ﻗﻄﻌﺖ ﻭﺣﺪﺓ ﻭﻗﻌﺪﺕ ﺗﺸﻢ ﻓﻴﻬﺎ ﻭﺩﻣﻮﻋﻬﺎ ﻧﺰﻟﻮ ﻻ ﺇﺭﺍﺩﻳﺎ ﺿﻤﺖ
ﺍﻟﻮﺭﺩﺓ ﻟﺼﺪﺭﻫﺎ ﻭﺍﺫﻛﺮﺕ ﺑﻮﻫﺎ ﻗﺒﻞ ﻭﻓﺎﺗﻪ ﺑﻴﻮﻣﻴﻦ ....
( ﺑﻮ ﺭﻳﻢ ﻳﺘﺴﺤﺐ ﻣﻦ ﻭﺭﺍ ﺭﻳﻢ ﻋﺸﺎﻥ ﻣﺎﺗﺸﻮﻓﻪ : ﻫﺎﺫﻱ ﺃﺣﻠﻲ ﻭﺭﺩﺓ
ﻻﺣﻠﻲ ﺭﻳﻢ ﻭﺃﻏﻠﻲ ﺑﻨﻮﺗﻪ ﻉ ﻗﻠﺐ ﺑﻮﻫﺎ ...
ﺭﻳﻢ . ﺗﻌﻨﻘﺖ ﺑﻮﻫﺎ : ﻫﻬﻬﻬﻬﻬﻬﻪ ﺑﺎﺑﺎ ﺣﺒﻴﺒﻲ ﻋﻼﺵ ﻣﺎﻗﺘﻠﻲ ﺑﺘﺠﻲ ﺍﻟﻴﻮﻡ
ﻛﻨﺎ ﺍﺳﺘﻨﻴﻨﺎﻙ ﻓﻲ ﺍﻟﻤﻄﺎﺭ
ﺑﻮ ﺭﻳﻢ ﺑﺎﺱ ﻋﻠﻲ ﺧﺪﻫﺎ : ﻗﻠﺖ ﻧﺪﻳﺮﻫﺎﻟﻚ ﻣﻔﺎﺟﺄﺓ ﻳﺎﻋﻴﻮﻥ
ﺑﺎﺑﺎ ... ﺗﻌﺎﻟﻲ ﺷﻮﻓﻲ ﺷﻦ ﺟﺒﺘﻠﻚ )
ﺯﻳﺎﺩ ﻗﻌﻤﺰ ﻉ ﺍﻟﻜﺮﺳﻲ ﻭﻗﻌﺪ ﻳﺘﻔﺮﺝ ﻋﻠﻲ ﺭﻳﻢ ﻭﻣﺴﺘﻐﺮﺏ .... ،ﺭﻳﻢ
ﻗﻠﺒﻬﺎ ﺍﻧﻌﺼﺮ ﻣﻦ ﺍﻟﺬﻛﺮﻱ ﻭﺻﺮﺧﺖ ﺑﺄﻋﻠﻲ ﺻﻮﺗﻬﺎ : ﺑﺎﺍﺍﺍﺍﺍﺍﺍﺍﺍﺍﺍﺍﺍ
ﺑﺎﺍﺍﺍﺍﺍﺍﺍﺍﺍﺍﺍ
ﺯﻳﺎﺩ ﺍﻧﺨﻠﻊ ﻭﻧﺎﺽ ﻣﻦ ﻣﻜﺎﻧﻪ ﺑﺴﺮﻋﺔ: ﺭﻳﻢ ﺷﻦ ﻓﻴﻚ؟؟؟
ﺭﻳﻢ ﺍﺭﺗﻤﺖ ﻋﻠﻲ ﺻﺪﺭﻩ ﻭﺗﺒﻜﻲ ﺑﺤﺮﻗﺔ ﻭﻫﻲ ﺗﺬﻛﺮ ﻓﻲ ﺑﻮﻫﺎ ﻭﻛﻴﻒ
ﻛﺎﻥ ﻣﺪﻟﻠﻬﺎ .... ﺯﻳﺎﺩ ﻳﻤﺴﺢ ﻋﻠﻲ ﻇﻬﺮﻫﺎ: ﺗﻲ ﺷﻦ ﺻﺎﺭﻟﻚ ﺑﺲ؟؟؟؟
ﺑﻌﺪﺕ ﺭﻳﻢ ﻋﻠﻴﻪ ﻭﻗﻌﻤﺰﺕ ﺑﻴﻦ ﺍﻟﻮﺭﻭﺩ ﻭﺍﻟﺪﻣﻮﻉ ﻣﺎﻟﻴﺔ ﺧﺪﻭﺩﻫﺎ ...
ﻗﻌﻤﺰ ﺯﻳﺎﺩ ﻣﻘﺎﺑﻠﻬﺎ: ﻳﺎﺑﻨﺖ ﺍﻟﻨﺎﺱ ﺧﻴﺮﻙ ﺷﻦ ﻓﻴﻚ؟؟؟
ﺭﻳﻢ : ﻋﻼﺵ ﺟﺒﺘﻨﻲ ﺍﻫﻨﻲ ﺗﺒﻲ ﺍﺫﻛﺮﻧﻲ؟؟؟؟
ﺯﻳﺎﺩ ﺑﺪﻫﺸﺔ : ﻧﺬﻛﺮﻙ ﺑﺸﻨﻮ ﻣﺎﻓﻬﻤﺘﺶ؟؟؟؟
ﺭﻳﻢ ﻗﻌﺪﺕ ﺗﺸﺒﺢ ﻟﻠﺤﺪﻳﻘﺔ ﺑﺤﺰﻥ : ﻫﺎﻟﻔﻴﻼ ﻣﻦ ﻭﻳﻦ ﺟﺒﺘﻬﺎ؟؟؟؟
ﺯﻳﺎﺩ ﺑﺤﻴﺮﺓ: ﺷﺮﻳﺘﻬﺎ
ﺭﻳﻢ ﺑﺤﺰﻥ : ﻫﺎﺫﻱ ﺍﻟﻔﻴﻼ ﻛﺎﻧﺖ ﻟﻴﻨﺎ
ﺯﻳﺎﺩ : ﺷﻨﻮﻭﻭﻭ؟؟؟ ﻛﻴﻒ ﺍﻧﺘﻲ ﻣﺶ ﺑﻮﻙ ﻓﻘﻴﺮ
ﺭﻳﻢ : ﻣﻦ ﻗﺎﻟﻚ؟؟؟
ﺯﻳﺎﺩ : ﻣﺎﻧﻌﺮﻓﺶ ﻫﺎﺫﺍ ﺍﻟﻠﻲ ﻧﻌﺮﻓﻪ
ﺭﻳﻢ : ﻻ ﺑﺎﺑﺎ ﻣﺎﻛﺎﻧﺶ ﻓﻘﻴﺮ ... ﻛﺎﻥ ﻋﻨﺪﻩ ﺷﺮﻛﺔ ﻛﺒﻴﺮﺓ ﻭﻛﻨﺎ ﻋﺎﻳﺸﻴﻦ
ﻓﻲ ﻧﻌﻴﻢ ﻭﺣﻴﺎﺗﻨﺎ ﺳﻌﺎﺩﺓ ﻓﻲ ﺳﻌﺎﺩﺓ ... ﺑﺲ ﻓﻲ ﻳﻮﻡ ﺟﺎﻧﺎ ﻭﻗﺎﻝ ﺍﻧﻪ
ﺃﻋﻠﻦ ﺇﻓﻼﺳﻪ ﻭﻟﻤﺎ ﺳﺄﻻﺗﻪ ﻣﺎﻣﺎ ﺷﻦ ﺍﻟﺴﺒﺐ ﻗﺎﻟﻠﻬﺎ ﺍﻥ ﻓﻲ ﻭﺍﺣﺪ
ﻧﺼﺐ ﻋﻠﻴﻪ ﻭﺧﺴﺮﻩ ﻛﻞ ﺷﻲ .. ﻭﺍﺿﻄﺮ ﻳﺒﻴﻊ ﺍﻟﺸﺮﻛﺔ ﻭﺍﻟﻔﻴﻼ ... ﻭﺑﻌﺪ
ﻳﻮﻣﻴﻦ ﻃﺎﺡ ﻋﻠﻴﻨﺎ ﻭﺩﺧﻠﻨﺎﻩ ﻟﻠﻤﺴﺘﺸﻔﻲ ﻭ ........ ﺯﺍﺩﺕ ﺭﻳﻢ ﻓﻲ
ﺍﻟﺒﻜﻲ ﻟﻴﻦ ﺻﻮﺗﻬﺎ ﺭﺍﺡ
ﺯﻳﺎﺩ ﻋﺮﻓﻬﺎ ﺑﺘﻘﻮﻝ ﻣﺎﺕ ﻓﻀﻤﻬﺎ ﻟﺼﺪﺭﻩ ﺑﺤﻨﺎﻥ : ﺍﺩﻋﻴﻠﻪ ﺑﺎﻟﺮﺣﻤﺔ ...
ﻗﻌﺪﺕ ﺭﻳﻢ ﻓﺘﺮﺓ ﻓﻲ ﺣﻀﻦ ﺯﻳﺎﺩ ﻭﺗﺒﻜﻲ ﺑﻌﺪﻳﻦ ﻫﺪﺕ ﻭﻧﺎﺿﺖ ..
ﺯﻳﺎﺩ ﻳﺒﺼﺮ : ﺧﻠﻴﺘﻲ ﺣﻮﺍﻳﺠﻲ ﻛﻠﻬﻢ ﺩﻣﻮﻉ
ﺭﻳﻢ ﺍﺑﺘﺴﻤﺖ ﺍﺑﺘﺴﺎﻣﺔ ﺣﺰﻳﻨﺔ ﻭﺧﺸﺖ ﺩﺍﺧﻞ ﻟﻠﻔﻴﻼ .. ﻭﻗﻌﺪﺕ ﺗﻐﻴﺮ ﻓﻲ
ﻣﻜﺎﻥ ﺍﻻﺛﺎﺙ
ﺯﻳﺎﺩ : ﺷﻦ ﺍﺩﻳﺮﻱ؟؟؟
ﺭﻳﻢ ﻭﺩﻣﻮﻋﻬﺎ ﻋﻠﻲ ﺧﺪﻫﺎ : ﺍﻫﻨﻲ ﻣﻜﺎﻧﻬﻢ ﺃﺣﻼ ...
ﺯﻳﺎﺩ ﺧﻼﻫﺎ ﺑﺮﺍﺣﺘﻬﺎ ﻻﻧﻪ ﻋﺎﺭﻓﻬﺎ ﻗﻠﺒﻬﺎ ﻣﻠﻴﺎﻥ ﺣﺰﻥ . ﻭﺭﻏﻢ ﺍﻧﻪ
ﻣﺎﻳﺤﺒﻬﺎﺵ ﺑﺲ ﺣﺲ ﺑﺤﻨﻴﺔ ﻭﻋﻄﻒ ﻧﺎﺣﻴﺘﻬﺎ . ﻭ ﻗﻌﺪ ﻃﻮﻝ ﺍﻟﻮﻗﺖ ﻳﻔﻜﺮ
ﻓﻲ ﺍﻟﻠﻲ ﺳﻤﻌﻪ ﻣﻦ ﺭﻳﻢ ﻭﻣﺶ ﻣﺼﺪﻕ ﻭﻗﺮﺭ ﺍﻧﻪ ﻳﺴﺄﻝ ﻋﻠﻴﻬﺎ
ﻭﻳﻌﺮﻑ ﻛﻞ ﺷﻲ ﻋﻠﻴﻬﺎ ..
~~~~~~~~~~~~~~~~~~~~~~~~
ﻓﻲ ﺍﻟﻤﺰﺭﻋﺔ .. ﺧﺸﺖ ﻏﺎﻟﻴﺔ ﻟﻼﺳﻄﺒﻞ ﻭﻛﺎﻥ ﺧﺎﻟﺪ ﻭﻓﺮﻳﺪ ﻳﻀﺤﻜﻮ
ﺑﺼﻮﺕ ﻋﺎﻟﻲ
ﻏﺎﻟﻴﺔ ﺑﺪﻟﻊ : ﺍﻟﺴﻼﻡ ﻋﻠﻴﻜﻢ
ﺧﺎﻟﺪ ﻭﻓﺮﻳﺪ : ﻋﻠﻴﻜﻢ ﺍﻟﺴﻼﻡ
ﻏﺎﻟﻴﺔ: ﺷﻦ ﺍﺩﻳﺮﻭ؟؟؟
ﻓﺮﻳﺪ : ﺯﻱ ﻣﺎﺗﺸﻮﻓﻲ
ﻏﺎﻟﻴﺔ: ﻧﺸﻮﻑ ﻓﻴﻜﻢ ﺗﻀﺤﻜﻮ ﺑﺲ
ﺧﺎﻟﺪ : ﺍﺻﻼ ﺍﺣﻨﻲ ﻣﺎﻋﻨﺪﻧﺎﺵ ﺍﻻ ﺍﻟﻀﺤﻚ
ﻋﺒﻴﺮ ﺗﺸﺒﺢ ﻓﻴﻬﻢ ﻣﻦ ﺭﻭﺷﻦ ﺍﻟﺪﺍﺭ : ﺷﻮﻓﻲ ﺍﻟﺤﻴﻮﺍﻧﺔ ﺍﻣﺸﺘﻠﻬﻢ
ﻫﻨﺎﺩﻱ ﺑﺒﺮﻭﺩ : ﻭﺍﻧﺘﻲ ﻋﻼﺵ ﺗﺤﺮﻗﻲ ﻓﻲ ﺃﻋﺼﺎﺑﻚ ﺧﺎﻟﺪ ﻭﺧﺎﻃﺒﻚ
ﻣﺎﺗﻌﺪﻟﻴﺶ ﻋﻠﻴﻬﺎ
ﻋﺒﻴﺮ ﺿﺮﺑﺘﻬﺎ ﺑﺎﻟﻤﺨﺪﺓ: ﻳﺎﻏﺒﻴﺔ ﻫﺎﺫﻱ ﻗﺎﻋﺪﺓ ﺗﺨﻄﻂ ﻋﺸﺎﻥ ﺗﺨﻄﻒ
ﻓﺮﻳﺪ
ﻫﻨﺎﺩﻱ : ﻋﺎﺩﻱ ﺑﺮﺍﺣﺘﻬﺎ
ﻋﺒﻴﺮ ﻓﺘﺤﺖ ﺍﻟﺒﺎﺏ ﻭﻃﻠﻌﺖ: ﺍﻗﻌﺪﻱ ﻓﻴﻬﺎ ﺗﺠﻴﺒﻲ ﺍﻟﻤﺮﺽ
... ﻭﻃﻠﻌﺖ ﺗﺘﻤﺸﻲ ﺷﻮﻳﺎ ﻭﻟﺤﻘﺘﻬﺎ ﻫﻨﺎﺩﻱ
ﻋﺒﻴﺮ : ﺷﻨﻮ ﻏﻴﺮﺗﻲ ﺭﺍﻳﻚ
ﻫﻨﺎﺩﻱ : ﻣﺎﻧﻘﺪﺭﺵ ﻋﻠﻲ ﺑﻌﺪﻙ ﻳﺎﺣﻨﺔ
ﻋﺒﻴﺮ ﻛﺮﺕ ﻫﻨﺎﺩﻱ ﻣﻦ ﺇﻳﺪﻫﺎ : ﺗﻌﺎﻟﻲ ﻧﻤﺸﻮﻟﻬﻢ ﻏﺎﺩﻳﻜﺎ
ﻫﻨﺎﺩﻱ ﻓﻜﺖ ﺇﻳﺪﻫﺎ : ﻭﺍﻟﻠﻪ ﺷﻦ ﺗﺒﻲ ﺧﺎﻟﺪ ﻳﺬﺑﺤﻨﻲ؟؟؟
ﻋﺒﻴﺮ : ﻗﻠﺒﻲ ﻣﺶ ﻣﻄﻤﻦ ﻣﻦ ﺍﻟﻠﻲ ﺍﺳﻤﻬﺎ ﻏﺎﻟﻴﺔ ﻫﺎﻟﻌﺶ
ﻫﻨﺎﺩﻱ : ﻫﻬﻬﻬﻬﻬﻬﻪ ﻗﻮﻟﻴﻠﻲ ﻏﻴﺮﺓ
ﺧﺎﻟﺪ ﻃﻠﻊ ﺑﻴﺠﻴﺐ ﻗﻬﻮﺓ ﻭﻟﻘﺎﻫﻢ ... ﺟﻲ ﻣﻦ ﻭﺭﺍﻫﻢ : ﻳﺎﻧﺠﻴﻠﻲ ﺍﻟﻠﻲ
ﻳﺪﻫﻮﺭﻭ ﻳﺎﺭﺑﻲ
ﻫﻨﺎﺩﻱ ﺗﻀﺤﻚ :ﺍﻧﺖ ﺷﻦ ﺟﺎﺑﻚ ﺍﻫﻨﻲ؟؟؟
ﺧﺎﻟﺪ ﻳﺄﺷﺮ ﻋﻠﻲ ﻗﻠﺒﻪ : ﻫﺬﺍ ﺟﺎﺑﻨﻲ
ﻫﻨﺎﺩﻱ : ﺑﺎﻩ ﺍﻣﺸﻲ ﺧﻴﺮ ﻣﺎﻳﺸﻮﻓﻚ ﺑﻮﻳﺎ ﻭﻋﻤﻲ
ﺧﺎﻟﺪ : ﻧﺒﻲ ﻧﺴﻤﻌﻬﺎ ﻣﻦ ﻋﺒﻴﺮ
ﻫﻨﺎﺩﻱ ﻓﺮﺣﺎﻧﺔ ﻋﻠﻲ ﺧﺎﻃﺮ ﻋﺒﻴﺮ ﻣﻨﺤﺮﺟﺔ : ﻫﻴﺎ ﻗﻮﻟﻴﻠﻪ ﻭﺭﻳﺤﻴﻨﺎ
ﻋﺒﻴﺮ ﻭﻫﻲ ﻗﺮﻳﺐ ﺗﻤﻮﺕ ﺑﺎﻟﺤﺸﻤﺔ: ﺧﻼﺹ ﺧﺎﻟﺪ ﺇﻣﺸﻲ
ﺧﺎﻟﺪ : ﺁﻩ ﻳﺎﻗﻠﺒﻲ ... ﻻ ﻻ ﺧﻼﺹ ﻗﺮﺭﺕ ﺑﻨﺘﺰﻭﺝ
ﻫﻨﺎﺩﻱ ﺩﻓﺎﺗﻪ ﻭﺗﻀﺤﻚ : ﺗﻲ ﺇﻣﺸﻲ ﺑﻼﻫﺒﺎﻝ ﻫﻬﻬﻬﻬﻬﻬﻪ
ﺍﻣﺸﻲ ﺧﺎﻟﺪ ﻭﻋﺒﻴﺮ ﺿﺮﺑﺖ ﻫﻨﺎﺩﻱ ﻋﻠﻲ ﻛﺘﻔﻬﺎ : ﻋﻼﺵ ﺗﺤﺮﺟﻲ ﻓﻴﺎ
ﻳﺎﻗﺮﺩﺓ
ﻫﻨﺎﺩﻱ : ﻫﻬﻬﻬﻬﻬﻬﻬﻪ ﻭﺟﻌﻨﻲ ﺧﻮﻳﺎ ﻭﺭﺣﻤﺘﻪ ﻭﻫﻮ ﻣﻴﺖ ﻋﻠﻲ ﺻﻮﺗﻚ
ﻳﺎﺣﻨﺔ
~~~~~~~~~~~~~~~~~~~~~~~
ﺑﻮ ﺯﻳﺎﺩ ﻭﺧﻮﻩ ﻣﻘﻌﻤﺰﻳﻦ ﻳﻬﺪﺭﺯﻭ ...ﺑﻮﻓﺮﻳﺪ : ﺗﻲ ﺍﻧﺖ ﻛﻴﻒ ﺗﻮﺍﻓﻘﻬﻢ
ﻋﻠﻲ ﻛﻼﻣﻬﻢ
ﺑﻮﺯﻳﺎﺩ : ﻣﺎﻋﺮﻓﺘﺶ ﺷﻦ ﻧﺪﻳﺮ ﻭﻣﺎﺻﺪﻗﺖ ﺍﻧﻪ ﻭﺍﻓﻖ ﻳﺘﺰﻭﺡ
ﺑﻮ ﻓﺮﻳﺪ : ﻭﺷﻦ ﺍﻟﻔﺎﻳﺪﺓ ﻳﺘﺰﻭﺝ ﻭﻣﺮﺗﻪ ﺑﻌﻴﺪﺓ ﻉ ﺍﻟﻌﺎﺋﻠﺔ .... ﺍﺗﺼﻞ ﺑﺰﻳﺎﺩ
ﻗﻮﻟﻪ ﻳﺠﻴﺐ ﻣﺮﺗﻪ ﺧﻠﻲ ﻧﺘﻌﺮﻓﻮ ﻋﻠﻴﻬﺎ
ﺑﻮ ﺯﻳﺎﺩ: ﻣﺎﻫﻮ ﺯﻳﺎﺩ ﺭﺍﻓﺾ ﻣﺎﻳﺒﻴﺶ ﻳﺰﻋﻞ ﺃﻣﻴﺮﺓ
ﺑﻮ ﻓﺮﻳﺪ ﺑﻌﺼﺒﻴﺔ : ﺷﻦ ﺑﻴﺰﻋﻠﻬﺎ؟؟؟ ﻣﺎﺩﺍﻣﻬﺎ ﻭﺍﻓﻘﺖ ﻉ ﺍﻟﺰﻭﺍﺝ ﺧﻼﺹ
..... ﺍﺗﺼﻞ ﺑﻴﻪ ﺧﻠﻲ ﻳﺠﻴﺒﻬﺎ ﻧﺘﻌﺮﻓﻮ ﻋﻠﻴﻬﺎ
ﺑﻮ ﺯﻳﺎﺩ: ﻋﻨﺪﻙ ﺣﻖ ... ﻭﺧﺪﻱ ﺍﻟﺘﻠﻴﻔﻮﻥ ﻭﺍﺗﺼﻞ ﺑﺰﻳﺎﺩ ﻭﻛﻠﻤﻪ ﻋﺸﺎﻥ
ﻳﺠﻴﺐ ﺭﻳﻢ ﻟﻠﻤﺰﺭﻋﺔ
ﺯﻳﺎﺩ : ﺷﻨﻮ؟؟؟
ﺑﻮ ﺯﻳﺎﺩ: ﺍﻟﻠﻲ ﺳﻤﻌﺘﻪ
ﺯﻳﺎﺩ : ﺍﻱ ﻳﺎﺑﻮﻱ ﺑﺲ
ﺑﻮﺯﻳﺎﺩ : ﻣﺎﺗﻜﺜﺮﺵ ﺍﻟﻜﻼﻡ ﺑﻌﺪ ﺳﺎﻋﺔ ﺗﻜﻮﻥ ﻋﻨﺪﻱ ﺍﻧﺖ ﻭﻣﺮﺗﻚ ﻧﺮﺍﺟﻲ
ﻓﻴﻜﻢ ﻉ ﺍﻟﻌﺸﻲ ﻭﺳﻜﺮ
ﺯﻳﺎﺩ ﻃﺎﺭﺗﻠﻪ ﻉ ﺍﻻﺧﺮ ﻻﻧﻪ ﻣﺎﻳﺒﻴﺶ ﻳﺰﻋﻞ ﺃﻣﻴﺮﺓ ﺳﺎﺩﻫﺎ ﺍﻧﻬﺎ ﻣﻘﻬﻮﺭﺓ
ﻋﻠﻲ ﺧﺎﻃﺮ ﺗﺰﻭﺝ ﻋﻠﻴﻬﺎ ...
~~~~~~~~~~~~~~~~~~~~~~~~~~~
ﺭﺗﺒﺖ ﺭﻳﻢ ﺍﻟﻔﻴﻼ ﻛﻴﻒ ﻣﺎﺗﺒﻲ ﻭﺑﻌﺪ ﻣﺎﻛﻤﻠﺖ ﺧﺪﺕ ﺩﺵ ﻭﻗﻌﺪﺕ ﺍﺩﻭﺭ
ﻓﻲ ﺣﺎﺟﺔ ﺗﻠﺒﺴﻬﺎ ﻋﻠﻲ ﺧﺎﻃﺮ ﺩﺑﺸﻬﺎ ﻗﻌﺪ ﻓﻲ ﺍﻟﻔﻨﺪﻕ ﻓﻔﺘﺤﺖ ﺩﻭﻻﺏ
ﺯﻳﺎﺩ ﻭﺧﺪﺕ ﺷﻮﺭﺕ ﻭﺑﺪﻱ ﻣﻨﻪ ﻭﻟﺒﺴﺘﻬﻢ ﻭﻗﻌﺪﺕ ﺗﻀﺤﻚ ﻋﻠﻲ ﺷﻜﻠﻬﺎ
ﻓﻲ ﺍﻟﻤﺮﺍﻳﺔ
ﺭﻭﺡ ﺯﻳﺎﺩ ﻟﻠﻔﻴﻼ ﻭﺭﻛﺐ ﻟﻠﺪﺍﺭ ﻟﻘﻲ ﺭﻳﻢ ﻭﺍﻗﻔﺔ ﻉ ﺍﻟﻤﺮﺍﻳﺔ ﻭﺗﺸﻮﻑ
ﻟﻤﻨﻈﺮﻫﺎ ﻓﻲ ﺍﻟﺤﻮﺍﻳﺞ
ﺯﻳﺎﺩ ﺑﻌﺼﺒﻴﺔ : ﻣﻦ ﺳﻤﺤﻠﻚ ﺗﻠﺒﺴﻲ ﺣﻮﺍﻳﺠﻲ
ﺭﻳﻢ ﺷﺎﻓﺖ ﺍﻟﺸﺮ ﻓﻲ ﻋﻴﻮﻧﻪ ﻭﺍﻧﻪ ﻧﺎﻭﻱ ﻋﻠﻲ ﻣﺸﻜﻠﺔ ﻓﺴﻜﺘﺖ
ﺯﻳﺎﺩ ﺣﻂ ﺍﻟﺤﻮﺍﻳﺢ ﻋﺬﺭ ﻭﻗﺮﺏ ﻣﻨﻬﺎ ﻭﺷﺪﻫﺎ ﻣﻦ ﺷﻌﺮﻫﺎ : ﻣﻦ ﺳﻤﺤﻠﻚ
ﺗﻤﺪﻱ ﺇﻳﺪﻙ ﻋﻠﻲ ﺣﺎﺟﺎﺗﻲ
ﺭﻳﻢ ﻭﻫﻲ ﺣﺎﺳﺔ ﺷﻌﺮﻫﺎ ﺑﻴﺘﻘﻠﻊ ﻣﻦ ﻣﻜﺎﻧﻪ: ﺍﻱ ﺍﻱ ﺷﻌﺮﻱ ﺍﻃﻠﻘﻨﻲ
ﺯﻳﺎﺩ ﺍﺭﻓﻌﻬﺎ ﻣﻦ ﺷﻌﺮﻫﺎ ﻣﻦ ﻉ ﺍﻟﻮﻃﺎ ﻭﺭﻳﻢ ﺗﻌﻴﻂ ﻭﺧﻼﺹ .. ﺑﻌﺪﻳﻦ
ﺭﻣﺎﻫﺎ ﻉ ﺍﻟﻮﻃﺎ : ﻋﻨﺪﻙ ﻋﺸﺮ ﺩﻗﺎﻳﻖ ﺗﺠﻬﺰﻱ ﻧﻔﺴﻚ ﺑﻨﻤﺸﻮ ﻟﻠﻤﺰﺭﻋﺔ
ﻓﺎﻫﻤﺔ ﻭﻃﻠﻊ
ﺭﻳﻢ ﻗﻌﻤﺰﺕ ﻭﻫﻲ ﺷﺎﺩﺓ ﺷﻌﺮﻫﺎ ﻣﻦ ﺍﻟﻮﺟﻊ ﻭﺗﺒﻜﻲ .... ﺷﻮﻳﺎ ﻭﺭﺟﻊ
ﺯﻳﺎﺩ ﻭﻟﻘﺎﻫﺎ ﺗﺒﻜﻲ: ﻫﻴﺎ ﺷﻦ ﻗﻠﺖ ﺃﻧﻲ
ﺭﻳﻢ ﺑﺨﻮﻑ : ﻣﺎﻋﻨﺪﻳﺶ ﻣﺎﻧﻠﺒﺲ
ﻧﺰﻝ ﺯﻳﺎﺩ ﻭﺟﺎﺏ ﺷﻨﻄﺔ ﻭﺭﻣﺎﻫﺎ ﻉ ﺍﻟﻮﻃﺎ : ﺍﻫﻢ ﺣﻮﺍﻳﺠﻚ ﻫﻴﺎ ﺍﻟﺒﺴﻲ
ﻭﺑﺴﺮﻋﺔ ﻧﺴﺘﻨﻲ ﻓﻴﻚ ﻓﻲ ﺍﻟﺴﻴﺎﺭﺓ
ﻗﻌﺪﺕ ﺭﻳﻢ ﺗﺪﻭﺭ ﻋﻠﻲ ﺣﺎﺟﺔ ﺗﻠﺒﺴﻬﺎ ﻭﺗﺒﻜﻲ ﺑﻌﺪﻳﻦ ﻟﺒﺴﺖ ﻗﻔﻄﺎﻥ
ﻣﺴﺘﻮﺭ ﻋﻠﻲ ﺧﺎﻃﺮ ﻣﺶ ﻋﺎﺭﻓﺔ ﺍﺫﺍ ﻛﺎﻥ ﻓﻲ ﻧﺎﺱ ﻓﻲ ﺍﻟﻤﺰﺭﻋﺔ ﺍﻭ
ﻻ .... ﻭﺟﺖ ﺑﺘﻤﺸﻂ ﺷﻌﺮﻫﺎ ﻣﺎﻗﺪﺭﺗﺶ ﻣﻦ ﺍﻟﻮﺟﻊ ﺧﻼﺗﻪ ﻣﻔﺘﻮﺡ
ﻭﺧﻼﺹ ... ﻭﻧﺰﻟﺖ
ﺯﻳﺎﺩ ﺷﺎﻓﻬﺎ ﻧﺎﺯﻟﺔ ﻣﻦ ﻏﻴﺮ ﺷﻨﻄﺘﻬﺎ: ﺟﻴﺒﻲ ﺷﻨﻄﺔ ﺣﻮﺍﻳﺠﻚ ﺑﻨﻄﻮﻟﻮ
ﻏﺎﺩﻳﻜﺎ
ﺭﻛﺒﺖ ﺭﻳﻢ ﺑﺨﻮﻑ : ﺣﺎﺿﺮ .... ﻭﺟﺎﺑﺖ ﺣﻮﺍﻳﺠﻬﺎ ﻭﺭﻛﺒﺖ ﺍﻟﺴﻴﺎﺭﺓ ﻭﻛﺎﻥ
ﺍﻟﺼﻤﺖ ﺳﻴﺪ ﺍﻟﻤﻮﻗﻒ ﺑﻴﻨﻬﻢ
~~~~~~~~~~~~~~~~~~~~~~~
ﻓﻲ ﺍﻟﻤﺰﺭﻋﺔ ﺍﻟﺒﻨﺎﺕ ﻣﺠﺘﻤﻌﺎﺕ ﻭﻣﻘﻌﻤﺰﺍﺕ ﻳﻬﺪﺭﺯﻭ ..ﻫﻨﺎﺩﻱ : ﺷﻦ
ﺭﺍﻳﻜﻢ ﻧﻠﻌﺒﻮ ﻭﺑﻴﺲ؟؟؟
ﺃﻣﻴﺮﺓ: ﻓﻜﺮﺓ ﺣﻠﻮﺓ
ﺑﺪﻭ ﺍﻟﺒﻨﺎﺕ ﺃﻭﻝ ﺷﻲ ﺑﻬﻨﺎﺩﻱ ﻫﻲ ﺍﻟﻠﻲ ﺗﻌﺪ ﻭﻫﻤﺎ ﻳﻬﺮﺑﻮ ... ﻣﺴﻜﺘﻬﻢ
ﻫﻨﺎﺩﻱ ﺑﺎﻟﻮﺣﺪﺓ ﺑﺲ ﻗﻌﺪﺕ ﺃﻣﻴﺮﺓ ﺑﺲ ﻣﺎﻟﻘﺘﻬﺎﺵ
ﻋﺒﻴﺮ : ﻭﻭﻩ ﻳﺎﺩﻋﻮﺓ ﺑﺴﺮﻋﺔ ﻟﻘﺘﻴﻨﺎ
ﻫﻨﺎﺩﻱ : ﻗﻮﻟﻲ ﻣﺎﺷﺎﺀ ﺍﻟﻠﻪ ﺗﻮ ﺗﻌﻄﻴﻨﻲ ﺑﻌﻴﻦ ﻫﻬﻬﻬﻬﻬﻪ
ﺩﺍﻧﺔ : ﺧﻠﻴﻬﺎ ﺗﻌﻄﻴﻬﻠﻚ ﻋﺸﺎﻥ ﻣﺎﺗﻠﻘﻴﺶ ﺃﻣﻴﺮﺓ ..ﺑﻨﻤﺸﻲ ﻧﺸﺮﺏ ﺍﻣﻴﺔ ﺗﻮ
ﻧﺠﻲ
ﻏﺎﻟﻴﺔ: ﺭﺍﺟﻲ ﺑﻨﻤﺸﻲ ﻣﻌﺎﻙ
ﻫﻨﺎﺩﻱ : ﺍﻣﻤﻤﻤﻤﻢ ﻣﻨﻴﻦ ﺑﻨﺒﺪﺍ ﺯﻋﻤﺎ ﻋﺸﺎﻥ ﻧﻠﻘﻲ ﺃﻣﻴﺮﺓ .
ﻋﺒﻴﺮ ﺑﻤﻜﺮ : ﺍﻧﻲ ﺷﻔﺘﻬﺎ ﻋﻘﻠﺖ ﻓﻲ ﺩﺍﺭ ﻓﺮﻳﺪ ﻧﺒﺪﺭﻱ
ﻫﻨﺎﺩﻱ ﻣﺶ ﻣﺼﺪﻗﺔ : ﺗﻜﺬﺑﻲ ﻋﺎﺭﻓﺘﻚ
ﻋﺒﻴﺮ : ﺍﻧﺘﻲ ﺑﺮﻱ ﺷﻮﻓﻴﻬﺎ ﺷﻦ ﺧﺎﺳﺮﺓ؟؟؟
ﻫﻨﺎﺩﻱ : ﻻ ﻻ ﺑﺎﻟﻚ ﻓﺮﻳﺪ ﻗﺎﻋﺪ ﻓﻲ ﺍﻟﺪﺍﺭ
ﻋﺒﻴﺮ : ﻻ ﻻ ﻭﻳﻦ ﻓﻴﻬﺎ ...ﻓﺮﻳﺪ ﺍﻣﺸﻲ ﻟﻠﻤﺤﻞ ﺑﻴﺠﻴﺐ ﺣﺎﺟﺎﺕ
ﻫﻨﺎﺩﻱ ﺻﺪﻗﺘﻬﺎ ﻭﻣﺸﺖ ﻟﺪﺍﺭ ﻓﺮﻳﺪ ﻭﺧﺸﺖ ﻭﺳﻜﺮﺕ ﺍﻟﺒﺎﺏ ﻭﻗﺮﺑﺖ ﻣﻦ
ﺍﻟﺴﺮﻳﺮ ﻭﺣﻮﻟﺖ ﺍﻟﻐﻄﺎ ﻭﻫﻲ ﺗﻀﺤﻚ : ﻣﺴﻜﺘﻚ
ﻓﺮﻳﺪ ﺍﻧﺼﺪﻡ ﻭﺑﻴﺤﻮﻝ ﺍﻟﻐﻄﺎ ﺑﺲ ﻫﻨﺎﺩﻱ ﻣﺜﺒﺘﺎﺗﻪ ﻋﻠﻲ ﻭﺟﻪ : ﺗﺤﺴﺎﺑﻴﻨﻲ
ﻣﺶ ﺣﻨﺪﻭﺭﻙ ﺍﻫﻨﻲ ﻫﻬﻬﻬﻬﻬﻬﻬﻬﻬﻪ
ﻓﺮﻳﺪ ﻃﻠﻊ ﺇﻳﺪﻩ ﻣﻦ ﺗﺤﺖ ﺍﻟﻐﻄﺎ ﻭﺷﺪ ﺇﻳﺪﻳﻦ ﻫﻨﺎﺩﻱ ﻭﻫﻲ
ﺍﺳﺘﻐﺮﺑﺖ ...ﻭﻗﻌﻤﺰ ﻭﻃﺎﺡ ﺍﻟﻐﻄﺎ ﻣﻦ ﻋﻠﻲ ﻭﺟﻪ: ﺷﻦ ﺩﺧﻠﻚ ﻟﺪﺍﺭﻱ
ﺍﻧﺘﻲ
ﻫﻨﺎﺩﻱ 0_0: ﺍﻃﻠﻘﻨﻲ ... ﻛﻨﺖ ﻧﺪﻭﺭ ﻓﻲ ﺃﻣﻴﺮﺓ
ﻓﺮﻳﺪ ﺑﻌﺼﺒﻴﺔ : ﻣﺶ ﻋﻠﻴﺎ ﻫﺎﻟﻄﺮﻭﺡ ﺭﺍﻩ
ﻫﻨﺎﺩﻱ ﻋﻴﻮﻧﻬﺎ ﺗﻌﺒﻮ ﺩﻣﻮﻉ ﻭﻃﻠﻌﺖ ﻣﻦ ﺍﻟﺪﺍﺭ ﺭﻛﺒﺖ ﻟﺪﺍﺭﻫﺎ ﻃﻮﻝ ...
ﻋﺒﻴﺮ ﺣﺴﺖ ﺍﻥ ﻫﻨﺎﺩﻱ ﺗﺄﺧﺮﺕ ﻓﻤﺸﺖ ﻟﺪﺍﺭ ﻓﺮﻳﺪ ﻟﻘﺎﺗﻪ ﻣﻤﺪﻭﺩ ﻉ
ﺍﻟﺴﺮﻳﺮ : ﻭﻳﻦ ﻫﻨﺎﺩﻱ؟؟؟
ﻓﺮﻳﺪ : ﻣﺎﻧﻌﺮﻓﺶ ﻛﺎﻧﺖ ﺍﻫﻨﻲ ﺗﺤﺴﺎﺑﻨﻲ ﻧﺤﺐ ﻫﺎﻟﺤﺮﻛﺎﺕ
ﻋﺒﻴﺮ : ﺣﺮﻛﺎﺕ ﺷﻨﻮ ﺣﺮﺍﻡ ﻋﻠﻴﻚ ﺍﻧﻲ ﺑﻌﺘﻬﺎ ﻗﺘﻠﻬﺎ ﺃﻣﻴﺮﺓ
ﺍﻫﻨﻲ ...ﻧﺤﺴﺎﺑﻚ ﻣﺴﻜﺮ ﺩﺍﺭﻙ ﺑﺎﻟﻤﻔﺘﺎﺡ ﻛﺎﻟﻌﺎﺩﺓ ﻗﻠﺖ ﺧﻠﻲ ﺍﺩﻕ ﻋﻠﻴﻚ
ﻭﺗﺰﻋﺠﻚ
ﻓﺮﻳﺪ : ﻣﻌﺎﺵ ﺗﺒﺮﺭﻳﻠﻬﺎ ... ﻫﺎﺫﻱ ﻭﺣﺪﺓ ﺗﺒﻲ ﺗﺮﺑﻴﺔ ﻣﻦ ﺟﺪﻳﺪ>_<
ﻃﻠﻌﺖ ﻋﺒﻴﺮ ﻭﺩﻣﻮﻋﻬﺎ ﻓﻲ ﻋﻴﻮﻧﻬﺎ ﻣﻦ ﺧﻮﻫﺎ ﻭﺍﻣﺸﺖ ﻟﻠﺪﺍﺭ ﺑﺘﺸﻮﻑ
ﻫﻨﺎﺩﻱ ﻟﻘﺘﻬﺎ ﺗﺒﻜﻲ
ﻋﺒﻴﺮ : ﻫﻨﻮ ﺧﻼﺹ ﻣﺎﺗﺒﻜﻴﺶ
ﻫﻨﺎﺩﻱ : ﺷﻔﺘﻲ ﺧﻮﻙ ﺷﻦ ﻗﺎﻟﻲ ﻭﺣﻜﺘﻠﻬﺎ ﻛﻞ ﺷﻲ
ﻋﺒﻴﺮ : ﺗﻮ ﻛﻠﻤﺘﻪ ﻗﺎﻟﻲ ﻧﺒﺼﺮ ﻋﻠﻴﻬﺎ
ﻫﻨﺎﺩﻱ ﺗﻤﺴﺢ ﻓﻲ ﺩﻣﻮﻋﻬﺎ: ﺣﻘﺎ ؟؟؟
ﻋﺒﻴﺮ ( ﻳﺎﺭﺏ ﺳﺎﻣﺤﻨﻲ) : ﺍﻱ ﺣﻘﺎ .... ﻫﻴﺎ ﻧﻮﺿﻲ ﺧﻠﻲ ﻧﻨﺰﻟﻮ ﻟﻠﺒﻨﺎﺕ
ﻗﺎﻋﺪﺍﺕ ﻓﻲ ﺍﻟﻤﻄﺒﺦ
ﻫﻨﺎﺩﻱ : ﺍﻭﻛﻲ ....ﻭﻧﺰﻟﻮ ﻟﻠﻤﻄﺒﺦ ﻟﻘﻮ ﺍﻟﺒﻨﺎﺕ ﻣﺠﺘﻤﻌﺎﺕ ﻭﻳﻬﺪﺭﺯﻭ
ﺧﺸﺖ ﻋﻠﻴﻬﻢ ﺍﻡ ﺯﻳﺎﺩ : ﻭﺗﻲ ﺭﻭﺣﻜﻢ ﺑﻴﺠﻮﻧﺎ ﺿﻴﻮﻑ
ﻫﻨﺎﺩﻱ : ﺿﻴﻮﻑ ﻣﻨﻮ؟؟؟
ﺍﻡ ﺯﻳﺎﺩ ﺑﺘﺮﺩﺩ ﻭﻫﻲ ﺗﺸﺒﺢ ﻻﻣﻴﺮﺓ : ﺯﻳﺎﺩ ﻭﻣﺮﺗﻪ
ﻧﺰﻟﺖ ﻫﺎﻟﻜﻠﻤﺔ ﺗﻘﻮﻝ ﺳﻴﻒ ﻋﻠﻲ ﺃﻣﻴﺮﺓ ﻭﻃﺎﺣﺖ ﻣﻦ ﻃﻮﻟﻬﺎ ..ﺷﺪﺗﻬﺎ
ﻫﻨﺎﺩﻱ : ﺃﻣﻴﺮﺓ ﺃﻣﻴﺮﺓ
ﺑﺨﺘﻬﺎ ﺍﻡ ﺯﻳﺎﺩ ﺑﻤﻴﺔ: ﺍﻣﻴﺮﺓ ﺍﺑﻨﻴﺘﻲ ﺷﻦ ﺟﺎﻙ
ﻓﺘﺤﺖ ﺃﻣﻴﺮﺓ ﻋﻴﻮﻧﻬﺎ ﻭﺍﻟﺪﻣﻮﻉ ﺑﺪﻭ ﻳﻨﺰﻟﻮ . ﻓﺤﻀﻨﺘﻬﺎ ﻫﻨﺎﺩﻱ : ﺍﻣﻮﺭﺓ
ﻣﻌﺎﺵ ﺗﺒﻜﻲ ﺍﻧﺘﻲ ﻋﺎﺭﻓﺔ ﻫﺎﻟﺰﻭﺍﺝ ﺷﻦ ﺳﺒﺒﻪ
ﺍﻣﻴﺮﺓ: ﻣﺎﺣﺪﺵ ﺣﺎﺱ ﺑﺎﻟﻨﺎﺭ ﺍﻟﻠﻲ ﻓﻴﺎ
ﺍﻡ ﺯﻳﺎﺩ : ﻛﺎﻥ ﺍﻧﺘﻲ ﺗﺤﺒﻲ ﺯﻳﺎﺩ ﻓﻌﻼ ﻣﺎﺗﺤﺮﻗﻴﺶ ﻗﻠﺒﻪ ﺑﺪﻣﻮﻋﻚ ...
ﻻﻧﻚ ﻋﺎﺭﻓﺔ ﺳﺒﺐ ﺯﻭﺍﺟﻪ ﻳﺒﻲ ﺣﺪ ﻳﺤﻤﻞ ﺍﺳﻤﻪ ﻭﻳﺸﻴﻞ ﻋﻨﻪ ﺍﻟﺤﻤﻞ ﺑﻌﺪ
ﻳﻜﺒﺮ ...ﻭﺑﻌﺪﻳﻦ ﺯﻳﺎﺩ ﻳﺤﺒﻚ ﻭﻗﻠﺒﻪ ﻟﻴﻚ ﻭﺍﻧﺘﻲ ﺗﻘﺪﺭﻱ ﺗﺨﻠﻴﻪ ﻣﺎﻳﺸﻮﻑ
ﻟﻐﻴﺮﻙ ﺣﺘﻲ ﻟﻮ ﺗﺰﻭﺝ ﺛﻼﺛﺔ ﻣﺶ ﻭﺣﺪﺓ
ﺃﻣﻴﺮﺓ ﺣﻀﻨﺖ ﺧﺎﻟﺘﻬﺎ ﻭﺗﺒﻜﻲ ...ﻭﺍﻟﺒﻨﺎﺕ ﻛﻠﻬﻢ ﻗﻌﺪﻭ ﻳﺒﻜﻮ ﻣﻌﺎﻫﺎ
ﻭﻭﺍﺟﻌﺘﻬﻢ
~~~~~~~~~~~~~~~~~~~~~~~~~~
ﺧﺶ ﺯﻳﺎﺩ ﻟﻠﻤﺰﺭﻋﺔ ﻭﺩﺭﺱ ﺍﻟﺴﻴﺎﺭﺓ ﻭﻗﺒﻞ ﻣﺎﻳﻨﺰﻝ ﻳﻬﺪﺩ ﻓﻲ ﺭﻳﻢ :
ﺗﻌﺮﻓﻲ ﺗﺘﻌﺮﺿﻲ ﻻﻣﻴﺮﺓ ﺣﺘﻲ ﺑﻜﻠﻤﺔ ﻧﻬﺎﺭﻙ ﺗﻀﺮﺑﻚ ﺣﺘﻲ ﺍﻟﻀﺮﺏ
ﻣﺎﺗﺮﻓﻌﻲ ﻋﻴﻨﻚ ﻓﻴﻬﺎ ﻓﺎﻫﻤﺔ
ﺭﻳﻢ : ﺣﺎﺿﺮ
ﺯﻳﺎﺩ : ﻫﻴﺎ ﺍﻧﺰﻟﻲ ...ﻭﺧﺒﻂ ﺍﻟﺒﺎﺏ ﻭﻓﺘﺤﺘﻠﻪ ﺍﻣﻪ
ﺍﻡ ﺯﻳﺎﺩ : ﻫﻼ ﻫﻼ ﺍﻧﺴﺘﻮ
ﺯﻳﺎﺩ ﺑﺎﺱ ﺭﺍﺱ ﺃﻣﻪ : ﻫﻼ ﺑﺎﻟﻐﺎﻟﻴﺔ ... ﻫﺎﺫﻱ ﺃﻣﻲ ﻳﺎﺭﻳﻢ
ﺭﻳﻢ : ﻫﻼ ﺧﺎﻟﺘﻲ
ﺍﻡ ﺯﻳﺎﺩ : ﺍﻫﻠﻴﻦ ﺑﻴﻚ ﺍﺑﻨﻴﺘﻲ ﺧﺸﻲ ﺧﺸﻲ ... ﺗﻮ ﻧﻤﺸﻲ ﺍﻧﺎﺩﻱ ﺍﻟﺒﻨﺎﺕ
ﻭﺧﺸﺖ ﺭﻳﻢ ﻭﻗﻠﻌﺖ ﻋﺒﺎﻳﺘﻬﺎ ﻭﻛﺎﻥ ﺍﻟﻘﻔﻄﺎﻥ ﻃﺎﻟﻊ ﻋﻠﻲ ﺟﺴﻤﻬﺎ
ﻳﻬﺒﻞ ... ﺷﺎﻑ ﺯﻳﺎﺩ ﺍﺑﺘﺴﻢ ﻭﻗﺮﺏ ﻣﻨﻬﺎ : ﺷﻨﻮ ﻫﺎﻟﻄﺮﺣﺎﺕ ﻗﺼﺪﻙ
ﺗﺤﺴﺎﺑﻲ ﺭﻭﺣﻚ ﺑﻄﻴﺤﻴﻨﻲ ﺑﻬﺎﻟﻠﺒﺲ
ﺟﺖ ﺭﻳﻢ ﺑﺘﺮﺩ ﻋﻠﻴﻪ ﺣﻂ ﺯﻳﺎﺩ ﺻﺒﻌﻪ ﻋﻠﻲ ﻓﻤﻬﺎ : ﺍﺻﺼﺼﺺ ﻭﻻ ﻛﻠﻤﺔ
ﺭﻳﻢ ﻣﻦ ﻏﻴﻀﻬﺎ ﻋﻀﺎﺗﻪ ﻓﻲ ﺻﺒﻌﻪ
ﺯﻳﺎﺩ : ﺍﺣﻴﻴﻴﻪ ﺷﻜﻠﻚ ﻣﺎﺯﺍﻝ ﻣﺎﺗﺮﺑﻴﺘﻴﺶ ﺍﻧﺘﻲ ... ﻋﻠﻲ ﺧﺸﺖ ﻫﻨﺎﺩﻱ
ﻓﺒﻌﺪ ﺯﻳﺎﺩ ﻋﻠﻲ ﺭﻳﻢ
ﻫﻨﺎﺩﻱ : ﺍﻫﻠﻴﻦ ﺯﻳﺎﺩ ... ﻭﺷﺒﺤﺖ ﻟﺮﻳﻢ ( ﺭﺑﻲ ﻳﻌﻴﻨﻚ ﻳﺎﺃﻣﻴﺮﺓ ﺍﻟﺒﻨﺖ
ﺣﻠﻮﺓ .. ﺭﺑﻲ ﻳﺼﺒﺮﻙ )
ﺷﻮﻳﺎ ﻭﺧﺸﻮ ﺑﺎﻗﻲ ﺍﻟﺒﻨﺎﺕ ﻭﻗﻌﺪ ﺯﻳﺎﺩ ﻳﻌﺮﻑ ﻓﻴﻬﻢ ﻋﻠﻲ
ﺭﺑﻢ ...ﻭﺑﻌﺪﻳﻦ ﺳﺄﻟﻬﻢ : ﺃﻣﻴﺮﺓ ﻭﻳﻦ؟؟؟
ﺧﺸﺖ ﺃﻣﻴﺮﺓ ﺑﺪﻟﻊ: ﻗﺎﻋﺪﺓ ﺃﻣﻴﺮﺓ
ﺯﻳﺎﺩ : ﻫﻼ ﻭﻏﻼ ﺑﺄﻣﻴﺮﺗﻲ ﺗﻌﺎﻟﻲ ﻗﻌﻤﺰﻱ ﻓﻲ ﺟﻨﺒﻲ
ﺭﻳﻢ ﺗﺸﺒﺤﻠﻬﻢ ﻭﻫﻲ ﺷﺎﻳﻔﺔ ﺍﻟﺸﻮﻕ ﻭﺍﻟﺤﺐ ﻓﻲ ﻋﻴﻮﻧﻬﻢ ... ﻭﺃﻣﻴﺮﺓ
ﺗﺸﺒﺢ ﻟﺮﻳﻢ ﺑﺤﻘﺪ ﻭﻏﻞ ﻭﺍﺿﺢ ﻭﺍﻟﻜﻞ ﻣﻼﺣﻆ ﻫﺎﻟﺸﻲ ...ﺗﻌﺸﻮ
ﺍﻟﻨﺴﻮﺍﻳﺒﻦ ﻣﻊ ﺑﻌﺾ ﻭﻃﻠﻊ ﺯﻳﺎﺩ ﻟﻠﺸﺒﺎﺏ ﻟﺒﺮﺍ
ﻭﻗﺖ ﺍﻟﻨﻮﻡ ﺍﺣﺘﺎﺭ ﺯﻳﺎﺩ ﻭﻳﻦ ﺑﻴﻤﺸﻲ ﺑﺲ ﻗﺮﺭ ﻳﺮﻗﺪ ﻋﻨﺪ ﺣﺒﻴﺒﺔ ﻗﻠﺒﻪ
ﺃﻣﻴﺮﺓ ... ﻭﺭﻳﻢ ﺭﻗﺪﺕ ﺑﺮﻭﺣﻬﺎ ﺑﻌﺪ ﻣﺎﻭﺭﺗﻬﺎ ﺍﻡ ﺯﻳﺎﺩ ﺟﻨﺎﺣﻬﺎ ﺍﻟﺨﺎﺹ ﻓﻲ
ﺍﻟﻔﻴﻼ
~~~~~~~~~~~~~~~~~~~~~~
ﻓﻲ ﺍﻟﺼﺒﺢ ﻧﺎﺿﺖ ﺭﻳﻢ ﺑﺪﺭﻱ ﻭﻧﺰﻟﺖ ﺗﺤﺖ ﻟﻠﻤﺰﺭﻋﺔ ﻭﺗﺘﺪﻫﻮﺭ ﺑﻴﻦ
ﺍﻟﺸﺠﺮ ﻭﻓﺠﺄﺓ ﺳﻤﻌﺖ ﺻﻮﺕ ﻛﻠﺐ ﻭﺍﻭﻝ ﻣﺎﺷﺎﻓﺎﺗﻪ ﻗﻌﺪﺕ ﺗﺠﺮﻱ
ﻭﺗﻌﻴﻂ ﻭﻫﻮ ﻳﺠﺮﻱ ﻓﻲ ﺟﺮﺗﻬﺎ
ﺯﻳﺎﺩ ﻛﺎﻥ ﻧﺎﻳﺾ ﻭﻣﻘﻌﻤﺰ ﻓﻲ ﺍﻟﻤﻄﺒﺦ ﻳﺸﺮﺏ ﻓﻲ ﻗﻬﻮﺓ ﻭﺳﻤﻊ
ﺍﻟﻌﻴﺎﻁ ﻃﻠﻊ ﻣﻦ ﺍﻟﺒﺎﺏ ﺍﻟﺨﺎﺭﺟﻲ .. ﺭﻳﻢ ﻭﺷﺎﺣﻬﺎ ﻃﺎﺡ ﻣﻦ ﻋﻠﻲ ﺭﺍﺳﻬﺎ
ﻭﺷﻌﺮﻫﺎ ﻳﻄﺎﻳﺮ ﻓﻲ ﺍﻟﻬﻮﺍﺀ ﻭﻫﻲ ﺗﺠﺮﻱ ﻭﺗﺒﻜﻲ
ﺯﻳﺎﺩ ﻭﺍﻗﻒ ﻳﺸﺒﺤﻠﻬﺎ ﻭﻳﻀﺤﻚ ﻋﻠﻴﻬﺎ ... ﺭﻳﻢ ﺷﺎﻓﺎﺗﻪ ﻳﺸﺒﺤﻠﻬﺎ : ﻗﻮﻝ
ﻟﻜﻠﺒﻜﻢ ﻳﺴﻴﺒﻨﻲ
ﺯﻳﺎﺩ ﻗﻌﺪ ﻳﻀﺤﻚ ﺑﺼﻮﺕ ﻋﺎﻟﻲ ﻋﻠﻲ ﻛﻼﻣﻬﺎ ...ﺭﻳﻢ ﺟﺮﺕ ﺟﻴﻬﺘﻬﺎ ﻟﻴﻦ
ﻭﺻﻠﺖ ﻓﻴﻪ ﻭﺗﺨﺒﺖ ﻭﺭﺍﻩ
ﺯﻳﺎﺩ ﻟﺰ ﺍﻟﻜﻠﺐ ﻭﻳﻀﺤﻚ: ﻳﺎﺭﺑﺘﻪ ﻛﺎﻥ ﻋﻨﺪﻱ ﻛﺎﻣﻴﺮﺍ ﻭﺻﻮﺭﺗﻚ
ﻫﻬﻬﻬﻬﻬﻬﻬﻪ
ﺭﻳﻢ ﺩﺍﻫﺸﺔ : ﻳﺎﻣﺎﻣﺎ ﺧﻮﻓﻨﻲ ﻛﻠﺒﻜﻢ
ﺯﻳﺎﺩ ﺣﻂ ﺇﻳﺪﻩ ﻋﻠﻲ ﻗﻠﺒﻬﺎ : ﻗﻠﺒﻚ ﺑﻴﻄﻠﻊ ﻣﻦ ﻣﻜﺎﻧﻪ ﻫﻬﻬﻬﻬﻬﻬﻬﻬﻬﻪ ... ﻭ
ﺭﺑﻢ ﻛﺎﻧﺖ ﻓﻲ ﻋﺎﻟﻢ ﺛﺎﻧﻲ ﻭﺯﻳﺎﺩ ﻗﺮﻳﺐ ﻣﻨﻬﺎ ﻭﺗﺸﺒﺤﻠﻪ ﺑﺤﺐ ﻭﺗﺘﻤﻨﻲ
ﺍﻧﻪ ﻳﺤﺲ ﺑﻴﻬﺎ ﻭﺑﺤﺒﻬﺎ ﻟﻴﻪ .
ﺭﻳﻢ ﺿﺮﺑﺎﺗﻪ ﻋﻠﻲ ﺇﻳﺪﻩ : ﺣﻀﺮﺗﻚ ﻓﺮﺣﺎﻥ ... ﻋﺎﺭﻓﺘﻚ ﻛﻨﺖ ﺗﺒﻴﻪ ﻳﺎﻛﻠﻨﻲ
ﻭﺗﻔﺘﻚ ﻣﻨﻲ
ﺯﻳﺎﺩ : ﻣﻦ ﻗﺎﻟﻚ؟؟؟
ﺭﻳﻢ : ﻧﻌﺮﻑ ﺍﻧﻚ ﻣﺶ ﻃﺎﻳﻘﻨﻲ
ﺯﻳﺎﺩ : ﺍﻧﺘﻲ ﺷﻲ ﻣﻔﺮﻭﺽ ﻋﻠﻴﺎ
ﺭﻳﻢ ﻗﻌﻤﺰﺕ ﻉ ﺍﻟﻜﺮﺳﻲ: ﺯﻳﺎﺩ ﺧﻠﻴﻨﺎ ﻧﺘﻜﻠﻤﻮ ﺑﺼﺮﺍﺣﺔ ..ﻣﺎﺩﺍﻡ ﻣﺎﺗﺒﻴﻨﻲ
ﻋﻼﺵ ﺧﺪﻳﺘﻨﻲ ﻋﻼﺵ ﻣﺎﺧﺪﻳﺖ ﻭﺣﺪﺓ ﻣﻦ ﻣﺴﺘﻮﺍﻙ
ﺯﻳﺎﺩ : ﻋﺸﺎﻥ ﻛﻨﺖ ﻧﺒﻲ ﻭﺣﺪﺓ ﺃﻗﻞ ﻣﻦ ﺃﻣﻴﺮﺓ
ﺭﻳﻢ ﺑﻌﺼﺒﻴﻪ : ﺃﻣﻴﺮﺓ ﻣﺶ ﺃﺣﺴﻦ ﻣﻨﻲ
ﺯﻳﺎﺩ : ﺷﻮﻓﻲ ﻳﺎﺑﻨﺖ ﺍﻟﻨﺎﺱ ﺍﻧﻲ ﻗﻠﺒﻲ ﻣﻠﻚ ﻻﻣﻴﺮﺓ ﻭﺑﺲ ﻭﻋﻴﻨﻲ
ﻣﺎﺗﺸﻮﻓﺶ ﻏﻴﺮﻫﺎ ...ﻣﻤﻜﻦ ﺍﻧﺘﻲ ﺣﻠﻮﺓ ﺑﺲ ﻫﺎﻟﺸﻲ ﻣﺎﻳﻬﻤﻨﻴﺶ ﻻﻧﻚ
ﻣﺠﺮﺩ ﻭﺳﻴﻠﺔ ﻋﺸﺎﻥ ﻧﻮﻟﻲ ﺃﺏ ﻭﺑﺲ ... ﻭﺑﻌﺪ ﻳﺘﺤﻘﻖ ﻫﺎﻟﺸﻲ ﺍﻧﺘﻲ
ﺣﺮﺓ ﺗﻘﻌﺪﻱ ﻣﻌﺎﻱ ﺍﻭ ﺗﺨﺘﺎﺭﻱ ﺍﻟﻔﺮﺍﻕ
ﺭﻳﻢ ﻋﻴﻮﻧﻬﺎ ﺗﻌﺒﻮ ﺩﻣﻮﻉ : ﺃﻛﻴﺪ ﺑﻨﺨﺘﺎﺭ ﺍﻟﻔﺮﺍﻕ ﺃﺻﻼ
ﻋﻠﻲ ﺧﺸﺖ ﺑﻮ ﺯﻳﺎﺩ ﻟﻠﻤﻄﺒﺦ ﺑﻴﺸﺮﺏ ﺍﻣﻴﺔ: ﺻﺒﺎﺡ ﺍﻟﺨﻴﺮ
ﺭﻳﻢ ﺍﻟﺘﻔﺖ ﻟﻠﺼﻮﺕ ﻻﻧﻬﺎ ﻣﺴﺘﺤﻴﻞ ﺗﻨﺴﺎﻩ ﺍﻭ ﻳﻤﺘﺤﻲ ﻣﻦ ﺑﺎﻟﻬﺎ
ﻭﺫﺍﻛﺮﺗﻬﺎ
ﺑﻮ ﺯﻳﺎﺩ: ﺭﻳﻢ ؟؟؟؟؟؟؟؟؟ 0_0
يتبع........
