🌸صدمه
السعادة والفرحة احتلو قلب توتيل لمن رجلها لمست الارض.... الساعه كانت 9 بالصباح.... وكالعادة عندهم الغييييم والجو باااااارد.
نزلت شنطتها وطلبت من السواق ينزل برضو.
مشت على اتجاه بيتهم وفجأة بس باب بيت ناس سيدة فتح.
جات سيدة مارقه وعدلت توبها ف راسها وكانت بتتكلم مع امها : خلاص يا يمه خلاص اهندا ماشا اجيبها.
بس فجأة تشوف ليك توتيل واقفة.
نطرت عيونها وبلعت ريقها : ت.... توتيل؟
وبس فجأة تجعر ليك بي اعلى صوتها : هيااااااااااااا توتيل..... يااااا يمه.... يا خالتي اقبال...... يا ناااااااااس تعالو.
وطارت ف توتيل وحضنتها وهي بتببببببببكي 😭😭😭😭😭😭.
امها جات مارقة : يا بت مالك ف شنو ؟
بس شافت ليك توتيل
في ثواني الحلة كلها اتلمت والسلام دا بالدور والنسوان يبكو ويتمخطو 😂🔥
وسيدة بعد م كانت بتبكي قلبتها ليك زغااااااااااريد 😂💜.
المهم دخلت بيتهم ومعاها سيدة وام سيدة.... واقبال امها... سلمت على ابوها سلام شوووووق وسلام حااااار كدا.... اما السواق ساقوه الديوان 😂... فطروه وجابو ليه الشاي والجبنه وخلو اخد ليه تكيه كدا عشان لو مرق بي حالتو دي بيعمل حادث وحيقلب العربية.
توتيل بعد السلام والونسة حقت الاهل ديك والفطور والشاي وم ادراك قعدت ف البرندة جوه مع سيدة الجابت ليها فنجانين قهوة وجات.
سيدة : والله العظيم يا توتيل مشتاقة ليك شوووووووووق قرب يقتلني 😭💔
_ وانا كمان يا سيدة والله 💔
_ اها احكي ووريني الحصل ليك شنو والناس ديل كيف ؟
_ والله الحاصل كتيييييير وعايزة احكي ليك وافضفض.
_ احكي يا بت امي
_ اول شي ميكال دا عندو حبوبة كدا واي منها.... مرة كلاااامها حار وبترمي لي الكلام دايما.
_ وين امو ؟
_ امو ميته
_ الله شال منك نسيبة واداك واحدة افقر يعني ؟
_ شكلو كدي... وبعدين اخواتو 3 اتنين م بتعاملن معاي اصلا ويعاينن لي بي قعر عينن....
_ مفتريات بيييس عليهن
_ لكن عندو واحدة اسمها لجين عسسسسل شديد تتخت ف الجرح يبرا.... طيببببة ومهذبة الوحيدة المحترماني وبتعاملني كويس والله
_ الحمدلله الطلعتي ليك بواحدة كويسة... كدي سيبينا من ديل.... هو ف نفسو تعاملو كيف معاك.
_ هو زول كدي م مفهوم لا تعرفيه طيب لا كعب.... اول ايام كنت بكرهو كره يا سيدة.... كره العمى.... لكن بعد م سافرنا شهر العسل بديت....
_ بديتي شنو ؟
_ م عارفة اشرح ليك كيف
_ اعلك ردتيه وحبيتيه
_ والله م عارفة يا سيدة 💔
_ هياااا توتيل اوعك يا بت امي اوعك 💔.... الزول دا م تضمنيه... حدك السنه وحترجعي عشان م توجعي قليبك ساي.
_ م بيدي فجأة لقيت نفسي زي الاتعلقت بيه واتعودت عليه كدا.
_ وم تكوني محسساه بي كدا
_ بدس مشاعري دي كلها لكن 💔.... اعتقد يكون عارفني.. هو م هين وعندو خبره ف كل شي 💔
_ واي يا توتيل م توقعتك تحبي ف يوم
_ م بحبو يا سيدة
_ والبتقولي فيها دا شنو.
عاينت لي فنجان قهوتها ولفتو قبل م تشيل انفاسها وتعاين ليها: عارفة يا سيدة لمن تبقي فجأة م عارفة انتي مالك ؟ مشاعرك مالا ؟ حصل ليك شنو ؟؟؟ لمن فجأة تلقي نفسك متعلقة بزول.... بي ضحكتو... بي كلامو... بي نظراتو.... قلبك بقول ليك شي.... وعقلك بيهددك بالواقع وبي الحيحصل.... بيحسب ليك كل شي بي عملية دقيقة ويوريك الناتج شنو... وتشوفي في الناتج كسرة قلب وحسره ووجع... وقلبك ف نفس اللحظة ينكر ليك كل دا ويوعدك بحياة زهرية جميلة... ويحصل التصادم بينهم... بين قلبك وعقلك.... وم تكوني عارفة الحينتصر منو.... وف النهاية انتي ارض المعركه... انتي البتتوجعي كل شوية وانتي العارفة انك حتدمري اثناء وبعد الحرب 💔....
_ يا توتيل انتي بتحبيه والله
_ انا م عارفة 💔 انا بحبو ولا بس متعلقة بيه وخلاص....فتره وحتعدي... م كان نفسي ادخل ف شي زي دا ولا يوم....كنت عايزة احب واستقر... طول عمري صاينه قلبي وحافظاه عشان يجي البيستاهل ويدخل فيه وتاني م يطلع.... لكن انا هسه م عارفة الحاصل شنو... وم عارفة انا عملت شنو عشان يحصل لي كدا
_ اسمعيها نصيحه مني.... فوضي امرك لي رب العباد... فوضي امرك واتوكلي عليه وقولي اللهم ارشدني الى خير... وربنا م بنساك... الله موجود والدعاء موجود عشان ينقذنا من اللحظات البنبقى متشابكين ومعقودين فيها دي 💜
_ ونعم بالله 💜
_ وهو هسه ياختي بيعاملك كيف ؟ وريني
_ مرات ببقى حقار ومرات ببقى شبه طيب... بتعامل معاي بي قسوة بس فيها حنيه .... ياخ م قادرة اشرح ليك 😂😭😂😭.
_ فهمتك...فهمتك... وووووو..... اوعى يا توتيل يكون حصل شي بينكم
_ لا لا م تخافي.... ماف اي شي.
_اها وريني سافرتو وين
_ عاد يا سيدة كانا سفره حلللوة حلا.... مشينا تركيا وايطاليا واليونان
_ اجججججججش الصلاة على النبي ودا بالطيارة ؟
_ لا لا بالسفينه
_ سفينه عديييل ؟
_ اي
_ بختتتتك ياختي الله يوعدني بسفره زي هلتك دي
_ ان شاء الله يارب.... طبعا م وريتك ميكال عندو ود عمو صغير كدي اسمو يوسف
_ اها مالو 😀
_ اصبري خليني انكمل كلامي 😑
_ اها
_ عااااااد حليوا 😂.... وظريفووووني كان بضحكني ضحك.... قال دايرلو عروسة
_ هي يا بت م وريتك.... احمد ختبني 🙈
_ اصصصلو م بصدق دا متييين دا ؟
_ والله قبل اسبوع او اكتر تقريبا
_ مبروووك 😂🔥.... عاد كان م كان خطبك كان متتتتي 😂
_ اموت لي ياختي😌؟ انا واثقه ف نفسي( صخصية صعبة المنال)
_ واثقة ف شنو ؟؟؟
_ في نفسي
_ من متين ياختي بتقولي كلام زي دا... شكلو مشيتي منك دي ظهرت مواهب كانت مدفونه.
_ اي ف حاجات كتيره فاتتك.... ونسيت اقوليك عباس طبعا ختب بت خالتو الصغيره
_ اججججي واعلو وافقوبو ؟
_ لا لا ياختي البت هاجت وماجت قالت اصصصصلو م بتدورو ولا بتعرسو.
_ اخير
_ وامو جات دقتها
_ امو دي اصلا مجنونه وماها نصيحه.... بالقوة هو 😑.
_ احمد ادخل يا يمه 🙈.... وشاكلها وقال ليها بسجنك كان غصبتيها على العرس
_ ماشاء الله عليهو راجل والله.
_ اساسا 😌🔥
توتيل وهي بتعاين حوالينها : اشتقت للبيت شديد والله
_ والبيت والناس والحله كلهم اشتاقو ليك يا توتيل 💔... حتمشي متين انتي ؟
_ اسبوع وبرجع
_ اسبوع واحد بس ؟
_ اي
_ لي ياخ.... م بشبعنا منك اقعدي اكتر
_ غايتو بشوف كان لقيت طريقة اقعد بيها بقعد
_ يا بت عندك شفع ف مدرسة ولا حاجه ؟ اقعدي ساي... تكون بالمره راحه ليك من الناس الماعندهم رحمه ديل
_ خلاص طيب.
_____________________________________
وجدان كانت واقفة في البلكونه وبتتكلم ف التلفون : اي يا نور ؟ انتي وصلتي ؟ خلاص تمام ادخلي وانا هسه بجيك تحت.
صلحت شعرها واتعطرت وشالت لولو بتها ونزلت.
لقت نور قاعدة ف الجلسة التحت ومعاها ماما عشه.... وماما عشه اخر ريد وسلام.... كانت لابسة ليها بنطلون واسع بني فاتح ومعاه قميص بيجي.... ورامية ليها طرحة ف كتافينها.... مسرحة ضنب حصان وعامله غلوس بمبي خفيف.... كانت حللللوة جدا للصراحة 🔥
وجدان : الليلة العروس سافرت طبعا
_ سفرة بلا رجعه ان شاء الله.
_ لا ياختي مصيرها ترجع هنا.
_ مش هو كدا كدا يا وجدان حيطلقها ؟
_ البضمنا شنو ؟
_ كيف يعني
_ بالواضح كدا البضمنا شنو انو حيطلقها وم حيحبها وبتعلق بيها
_ يحبها ويتعلق بيها ؟ ميكال يحب ويتعلق ؟ الا يكون جن... انا عارفاهو كويس همو بس يقضي وقت مستحيل يوقف حياتو عليها بس
_ والله ف النهاية هي بنت وم عارفين عقلها كيف قد تكون نجيييضه وشديدة وفالحه وتلف راس ابو اهلو وتدلع ليه.... وكمان عندها كرت رابح انو حلالها وراجلها.... وهي عندها مؤهلات... يعني بالواضح جذابة وبتعجب.
_ وانتي بتقولي ف الكلام دا لي يعني؟ عايزة توجعي قلبي ؟
_ م عايزة اوجع قلبك عايزاك تشدي حيلك وتجتهدي.... كفاية تعيشي معاه ورا الناس وف الضلام.... جا الوقت التعيشي معاه فيه زي م يقولو تحت النور وقدام الجمهور.
_ ودا كيف ؟
_ انا عندي ليك طريقة حتخلي ميكال يتزوجك... وبعد م يتزوجك انتي كدا مسكتي طرف الخيط وتاني انتي وشطارتك.
_ م فهمتك 😢
_ ركزي معاي.... ميكال دا اعتبريه حبل.... وهدفنا حاليا انو تمسكي طرف الحبل دا.... لمن تمسكيه كدا حتقدري تتحكمي بالحبل وتلفيه زي م عايزة صح ؟
_ صح... بس الحبل دا حنمسكو كيف ؟
_ حخلي ميكال يعرسك
_ اها دي بالذات كيف 🙂
_ ميكال حيعرسك عشان طفلو
نور باستغراب : طفلو ؟ ياتو طفل دا ؟
_ الفي بطنك
_ سجمي في بطني ؟ يا بت انتي متخلفة ؟ انا م حامل
_ انتي المتخلفه 😑.... م بتعرفي تمثلي
_ كدي دقيقة دقيقة انتي قصدك انووو
_ ااااااي.... حتمثلي وتقولي ليه انك انتي حامل..... وأكيد م حيخليك وحيتزوجك وكدا مسكتي طرف الحبل... وبعد كدا حنسيطر عليه وتوتيل دي شوية شوية حنخليها تتخارج من هنا ونرتاح وكدا تكوني اخيرا عرستيه وارتحتي وارتحنا
_ واي يا وجدان... كيف حقول ليه انا حامل💔.... خايفة من ردت فعلو
_ اكيد وطبعا ف البداية حيهيج ويميج ومصيرو ف النهاية يداري عليك وعلى الفضيحه
_ طيب لكن نظرتو لي حتكون كيف ؟
_ السؤال دا كان يكون زمان قبل م تدخلي ف علاقه معاهو.
_ متأكدة يا وجدان الخطه دي حتنجح ؟
_ اكيد وطبعا م عايزة ليها اتنين تلاته
_ طيب لكن... انا اصلا م حامل والشهور حتمر وكذبتي حتتكشف
_ للوقت داك حنكون لقينا لينا صرفه للموضوع دا.
_ خلاص اوريه متين ؟
_ م هسه انتظري لمن اوريك الوقت المناسب واديك الخطه.
_ انا م عارفة يا وجدان من دونك انا ممكن اعمل شنو ؟
وجدان وهي بتضحك : احمدي ربك علي 😂
_ الحمدلله شديييييد 😂💜.
_ انتي الليلة م مشبتي الشغل ولا شنو ؟
_ اداني اجازة قال لي عشان امبارح تعبتي مع ابوكي وكدا
_ مممممممممم عاد تمام لكن
__________________________
في اللحظات دي ميكال كان قاعد في مكتبو وبعاين للبخار الطالع من كباية النسكافيه..... رفع راسو وعاين لي وائل : ميكال كيف ؟
_ ود كلب خلاص 😑..... اليوم كلو يتبكى... وفي النهاية بيسكت لمن بس امو تشيلو تقول انا م ابوه.
ضحك وهو برجع بي كرسيه لي ورا : يعني هي شايلاه ف بطنها 9 شهور وتعبت ف ولادتو ومساهره معاه وبعد دا كلو يكون معاك انت.
يعبرني شوية على الاقل يعني م اليوم كلو مع رضا.
_ معليش معليش م تزعل.... اولدوها بنت المره الجايه صدقني م حتعبر امها وحتكون معاك انت بس.
_ ان شاء الله.... وعقبال م انت برضو يكون عندك طفل ابن كلب برضو
_ انا ؟ وطفل ؟ مستحيل
_ لي ياخ
_ م عارف لكن م حصل اتخيلت يوم اني ابو... ولا قادر اتخيل خيال زي دا
_ تصدق يا ميكال ؟ اجمل شعور ف الدنيا... لمن تشوف قطعه صغيره وجميلة منك ومن البتحبها....حاجه كدا خاصة بيكم وحتربوها انتو وتلعبوها وتأكلوها.... وتشوف التعلق بيكم ف عيونو
_ زي تعلق ولدك بيك البتشكي منو قبل شوية صح ؟ 😏
_ ياخ انت الزول م يحكي ليك بي شي؟😐
_ كدي ركز معاي... انت قلت البتحبها.... وانا م عندي واحدة بحبها.
_ يا ميكال... الحركات دي يعملها ولد عمرو 22 سنه... لكن انت كبرت ياخ وداخل على ال34 الفي عمرك كلهم بعيالهم.... لازم يكون عندك طفل يسندك لمن تكبر صدقني شبابك وقوتك ديل م حيستمرو معاك حيجي يوم وتفقدهم وتحتاج للضهر البسندك.... حتعيش حياتك وحيد كدا ؟
_ انا مبسوط بالوحدة والله.
_ توتيل
_ مالا ؟
_ شكلها بت كويسة والله.... بغض النظر عن الحجر الفلقتني بيه وم قادر انساه ليها... لكن رضا بتشكرها لي دايما... ف شنو رايك تكمل معاها
_ اكمل مع منو 😂
_ توتيل
_ مستحيل طبعا 😂.... اهدا بالله وروق.... انا م عنننندي شي لي زول ياخ.... وهي حدها السنه وبديها مبلغ مالي ظريف وتتوكل.
_ م شايف حكاية الطلاق دي صعبه... بالذات عندهم هناك.... البنت لمن يطلقوها بيطلعو فيها كلام كتير شديد وم اعتقد تعرس تاني بسهوله... والبت صغيره ياخ م تخرب ليها مستقبلها
_ انا م حخربو ليها... بالعكس حانتشلها من القاع الهي عايشة فيه.... بالقروش الحديها ليها....حطلعها للعالم النضيف.
_ هسه بالذمه يا ميكال عالمنا دا نضيف ؟ انا م شايف فيه اي نضافه.... انضف من الهي عايشة فيه م اعتقد في.
_ دا عندك انت.
_ اوكي تمام... م اختلفنا.
_ انا راجع البيت.
_ شنو انت الايام دي بس من البيت للشغل.... ومن الشغل للبيت
_ بكون تعبان وعايز انوم بس.... عشان كدا ماف طريقة لي اي حاجه جانبيه كدا ولا كدا
_ الايام دي بتتقابل مع نور ؟
_ لا... صراحة خلاص زهجت منها شديد.
_ انت اصلا اي واحدة بتزهج منها.
_ م زي نور دي والله.... على الاقل ف نوعيه عندها كرامه بتبعد عنك مره واحدة بس دي.... لا عبارة عن لصصصصصقه حرفيا.
_ 😂😂😂😂😂😂 كان سممممعت الكلام دا والله العظييييم بتروح فيها.... البت بتحبك ياخ
_ وانا منو الماااابتحبني.... معليش دا قدرها بس انا اقسسسسسسسم بالله العظيم م عندي ليها الترابة.... وهي م عايزة تفهم علللتني ياخ.
_ خلاص خلاص اهدا 😂😂😂🔥.... وهي م جات لي الليلة ؟
_ ابوها امبارح كان تعبان وكدا وكنت معاهم لحدي الساع 2 وحاجه فجر... فهي اكيد حتكون مرهقه... عشان كدا اديتها اليوم اجازة.
_ اهاااا كويس
_ انا حمشي بعد دا
_ طيب اتفضل.... انا بكمل شغلي وبطلع برضو
_ تمام
شال جكت البدلة حقو.... وطلع.... ركب عربيتو واتحرك الشوارع كانت زحمه نوعا ما.
عاين للعربية العلى يمينو والكان سيدها بضرب ف البوري بطريقة مزعجه.
قبل على جهتو وعاين ليه بي غيظ.... بس فجأة ملامح الدهشه اترسمت ف وشو.... لمن شاف جوري اختو راكبه ليها مع واحد ف عربيه وكانو ماسكين يدين بعض وبيتونسوا.
الزحمه خفت قدامهم والولد اتحرك.
م اتوقع نهائيا ف يوم يشوف واحدة من اخواتو مع ولد ف عربية وكدا... وخصوصا نوع ميكال دا بكون اكتر واحد بيخاف على اخواتو لانو من ساء خلقه ساءت ظنونه 💔.
داس بنزين بي قوة واتحرك ورا العربية وبقا بيضرب ليهم ف البوري.
لحدي م الولد اضطرا يقيف بالجمبه لمن شاف جوري اتخلعت وقالت : ميكال ؟
نزل من عربيتو بسرعه.... والولد وجوري نزلو برضو
الولد حاول يهدي الموقف : السلام عليكم يا ميكال
وقف قدامو بقامتو الطويلة وسألو بوحشيه : انت منو ؟
_ انا... انا زميلها.
_ وزميلها ماسك يدها كدا ؟ انت فاكرني عبيط ؟
وفجأة كبس ليك فيه بنيه.... والولد ضرب راسو بي ورا على جهة العربية ووقع في الارض بي الم وهو راكع وخاتي يدو ف وشو.
ميكال بعصبيه: لو تاني بس حاولت ترفع عينك عليها والله العظيم اقتلك
جوري وشها بقا اصفر.... لمن جاها ومسك يدها وجراها على العربية( وووووووووب سجمك 😭😭😭)
م قالت ليه اي شي بس ركبت معاه.... كان ماشي بسرعه رهيبة وهو بيتكلم معاها : جويرية ؟
قالت ليه بخوف :اها
_ لا اله الا الله
_ م... محمد رسول الله
_ قولي لي الكان معاك دا منو وايااااك تحاولي تكذبي عشان م اكسر ليك راسك دا
عيونها اتملت بالدموع من شدة الخوف : د دا زميلي
_ زميلك مركبك معاه شنو وانتي عندك ترحيل
_ الليلة الترحيل جا بدري وانا كنت بقرا.
_ وماسك يدك لي ؟
_ ع... عادي بس.... هو زميلي.... والله ماف شي تاني يا ميكال.
ضرب الدريكسون بيدينو الاتنين : انتي فاكراني مغفل ولا شنو ؟ اتولدت كبير كدا ؟؟؟؟ زميل شنو دا البيخت يدو ف يديك..... وانت بتسمحي ليه يعمل كدا بأي حق يا مهذبه يا مربية.
دموعها جرت من شدة الخوف : يا ميكال والله انا م عملت شي.
_ لا احسن تعملي... راكبه ليك مع واحد وماسكه يدو كمان ؟ تركبي مع واحد ف عربيتو اصلا لي.... جاوبيني لي ؟
وصل البيت.... فتح بابو وقال ليها : انزلي.
نزلت معاه وهي بتبكي ووشها احمر من شدة البكاء.
وجدان ونور كانو لسا قاعدين.... م سلم عليهم ولا انتبه ليهم زاتو من شدة غضبو وطلع بي اختو فوق.
فتح باب اوضتها ودخلها ودخل معاه.
لزاها ف السرير بقسوة وربع يدينو قدام صدرو : انطقي... افتحي خشمك دا واتكلمي وريني دا منو.
كانت بتتشهق من شدة البكاء لمن م قادرة تتكلم.
_ زفت الطين...... اتكلمي احسن ليك عشان م اخليك تتكلمي بطريقتي.... دا منو سريع
_ د.... دا my boyfriend
_ شنو شنو ؟
م اداها فرصة تتكلم لانو طوالي شداها من شعرها عشان تقيف وقطع فيها كف بي قسوة م بتناسبها 💔
قعدت ف الارض وهي مصدومه
بينما هو تابع كلامو بعصبية : واحنا دافعين ليك ومرسلنك الجامعه عشان تقري وتنجزي ولا عشان تحبي وتتركبي ف العربات ؟؟؟ دي الثقة الانا خاتيها فيك ؟؟؟؟ وكمان بتكذبي علي ؟ بتكذبي علي انا؟
ماما عشه و جواهر جو جاريات بي صوت ميكال العالي.
ماما عشه وهي بتخت يدها في صدرها : ف شنو يا ولدي مالك ؟
_ دكتورة المستقبل المربية.... لقيتها ف عربية مع ولد واخر ونسه ومسيك يدين وبتكذب علي وتقول لي زميلي.
جواهر قعدت ف الارض وحضنت اختها بي خوف.... كانت خايفة ميكال يضربها لانو كان هايج ومعصب شديد.
ميكال : دي نهاية الثقة صح ؟ دي نهايتها يا جويرية ؟ كنت بتمنى الموت ولا اشوف واحدة فيكم بشكل زي دا.... يا مغفلة يا غبية البحبك م بركبك ف عربيتو ويلصق يدو ف يدك... بيجي البيت لي رجالك...دا لو بحبك مش عايزك لي شي تاني.... لكن كويس... مش الجامعه دي الخلتك كدا... ماف جامعه تاني بالواضح كدا....خليك ف البيت احسن.
فتح الباب ومرق.
ماما عشه ختت يدها في قلبها ومشت قعدت ف السرير المواجه جوري.... الكانت وشها شاحب وعيونها مثباتها ف نقطه واحدة.
ميكال مشا اوضتو وقعد ف السرير وهو بيشد شعرو بقوة.
قام من السرير وبي يدينو طير اي شي موجود ف التسريحه.
قعد ف الارضية وهو بشيل ف انفاسو.
فجأة رنت ف اضانو جملة قالتها ليه توتيل( البتعملو كلو حيجي يوم ويتعمل ليك )
سب وشتم ولعن بي صوت عالي وضرب الارضية بيدو من شدة الزعل.
خلونا نتفق انو اااااي شاب تاني ف مكان ميكال ردة فعلو حتكون نفس ردة الفعل دي.... فيا عزيزتي القارئة اسألي لي نفسك.... لي البتقولي عليه حبيبك وبيحبك بيطلع معاك وبيساهر معاك ف التلفون وبيمسك يدك وبيقول ليك رسلي لي صورك بيرضا يعمل معاك كدا ولو عرف اختو بتعمل كدا ردة فعلو بتكون عنيفة جدا ؟ 🤔
لي الشي دا جميل ومقبول معاك انتي بس مع اخواتو لا وخط احمر 🤔..... المابيرضاه لي اختو.... م ترضيه انتي لي نفسك... والما بترضاه لي اختك بالله عليك الله م ترضاه لي اخت غيرك..... وميكال اختصر دا كلو ف جملة صحيحه( البحبك م بركبك ف عربيتو ويلصق يدو في يدك... بيجي البيت لي رجالك....دا لو بحبك مش عايزك لي شي تاني ).
اخد وقت طويل قبل م يقوم ويدخل الحمام.
فتح الدش والموية نزلت ف شعرو..... وبردت سخونتو.... اتكل براسو على العازل الزجاجي.... ولي ثواني مرت عليه كل بنت كان معاها على علاقة... واي شي سيئ عملو..... انتابو خوف شديد لمن فكر انو ربنا ممكن ينتقم منو في اخواتو... هو عارف كويس العاملو والبيعملو م هين.... وشي مخزي.... حسا بي انكسار لمن حسب انو كم واحد حيكون حسا بشعورو دا ف يوم..... م اتوقع نهائيا انو قد يمر بيه ف يوم موقف زي دا..... وم اتوقع ابدا انو ردة فعلو حتكون كدا 💔.
طلع من الحمام وهو لافي بشكير بس ف نصو.
رقد على ضهرو ف السرير... رجع راسو لي ورا للمحل الكانت بتنوم فيه توتيل.... م عرف لي اتمنى لو كانت موجودة هسه.... م عايز منها اي شي.... م عايز يحكي ليها او يطلب رايها.... بس عايز يحضنها وخلاص.
عسى ولعل تبرد النار القامت فيه.
عيونو غمضت وغطا ف نوم عميق مفاجئ.
بي هناك ف اوضة جوري.
جواهر : ماما عشه خايفة على جوري.... من قبيل مصدومه وقاعده كدا وم عايزة حتى تتكلم
_ لا لا م تخافي عليها.... حتقوم هسه وتبقى كويسة... هسه ريتا حتجيب ليها عصير ليمون يهديها ويقومها.... يا بت يا جوري..... اخوك برضو خايف عليك.... خلاص حبيبتي م تزعلي لمن ريتا تجيب الليمون اشربي وحنخليك ترتاحي شوية ونجي نلقاك بتنضمي نضميك الكتير داك سمح
عاينت ليها ف وشها لقتها ساكنه وهادئة.( قال اتصدمت قال وف ناس يضربوها بالشبشب وبتضحك )
جواهر : يا ربي استر.
ريتا جات داخله بكباية العصير....ماما عشه اتناولتها وحاولت تشرب جوري بس ابت تفتح خشمها اصلا.
جواهر : ماما عشه خلينا نوديها المستشفى عليك الله 😢
_ يا بتي م بيحتاج اهدي... اختك بس مصدومه من الحصل... اديها شوية راحه وحتقوم.
_ انا خايفة عليها شديد لكن منظرها م مطمني.
_ م تخافي م تخافي.... استغفري ربك العظيم.... وادعي اختك نصيحه م فيها شي.
تحت نور ووجدان حرقهم الشمار.
نور : ميكال مالو ياربي جا وشو محمر وشكلو غريب كدا
_ بري ياختي شكلو ف حاجه... وحاجه كبيره كمان جوري اختو دي شكلها هببت ليها شي.
_ وااااي ياربي عملت شنو
_ انا بطقس ليك بعدين وبجيب الشمار
_ خلاص طيب... وانا حامشي البيت بعد دا... لي بكره
_ طيب حبيبتي مع السلامه وخلي بالك على نفسك.
__________________________________
ميكال صحا الساعه 3 فجر.
قاام وكان حاسي بي انو الجو كئيب شديد..... لبس ليه هدوم وبقا قاعد....بعدها طلع من شقتو ومشا لي اوضة جوري.... لقاها نايمه.... وجمبها جواهر.
قفل الباب ورجع اوضتو وكان بيفكر.... بعد مسافه سمع صوت الاذان.
قام من نفسو واتوضا... وجا وقف ف المصلاية وقال بصوت عميق وخاشع : الله اكبر 💜
وصلى... م عارف اخر مره صلى فيها كدا متين كانت ولا قبل كم سنه ؟؟؟؟ صلاة من نفسو وبي خشوع.
استغرب في نفسو وهو بيقول : انا لي م بصلي ؟ ربنا حرمني من شنو وعمل لي شنو عشان اجافيه كدا ؟ 💔.
استغفر كتيييير قبل م ينزل بي سرعه ويركب عربيتو.
_____________________________________
توتيل كانت راااقدة ف الحوش والهواء سمممممح وبارد.... قامت بعد م ابوها مرق للصلاة رمت اللقيمات وظبطت الشاي باللبن وبالنعناع... واستنت ابوها جا.... وقعدو قعدتهم الثلاثية ديك 💜🔥
الطولو منها.... ابوها كان متكل ف السرير وامها قاعده جمبو ف طرف السرير وهي قاعدة ليها ف كرسي.
الجو مغيم حاجه كدا راااااائعه.
شوووية الجو بدا يبررررد شديد..... والهواء بقا قوي.... والبروق ظهرت... والسحاب بدل كان غيوم بسيطه بقا غيوم متكتلة ولمن لونها رمادي.... شوية كدا والمطره شووووووووووو صبت.... مطره مطره م اي كلام النوع البيتخاف منو داك..... البرق يضوي المكان والرعد صوتو زي الانفجارات.
الناس كلها كانت جوا بيوتها.... وقاعدين بسكون وقاطعين الحركه.... ويسبحو ويستغفرو.
الساعه كانت 8 لمن سمعو صوت ضربات ف الباب.... كانو سامعنها زي الخيال عشان الاصوات بره عالية.
حاج الطيب مرق يتأكد اذا في زول او لا.
اول م فتح الباب.... شاف ليه واحد لابس قميص اسود وبنطلون اسود برضو.... وظهر ف ملامحو التعب والبرد.
اتأمل فيه وعرفو دا ميكال زوج بنتو.... رحب بيه ترحيب حار.
ودخلو الديوان الفي بيتهم.
مشا لي بتو وقال ليها : توتيل... جيبي جلابية من دولابي وبطانية.... وكبي شاي ف كباية وتعالي
_ سمح يا يابا بس ف شنو.
_ انتي بس اعملي كدا وتعالي الديوان.
_ خلاص ثواني خليني اناولك البطانيه والجلابية.
جرت بي سرعه وجابتهم ليه
وتاني مشت جابت سيرمس الشاي والسكرية وكباية وصحن لقيمات وغطتو بصينيه صغيره.... اتكمكمت بي توبها وجرت بي سرعه من المطره ودخلت الديوان.
م عاينت للضيف.
ختت الحاجات واتفاجأت لمن ابوها مرق... قبلت وراها وهي بتنادي : يا يابا
عاينت بي سرعه لمن سمعت صوتو : توتيل.
لقتو لابس جلابية ابوها ومتغطي بالبطانيه وبرجف من البرد.
نطرت عيونها بي ذهول : ميكال.... الجابك هنا شنو ؟
زم شفايفو : م مرحب بي ولا شنو ؟
_ لا لا... م قصدي كدي... لكن... يعني انت.... جيت كيف وهسه.
_ م عارف فجأة بس هفت لي اني اجي.
_ حمدلله على السلامه
_ الله يسلمك... ولو سمحتي كبي لي شاي لاني بردان شديد
_ سمح... سمح بكب ليك.
قعدت ف السرير و بي يدين مرتجفة كبت ليه الشاي
كانت حاسا بنظراتو المعتادة ليها.
سألها : بردانه ؟
_ شوية.... بس عشان المطره بلتني.
اتفاجأة بيه بيقعد جمبها.... وبيفتح يدينو بالبطانيه ويغطيها معاهو.
حست بي الحرارة الفي جسمو.... والدفاء غمرها.... كان خاتي راسو في كتفها... وبعاين للبخار الطالع من كباية الشاي بهدوء.
اتفاجأت لمن قال ليها : ممكن ترجعي معاي ؟ اتعودت على قعدتك ف الاوضة وبقت منفره من دونك.
قال جملتو الاخيره وهو خاتي راسو بمستوى كتفها ورافع عيونو وبعاين ليها.
يا ترى ردة فعل توتيل حتكون شنو ؟ وانتي لو ف مكانها حتوافقي تمشي معاو ؟؟؟ ولي ؟ عايزة اشوف ردودكم.
