ﺯﻳﺎﺩ : ﺍﻭﻛﻲ ﻣﺶ ﺣﻨﻄﻠﻘﻬﺎ ...ﺑﺲ ﺣﻨﺮﻓﻌﻬﺎ ﻟﺤﻮﺵ ﺃﻫﻠﻬﺎ ﻭﻣﻌﺎﺵ
ﺑﻨﺮﺟﻌﻬﺎ ...
ﺭﻳﻢ ﺗﻠﻢ ﻓﻲ ﺣﻮﺍﻳﺠﻬﺎ ﻭﺗﺒﻜﻲ ﻭﺗﺴﺘﻐﻔﺮ ﻓﻲ ﺭﺑﻲ ... ﺗﺒﻲ ﺍﻟﻀﻴﻘﺔ ﺍﻟﻠﻲ
ﻓﻲ ﺻﺪﺭﻫﺎ ﺗﻤﺸﻲ ..
ﺯﻳﺎﺩ ﺑﻌﺖ ﺍﻟﺸﻐﺎﻟﺔ ﺗﺠﻴﺐ ﺍﻟﺸﻨﺎﻃﻲ ﻭﺗﻘﻮﻝ ﻟﺮﻳﻢ ﺗﻨﺰﻝ ...ﻧﺰﻟﺖ ﺭﻳﻢ
ﻭﻫﻲ ﻻﺑﺴﺔ ﻋﺒﺎﻳﺘﻬﺎ ..
ﺍﻡ ﺯﻳﺎﺩ ﺍﻭﻝ ﻣﺎﺷﺎﻓﺘﻬﺎ ﺣﻀﻨﺘﻬﺎ : ﻳﺸﻬﺪ ﺑﺎﻟﻠﻪ ﺍﻧﻲ ﺣﺒﻴﺘﻚ ﻳﺎﺑﻨﺘﻲ
ﺭﻳﻢ : ﺍﻟﻘﻠﻮﺏ ﻋﻨﺪ ﺑﻌﻀﻬﺎ ﻳﺎﺧﺎﻟﺘﻲ
ﺍﻡ ﺯﻳﺎﺩ : ﺳﻠﻤﻲ ﻋﻠﻲ ﺃﻣﻚ ﻭﺩﻳﺮﻱ ﺑﺎﻟﻚ ﻋﻠﻲ ﺭﻭﺣﻚ
ﺭﻳﻢ : ﺍﻥ ﺷﺎﺀ ﺍﻟﻠﻪ .... ﻭﻣﺸﺖ ﻟﺒﻮﺯﻳﺎﺩ ﻭﺑﺎﺳﺖ ﻋﻠﻲ ﺭﺍﺳﻪ
ﺣﻂ ﺯﻳﺎﺩ ﺍﻟﺸﻨﺎﻃﻲ ﻓﻲ ﺍﻟﺴﻴﺎﺭﺓ ﻭﺭﻛﺐ .. ﻭﺭﻛﺒﺖ ﺭﻳﻢ ﺑﺪﻭﻥ ﻣﺎﺗﺰﻳﺪ
ﻭﻻﻛﻠﻤﺔ ....
ﻋﺒﻴﺮ ﻭﺩﻋﺖ ﺭﻳﻢ ﻭﻫﻲ ﻣﻘﻬﻮﺭﺓ ... ﻭﺑﻮﺯﻳﺎﺩ ﻃﺎﺭﺗﻠﻪ ﻭﻧﺎﺽ ﺧﺶ ﻟﻤﻜﺘﺒﻪ
ﻋﺒﻴﺮ : ﺣﺮﺍﻡ ﻋﻼﺵ ﻳﻄﻠﻖ ﻓﻴﻬﺎ
ﺍﻡ ﺯﻳﺎﺩ ﺑﺤﺰﻥ : ﻫﺎﺫﺍ ﻧﺼﻴﺒﻬﺎ
ﻋﺒﻴﺮ : ﻭﺍﻟﻠﻪ ﻟﻮ ﻳﻠﻒ ﺍﻟﺪﻧﻴﺎ ﻣﺶ ﺣﻴﻠﻘﻲ ﻭﺣﺪﺓ ﺯﻳﻬﺎ
ﺍﻡ ﺯﻳﺎﺩ : ﺧﻠﻴﻪ ﻫﻮ ﺍﻟﺨﺴﺮﺍﻥ
ﻋﺒﻴﺮ : ﻭﺍﻟﻠﻪ ﻗﺎﻫﺮﻧﻲ،ﻧﺤﺲ ﻓﻴﻪ ﻣﺎﻳﻌﺮﻓﺶ ﻣﺼﻠﺤﺘﻪ
ﺍﻡ ﺯﻳﺎﺩ : ﻣﺎﺗﻠﻮﻣﻴﻪ ﻓﻘﺪﺍﻧﻪ ﻻﻣﻴﺮﺓ ﺿﻴﻌﻪ ﻭﻣﻌﺎﺵ ﺧﻼﻩ ﻳﻔﻜﺮ ﺻﺢ ... ﻳﻼ
ﻫﺎﺫﺍ ﻧﺼﻴﺒﻬﻢ
~~~~~~~~~~~~~~~~~~~~~~~~
ﺃﻣﻴﺮﺓ ﺣﺎﻭﻟﺖ ﺗﺮﺩ ﻟﺤﻴﺎﺗﻬﺎ ﻭﺗﻨﺴﻲ ﺯﻳﺎﺩ ﻓﻘﺪﻣﺖ ﺃﻭﺭﺍﻗﻬﺎ ﻟﻠﻤﺼﺮﻑ
ﺗﺪﻭﺭ ﻓﻲ ﺷﻐﻞ ...
ﻋﺎﺩﻝ : ﺃﻣﻴﺮﺓ ﻗﺪﻣﺘﻲ ﺍﻭﺭﺍﻗﻚ؟؟؟
ﺍﻣﻴﺮﺓ: ﺍﻱ ﻗﺪﻣﺘﻬﺎ ﻭﺍﻥ ﺷﺎﺀ ﺍﻟﻠﻪ ﻳﻘﺒﻠﻮﻧﻲ
ﻋﺎﺩﻝ ﺑﺄﺑﺘﺴﺎﻣﺔ : ﺍﻛﻴﺪﺓ ﺗﻮ ﻳﻘﺒﻠﻮﻙ ... ﺍﺻﻼ ﺷﻬﺎﺩﺗﻚ ﻣﻄﻠﻮﺑﺔ
ﺍﻣﻴﺮﺓ ﺭﺩﺗﻠﻪ ﺍﻻﺑﺘﺴﺎﻣﺔ ﻭﻃﻠﻌﺖ ﻭﺧﻼﺗﻪ ﻳﻬﺪﺭﺯ ﻫﻮ ﻭﺧﻮﻫﺎ .. ﻭﻋﻴﻮﻥ
ﻋﺎﺩﻝ ﺍﺗﺒﻊ ﻓﻴﻬﺎ ﻟﻴﻦ ﻃﻠﻌﺖ
( ﻋﺎﺩﻝ ﻭﻟﺪ ﻋﻢ ﺃﻣﻴﺮﺓ ﻋﻤﺮﻩ 27 ﻛﺎﻥ ﻣﺘﺰﻭﺝ ﺑﻨﺖ ﺧﺎﻟﺘﻪ ﺟﺎﺑﺘﻠﻪ ﺑﻨﻮﺗﻪ
ﻭﻣﺎﺗﺖ .. ﻭﻫﻮ ﻳﺤﺐ ﺃﻣﻴﺮﺓ ﻣﻦ ﻳﻮﻣﻪ ﺑﺲ ﻓﺮﻗﻬﻢ ﺍﻟﻨﺼﻴﺐ ﻭﺗﺰﻭﺟﺖ
ﺯﻳﺎﺩ )
~~~~~~~~~~~~~~~~~~~~~~~~~
ﻭﺻﻠﻮ ﺯﻳﺎﺩ ﻭﺭﻳﻢ ﻟﻠﻤﺪﻳﻨﺔ ﺍﻟﻠﻲ ﻓﻴﻬﺎ ﺣﻮﺵ ﺧﺎﻟﺘﻬﺎ ﻓﻲ ﺍﻟﻠﻴﻞ ..
ﺯﻳﺎﺩ : ﻭﻳﻦ ﺣﻮﺵ ﺧﺎﻟﺘﻚ؟؟؟
ﺭﻳﻢ ...............
ﺯﻳﺎﺩ ﺑﺼﻮﺕ ﻋﺎﻟﻲ: ﻭﻳﻦ ﺣﻮﺵ ﺧﺎﻟﺘﻚ ﻧﻜﻠﻢ ﻓﻴﻚ
ﺭﻳﻢ : ﻭﺍﻟﻠﻪ ﻣﺎﻧﻌﺮﻑ
ﺯﻳﺎﺩ : ﻣﺎﺗﻌﺮﻓﻴﺶ !!!! ﻭﻛﻴﻒ ﺑﻨﻌﺮﻓﻮﻩ ﺍﻟﺤﻮﺵ ﺗﻮﺍ ﻳﺎﻓﺎﻟﺤﺔ
ﺭﻳﻢ : ﺗﻮ ﻧﺘﺼﻞ ﺑﺄﻣﻲ ﻭﺗﻮﺻﻔﻪ ﻟﻴﻨﺎ
ﺍﺗﺼﻠﺖ ﺭﻳﻢ ﺑﺄﻣﻬﺎ ﻭﻻﻧﻬﺎ ﻛﺎﻧﺖ ﺗﺼﻠﻲ ﻓﻲ ﺍﻟﻌﺸﻲ ﻣﺎﺭﺩﺗﺶ .. ﻭﻓﺎﺭﺱ
ﺷﺎﻑ ﻟﻠﺮﻗﻢ ﻳﻀﺮﺏ ﻛﺬﺍ ﻣﺮﺓ ﻓﺮﺩ ..
ﻓﺎﺭﺱ : ﺍﻟﻮﻭﻭﻭ
ﺭﻳﻢ : ﻭﻳﻦ ﺃﻣﻲ؟؟؟
ﻓﺎﺭﺱ ﻋﺮﻑ ﺻﻮﺕ ﺭﻳﻢ: ﺍﻫﻠﻴﻦ ﺭﻳﻢ ﺧﺎﻟﺘﻲ ﺗﺼﻠﻲ ... ﺗﻔﻀﻠﻲ ﺗﺒﻲ
ﺷﻲ
ﺭﻳﻢ : ﻧﺒﻴﻬﺎ ﺗﻮﺻﻒ ﻣﻜﺎﻥ ﺣﻮﺷﻜﻢ
ﻓﺎﺭﺱ ﺿﺤﻚ : ﻳﻌﻨﻲ ﻋﻠﻲ ﺍﺳﺎﺱ ﻟﻮ ﻭﺻﻔﺘﻬﻠﻚ ﺗﻌﺮﻓﻲ ﺗﺠﻲ
ﺭﻳﻢ ﺿﺤﻜﺖ : ﻻ ﺍﻭﺻﻔﻪ ﻟﺰﻳﺎﺩ ﻣﺶ ﻟﻴﺎ
ﻓﺎﺭﺱ : ﺑﺎﻩ ﻋﻄﻴﻨﻲ ﻧﻜﻠﻤﻪ
ﻣﺪﺕ ﺭﻳﻢ ﺍﻟﺘﻠﻴﻔﻮﻥ ﻟﺰﻳﺎﺩ ﺍﻟﻠﻲ ﻛﺎﻥ ﻃﻮﻝ ﺍﻟﻤﻜﺎﻟﻤﺔ ﻭﻋﻴﻨﻪ ﻋﻠﻲ ﺭﻳﻢ
ﻳﺒﻲ ﻳﻌﺮﻑ ﻓﻲ ﻣﻦ ﺗﻜﻠﻢ
ﺭﻳﻢ : ﻓﺎﺭﺱ ﺗﻮ ﻳﻮﺻﻔﻠﻚ ﺍﻟﺤﻮﺵ
ﺯﻳﺎﺩ : ﺍﻟﺴﻼﻡ ﻋﻠﻴﻜﻢ
ﻓﺎﺭﺱ : ﻭﻋﻠﻴﻜﻢ ﺍﻟﺴﻼﻡ ....ﻭﻗﻌﺪ ﻳﻮﺻﻒ ﻟﺰﻳﺎﺩ ﻓﻲ ﺍﻟﻤﻜﺎﻥ
ﺳﻜﺮ ﺯﻳﺎﺩ ﻣﻦ ﻓﺎﺭﺱ ﻭﺑﻌﺼﺒﻴﺔ : ﻭﺍﻟﻠﻪ ﻭﻻ ﻋﻠﻲ ﺑﺎﻟﻚ ﺗﻜﻠﻤﻲ ﻓﻲ ﻭﻟﺪ
ﺧﺎﻟﺘﻚ ﻭﺗﻀﺤﻜﻲ ﻣﻌﺎﻩ ﻗﺪﺍﻣﻲ .
ﺭﻳﻢ ﺑﻬﺪﻭﺀ: ﻣﺎﻟﻴﻜﺶ ﻋﻼﻗﺔ ﻛﻞ ﺷﻲ ﺑﻴﻨﺎ ﺍﻧﺘﻬﻲ ﺧﻼﺹ ..
ﺯﻳﺎﺩ : ﻃﻮﻝ ﻣﺎﺍﻧﺘﻲ ﻋﻠﻲ ﺫﻣﺘﻲ ﺩﺧﻠﻨﻲ ﻓﺎﻫﻤﺔ
ﺭﻳﻢ ﻣﺎﺭﺩﺗﺶ ﻭﻻ ﻛﻠﻤﺔ ﻣﺎﻧﺒﻴﺶ ﺗﺘﻨﺎﻗﺶ ﻣﻌﺎﻩ
~~~~~~~~~~~~~~~~~~~~~~~~
ﻭﺻﻠﻮ ﻟﺤﻮﺵ ﺧﺎﻟﺔ ﺭﻳﻢ ... ﻭﻓﺘﺤﺖ ﺭﻳﻢ ﺍﻟﺒﺎﺏ ﻭﻧﺰﻟﺖ ﻭﻛﺎﻧﻮ ﻭﻻﺩ
ﺧﺎﻟﺘﻬﺎ ﻣﻌﺎﺫ ﻭﻓﺎﺭﺱ ﻳﺴﺘﻨﻮ ﻓﻴﻬﺎ ﺑﺮﺍ ...
ﺯﻳﺎﺩ : ﺍﻟﺴﻼﻡ ﻋﻠﻴﻜﻢ
ﻣﻌﺎﺫ ﻭﻓﺎﺭﺱ : ﻭﻋﻠﻴﻜﻢ ﺍﻟﺴﻼﻡ
ﻓﺎﺭﺱ : ﺍﻫﻠﻴﻦ ﺗﻔﻀﻞ ﺯﻳﺎﺩ
ﺯﻳﺎﺩ : ﻻ ﻻ ﻣﻌﻠﻴﺶ ﻋﻨﺪﻱ ﺷﻐﻞ ﺑﻨﻤﺸﻲ ..
ﻓﺎﺭﺱ : ﺍﻭﻛﻲ ﺑﺮﺍﺣﺘﻚ ... ﺑﺲ ﺿﺮﻭﺭﻱ ﺍﺩﻳﺮﻟﻨﺎ ﺯﻳﺎﺭﺓ ﻣﺮﺓ ﺛﺎﻧﻴﺔ
ﺯﻳﺎﺩ : ﺍﻥ ﺷﺎﺀ ﺍﻟﻠﻪ .... ﻭﺭﻛﺐ ﺯﻳﺎﺩ ﻓﻲ ﺳﻴﺎﺭﺗﻪ ﻭﺍﻣﺸﻲ
ﺭﻳﻢ ﺧﺸﺖ ﺍﺭﺗﻤﺖ ﻓﻲ ﺣﻀﻦ ﺃﻧﻬﺎ ﻭﺗﺒﻜﻲ ... ﺍﻡ ﺭﻳﻢ : ﺧﻴﺮﻙ ﻳﺎﺑﻨﺘﻲ
ﺭﻋﺸﺘﻴﻨﻲ؟؟؟؟
ﺭﻳﻢ ﻫﺪﺕ ﻭﻣﺴﺤﺖ ﺩﻣﻮﻋﻬﺎ : ﻻ ﻣﺎﻓﻴﺎ ﺷﻲ ﻏﻴﺮ ﺍﺷﺘﻘﺘﻠﻜﻢ ﺍﻧﺘﻲ
ﻭﻭﺍﺋﻞ
ﺍﻡ ﻓﺎﺭﺱ : ﺭﻋﺸﺘﻲ ﺍﻣﻚ ﻳﺎﺑﻨﺖ
ﺭﻧﻴﻢ : ﻭﺍﺧﻴﺮﺍ ﺟﻴﺘﻴﻨﺎ ﻳﺎﺭﻳﻢ
ﺭﻳﻢ : ﻫﻬﻬﻬﻬﻬﻬﻬﻬﻬﻪ ﻭﺍﺧﻴﺮﺍ
ﺍﻡ ﻓﺎﺭﺱ : ﺭﻧﻴﻢ ﺩﺧﻠﻲ ﺑﻨﺖ ﺧﺎﻟﺘﻚ ﻟﺪﺍﺭﻙ ﺧﻠﻴﻬﺎ ﺗﺮﺗﺎﺡ
ﺧﺸﺖ ﺭﻧﻴﻢ ﻟﻠﺪﺍﺭ ﻫﻲ ﻭﺭﻳﻢ ..ﺭﻧﻴﻢ : ﺭﻳﻢ ﻗﻮﻟﻲ ﺷﻦ ﻓﻴﻚ؟؟
ﺭﻳﻢ : ﻗﻮﻟﻲ ﺷﻦ ﺍﻟﻠﻲ ﻣﺶ ﻓﻴﺎ؟؟؟
ﺭﻧﻴﻢ : ﻗﻮﻟﻲ ﻛﻞ ﺍﻟﻠﻲ ﻓﻲ ﺧﺎﻃﺮﻙ ﺣﺒﻴﺒﺘﻲ
ﺭﻳﻢ ﺑﺪﺕ ﺗﺒﻜﻲ ﻭﺩﻣﻮﻋﻬﺎ ﻋﻠﻲ ﺧﺪﻫﺎ: ﺣﺒﻴﺘﻪ ﻭﺟﺮﺣﻨﻲ ... ﺗﺤﻤﻠﺘﻪ ﻭﺯﺍﺩ
ﻓﻲ ﺗﺠﺮﻳﺤﻲ
ﺭﻧﻴﻢ : ﻣﻌﻘﻮﻟﺔ ﻛﻢ ﺷﻬﺮ ﺧﻠﻮﻙ ﺗﺤﺒﻴﻪ
ﺭﻳﻢ : ﻏﺼﺒﺎ ﻋﻨﻲ ﺣﺒﻪ ﻓﻲ ﻗﻠﺒﻲ ... ﻭﺗﺼﻮﺭﻱ ﻭﺍﻟﻠﻪ ﻳﺰﻳﺪ ﻣﻊ ﻛﻞ ﻛﻒ
ﻳﻌﻄﻴﻬﻮﻟﻲ ﻭﺍﻻ ﺇﻫﺎﻧﺔ ﻳﻘﻮﻟﻬﺎﻟﻲ
ﺭﻧﻴﻢ : ﻭﻫﻮ ﻳﺤﺒﻚ؟؟؟؟
ﺭﻳﻢ : ﻟﻮ ﻳﺤﺒﻨﻲ ﻣﺎﻛﻨﺘﺶ ﺷﻮﻓﺘﻴﻨﻲ ﺍﻫﻨﻲ
ﺭﻧﻴﻢ : ﻳﻌﻨﻲ ﺑﻴﻄﻠﻘﻚ؟؟؟؟
ﺭﻳﻢ : ﺍﻛﻴﺪ ﺍﺻﻼ ﻣﺶ ﻃﺎﻳﻖ ﻳﺸﻮﻑ ﻭﺟﻬﻲ
ﺭﻧﻴﻢ : ﻭﺍﻟﻠﻪ ﻣﺎﻋﻨﺪﻩ ﻧﻈﺮ ...ﻓﻲ ﺣﺪ ﻳﻜﺮﻩ ﻭﺟﻪ ﺯﻱ ﺍﻟﻘﻤﺮ
~~~~~~~~~~~~~~~~~~~~~~~~~~~
ﺭﻭﺡ ﺯﻳﺎﺩ ﻭﻛﺎﻥ ﻣﺘﻮﻗﻊ ﺍﻧﻪ ﻟﻤﺎ ﻳﺘﺨﻠﺺ ﻣﻦ ﺭﻳﻢ ﺣﻴﺮﺗﺎﺡ ﺑﺲ ﺯﺍﺩﻭ
ﻫﻤﻮﻣﻪ ﻭﺍﺣﺰﺍﻧﻪ ﻟﻜﻦ ﻗﺎﻋﺪ ﻣﺼﺮ ﻋﻠﻲ ﻃﻼﻗﻬﺎ ...
ﺑﻮﺯﻳﺎﺩ : ﺗﻌﺮﻓﻲ ﻗﻠﺒﻲ ﻭﺍﺟﻌﻨﻲ ﻋﻠﻲ ﺭﻳﻢ
ﺍﻡ ﺯﻳﺎﺩ : ﺍﻧﺖ ﻣﺎﻟﻴﻜﺶ ﺫﻧﺐ
ﺑﻮﺯﻳﺎﺩ : ﻛﻴﻒ ﻣﺎﻟﻴﺎﺵ ﺫﻧﺐ ﻭﺍﻧﻲ ﺍﻟﻠﻲ ﺿﻐﻄﺖ ﻋﻠﻲ ﺯﻳﺎﺩ ﻳﺘﺰﻭﺟﻬﺎ
ﺍﻡ ﺯﻳﺎﺩ : ﺻﺢ ﻗﺘﻠﻪ ﺗﺰﻭﺝ ﺑﺲ ﻣﺶ ﺭﻳﻢ ﺑﺎﻟﺬﺍﺕ
ﺑﻮﺯﻳﺎﺩ : ﺍﻥ ﺷﺎﺀ ﺍﻟﻠﻪ ﻳﺮﺩﻟﻪ ﻋﻘﻠﻪ ﻭﻣﺎﻳﻄﻠﻘﻬﺎ
ﺍﻡ ﺯﻳﺎﺩ : ﻣﺎﻟﻴﻨﺎ ﻏﻴﺮ ﺍﻟﺪﻋﺎﺀ ﺑﺲ
~~~~~~~~~~~~~~~~~~~~~~~~~
ﺭﻭﺣﺖ ﺣﻨﻴﻦ ﺍﺧﺖ ﺯﻳﺎﺩ ﻭﺭﺍﺟﻠﻬﺎ ﻣﻦ ﺍﻟﺴﻔﺮ ( ﻭﺯﻱ ﻣﺎﻗﻠﻨﺎ ﻣﻦ ﻗﺒﻞ
ﺣﻨﻴﻦ ﻣﺘﺰﻭﺟﺔ ﻭﻟﺪ ﻋﻤﻬﺎ ﻭﻳﻜﻮﻥ ﺧﻮ ﻓﺮﻳﺪ ﻭﻋﺒﻴﺮ " ﺻﺎﺭ ﺗﻌﺪﻳﻞ ﺑﺴﻴﻂ
ﻓﻲ ﺍﻟﺸﺨﺼﻴﺎﺕ "ﻭﻋﻨﺪﻫﺎ ﻭﻟﺪ ﺍﺳﻤﻪ ﺯﻳﺎﺩ ....ﻭﺗﺤﺐ ﺃﻣﻴﺮﺓ ﺑﻨﺖ ﺧﺎﻟﺘﻬﺎ
ﻫﻠﺒﺎ )
ﺣﻨﻴﻦ ﺑﺼﺪﻣﺔ : ﻃﻠﻘﻬﺎ o_0
ﻫﻨﺎﺩﻱ : ﺍﻳﻪ ﻃﻠﻘﻬﺎ
ﺣﻨﻴﻦ ﺑﻌﺼﺒﻴﺔ : ﻣﻌﻘﻮﻟﺔ ﺯﻳﺎﺩ ﻳﻄﻠﻖ ﺃﻣﻴﺮﺓ ﻭﻳﻦ ﺍﻟﺤﺐ ﺍﻟﻠﻲ ﻛﺎﻥ ﺑﻴﻨﻬﻢ
ﻫﻨﺎﺩﻱ : ﻫﻲ ﺍﻟﻠﻲ ﻃﻠﺒﺖ ﺍﻟﻄﻼﻕ ﻭﺯﻳﺎﺩ ﻣﻜﺎﻧﺶ ﻳﺒﻲ ﻳﻄﻠﻘﻬﺎ
ﺣﻨﻴﻦ : ﻣﺎﻧﻠﻮﻣﻬﺎﺵ ﻛﻴﻒ ﺗﺒﻴﻬﺎ ﺗﺘﺤﻤﻞ ﺯﻭﺍﺟﻪ
ﻫﻨﺎﺩﻱ : ﻫﻲ ﻛﺎﻧﺖ ﺭﺍﺿﻴﺔ ﻟﻮﻻ ﺍﻥ ﺧﺎﻟﺘﻲ ﻟﻌﺒﺖ ﻓﻲ ﺭﺍﺳﻬﺎ ﻭﺿﻐﻄﺖ
ﻋﻠﻴﻬﺎ.
ﺣﻨﻴﻦ : ﻻﺯﻡ ﺍﻣﻴﺮﺓ ﺗﺮﺟﻊ ﻟﺰﻳﺎﺩ ﻣﺶ ﻣﻌﻘﻮﻟﺔ ﺣﺒﻬﻢ ﻳﻨﺘﻬﻲ ﺑﺎﻟﺴﻬﻮﻟﺔ
ﻫﺎﺫﻱ
ﻫﻨﺎﺩﻱ : ﻣﺴﺘﺤﻴﻞ ﺗﺮﺟﻌﻠﻪ ﻭﻫﻮ ﻗﺎﻋﺪ ﻣﺘﺰﻭﺝ
ﺣﻨﻴﻦ : ﺧﻼﺹ ﻣﻌﻨﺎﻫﺎ ﻳﻄﻠﻖ ﺭﻳﻢ ﻫﺎﻟﻤﺼﻴﺒﺔ ﻭﻳﺮﺟﻌﻠﻬﺎ ﻭﻫﻜﻲ ﻣﺶ
ﺣﻴﻜﻮﻥ ﻋﻨﺪﻫﺎ ﻋﺬﺭ
ﻫﻨﺎﺩﻱ ﺑﺼﺪﻣﺔ : ﺍﻧﺘﻲ ﺗﺒﻴﻪ ﻳﻄﻠﻖ ﺭﻳﻢ
ﺣﻨﻴﻦ : ﺍﻛﻴﺪ ﻧﺒﻴﻪ ﻳﻄﻠﻘﻬﺎ ﻭﺍﻻ ﺗﺒﻲ ﻭﺣﺪﺓ ﺯﻳﻬﺎ
ﻫﻨﺎﺩﻱ : ﺑﺲ ﻫﻲ ﺑﺘﺠﻴﺐ ﻟﺰﻳﺎﺩ ﺍﻟﻠﻲ ﻣﺎﻗﺪﺕ ﺍﻣﻴﺮﺓ ﺗﺠﻴﺒﻪ
ﺣﻨﻴﻦ ﺑﻌﺼﺒﻴﺔ : ﺣﺘﻲ ﺍﻧﺘﻲ ﺗﻔﻜﺮﻱ ﺯﻳﻬﻢ
~~~~~~~~~~~~~~~~~~~~~~~~~
ﻗﻌﻤﺰ ﺯﻳﺎﺩ ﻫﻮ ﻭﺭﺍﺟﻞ ﺍﺧﺘﻪ ﺣﻨﻴﻦ ﻭﻣﻌﺎﻩ ﺍﻟﺸﺒﺎﺏ .
ﺭﺍﺟﻞ ﺣﻨﻴﻦ: ﻭﺍﺍﺍﻭ ﻳﺎﺟﻤﺎﻋﺔ ﻣﻮﻋﺮ ﺍﻟﻐﺮﺑﺔ
ﺧﺎﻟﺪ : ﺍﻣﺎﻻ ﺃﻧﻲ ﺷﻦ ﻧﻘﻮﻝ ﻣﺸﻴﺖ ﻗﺮﻳﺖ ﻭﺭﻭﺣﺖ ﺑﺮﻭﺣﻲ ... ﻉ ﺍﻻﻗﻞ
ﺍﻧﺖ ﻣﻌﺎﻙ ﻣﺮﺗﻚ
ﺭﺍﺟﻞ ﺣﻨﻴﻦ: ﻛﻴﻒ ﺗﺤﻤﻠﺖ ﻟﻮ ﻛﻨﺖ ﻣﻜﺎﻧﻚ ﺭﺍﻫﻮ ﺭﺩﻳﺖ ﻣﻦ ﺛﺎﻧﻲ ﻳﻮﻡ
ﻓﺮﻳﺪ : ﺑﺎﻩ ﺳﻜﺮﻭﻟﻨﺎ ﻫﺎﻟﻤﻮﺿﻮﻉ ﺧﻼﺹ ...
ﺭﺍﺟﻞ ﺣﻨﻴﻦ: ﺷﻦ ﺗﺒﻴﻨﺎ ﻧﺪﻳﺮﻭ
ﻓﺮﻳﺪ : ﻫﻴﺎ ﻧﻠﻌﺒﻮ ﻛﺎﺭﻃﺔ
ﺧﺎﻟﺪ : ﻫﺎﻟﻜﺎﺭﻃﺔ ﺍﻟﻠﻲ ﺫﺍﻫﺒﺔ ﺷﻴﺮﺗﻚ ... ﻧﻘﻮﻝ ﺧﻮﻱ ﻳﺮﻭﺡ ﻣﻦ ﺍﻟﻌﻤﻞ
ﺗﻌﺒﺎﻥ ﻭﺣﺎﻟﺘﻪ ﺣﺎﻟﺔ ﻭﺍﻧﺖ ﻗﺎﻋﺪ ﺗﻠﻌﺐ ﻓﻲ ﻛﺎﺭﻃﺔ ﻭﻫﻮ ﻳﺸﺘﻐﻞ
ﻓﺮﻳﺪ ﻳﺸﺒﺢ ﻟﺰﻳﺎﺩ ﺍﻟﻠﻲ ﻛﺎﻥ ﺳﺎﻛﺖ: ﺧﻮﻙ ﺍﻟﻠﻲ ﺗﺎﻋﺒﻪ ﻗﻠﺒﻪ ﻣﺶ
ﺍﻟﺸﻐﻞ
ﺭﺍﺟﻞ ﺣﻨﻴﻦ: ﻳﺎﺗﺮﻱ ﻣﻊ ﺍﻱ ﻭﺣﺪﺓ ﻓﻴﻬﻦ
ﻓﺮﻳﺪ : ﻣﻊ ﺍﻱ ﻭﺣﺪﺓ ﻣﺎﻧﻌﺮﻓﺶ ...ﺍﻫﻮ ﻗﺪﺍﻣﻚ ﺃﺳﺄﻟﻪ
ﺯﻳﺎﺩ ﺑﻌﺼﺒﻴﺔ : ﻓﺮﻳﺪ ﺧﻠﻴﻚ ﻓﻲ ﺣﺎﻟﻚ
ﻓﺮﻳﺪ ﺿﺤﻚ : ﻳﻌﻨﻲ ﺳﺎﻛﺖ ﺳﺎﻛﺖ ﻭﻭﻗﺖ ﺗﻜﻠﻤﺖ ﺍﻧﻲ ﻋﺼﺒﺖ
ﺯﻳﺎﺩ : ﺧﻠﻴﻚ ﻓﻲ ﺣﺎﻟﻚ ﻭﻣﺶ ﺣﻨﻌﺼﺐ ﻋﻠﻴﻚ
ﺧﺎﻟﺪ : ﻣﺴﻜﻴﻦ ﻓﺮﻳﺪ
ﻓﺮﻳﺪ ﻳﺪﻳﺮ ﻓﻲ ﺭﻭﺣﻪ ﻣﺴﻜﻴﻦ : ﺷﻔﺖ ﺧﻮﻙ ﺩﻳﻤﺎ ﻳﺠﺮﺡ ﻓﻴﺎ ﻋﻠﻲ ﺧﺎﻃﺮ
ﻧﺤﺒﻪ
ﺯﻳﺎﺩ ﻧﺎﺽ : ﻋﻦ ﺇﺫﻧﻜﻢ
ﺭﺍﺟﻞ ﺣﻨﻴﻦ: ﻭﺍﻟﻠﻪ ﻣﺎﻧﻲ ﻣﺼﺪﻕ ﺍﻥ ﻫﺎﺫﺍ ﺯﻳﺎﺩ
ﺧﺎﻟﺪ : ﻳﻀﺮﺏ ﺍﻟﺤﺐ ﺷﻮ ﺑﻴﺬﻝ
~~~~~~~~~~~~~~~~~~~~~~~~
ﺯﻳﺎﺩ ﻃﻠﻊ ﻣﻦ ﻋﻨﺪ ﺍﻟﺸﺒﺎﺏ ﻭﺟﺖ ﻓﻲ ﺑﺎﻟﻪ ﺭﻳﻢ ... ﺗﺮﺩﺩ ﺷﻮﻳﺎ ﻭﺍﺗﺼﻞ
ﺑﻴﻬﺎ ﻳﺒﻲ ﻳﻨﻔﺮﺯﻫﺎ ﻭﻳﻌﺼﺒﻬﺎ
ﺭﻳﻢ ﺷﺎﻓﺖ ﺍﻟﺮﻗﻢ ﺍﺳﺘﻐﺮﺑﺖ ﺧﺼﻮﺻﺎ ﺍﻧﻪ ﻣﻦ ﻳﻮﻡ . ﺣﻄﻬﺎ ﻣﺎﺍﺗﺼﻞ
ﺑﻴﻬﺎ ...
ﺭﻧﻴﻢ : ﻋﻼﺵ ﻣﺎﺗﺮﺩﻳﺶ؟؟؟
ﺭﻳﻢ : ﻫﺎﺫﺍ ﺯﻳﺎﺩ
ﺭﻧﻴﻢ : ﺭﺩﻱ ﺑﺎﻟﻚ ﺍﺳﺘﺎﺣﺸﻚ
ﺭﻳﻢ : ﺍﺿﺤﻜﻲ ﺍﻧﺘﻲ ... ﺍﺳﺘﺎﺣﺸﻨﻲ
ﺭﻧﻴﻢ ﺧﺪﺕ ﺍﻟﺘﻠﻴﻔﻮﻥ ﻣﻦ ﻳﺪﻫﺎ ﻭﻓﺘﺤﺖ ﺍﻟﺴﺒﻴﻜﺮ ...
ﺯﻳﺎﺩ : ﺍﻟﻮﻭﻭﻭﻭﻭ
ﺭﻳﻢ : ﻧﻌﻢ
ﺭﻧﻴﻢ ﺍﻧﺴﺤﺒﺖ ﻣﻦ ﺍﻟﻐﺮﻓﺔ ﺑﻬﺪﻭﺀ ﻋﺸﺎﻥ ﺭﻳﻢ ﺗﺎﺧﺪ ﺭﺍﺣﺘﻬﺎ ...
ﺯﻳﺎﺩ : ﺷﻦ ﺍﺧﺒﺎﺭﻙ؟؟؟
ﺭﻳﻢ : ﺍﺧﺒﺎﺭﻱ ﺣﺎﺟﺔ ﻣﺎﺗﻬﻤﻜﺶ
ﺯﻳﺎﺩ : ﻃﻮﻝ ﻣﺎﺍﻧﺘﻲ ﻣﺮﺗﻲ ﻛﻞ ﺷﻲ ﻳﺨﺼﻚ ﻳﻬﻤﻨﻲ
ﺭﻳﻢ : ﺣﺮﺭﻧﻲ ﻣﻢ ﻗﻴﻮﺩﻙ ﻭﺭﻳﺤﻨﻲ
ﺯﻳﺎﺩ : ﻧﻔﻬﻢ ﻣﻦ ﻛﻼﻣﻚ ﺍﻧﻚ ﺗﺒﻲ ﺍﻟﻄﻼﻕ
ﺭﻳﻢ ﻗﻠﺒﻬﺎ ﻭﺟﻌﻬﺎ ﻣﻦ ﺍﻟﻜﻠﻤﺔ ﺑﺲ ﻛﺮﺍﻣﺘﻬﺎ ﻣﺎﺗﺴﻤﺤﺶ ﺍﻧﻬﺎ ﺗﺘﺮﺍﺟﻊ
ﻭﺑﺤﺰﻥ : ﺍﻱ
ﺯﻳﺎﺩ : ﻭﻋﻼﺵ ﺗﻘﻮﻟﻲ ﻓﻴﻬﺎ ﻫﻜﻲ ﻭﻳﻦ ﺍﻟﻌﺼﺒﻴﺔ ... ﻭﺍﻻ ﻣﺎﺗﺒﻴﺶ ﻓﺮﺍﻗﻲ
ﺭﻳﻢ : ﻳﻮﻡ ﻓﺮﺍﻗﻚ ﻋﻴﺪ ﺑﺎﻟﻨﺴﺒﺔ ﻟﻴﺎ
ﺯﻳﺎﺩ : ﻫﻬﻬﻬﻬﻬﻬﻬﻪ ﻋﻼﺵ ﻋﺼﺒﺘﻲ ﺗﻮﺍ
ﺭﻳﻢ : ﺑﺎﻫﻲ ﺳﻜﺮ ﻣﺶ ﻓﺎﺿﻴﺘﻠﻚ ﺗﻮﺍ
ﺯﻳﺎﺩ : ﺍﻣﺎﻻ ﻓﺎﺿﻴﺔ ﻟﻤﻨﻮ
ﺭﻳﻢ ﺗﺒﻲ ﺗﻘﻬﺮﻩ: ﻓﺎﺭﺱ ﺑﻴﺮﻓﻌﻨﺎ ﺍﻟﺒﺤﺮ ﻳﺪﻫﻮﺭﻧﺎ
ﺯﻳﺎﺩ : ﻭﻣﻦ ﺳﻤﺤﻠﻚ ﺍﺻﻼ ﺗﻤﺸﻲ ﻣﻌﺎﻩ ﻓﺎﺭﺱ
ﺭﻳﻢ : ﺍﻧﻲ ﺳﻤﺤﺖ ﻟﻨﻔﺴﻲ
ﺯﻳﺎﺩ : ﺑﺎﻩ ﺍﻣﺸﻲ ﻣﻌﺎﻩ ﻭﺷﻮﻓﻲ ﺷﻦ ﻳﺼﻴﺮﻟﻚ
ﺭﻳﻢ : ﺑﻨﻤﺸﻲ 0_0
ﺳﻜﺮ ﺯﻳﺎﺩ ﺍﻟﺨﻂ ﻓﻲ ﻭﺟﻬﺎ ﻭﻫﻮ ﻣﻌﺼﺐ ﻭﻣﺘﻨﺮﻓﺰ .... ﻭﻃﻮﻝ ﺍﺗﺼﻞ
ﺑﻔﺎﺭﺱ
ﻓﺎﺭﺱ : ﺍﻫﻼ ﺯﻳﺎﺩ
ﺯﻳﺎﺩ : ﺍﻫﻠﻴﻦ ﺑﻴﻚ ﻛﻴﻒ ﺣﺎﻟﻚ
ﻓﺎﺭﺱ : ﺍﻟﺤﻤﺪ ﻟﻠﻪ ﺑﺨﻴﺮ ...ﺍﻧﺖ ﺷﻦ ﺍﺧﺒﺎﺭﻙ
ﺯﻳﺎﺩ : ﺍﻟﺤﻤﺪ ﻟﻠﻪ ... ﺷﻦ ﺑﻨﻘﻮﻟﻚ ﺍﻧﺘﻢ ﺑﺘﻄﻠﻌﻮ؟؟؟؟
ﻓﺎﺭﺱ ﺍﺳﺘﻐﺮﺏ: ﻭﻳﻦ ﺑﻨﻄﻠﻌﻮ؟؟؟؟
ﺯﻳﺎﺩ ﺍﺣﺘﺎﺭ ﻛﻴﻒ ﻳﻮﺻﻞ ﻟﻠﻲ ﻳﺒﻴﻪ ﺑﺪﻭﻥ ﻣﺎﻳﺤﺲ ﻓﺎﺭﺱ : ﻋﻼﺵ
ﺍﺳﺘﻐﺮﺑﺖ؟؟؟ ﻗﺼﺪﻱ ﻟﻮ ﺑﺘﻤﺸﻮ ﻟﻠﺒﺤﺮ ﻋﻨﺪﻱ ﻭﺍﺣﺪ ﻏﺎﺩﻱ ﺟﺎﻳﺒﻠﻲ
ﺍﻣﺎﻧﺔ ﻭﻧﺒﻴﻚ ﺗﺎﺧﺪﻫﺎ ﻣﻨﻪ
ﻓﺎﺭﺱ : ﻻ ﻣﺶ ﻃﺎﻟﻌﻴﻦ ... ﺑﺲ ﺧﻼﺹ ﺗﻮ ﻧﻤﺸﻲ ﻭﻧﺎﺧﺪﻫﻢ ﻣﻨﻪ
ﺯﻳﺎﺩ : ﻻ ﻻ ﺧﻼﺹ ﺍﻟﺤﻜﺎﻳﺔ ﻣﺎﺗﺴﺘﺎﻫﻠﺶ ﻣﺎﺗﻌﺒﺶ ﺭﻭﺣﻚ
ﻓﺎﺭﺱ : ﺑﺮﺍﺣﺘﻚ
ﺳﻜﺮ ﺯﻳﺎﺩ ﻣﻦ ﻓﺎﺭﺱ ﻭﺑﻌﺖ ﺭﺳﺎﻟﺔ ﻟﺮﻳﻢ ( ﻣﺮﺓ ﺛﺎﻧﻴﺔ ﻟﻤﺎ ﺗﻜﺬﺑﻲ
ﻣﺎﺗﻜﺬﺑﻴﺶ ﻋﻠﻲ ﺯﻳﺎﺩ ﻳﺎﺣﻠﻮﺓ)
ﺭﻳﻢ ﻗﺮﺕ ﺍﻟﺮﺳﺎﻟﺔ ﻭﺍﺑﺘﺴﻤﺖ ...ﺭﻧﻴﻢ : ﻫﺎﺷﻦ ﺻﺎﺭ؟
ﺭﻳﻢ : ﺧﻮﻓﺘﻴﻨﻲ ﻳﺎﺑﻨﺖ ... ﺷﻦ ﺻﺎﺭ ﻓﻲ ﺷﻨﻮ؟؟؟
ﺭﻧﻴﻢ : ﺯﻳﺎﺩ ﺍﺗﺼﻞ ﺑﻔﺎﺭﺱ ﻭﻗﺎﻟﻪ ﻓﻲ ﺍﻣﺎﻧﺔ ﻳﺒﻴﻪ ﻳﺠﻴﺒﻬﻮﻟﻪ
ﺭﻳﻢ ﺿﺤﻜﺖ : ﻫﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﻣﺎﻫﻮ ﺳﺎﻫﻞ
ﺭﻧﻴﻢ : ﻋﻼﺵ ﺗﻀﺤﻜﻲ؟؟؟ ﻭﺧﺒﺮﺗﻬﺎ ﺭﻳﻢ ﺑﺎﻟﻘﺼﺔ ﻭﻗﻌﺪﺕ ﺗﻀﺤﻚ ﻫﻲ
ﺍﻟﺜﺎﻧﻴﺔ
~~~~~~~~~~~~~~~~~~~~~~~
ﻋﺒﻴﺮ ﻣﺸﺖ ﻟﺤﻮﺵ ﺃﻫﻠﻬﺎ ﻭﻗﻌﻤﺰﺕ ﺗﻬﺪﺭﺯ ﻫﻲ ﻭﻫﻨﺎﺩﻱ
ﻋﺒﻴﺮ : ﺍﻟﺤﻜﺎﻳﺔ ﻣﻠﻞ ﺑﻜﻞ
ﻫﻨﺎﺩﻱ : ﺍﻧﺘﻲ ﻣﻦ ﻳﻮﻡ ﻣﺸﺖ ﺭﻳﻢ ﻭﺍﻧﺘﻲ ﺗﻌﻴﻄﻲ ﻣﻠﻞ ﻣﻠﻞ
ﻋﺒﻴﺮ : ﻛﺎﻧﺖ ﻣﻮﻧﺴﺘﻨﻲ ﺍﻟﺤﻖ ﻭﺗﻮﺍ ﻧﺤﺲ ﺑﻔﺮﺍﻍ ﺑﺪﻭﻧﻬﺎ
ﻫﻨﺎﺩﻱ : ﺗﻌﺮﻓﻲ ﺍﻥ ﺣﻨﻴﻦ ﺗﺒﻲ ﺗﻄﻠﻘﻬﺎ ﻭﺗﺮﺩ ﺍﻣﻴﺮﺓ
ﻋﺒﻴﺮ ﺑﻌﺼﺒﻴﺔ : ﻭﻫﻲ ﺷﻦ ﺩﺧﻠﻬﺎ؟؟؟
ﻫﻨﺎﺩﻱ : ﺧﻴﺮﻙ ﻋﺼﺒﺘﻲ؟؟؟
ﻋﺒﻴﺮ : ﻫﻮ ﺍﻟﻠﻲ ﻳﺴﻤﻊ ﻛﻼﻡ ﺿﺮﻭﺭﻱ ﻳﻌﺼﺐ
ﻫﻨﺎﺩﻱ : ﺍﻧﺘﻲ ﻗﻠﺘﻴﻬﺎ ﻛﻼﻡ ﺑﺲ ﻳﻌﻨﻲ ﻣﺶ ﻭﺍﻗﻊ
ﻋﺒﻴﺮ : ﻳﻌﻨﻲ ﺍﻧﺘﻲ ﻣﺎﺗﻌﺮﻓﻴﺶ ﺍﺧﺘﻚ ﻟﻤﺎ ﺗﺤﻂ ﺣﺎﺟﺔ ﻓﻲ ﺭﺍﺳﻬﺎ
ﻫﻨﺎﺩﻱ : ﻧﻌﺮﻓﻬﺎ ﻭﻧﻌﺮﻑ ﺯﻳﺎﺩ
ﻋﺒﻴﺮ : ﺍﻛﻴﺪ ﺣﺘﺪﻳﺮ ﺍﻱ ﺷﻲ ﻋﺸﺎﻥ ﺯﻳﺎﺩ ﻳﻄﻠﻖ ﺭﻳﻢ
ﻫﻨﺎﺩﻱ : ﻛﺎﻥ ﺯﻳﺎﺩ ﻳﻴﻲ ﺭﻳﻢ ﻣﺎﻓﻲ ﺣﺪ ﻳﺠﺒﺮﻩ ﻳﻄﻠﻘﻬﺎ ﺻﺪﻗﻴﻨﻲ
ﺧﺶ ﻋﻠﻴﻬﻢ ﺯﻳﺎﺩ: ﻧﺴﻤﻊ ﻓﻲ ﺍﺳﻤﻌﻲ
ﻫﻨﺎﺩﻱ : ﻣﺶ ﻋﻠﻴﻚ ﻧﺘﻜﻠﻤﻮ ﻋﻠﻲ ﺯﻳﺎﺩ ﻭﺍﺣﺪ ﺛﺎﻧﻲ
ﺯﻳﺎﺩ ﺿﺤﻚ : ﻭﺣﺘﻲ ﻫﻮ ﻣﺮﺗﻪ ﺍﺳﻤﻬﺎ ﺭﻳﻢ
ﻫﻨﺎﺩﻱ : ﺷﻜﻠﻚ ﺳﻤﻌﺖ ﺍﻟﻜﻼﻡ ﻛﻠﻪ
ﺯﻳﺎﺩ : ﺍﻧﺘﻢ ﻛﺎﻥ ﺻﻮﺗﻜﻢ ﻋﺎﻟﻲ
ﻋﺒﻴﺮ : ﻏﺮﻳﺒﺔ ﻫﺎﺫﻱ ﺍﻭﻝ ﻣﺮﺓ ﻧﺸﻮﻓﻚ ﺗﻀﺤﻚ ﻣﻦ ﺑﻌﺪ ......
ﻗﺎﻃﻌﻬﺎ ﺯﻳﺎﺩ : ﻻﺑﻌﺪ ﻭﻻﻗﺒﻞ ﺳﻜﺮﻱ ﻉ ﺍﻟﻤﻮﺿﻮﻉ
ﻋﺒﻴﺮ ﻧﺎﺿﺖ ﻗﻌﻤﺰﺕ ﻓﻲ ﺟﻨﺒﻪ ﻭﺷﺪﺕ ﺇﻳﺪﻩ : ﻻﻣﺘﻲ ﺗﺒﻲ ﺗﺴﻜﺮﻩ
ﺯﻳﺎﺩ : ﻗﺘﻠﻚ ﺳﻜﺮﻱ ﺍﻟﻤﻮﺿﻮﻉ ﺧﻼﺹ
ﻋﺒﻴﺮ : ﻳﺎﻋﻤﻲ ﻓﻜﺮ ﻓﻲ ﻧﻔﺴﻚ ﻭﺍﻻ ﻋﺎﺟﺒﻚ ﺣﺎﻟﻚ
ﺯﻳﺎﺩ : ﺍﻱ ﻋﺎﺟﺒﻨﻲ ﻋﻨﺪﻙ ﻣﺎﻧﻊ
ﻋﺒﻴﺮ : ﻣﺎﺩﺍﻡ ﺍﻧﺖ ﺗﺒﻲ ﺭﻳﻢ ﻋﻼﺵ ﻣﺎﺗﺮﺩﻫﺎ
ﺯﻳﺎﺩ : ﻭﻣﻦ ﻗﺎﻟﻚ ﻧﺒﻴﻬﺎ
ﻋﺒﻴﺮ : ﻧﺘﻜﻠﻢ ﻣﻌﺎﻙ ﺑﺼﺮﺍﺣﺔ ﻭﻣﺎﺗﺰﻋﻠﺶ
ﺯﻳﺎﺩ : ﻗﻮﻟﻲ ﺷﻦ ﻋﻨﺪﻙ.
ﻋﺒﻴﺮ : ﺍﻧﺖ ﻟﻮ ﻣﺎﺗﺤﺒﺶ ﺭﻳﻢ ﻛﻨﺖ ﻣﻦ ﺍﻭﻝ ﻣﺎﻃﻠﺒﺖ ﺍﻣﻴﺮﺓ ﺍﻟﻄﻼﻕ
ﻃﻠﻘﺖ ﺭﻳﻢ ﻣﺶ ﺍﻣﻴﺮﺓ
ﺧﺸﺖ ﻋﻠﻴﻬﻢ ﺣﻨﻴﻦ ﻭﺑﻌﺼﺒﻴﺔ : ﻭﻫﺎﺫﺍ ﺍﻟﻠﻲ ﺑﻴﺼﻴﺮ ﺑﻴﻄﻠﻘﻬﺎ ﻭﻳﺮﺩ ﺍﻣﻴﺮﺓ
.... ﻭﺍﻟﻜﻞ ﻗﻌﺪ ﻳﺸﻮﻓﻠﻬﺎ
ﻋﺒﻴﺮ : ﻭﻣﻦ ﻗﺎﻟﻚ ﺑﻴﻄﻠﻘﻬﺎ -_-؛
ﺣﻨﻴﻦ : ﺍﺻﻼ ﻫﻮ ﻳﺒﻲ ﺍﻣﻴﺮﺓ ﻭﺍﻣﻴﺮﺓ ﺗﺒﻴﻪ
ﺯﻳﺎﺩ : ﻣﺎﺷﺎﺀ ﺍﻟﻠﻪ ﻗﺎﻋﺪﺍﺕ ﺗﻘﺮﺭﻭ ﻋﻠﻴﺎ ﻭﺍﻧﻲ ﻣﻘﻌﻤﺰ
ﺣﻨﻴﻦ : ﺍﻧﻲ ﻣﺎﻗﺮﺭﺕ ﻋﻠﻴﻚ ﺑﺲ ﻧﻌﺮﻑ ﺍﻧﻚ ﺗﺤﺐ ﺍﻣﻴﺮﺓ
ﻫﻨﺎﺩﻱ : ﻟﻜﻦ ﻣﻦ ﻣﺼﻠﺤﺘﻪ ﻫﻮ ﻭﺍﻣﻴﺮﺓ ﻟﻮ ﺗﻄﻠﻘﻮ
ﺯﻳﺎﺩ ﺑﻌﺼﺒﻴﺔ : ﺗﻌﺮﻓﻮ ﺍﻧﻲ ﺍﻟﻐﻠﻄﺎﻥ ﺍﻟﻠﻲ ﻣﻘﻌﻤﺰ ﺑﻴﻨﻜﻢ ﻭﻃﻠﻊ ﺣﺎﻣﻖ
ﻋﺒﻴﺮ : ﻋﺎﺟﺒﻚ ﺗﻮﺍ
ﺣﻨﻴﻦ : ﺍﻛﻴﺪ ﻋﺎﺟﺒﻨﻲ
ﻋﺒﻴﺮ ﺧﺪﺕ ﻋﺒﺎﻳﺘﻬﺎ ﻭﻃﻠﻌﺖ : ﺍﻧﻲ ﺍﻟﻐﻠﻄﺎﻧﺔ ﺍﻟﻠﻲ ﻗﺎﻋﺪﺓ ﻣﻌﺎﻙ
ﺣﻨﻴﻦ : ﺑﺮﺍﺣﺘﻚ
~~~~~~~~~~~~~~~~~~~~~~~~~
ﻓﺎﺕ ﺷﻬﺮ ... ﻭﺯﻳﺎﺩ ﻣﻌﺎﺵ ﺍﺗﺼﻞ ﺑﺮﻳﻢ ﻭﻣﻌﺎﺵ ﺳﻤﻌﺖ ﻋﻠﻴﻪ
ﺷﻲ .. ﻻﻃﻠﻘﻬﺎ ﻭﻻﺭﺩﻫﺎ .. ﻭﺍﻣﻬﺎ ﻛﻞ ﻣﺎﺗﺴﺄﻟﻬﺎ ﻋﻼﺵ ﺯﻳﺎﺩ ﻣﺎﺟﺎﺵ
ﺭﻓﻌﻬﺎ ﺗﻘﻮﻟﻠﻬﺎ ﺳﻮﺀ ﺗﻔﺎﻫﻢ ﻭﺣﻴﻨﺤﻞ ... ﻋﺒﻴﺮ ﻛﺎﻧﺖ ﺩﻳﻤﺎ ﺗﺘﺼﻞ ﺑﺮﻳﻢ
ﻭﺗﻄﻤﻦ ﻋﻠﻲ ﺍﺣﻮﺍﻟﻬﺎ ....
ﺣﻨﻴﻦ ﻛﺎﻧﺖ ﺗﺘﺼﻞ ﺑﺄﻣﻴﺮﺓ ﻃﻮﻝ ﺍﻟﻮﻗﺖ ﻋﺸﺎﻥ ﺗﺤﺎﻭﻝ ﺗﺮﺩﻫﺎ ﻟﺰﻳﺎﺩ
ﻗﺒﻞ ﻣﺎﺗﻢ ﻋﺪﺗﻬﺎ ... ﻟﻜﻦ ﺍﻣﻴﺮﺓ ﻛﺎﻧﺖ ﺭﺍﻓﻀﺔ ﺭﻓﺾ ﺗﺎﻡ ...ﻭﺧﻄﺒﻬﺎ ﻭﻟﺪ
ﻋﻤﻬﺎ ﻋﺎﺩﻝ ﻭﻭﺍﻓﻘﺖ ﻋﻠﻴﻪ
ﻫﻨﺎﺩﻱ ﺣﻴﺎﺗﻬﺎ ﻣﻊ ﻓﺮﻳﺪ ﺯﻱ ﻣﺎﻫﻲ ﻣﺎﺗﻐﻴﺮ ﺷﻲ ... ﺻﺢ ﻣﺎﻓﻴﺶ
ﻣﺸﺎﻛﻞ ﺑﺲ ﻣﺎﻓﻴﺶ ﺍﻟﺤﺐ ﺍﻟﻠﻲ ﻛﺎﻧﺖ ﺗﺘﻤﻨﺎﻩ
ﻏﺎﻟﻴﺔ ﺗﻘﺪﻣﻠﻬﺎ ﺷﺎﺏ ﻛﻮﻳﺲ ﻭﺑﻌﺪ ﻣﺎﻳﺌﺴﺖ ﻣﻦ ﺍﻥ ﻓﺮﻳﺪ ﻣﻤﻜﻦ ﻳﺴﻴﺐ
ﻫﻨﺎﺩﻱ ﻭﻳﺤﺒﻬﺎ ... ﻭﺍﻓﻘﺖ ﻋﻠﻴﻪ
ﺩﺍﻧﺔ ﺣﻤﻠﺖ ﻣﻦ ﺟﺪﻳﺪ ﻭﻛﺎﻥ ﺭﺍﺟﻠﻬﺎ ﻓﺮﺣﺎﻥ ﺑﻴﻄﻴﺮ ﺑﺨﺒﺮ ﺣﻤﻠﻬﺎ ...
ﻭﻓﺎﺭﺱ ﻭﻟﺪ ﺧﺎﻟﺔ ﺭﻳﻢ ﺧﻄﺐ ﺑﻨﺖ ﻋﻤﻪ ...
ﺭﻧﻴﻢ ﺗﺤﻮﻝ ﺍﻟﻐﻄﺎ ﻋﻠﻲ ﺭﻳﻢ : ﻫﻴﺎ ﻧﻮﺿﻲ ﺑﻤﺸﻮ ﻟﻠﺴﻮﻕ ﺑﻨﺸﺮﻭ ﺣﻮﺍﻳﺞ
ﻟﻌﺮﺱ ﻓﺎﺭﺱ
ﺭﻳﻢ : ﺑﻨﺮﻗﺪ ﻳﺎﺣﺼﻠﺔ ..ﺧﻠﻴﻬﺎ ﺑﻌﺪﻳﻦ
ﺭﻧﻴﻢ : ﻻ ﺗﻮﺍ ﺑﻌﺪﻳﻦ ﺑﻨﻤﺸﻮ ﻟﻠﻤﺰﻳﻦ
ﺭﻳﻢ : ﺍﻭﻭﻭﻭﻭﻑ ﻭﻧﺎﺿﺖ ﺑﺘﻐﺴﻞ ﻭﺟﻬﺎ
ﺭﻧﻴﻢ ﺳﻜﺮﺕ ﺍﻟﺒﺎﺏ ﻭﺧﺪﺕ ﺗﻠﻴﻔﻮﻥ ﺭﻳﻢ ﻭﺩﻭﺭﺕ ﻋﻠﻲ ﺭﻗﻢ ﺯﻳﺎﺩ ﻭﺑﻌﺘﺘﻠﻪ
ﻣﺴﺞ " ﻃﻠﻘﻨﻲ ﺑﻨﺘﺰﻭﺝ ﻭﻟﺪ ﺧﺎﻟﺘﻲ" ﻭﺑﻌﺪﻳﻦ ﻣﺴﺤﺖ ﺍﻟﺮﺳﺎﻟﺔ ﻭﺭﺩﺕ
ﺍﻟﺘﻠﻴﻔﻮﻥ ﻭﻃﻠﻌﺖ
~~~~~~~~~~~~~~~~~~~~~~~
ﺯﻳﺎﺩ ﻛﺎﻥ ﻣﻘﻌﻤﺰ ﻓﻲ ﺍﻟﻤﻜﺘﺐ ﻭﺳﻤﻊ ﺻﻮﺕ ﺍﻟﻤﺴﺞ ﻓﺘﺤﻪ ﻭﺗﻌﺼﺐ :
ﺑﻜﻞ ﻭﻗﺎﺣﺔ ﺗﺒﻌﺘﻠﻲ ﻫﺎﻟﻤﺴﺞ
ﻓﺮﻳﺪ ﺧﺶ ﻋﻠﻴﻪ : ﺧﻴﺮﻙ ﺷﻦ ﻓﻲ؟؟؟
ﺯﻳﺎﺩ : ﻣﺎﻓﻲ ﺷﻲ
ﻓﺮﻳﺪ : ﺻﻮﺗﻚ ﻧﺴﻤﻊ ﻓﻴﻪ ﻣﻦ ﺍﺧﺮ ﺍﻟﻤﻤﺮ ﻭﺗﻘﻮﻟﻲ ﻣﺎﻓﻲ ﺷﻲ
ﺯﻳﺎﺩ : ﻗﺘﻠﻚ ﻣﺎﻓﻴﺎ ﺷﻲ ... ﻭﻃﻠﻊ
ﺣﻨﻴﻦ ﻣﻘﻌﻤﺰﺓ ﻫﻲ ﻭﻫﻨﺎﺩﻱ : ﻫﻨﺎﺩﻱ ﻋﻼﺵ ﻧﺤﺲ ﻓﻴﻚ ﻣﺶ ﺳﻌﻴﺪﺓ
ﻫﻨﺎﺩﻱ : ﻻ ﻏﻴﺮ ﺗﺘﺨﺎﻳﻠﻲ
ﺣﻨﻴﻦ : ﺷﻦ ﻧﺘﺨﺎﻳﻞ ... ﻗﻮﻟﻴﻠﻲ ﺷﻦ ﻓﻲ ﻳﻤﻜﻦ ﻧﻘﺪﺭ ﻧﺴﺎﻋﺪﻙ
ﻫﻨﺎﺩﻱ ﻋﻴﻮﻧﻬﺎ ﺗﻌﺒﻮ ﺩﻣﻮﻉ : ﺷﻦ ﺗﺒﻴﻨﻲ ﻧﻘﻮﻟﻚ ﻋﻠﻲ ﺣﻴﺎﺗﻲ ﺍﻟﻤﻤﻠﺔ
ﻭﺍﻻ ﻓﺮﻳﺪ ﺍﻟﻠﻲ ﻭﺍﺧﺪﻧﻲ ﺑﺲ ﺗﺤﺪﻱ ﻭﺍﻻ ﻛﻼﻣﻪ ﺍﻟﺠﺎﺭﺡ
ﺣﻨﻴﻦ ﺣﻀﻨﺘﻬﺎ : ﻭﻋﻼﺵ ﺳﺎﻛﺘﻪ ﻋﻠﻲ ﻫﺎﺫﺍ ﻛﻠﻪ ؟؟؟
ﻫﺪﺕ ﻫﻨﺎﺩﻱ ﺷﻮﻳﺎ : ﺣﻨﻴﻦ ﺑﺎﻟﻠﻪ ﻋﻠﻴﻚ ﻣﺎﻧﺒﻲ ﺣﺪ ﻳﻌﺮﻑ ﺑﺎﻟﻤﻮﺿﻮﻉ
ﺣﻨﻴﻦ : ﻻ ﻣﺎﺗﺨﺎﻓﻴﺶ ﻣﺶ ﺣﻨﻘﻮﻝ ﻟﺤﺪ ... ﺑﺲ ﺣﺎﻟﻚ ﻣﺎﻳﻨﺴﻜﺘﺶ ﻋﻠﻴﻪ
ﻫﻨﺎﺩﻱ : ﺷﻦ ﺗﺒﻴﻨﻲ ﻧﺪﻳﺮ ﻧﻘﻮﻝ ﻟﻌﻤﻲ ﻭﻟﺪﻙ ﻣﺎﻳﺤﺒﻨﻴﺶ ﻭﺩﻳﻤﺎ ﻣﻌﺼﺐ
ﻣﻌﺎﻱ
ﺣﻨﻴﻦ : ﻻ ﻻ ﻣﺶ ﻫﻜﻜﻲ ... ﺍﻗﻠﺒﻲ ﻋﻠﻴﻪ ﺍﻟﻠﻌﺒﺔ
ﻫﻨﺎﺩﻱ : ﻛﻴﻒ؟؟؟
ﺣﻨﻴﻦ : ﻣﻌﺎﺵ ﺗﺮﻗﺪﻱ ﻣﻌﺎﻩ ﻭﺍﻱ ﺷﻲ ﻳﺒﻴﻪ ﺍﺭﻓﻀﻲ ﺧﻠﻴﻪ ﻳﺤﺲ ﺑﺒﻌﺪﻙ
ﻋﻠﻴﻪ
ﻫﻨﺎﺩﻱ : ﻻ ﻻ ﻧﺨﺎﻑ ﻳﺪﻳﺮ ﺩﻭﺷﻪ
ﺣﻨﻴﻦ : ﺧﻠﻴﻪ ﻳﻌﺎﺭﻙ ﻭﻳﻌﺼﺐ ﻭﺍﻧﺘﻲ ﺧﻠﻴﻚ ﻋﻠﻲ ﻣﻮﻗﻔﻚ ﻭﺭﺩﻱ ﺑﺎﻟﻚ
ﺗﺴﺘﺴﻠﻤﻲ
ﻫﻨﺎﺩﻱ : ﻳﺎﻧﺎﺭﻱ ﻣﻨﻚ ﺍﻧﺘﻲ ﻭﺍﻓﻜﺎﺭﻙ ﺍﻟﻠﻲ ﻳﺨﻮﻓﻦ
ﺣﻨﻴﻦ ﺿﺮﺑﺘﻬﺎ ﻋﻠﻲ ﻛﺘﻔﻬﺎ : ﻧﺴﺎﻋﺪ ﻓﻴﻚ ﻳﺎﻗﺮﺩﺓ ﻭﺗﻘﻮﻟﻲ ﻫﻜﻲ
~~~~~~~~~~~~~~~~~~~~~~~
ﺯﻳﺎﺩ ﺭﻛﺐ ﻓﻲ ﺳﻴﺎﺭﺗﻪ ﻭﻗﻌﺪ ﻳﺪﻭﺭ ﻣﻦ ﻣﻜﺎﻥ ﻟﻤﻜﺎﻥ ﺑﻌﺪﻳﻦ ﺧﺪﻱ
ﺗﻠﻴﻔﻮﻧﻪ ﻭﺍﺗﺼﻞ ﺑﺮﻳﻢ ..
ﺭﻳﻢ ﻓﻲ ﺍﻟﺴﻮﻕ ﺳﻤﻌﺖ ﺗﻠﻴﻔﻮﻧﻬﺎ ﻳﺮﻥ ﻃﻠﻌﺎﺗﻪ ﻭﺷﺎﻓﺖ ﺭﻗﻢ ﺯﻳﺎﺩ
ﺩﺍﺭﺍﺗﻪ ﻉ ﺍﻟﺼﺎﻣﺖ .. ﻭﻛﻤﻠﻮ ﺗﺴﻮﻗﻬﻢ ﻭﺭﻳﻢ ﻓﻜﺮﻫﺎ ﻣﻊ ﺯﻳﺎﺩ ﻭﻋﻼﺵ
ﻣﺘﺼﻞ ﺑﻴﻬﺎ
ﺯﻳﺎﺩ ﺍﺗﺼﻞ ﺍﻛﺜﺮ ﻣﻦ ﻋﺸﺮﻳﻦ ﻣﺮﺓ ﻭﻣﺎﺭﺩﺗﺶ ﻋﻠﻴﻪ ﻓﺒﻌﺘﻠﻬﺎ ﻣﺴﺞ " ﺑﻌﺪ
ﻳﻮﻣﻴﻦ ﺟﺎﻳﻚ ﻭﺗﻮ ﻧﺸﻮﻑ ﻭﻟﺪ ﺧﺎﻟﺘﻚ ﺍﻟﻠﻲ ﻳﺒﻴﻚ ﺑﺎﻫﻲ "
ﺭﻭﺣﻮ ﺍﻟﺒﻨﺎﺕ ﻣﻦ ﺍﻟﺴﻮﻕ ﻭﻗﻌﻤﺰﻭ ﻳﻮﺭﻭ ﻓﻲ ﺍﻡ ﻓﺎﺭﺱ ﻭﺍﻡ ﺭﻳﻢ ﻓﻲ
ﺍﻟﺪﺑﺶ ﺍﻟﻠﻲ ﺷﺮﻭﻩ ....ﺭﻳﻢ ﺍﺫﻛﺮﺕ ﻧﻘﺎﻟﻬﺎ ﻓﺸﺎﻓﺖ ﺍﻟﺮﺳﺎﻟﺔ ﺍﻟﻠﻲ
ﺑﺎﻋﺘﻬﺎ ﺯﻳﺎﺩ ﺍﻧﻘﻬﺮﺕ ﻭﺭﺩﺕ ﻋﻠﻴﻪ" ﺣﺘﻲ ﺍﻧﺖ ﺑﻌﻴﺪ ﻋﻠﻴﺎ ﻣﺶ ﻣﺮﻳﺤﻨﻲ "
ﺯﻳﺎﺩ ﺳﻤﻊ ﺻﻮﺕ ﺍﻟﻤﺴﺞ ﻗﺮﺍﻩ ...ﻭﺍﺗﺼﻞ ﺑﺮﻳﻢ ﻋﻠﻲ ﻃﻮﻝ
ﺭﻳﻢ ﺍﺳﺘﺄﺫﻧﺖ ﻭﻃﻠﻌﺖ ﻣﻦ ﺟﻨﺒﻬﻢ ﻭﺭﺩﺕ ﻋﻠﻴﻪ ﺑﻬﺪﻭﺀ : ﺍﻟﻮ
ﺯﻳﺎﺩ ﺳﻜﺖ ﺷﻮﻱ : ﺗﺒﻲ ﺗﺘﻄﻠﻘﻲ؟؟؟؟
ﺭﻳﻢ : ﻳﺎﺭﻳﺖ
ﺯﻳﺎﺩ ﺑﻌﺼﺒﻴﻪ : ﻣﺶ ﺣﻨﻄﻠﻘﻚ ﺑﻨﺨﻠﻴﻚ ﻫﻜﻲ ﻣﻌﻠﻘﺔ ﻭﻭﺭﻳﻨﻲ ﻭﻟﺪ ﺧﺎﻟﺘﻚ
ﻛﻴﻒ ﺑﻴﺘﺰﻭﺟﻚ
ﺭﻳﻢ : ﻭﻟﺪ ﺧﺎﻟﺘﻲ ﺷﻦ ﺩﺧﻠﻪ؟؟؟
ﺯﻳﺎﺩ : ﺷﻮﻓﻲ ﺭﻭﺣﻚ ﺷﻦ ﺑﺎﻋﺘﻪ؟
ﺭﻳﻢ ﺑﺎﺍﺳﺘﻐﺮﺍﺏ : ﺷﻦ ﺑﻌﺘﺖ ﺍﻧﻲ ﻣﺎﻓﻬﻤﺖ ﺷﻲ
ﺯﻳﺎﺩ : ﺍﻧﻲ ﻣﺶ ﻓﺎﺿﻲ ﻧﺸﺮﺣﻠﻚ ﻫﻲ ﻛﻠﻤﺔ ﻭﺍﺣﺪﺓ ﻏﺪﻭﺓ ﺗﻜﻮﻧﻲ
ﺟﺎﻫﺰﺓ ﻓﺎﻫﻤﺔ ﻭﺳﻜﺮ
ﺭﻧﻴﻢ : ﺧﻴﺮﻩ ﺯﻳﺎﺩ؟؟؟
ﺭﻳﻢ : ﻣﺎﻧﻌﺮﻓﺶ ﻳﺨﺮﻑ ﻗﺎﻟﻲ ﺗﺒﻲ ﻭﻟﺪ ﺧﺎﻟﺘﻚ ﻣﺎﻭﻟﺪ ﺧﺎﻟﺘﻚ
ﺭﻧﻴﻢ ﺿﺤﻜﺖ ﻭﺣﻜﺘﻠﻬﺎ ﻉ ﻗﺼﺔ ﺍﻟﺮﺳﺎﻟﺔ ﺍﻟﻠﻲ ﺑﻌﺘﺘﻬﺎ
ﺭﻳﻢ : ﻭﻣﻦ ﻗﺎﻟﻚ ﺍﺩﻳﺮﻱ ﻫﻜﻲ
ﺭﻧﻴﻢ : ﻛﻨﺖ ﻧﺒﻲ ﻧﺘﺄﻛﺪ ﻣﻦ ﺣﺎﺟﺔ ﻭﺗﺄﻛﺪﺕ .... ﻻﻧﻪ ﻛﺎﻥ ﻣﺎﻳﺤﺒﻜﺶ
ﻭﻣﺎﻳﺒﻴﻚ ﻣﺎﻛﺎﻧﺶ ﻋﺼﺐ .. ﻭﺣﺎﺟﺔ ﺛﺎﻧﻴﺔ ﻧﺒﻴﻪ ﻳﺤﺲ ﺑﺎﻧﻚ ﺗﺒﻲ ﻏﻴﺮﻩ
ﻋﺸﺎﻥ ﻳﺸﺮﺏ ﻣﻦ ﻧﻔﺲ ﺍﻟﻜﺎﺱ ﺍﻟﻠﻲ ﺷﺮﺑﻚ ﻣﻨﻪ
ﺭﻳﻢ : ﺑﺲ ﺍﻱ ﺭﺍﺟﻞ ﻣﺮﺗﻪ ﺗﻘﻮﻟﻪ ﻫﺎﻟﻜﻼﻡ ﺑﻴﻌﺼﺐ ﺳﻮﺍ ﻳﺤﺒﻬﺎ ﺍﻭ ﻻ
ﺭﻧﻴﻢ : ﺍﺣﻨﻲ ﺧﻠﻴﻨﺎ ﻧﺸﻮﻓﻮ ﻭﻛﺎﻥ ﻣﺎﻧﻔﻌﺘﺶ ﻫﺎﻟﻠﻌﺒﺔ ﻣﺶ ﺣﻀﺮ
ﺭﻳﻢ : ﻳﺴﺘﺮ ﺍﻟﻠﻪ
~~~~~~~~~~~~~~~~~~~~~~~
ﻓﺮﻳﺪ ﺭﻭﺡ ﻣﻦ ﺷﻐﻠﻪ ﻣﺘﺄﺧﺮ ﺧﺶ ﻟﻠﺪﺍﺭ ﻭﺍﺭﺗﻤﻲ ﻉ ﺍﻟﺴﺮﻳﺮ ﻣﻦ
ﺍﻟﺘﻌﺐ ... ﻫﻨﺎﺩﻱ ﻗﺮﺭﺕ ﺗﻨﻔﺬ ﻛﻼﻡ ﺍﺧﺘﻬﺎ .. ﻓﺨﺪﺕ ﺷﺮﺷﻒ ﻭﻣﺨﺪﺓ
ﻭﺍﻣﺸﺖ ﻟﻠﺪﺍﺭ ﺍﻟﺜﺎﻧﻴﺔ ﻭﺳﻜﺮﺗﻬﺎ ﻋﻠﻴﻬﺎ ...
ﻓﺮﻳﺪ ﻗﻌﺪ ﻳﺸﺒﺤﻠﻬﺎ ﺑﺄﺳﺘﻐﺮﺍﺏ ... ﻭﺑﻌﺪﻳﻦ ﻟﺤﻘﻬﺎ ﻭﻗﻌﺪ ﻳﻔﺘﺢ ﻓﻲ
ﺍﻟﺒﺎﺏ ﻟﻘﺎﻩ ﺍﻣﺴﻜﺮ ... ﻗﻌﺪ ﻳﺨﺒﻂ ﻭﻫﻨﺎﺩﻱ ﻣﺎﺗﺒﻴﺶ ﺗﺮﺩ ﻋﻠﻴﻪ
ﻓﺮﻳﺪ ﺑﻌﺼﺒﻴﺔ : ﻫﻨﺎﺩﻱ ﺍﻓﺘﺤﻲ ﺍﻟﺒﺎﺏ
ﻫﻨﺎﺩﻱ .......................
ﻓﺮﻳﺪ ﺿﺮﺏ ﺍﻟﺒﺎﺏ ﺑﺮﺟﻠﻪ : ﺍﻭﻛﻲ ﻳﺎﻫﻨﺎﺩﻱ ﻏﺪﻭﺓ ﻧﺘﻔﺎﻫﻤﻮ
ﺯﻳﺎﺩ ﺟﺎﻩ ﺧﺒﺮ ﺍﻥ ﺃﻣﻴﺮﺓ ﺍﻧﺨﻄﺒﺖ ﻭﺯﻭﺍﺟﻬﺎ ﻗﺮﻳﺐ .. ﻓﻈﻠﻤﺖ ﺍﻟﺪﻧﻴﺎ ﻓﻲ
ﻋﻴﻨﻪ ﻭﻣﺎﻋﺮﻓﺶ ﺷﻦ ﻳﺪﻳﺮ ﻓﺨﺪﻱ ﺗﻠﻴﻔﻮﻧﻪ ﻭﺍﺗﺼﻞ ﺑﻔﺮﻳﺪ ﻳﺒﻲ ﺣﺪ ﻳﺘﻜﻠﻢ
ﻣﻌﺎﻩ
ﻓﺮﻳﺪ ﺷﺎﻑ ﺭﻗﻢ ﺯﻳﺎﺩ ﺭﺩ ﺑﺴﺮﻋﺔ : ﺍﻫﻼ ﺯﻳﺎﺩ
ﺯﻳﺎﺩ : ﺑﺪﻝ ﺩﺑﺸﻚ ﻭﺗﻌﺎﻝ ﻧﺒﻴﻚ ﺗﺤﺖ .... ﻧﺰﻝ ﻓﺮﻳﺪ ﺑﺴﺮﻋﺔ ﻭﻓﺘﺢ
ﺳﻴﺎﺭﺓ ﺯﻳﺎﺩ ﻭﺭﻛﺐ
ﻓﺮﻳﺪ : ﺧﻴﺮﻙ ﺷﻦ ﻓﻲ؟؟؟
ﺯﻳﺎﺩ : ﻣﺎﻓﻲ ﺷﻲ ﻣﺎﺗﺨﺎﻓﺶ ... ﺑﺲ ﺳﻤﻌﺘﺎﻥ ﺍﻣﻴﺮﺓ ﺍﻧﺨﻄﺒﺖ ﻭﺑﺘﺘﺰﻭﺝ
ﻓﺮﻳﺪ : ﺧﻠﻴﻬﺎ ﺗﺘﺰﻭﺝ ﻭﺍﻧﺖ ﺷﻦ ﺩﺧﻠﻚ ..
ﺯﻳﺎﺩ : ﺍﻧﺖ ﻋﺎﺭﻑ ﺷﻦ ﺍﻣﻴﺮﺓ ﺑﺎﻟﻨﺴﺒﺔ ﻟﻴﺎ
ﻓﺮﻳﺪ : ﺍﻧﻲ ﻋﺎﺭﻑ ﻫﻲ ﺷﻨﻮ ﺑﺎﻟﻨﺴﺒﺔ ﻟﻴﻚ . ﺑﺲ ﻻﻣﺘﻲ ﺑﺘﻘﻌﺪ ﻫﻜﻲ
ﺯﻳﺎﺩ : ﺗﻌﺒﺖ ﻭﺍﻧﻲ ﻧﺤﺎﻭﻝ ﻧﺘﻐﻴﺮ ﺗﻌﺒﺖ
ﻓﺮﻳﺪ : ﺍﻧﺖ ﺗﺠﻴﺐ ﻓﻲ ﺍﻟﺘﻌﺐ ﻟﻨﻔﺴﻚ
ﺯﻳﺎﺩ : ﺑﺎﻩ ﻗﻮﻟﻲ ﺷﻦ ﻧﺪﻳﺮ؟؟؟؟؟
ﻓﺮﻳﺪ : ﺧﻼﺹ ﻃﻠﻖ ﺭﻳﻢ ﻭﺗﺰﻭﺝ ﻭﺣﺪﺓ ﺛﺎﻧﻴﺔ ﻭﺍﺑﺪﻱ ﻣﻌﺎﻫﺎ ﻣﻦ ﺟﺪﻳﺪ
ﺯﻳﺎﺩ : ﻻ ﻧﻄﻠﻖ ﺭﻳﻢ ﻻ
ﻓﺮﻳﺪ : ﻋﻼﺵ ﺷﻦ ﺗﺤﺒﻬﺎ؟؟؟؟
ﺯﻳﺎﺩ : ﺍﻧﻲ ﻧﺤﺒﻬﺎ ....ﻣﺴﺘﺤﻴﻞ
ﻓﺮﻳﺪ : ﻭﺭﺍﺳﻚ ﺗﺤﺒﻬﺎ ﻏﻴﺮ ﺗﻜﺎﺑﺮ ... ﻭﻛﻞ ﺍﻟﻠﻲ ﻓﻴﻪ ﺍﻧﺖ ﺗﻮﺍ ﻻﻧﻚ
ﺣﺒﻴﺘﻬﺎ ﻭﺗﺒﻲ ﺗﺜﺒﺖ ﻟﻨﻔﺴﻚ ﺍﻧﻚ ﻛﺎﺭﻫﺎ
ﺯﻳﺎﺩ : ﺍﻧﺖ ﻏﻠﻄﺎﻥ ﻋﻤﺮﻱ ﻣﺎﺣﺒﻴﺘﻬﺎ
ﻓﺮﻳﺪ : ﺍﻧﺖ ﺣﺒﻴﺘﻬﺎ ... ﻭﺍﻻ ﻟﻤﺎ ﻃﻠﺒﺖ ﺍﻣﻴﺮﺓ ﺍﻟﻄﻼﻕ ﻛﻨﺖ ﺗﻘﺪﺭ ﺗﻄﻠﻖ
ﺭﻳﻢ ﻭﺗﺤﻞ ﺍﻟﻤﺸﻜﻠﺔ ﺑﺲ ﺍﻧﺖ ﻃﻠﻘﺖ ﺍﻣﻴﺮﺓ
ﺯﻳﺎﺩ : ﻭﺍﻟﻠﻪ ﻣﺎﻋﺎﺩ ﻋﺮﻓﺖ ﺷﻦ ﻧﺒﻲ
ﻓﺮﻳﺪ : ﺗﺴﻤﻊ ﻛﻼﻣﻲ ﺭﺟﻊ ﺭﻳﻢ ﻭﺣﺎﻭﻝ ﺗﻘﺮﺑﻬﺎ ﻣﻨﻚ ﻭﺟﺮﺏ ﻣﻌﺎﻫﺎ
ﻳﻤﻜﻦ ﺗﺘﻔﺎﻫﻤﻮ
ﺯﻳﺎﺩ :........
يتبع...
