ﻣﺎﻟﻘﺎﺵ ﻫﻨﺎﺩﻱ ﻓﻲ ﺟﻨﺒﻪ ... ﻃﻠﻊ ﻟﻠﺼﺎﻟﺔ ﻟﻘﺎﻫﺎ
ﻣﻘﻌﻤﺰﺓ ﻉ ﺍﻟﻜﺮﺳﻲ ﻭﺷﺎﺩﺓ ﻣﺼﺤﻒ ﻗﺮﺁﻥ ﻭﺗﻘﺮﺍ ... ﻗﻌﻤﺰ ﻣﻘﺎﺑﻠﻬﺎ
ﻭﻳﺘﺄﻣﻞ ﻓﻲ ﻭﺟﻬﺎ ﻛﻴﻒ ﺗﻘﺮﺍ ....
ﻫﻨﺎﺩﻱ ﻛﻤﻠﺖ ﻭﺳﻜﺮﺕ ﺍﻟﻜﺘﺎﺏ .... ﻓﺮﻳﺪ : ﺷﻨﻮ ﺟﻴﻌﺎﻧﺔ؟؟؟
ﻫﻨﺎﺩﻱ ..............
ﻧﺎﺽ ﻭﻗﻌﻤﺰ ﻓﻲ ﺟﻨﺒﻬﺎ : ﺷﻮﻓﻲ ﺍﻟﺠﻮ ﻫﺎﺫﺍ ﻣﺎﻧﺤﺒﺎﺵ ... ﺍﻧﻲ ﻋﻨﺪﻱ
ﻋﻠﻴﻢ ﺣﻘﻮﻕ ﻭﺑﻨﺎﺧﺪﻫﺎ ﻭﺑﻨﻌﻄﻴﻚ ﺣﻘﻮﻗﻚ
ﻫﻨﺎﺩﻱ : ﻛﺎﻧﻚ ﻋﻠﻲ ﺣﻘﻮﻗﻲ ﺃﻧﻲ ﺍﻣﺴﻠﻤﺔ ﻓﻴﻬﻢ ﻣﻦ ﺗﻮﺍ
ﻓﺮﻳﺪ : ﻭﺍﻟﻠﻪ ﻫﺎﺫﺍ ﺷﻲ ﻳﺮﺟﻌﻠﻚ ﺑﺲ ﺃﻧﻲ ﻻ
ﻫﻨﺎﺩﻱ ﻃﺎﺭﺗﻠﻬﺎ ﻣﻨﻪ ﻭﻧﺎﺿﺖ ﺧﺸﺖ ﻟﻠﺪﺍﺭ ﻭﺳﻜﺮﺗﻬﺎ ﻭﺭﺍﻫﺎ
ﺧﺎﻟﺪ ﻭﻋﺒﻴﺮ ﻋﺎﻳﺸﻴﻦ ﺍﺣﻠﻲ ﻗﺼﺔ ﺣﺒﻔﻲ ﺑﺎﺭﻳﺲ ﻭﺭﺍﻳﺤﻴﻦ ﺯﻱ ﻋﺼﺎﻓﻴﺮ
ﺍﻟﺤﺐ .. ﻭﺧﺎﻟﺪ ﺍﻟﻠﻲ ﺗﻄﻠﺒﻪ ﻋﺒﻴﺮ ﻋﻨﺪﻩ ﺃﻭﺍﻣﺮ
ﻣﺮﻭ ﺃﺳﺒﻮﻋﻴﻦ ﻓﺮﻳﺪ ﻭﻫﻨﺎﺩﻱ ﺭﺟﻌﻮ ﻟﻠﻔﻴﻼ ﻭﻛﻞ ﻣﻦ ﻳﺴﺄﻟﻬﻢ ﻋﻼﺵ
ﻣﺎﻣﺸﻮﺵ ﺷﻬﺮ ﻋﺴﻞ ﻳﺴﺒﻞ ﻓﺮﻳﺪ ﺑﺎﻟﺸﻐﻞ ..ﻭﻃﻮﻝ ﺍﻟﻮﻗﺖ ﻓﺮﻳﺪ ﺑﺮﺍ
ﺍﻟﺤﻮﺵ ﻳﺠﻲ ﻓﻲ ﺍﻟﻠﻴﻞ ﺑﺲ ...ﻭﻫﻨﺎﺩﻱ ﺣﺎﺳﺔ ﺣﻴﺎﺗﻬﺎ ﻣﻤﻠﺔ ﺗﻐﻴﺮ ﻓﻲ
ﺟﻮﻫﺎ ﺗﻤﺸﻲ ﻟﻌﻤﺘﻬﺎ ﺍﻭ ﺍﻫﻠﻬﺎ ﻭﺧﻼﺹ
ﻭﻓﻲ ﻳﻮﻡ ﻛﺎﻧﺖ ﻫﻨﺎﺩﻱ ﻣﻘﻌﻤﺰﺓ ﻋﺎﻟﺘﻠﻔﺰﻳﻮﻥ ﻭﻣﻨﺴﺠﻤﺔ ﺧﺶ ﻓﺮﻳﺪ
ﺑﺸﻮﻳﺎ ﻣﻦ ﻭﺭﺍﻫﺎ ﻭﻋﻴﻂ : ﻭﻳﻦ ﺍﻟﻐﺪﻱ
ﻫﻨﺎﺩﻱ ﺍﻧﺨﻠﻌﺖ ﻭﺟﺖ ﻭﺍﻗﻔﺔ ...ﻓﺮﻳﺪ : ﻭﻳﻦ ﺍﻟﻐﺪﻱ؟؟؟
ﻫﻨﺎﺩﻱ : ﻃﻮﻝ ﻋﻤﺮﻙ ﺗﺘﻐﺪﻱ ﻣﻊ ﺍﻫﻠﻚ ﺷﻦ ﺻﺎﺭ ﺗﻮﺍ؟؟؟
ﻓﺮﻳﺪ ﺑﻌﺼﺒﻴﺔ : ﻣﻦ ﺍﻟﻴﻮﻡ ﻭﺭﺍﻳﺢ ﺍﻧﺘﻲ ﺑﻄﻴﺒﻲ ﺍﻟﻐﺪﻱ ﻓﺎﻫﻤﺔ
ﻫﻨﺎﺩﻱ : ﺑﺎﻫﻲ ﺑﻼ ﻋﻴﺎﻁ ﻓﻬﻤﻨﺎ ... ﻭﻃﻠﻌﺖ ﻧﺰﻟﺖ ﺗﺤﺖ ﻋﻨﺪ ﻣﺮﺕ ﻋﻤﻬﺎ
ﻣﺎﺗﺒﻴﺶ ﺗﺸﻮﻓﻪ
~~~~~~~~~~~~~~~~~~~~~~
ﺯﻳﺎﺩ ﻛﻞ ﻳﻮﻡ ﻳﻜﻠﻢ ﻓﻲ ﺃﻣﻴﺮﺓ ﻳﻘﻮﻟﻬﺎ ﻧﺮﻭﺡ ﺑﻴﻚ ﻭﻫﻲ ﺗﻘﻮﻟﻪ ﻣﺎﺯﺍﻝ
ﻭﺣﺲ ﺍﻧﻬﺎ ﻣﻀﺎﻳﻘﺔ ﻣﻦ ﺷﻲ ﻭﻣﺎﺗﺒﻴﺶ ﺗﻘﻮﻟﻪ ..ﻭﻣﻊ ﺭﻳﻢ ﻗﻌﺪ ﻳﻤﺸﻲ
ﻳﺨﺶ ﻟﺪﺍﺭ ﺧﺪﺍﻫﺎ ﻟﻴﻪ ﺑﺮﻭﺣﻪ ﻃﻮﻝ ﻳﺮﻗﺪ ﻭﻳﻄﻠﻊ ﻣﻦ ﺑﺮﺍ ﻟﺒﺮﺍ ...
ﻭﻓﻲ ﻳﻮﻡ ﻛﺎﻧﺖ ﺭﻳﻢ ﺍﺟﺎﺯﺓ ﻣﻦ ﺍﻟﻤﺪﺭﺳﺔ ﻗﺮﺭﺕ ﺗﺮﺗﺐ ﻭﺗﺒﺨﺮ
ﺍﻟﺤﻮﺵ ... ﻭﺧﺸﺖ ﻟﺪﺍﺭ ﺯﻳﺎﺩ ﺿﻤﺘﻬﺎ ﻭﺑﺨﺮﺗﻬﺎ ... ﻻﻧﻬﺎ ﻋﺎﺭﻓﺎﺗﻪ
ﻣﺎﻳﺮﻭﺣﺶ ﺍﻻ ﻓﻲ ﺍﻟﻠﻴﻞ
ﻭﺯﻳﺎﺩ ﻋﻠﻲ ﻏﻴﺮ ﻋﺎﺩﺗﻪ ﺭﻭﺡ ﺑﺪﺭﻱ ﻭﻛﺎﻥ ﺗﻌﺒﺎﻥ ﻭﻣﺮﻫﻖ ﻭﻳﺒﻲ ﻳﺮﻗﺪ
ﺧﺶ ﻟﻠﺪﺍﺭ ﻭﻛﺎﻧﺖ ﺭﻳﻢ ﻛﻴﻒ ﻃﺎﻟﻌﺔ ﻭﻣﻦ ﺍﻟﺼﺪﻣﺔ ﻭﺧﺮﺕ
ﺯﻳﺎﺩ : ﺷﻦ ﺟﺎﺑﻚ ﺍﻫﻨﻲ؟؟؟
ﺭﻳﻢ : ﻫﺎ .... ﺭﺗﺒﺖ ﺍﻟﺪﺍﺭ ﺑﺲ
ﺯﻳﺎﺩ : ﻭﻋﻼﺵ ﻣﺎﻓﻴﺶ ﺧﺪﺍﻣﺔ
ﺭﻳﻢ : ﻻ ﻓﻲ ﺑﺲ ﻧﺤﺐ ﻧﺮﺗﺐ ﺍﻟﺤﺎﺟﺔ ﺑﺮﻭﺣﻲ
ﺯﻳﺎﺩ ﺑﺨﺒﺚ : ﺑﺎﻟﻚ ﺗﻐﺎﺭﻱ ﻣﻨﻬﺎ؟؟؟
ﺭﺑﻢ : ﻭﻋﻠﻲ ﻣﻦ ﺑﻨﻐﺎﺭ ﺍﻥ ﺷﺎﺀ ﺍﻟﻠﻪ ﻭﺟﺖ ﺑﺘﻄﻠﻊ
ﺷﺪﻫﺎ ﺯﻳﺎﺩ ﻣﻦ ﺇﻳﺪﻫﺎ ﻭﺭﺩﻫﺎ ﻟﻴﻦ ﺻﺎﺭﺕ ﻗﺪﺍﻣﻪ ﻭﺳﻜﺮ ﺍﻟﺒﺎﺏ : ﻭﻳﻦ
ﻣﺎﺷﻴﺔ
ﺭﻳﻢ : ﺍﻃﻠﻘﻨﻲ ... ﻭﺍﻓﺘﺢ ﺍﻟﺒﺎﺏ ﺑﻨﻄﻠﻊ
ﺯﻳﺎﺩ : ﺍﻧﺘﻲ ﺟﺘﻴﻨﻲ ﺑﺮﻭﺣﻚ ﻫﻬﻬﻬﻬﻬﻬﻬﻬﻬﻪ ﻭﺣﻂ ﺇﻳﺪﻩ ﻋﻠﻲ ﺧﺪﻫﺎ
ﺭﻳﻢ ﺑﻌﺪﺕ ﺇﻳﺪﻩ ﺑﻌﻨﻒ: ﺑﻌﺪ ﻋﻠﻴﺎ
ﻭﺷﺪﻫﺎ ﺯﻳﺎﺩ ﻭﺭﻓﻌﻬﺎ ﻭﻫﻲ ﺗﻀﺮﺏ ﻓﻴﻪ ﻭﺗﺨﺒﻂ ﺑﺮﺟﻠﻴﻬﺎ : ﺑﻌﺪ ﻋﻠﻴﺎ ﺑﻌﺪ
ﻋﻠﻴﺎ .... ﺑﺲ ﺯﻳﺎﺩ ﻭﻻﺍﻫﺘﻢ ﻭﺩﺍﺭ ﺍﻟﻠﻲ ﻳﺒﻴﻪ
~~~~~~~~~~~~~~~~~~~~~~~~
ﺛﺎﻧﻲ ﻳﻮﻡ ﻃﻠﻌﺖ ﻧﺘﻴﺠﺔ ﺭﻳﻢ ﻭﻧﺠﺤﺖ ﻭﻛﺎﻧﺖ ﻧﺴﺒﺘﻬﺎ %97 ﺍﻣﺸﺖ
ﻻﻣﻬﺎ ﻋﺸﺎﻥ ﺗﺒﺸﺮﻫﺎ
ﺍﻡ ﺭﻳﻢ : ﺍﻟﺤﻤﺪ ﻟﻠﻪ ﻳﺎﺑﻨﺘﻲ ﻟﻜﻞ ﻣﺠﺘﻬﺪ ﻧﺼﻴﺐ
ﺭﻳﻢ : ﺍﻱ ﺍﻟﺤﻤﺪ ﻟﻠﻪ ﻭﺍﻟﻠﻪ ﺗﻌﺒﺖ ﻫﻠﺒﺎ ﺍﻳﺎﻡ ﺍﻻﻣﺘﺤﺎﻧﺎﺕ
ﺍﻡ ﺭﻳﻢ : ﺍﻟﺤﻤﺪ ﻟﻠﻪ .... ﻛﻴﻒ ﺣﺎﻝ ﺯﻳﺎﺩ ﻣﻌﺎﻙ ﻭﻋﻼﺵ ﻣﺎﺟﺎﺵ
ﺭﻳﻢ : ﻛﻮﻳﺲ ﺍﻟﺤﻤﺪ ﻟﻠﻪ ...ﻋﻨﺪﻩ ﺷﻮﻱ ﺷﻐﻞ ﻋﺸﺎﻥ ﻫﻜﻲ ﻣﺎﻳﻘﺪﺭﺵ
ﻳﺠﻲ
ﺍﻡ ﺭﻳﻢ : ﺑﺎﻩ ﺭﺑﻲ ﻳﻌﺎﻭﻧﻪ
ﺭﻭﺣﺖ ﺭﺑﻢ ﻣﻦ ﺍﻣﻬﺎ ﻣﻊ ﺍﻟﻤﻐﺮﺏ ﻭﺣﺴﺖ ﺑﻤﻠﻞ ﻓﻈﻴﻊ ﻓﻲ ﺍﻟﺤﻮﺵ
ﻓﺨﺸﺖ ﻟﻤﻜﺘﺐ ﺯﻳﺎﺩ ﻭﺧﺪﺕ ﻗﺼﺔ ﻛﺎﻟﻌﺎﺩﺓ ﻭﻗﻌﻤﺰﺕ ﺗﻘﺮﺍ ﺑﻌﺪﻳﻦ
ﺧﺪﺍﻫﺎ ﺍﻟﻨﻮﻡ ﻉ ﺍﻟﻜﻨﺒﺔ ﻭﺭﻗﺪﺕ
ﺭﻭﺡ ﺯﻳﺎﺩ ﻭﻣﻴﻒ ﺟﻲ ﺑﻴﺮﻛﺐ ﻟﺪﺍﺭﻩ ﻳﺸﺒﺢ ﻓﻲ ﺿﻲ ﺍﻟﻤﻜﺘﺐ ﻭﺍﻟﻊ
ﻓﺨﺶ ... ﻭﺷﺎﻑ ﺭﻳﻢ ﺭﺍﻗﺪﺓ ﻭﺍﻟﻜﺘﺎﺏ ﻋﻠﻲ ﺻﺪﺭﻫﺎ ﺧﺪﺍﻩ ﻭﺣﻄﻪ ﻉ
ﺍﻟﻄﺎﻭﻟﺔ ﻭﻗﺎﻣﻬﺎ ﻭﺣﻄﻬﺎ ﻓﻲ ﺳﺮﻳﺮﻫﺎ ﻭﻗﻌﺪ ﻳﺘﺄﻣﻞ ﻓﻲ ﻭﺟﻬﺎ ( ﺁﻩ
ﻳﺎﺭﻳﻢ ﻳﺎﺭﻳﺘﻨﻲ ﻣﺎﻋﺮﻓﺘﻚ ﻋﺬﺑﺘﻴﻨﻲ ﻣﻌﺎﻙ ) ﻭﻗﻌﺪ ﻳﻤﺮﺭ ﻓﻲ ﺇﻳﺪﻩ ﻋﻠﻲ
ﺧﺪﻫﺎ ﻓﺒﺪﺕ ﺗﺘﺤﺮﻙ ﺧﺎﻑ ﺗﺤﺲ ﺑﻴﻪ ﻓﺒﺎﺳﻬﺎ ﻋﻠﻲ ﺧﺪﻫﺎ ... ﻭﻃﻠﻊ
~~~~~~~~~~~~~~~~~~~~~~~~
ﻏﻴﺮ ﺩﺑﺸﻪ ﻭﺍﻣﺘﺪ ﻉ ﺍﻟﺴﺮﻳﺮ ﻭﺧﺪﻱ ﺗﻠﻴﻔﻮﻧﻪ ﻭﺍﺗﺼﻞ ﺑﺎﻣﻴﺮﺓ : ﺍﻣﻴﺮﺗﻲ
ﻭﺣﺸﺘﻴﻨﻲ
ﺍﻣﻴﺮﺓ ﺑﺒﺮﻭﺩ .: ﻭﺍﻧﺖ ﺍﻛﺜﺮ
ﺯﻳﺎﺩ : ﺍﻣﻴﺮﺓ ﺧﻴﺮﻙ ﺷﻦ ﻓﻲ؟؟؟؟
ﺍﻣﻴﺮﺓ: ﻣﺎﻓﻴﺎ ﺷﻲ
ﺯﻳﺎﺩ : ﻋﺎﺭﻓﻚ ﺍﻧﻲ ﺍﻛﻴﺪﺓ ﺯﻋﻼﻧﺔ ﻣﻦ ﺣﺎﺟﺔ
ﺍﻣﻴﺮﺓ: ﺧﻼﺹ ﻣﻌﺎﺵ ﻓﻲ ﺷﻲ ﻧﺰﻋﻞ ﻋﻠﻴﻪ
ﺯﻳﺎﺩ : ﺧﻮﻓﺘﻴﻨﻲ ﺍﻣﻴﺮﺓ ...ﻭﺑﻌﺪﻳﻦ ﺍﻣﺘﻲ ﻧﺠﻴﻚ
ﺍﻣﻴﺮﺓ: ﻭﻋﻼﺵ ﺑﺘﺠﻲ
ﺯﻳﺎﺩ : ﺑﻨﺮﻭﺡ ﺑﻴﻚ ﻃﺒﻌﺎ
ﺍﻣﻴﺮﺓ: ﺯﻳﺎﺩ ﻧﺒﻲ ﺍﻟﻄﻼﻕ ....
ﺯﻳﺎﺩ 0_0
يتبع..........
