🌸 واصبحت زوجته
توتيل اتبادلت معاه النظرات لي وقت قبل م تزح منو وتمد ليها كباية الشاي وهي بتقول : انت اقترحت علي امشي وهسه جاي بالسرعه دي ترجعني ؟
_ عايني افهميني
قاطعتو : انت بردان اشرب شاييك
وقامت طلعت...
كان رافع حاجبو وبعاين ليها لحدي م قربت من الباب... بس جات ليك رعدة رهييييييبه....
خلتها اتراجعت لي ورا وقبلت عاينت ليه : بتعاين لي مالك ؟
_ الله ؟
_ انا م خايفة
شال كباية الشاي وهو بيهز ليها بيدو : امشي امشي
طلعت بي سرعه ودخلت عند امها
ابوها اول م شافها شال رتينه( لمبة الزيت )ومشا على الديوان تاني.
وبقا قاعد مع ميكال وبقا بيتونس معاه.... الكلام لفا ولفا ولفا لحدي م جات سيرة توتيل.
ابوها ابتسم ابتسامه عميقة وهو بيتكلم عنها : توتيل دي اعظم نعمه جاتني ف الحياة.... والماعندو بت زي توتيل م ولد والله.... حاجه جميلة ورائعه لمن ربنا يرزقك ببنت بارة بيك والكل بيثني عليها وعلى اخلاقها... تحس تعب سنينيك م راحت سدى.
ميكال شاف ف عيونو نظرات صادقة.... من طريقة كلام ابوها عنها عرف لي زمان قال انو هو الفلق الناس ومشى الحراسة بدلها.... حسا بيه ممكن يعمل اي شي عشان بنتو دي..
الطيب ضحك وهو بعاين للمبة : م حتفهم كلامي لكن لمن تبقى ابو ف يوم وبالذات لو لي بت حتقدر تفهمو.
_ فاهمك
_ اقول ليك شي يا ابني
_ اتفضل
_ توتيل دي خليها جوه عيونك وخلي بالك منها.... كانت ف بيت راجل وهسه ف بيت راجل فبتمنى تكون قدر المقام
_ م تخاف عليها هي ف عيني وراسي.
زي الساعه 10 كدا المطره وقفت.... والناس بدت تطلع.
شوية كدا الناس كلللللها عرفت انو راجل توتيل بت الطيب جا.
وبقو يجو ويسلمو عليه.
شوية شوية الشمس بدت تظهر.... والموية بتتصرف طوالي في الارض م بتمسك وطين وجغسيبة 😑... فطوالي الطيب ضبح كرامه وكدا 😍🔥.
شوية كدا ميكال طلع مع الرجال برا.... الديوان بتاعهم الكبييير.
والنسوان جوا بدو يجهزو ف الاكل والطقه 🔥.
سيدة جات لي توتيل الكانت قاعدة ف سرير ف البرنده.
سيدة : توتيييل
_ اها ياختي مالك
_ صحي السمعتو ؟
_ اي
_ اججججي والجابو ليك شنو بالسرعه دي ؟
_ بري يا سيدة م عارفة والله
_ قابلتيه ؟
_ اي قبيل
_ اها وقالك شنو ؟
_ بس قال لي ارجعي معاي الاوضة بقت منفره من دونك.
_ قالك منفره ؟
_ اي
_ كلاااااام
_ اها مالك عندك مشكله مع منفره دي ؟
_ لا الكلمه دي وراها فهم يا اللخت... واها تاني قالك شنو ؟
_ م قالي شي.
_ غايتو محن... لكن وقت اصلو جاك معناها ف شي.... وحترجعي معاه ؟
_ لا لا م راجعه انا متين جيت
_ اي خليك كدي مرة والنسوان ورا 😎.... م تسمعي كلامو ف اي شي يقولو ليك
_ سمح 😂😂😂
هناك ف الديوان الرجال كلهم قاعدين ويتكلمو بعد شوية عباس اب شنب للجضوم جا داخل المكان كلو صننننننننننا 😂.
الطيب لي عباس : دا ميكال يا عباس
_ اكال ؟
_ميكال
_ مي شنو ؟
_ كال
_ هسه بالذمي دا اسم دا ؟ من قلة الاسامي يعني ؟
الطيب اداه حدرة سممممحه كدا.
اما ميكال كان خاتي يدينو في يدين الكرسي قعدة ملك كدا 😂 وبعاين لي عباس ببرود.
الطيب : د زوج توتيل
عباس بي قرف : نورت.
ميكال هز ليه راسو بهدوووووء كانو بقول ليك بنورك يا كلب 😂.
شوية كدا والفطور الظااااابط جهز وجات الصواني 😍.
وطبعا ورا الفطور الحاجات الرهيبة ديك ناس شاي وقهوة بتبسط الرجال وبتطلع زيت ابو اهل النسوان 😑.... تلقى الواحد هايج وفاير : جيبو الشاااااي... جيبو القههههوة.... م هو انت ي هناي لو دخلت المطبخ وجربت الشعور دا تاني خشيمك دا م بتفتحو 😃.... لكن م علينا اليدو ف النار م زي اليدو ف الموية.
المهم بعد م خلصو وكدا ميكال طلع منهم.... لاقتو توتيل... كانت واقفة قدام بابهم.
ميكال : يا توتيل
_ نعم
_ خلينا نتمشى شوية ممكن ؟
عاينت ليه مسافة قبل م تهز راسها وتمشي معاه.
ساقتو على جهة الاراضي الحيعمل فيها مشروعو الزراعي.... كانو مخططنها بي تنظيم شديد وعايزين يبدو في زراعتها.
اول م قربو من المكان جاهم راجل هايج : يا شباب على وين ؟
ميكال : ماشين على جهة الجناين ف شي ؟
_ ممنوع يا باشا... ممنوع الدخول ف المحلات دي
_ كيف يعني ممنوع ؟ بعدين انت عارف انا منو ؟
_ منو ؟ ميكال الشرقي ؟ 😂
_ اي
_ يا شاب اتفكفك من هنا بالله وم تتظارف لينا.... المدير الكبير بي نفسو مانع ومشدد من دخول الناس هنا
_ المدير منو ؟
_ ميكال الشرقي
_ طيب انا ميكال الشرقي
_ يا زول انت مغفل ولا مالك ؟ هوينا بالله وامشي من هنا م تجيب لينا الهواء
ميكال عاين لي توتيل باستغراب لمن بقت بتضحك: هسه البضحك شنو ممكن اعرف ؟
_ ولا شي... بس قاليك المدير الكبير مانع ومشدد دخول الناس.😂😂
الراجل : اي اسمع كلام الاخت دي وامشي من هنا
ميكال بانفعال : انا ميكال الشرقي
الراجل بي ثقة : هات م يثبت
ميكال بقا بهبش في اطراف الجلابية حقتو عسى ولعل يكون جايب البطاقة حقتو عشان يوريه ليها.... لكن م لقى شي
الراجل وهو بيضحك بي استفزاز : يا وهمي امشي من هنا عليك الله 😂
توتيل : خلاص ياخ ارح.
ميكال عاين للراجل بغيظ ومشا.... وتاني جاه راجع بسرعه وجرا البطاقه المكتوب فيها اسمو وقراها : التجاني بابكر.
_ حتسوي لي شنو يعني ؟ يلا يلا اتفكفك يلاااا.
توتيل كانت بتضحك بي طريقه هستيريه عليه.
ميكال : انا هسه حضرب لي وائل.... اللسانو طويل دا لازم يترفد
_ الراجل قايم بي واجبو... وحاجه انت طلبتها 😂... زعلان لي ؟
_ عشان تسألي 😒
توتيل وهي لسا بتضحك : م تقطع رزق الراجل
_ كدي سيبينا منو انتي هسه مودياني وين ؟
_ مش قلت تتمشى ؟
_ اي
_ خلاص بس امشي.
مشا وراها لحدي م وصلتو قريب من النيل وكان مكان كدا كلو اشجار وضل
ميكال : دا شنو دا ؟
_ دا اجمل مكان بالنسبة لي
_ اجمل مكان شنو ؟ دا يتمثل فيه فيلم رعب حرفيا
_ انا بحبو عشان هادئ وماف زول بيفكر يجيه اصلا.
كان ف حجرين كبار قعدو فيهم.
توتيل : ميكال
_ نعم ؟
_ انت جيت فجأة لي ؟ انا كنت معاك قبال ساعات بس.
شال انفاسو وهو بعاين للموية الجارية : م عارف بس البيت حسيت بيه خانق.... حصلت مشكله كدا وم استحملت اقعد
_ حصل شنو ؟
_ م عارف هل صح احكي ليك شي زي دا ولا لا... لكن محتاج اتكلم واستشير زول.
_ لو عايز تقول لي قول.
_ جوري
_ اها ؟
_ لقيتها م ولد ف عربية وماسك ليها يدينها بطريقة استفزتني شديد... وكمان كذبت علي.... قالت لي دا زميلي وهو شي تاني.... وهي صغيرة ف نظري على شي زي دا... بعدين الولد دا لو جا البيت انا م حرفض ليها لو لقيتو زول كويس ومناسب.... المهم وديتها البيت.... و.... وضربتها كف... وانا عمري م مديت يدي عليها.
_ ولي دا كلو ؟؟؟؟ انت م واثق فيها
_ لا انتي عايزاني اشوفها ف منظر زي دا واخليه يمشي عادي يا توتيل ؟
_ عشان شنو طيب عملت كدا ؟
_ عشان كدا عيب ؟
_ يعني انت شايفو عيب لكن م حرام ؟
رفع راسو وعاين ليها لثواني قبل م يدنقر ويشيل ليه حجر ويفننو ف الموية : عيب وحرام كلو نفس الفهم.
_ عارف لو اتكلمت معاها ساي كان حيجيب نتيجه اكتر من الضرب
_ م قدرت اتحكم ف نفسي وقتها.... جوري دي..... يعني بالنسبة لي حاجه غير.... ماف راجل م بعشق اختو الصغيره... وانا مدلعها ومديها ثقتي وبخليها تعمل العايزاه وم محوجها لي شي والله.... م استحملت فهم انها ف علاقة مع شاب
_ انت يا ميكال م دخلت ف علاقات مع بنات عندهم اخوان يعني ؟
_ انا م زيها.... انا ماف زول بستغلني او بلعب بي
_ لكن انت ممكن تستغل واحدة وتلعب بيها صح ؟... على العموم اصابع الكف م واحدة.... وم كل الاولاد كعبين وتفكيرهم كعب... قد يكون بحبها بالجد وعايزها... واختك م صغيره بتعرف الصح من الغلط.... انت كان ممكن تتكلم معاها بهدوء كتأنيب وصدقني التأثير حيكون اكبر.... هسه م فات شي.... الاتنين ممكن تصلحو غلطتكم.
حكا انفو : زعلان منها شديد لكن 💔.... جوري لمن ابوي اتوفى كانت عمرها 15 سنه... لسا مراهقه... فكنت خالي بالي منها ومهتم بيها شديد... لكن م عارف الحصل شنو
_ اهتمامك بيها دا كيف ؟
_ يعمي اي شي عايزاه بنفذو ليها
_ حصل يوم ضميتها ليك او بست راسها ؟
هز راسو بالنفي
توتيل : مرات الناس بتفهم الاهتمام غلط... الاهتمام م قروش وتنفيذ طلبات.... في شي اسمو حنان... حب... طبطبه.... اهتمام معنوي م مادي.... اختك فتشت على الشي الناقصها بره... فاهمني ؟
_ يعني هسه انا الغلطان صح ؟
_ م حقول ليك م غلطان.... صلح علاقتك معاها.... وابعد من اسلوب الضرب... دا اكتر شي مقرف والله.... انا عن نفسي ماف يوم ابوي ولا امي مدو يديهم علي... لكن بس ابوي لمن مرض الاسمو عباس دا الله لا طراه بالخير مد يدو علي 💔.... كنت بكرهو اصلا وكرهتو وقرفت منو اكتر.
_ عباس داااا... شنبو طويل كدا
_ اي
_ ومالو معاك ؟
ابتسمت بهدوء : كان عايزني
_ وابيتيو ؟
_ اي
_ لي ؟
_ممكن تقول م شفت فيه الراجل الممكن اعيش معاه باقي حياتي.
ميكال ببتسامه غرور : عشان كدا قبيل بيحمر لي و زعلان
_ اه م لينا بيو
ميكاال تلفونو ضرب... شالو وفتحو : الو.... اهلا يا لجين.... ف شنو مالك ؟ انتي جيتي متين ؟؟؟ مالا ف شنو ؟ نعم ؟ خلاص تمام... تمام انا حجي
توتيل : ف شنو ؟
ميكال وهو بيقوم : انا لازم اسافر هسه....
_ ف شنو ؟
_ جوري تعبت وودوها المستشفى
_ يا ساتر
_ جايا معاي؟
_............
_ لو عايزة تقعدي م عندي مشكله خليك.
_ لا لا حجي معاك
_ طيب ارح.
عادت بظهرها للورا وهي تتحس حزام الامان الذي امرها بوضعه حرصا على سلامتها.... احتل الخوف قلبها عندما بدأت الامطار الغزيرة بالهطول مجددا.... كانا ف طريق العودة الى مدينة الخرطوم.... فميكال ومنذ ان اخبروه بأن اخته ف المشفى لم يتحمل الانتظار ولا لدقيقة.... كان في يسابق الزمن للوصول.. مما جعلها تخاف اكتر.... فهو يقود بسرعه نوعا ما.... والرؤية غير واضحة مع هذه العاصفة الهوجاء... كان الجو باردا لتلك الدرجه التي جعلته يقوم بتشغيل المدفأة التي قامت بتدفئة جو السيارة.
ازدردت ريقها وهي تنظر اليه : م.... ميكال.... اركن العربية على جمب عليك الله.... الجو دا كعب شديد والله.... وماف اي شي واضح قدامنا.
_ م تخافي م حيحصل لينا شي... انتي بس هدي بالك.
_ سمح.
توتيل لثواني حست انو الهواء ممكن يقلب العربية.... وصوت الرعد كان مخيف جدا.... غمضت عيونها وهي بتقول بهمس : يا ساتر استر.... لا حول ولا قوة الا بالله توكلنا على الله.
كانت مجازفه ومخاطره كبيرة انهم يكونو مسافرين ف جو زي دا.... لكن ميكال لمن يكون عايز شي بيعملو وهو على ثقة بي كدا.
بعد مرور ساعه ونص المطره والهواء هدو.... والجو بقا مغيم بس مع شوووية رزاز مطر..... توتيل هدت مع هدوء العاصفة.... ونامت ف كرسيها.... نومه مفاجئة وم قدرت تقاومها...
ميكال عاين ليها وهو بطلع تلفونو وبيضرب لي لجين.... اخدت وقت حتن ردت : الو
_ ايوه يا ميكال
_ انتو وين ف اي مستشفى؟
_ لا انحنا رجعنا البيت.... جوري كانت مهبطه عشان م اكلت المهم ادوها مغذي.... وقبل شوية كدا رجعنا على البيت
_ هي كيف هسه ؟
_ كويسة الحمدلله.... لكن م عايزة تتكلم.
_ طيب تمام لحدي م اجي
_ اوكي.... مممممم.... توتيل معاك ؟
_ اي.
_ طيب 😍... لحدي م توصلو
قفل الخط وختا التلفون بي جمبو وفضل سايق..... عاين ليها وهي نايمة كانت مقبلة على الجهه التانيه...
حكا طرف حنكو وفضل يعاين ليها بنظرات قوية متفحصة.... لحدي م استئنف سواقتو تاني...... المهم بعد 3 وحاجه بالضببببط من ما اتحركو.. وصلو البيت.
توتيل
نده على اسمها بصوتو الخشن.... احتاج ينده عليها تاني كم مره عشان تفتح عيونها.
اتثائبت وطلعت من العربية وهي شايلة شنطتها.... شال الشنطه منها ودخل بيها جوه.
اول م فتح الباب لقا الكل قاعدين تحت م عدا جوري... سلم عليهم وم اداهم فرصة يسألوه كان وين وطوالي طلع فوق لي اختو.
اما هي جات سلمت عليهم.... طبعا وجدان نطرت عيونها واتخلعت احساس متين بالسرعه دي جيتي.
لجين قامت وسلمت على توتيل بشوق وقعدت جمبها.
ماما عشه : م استحملتي الجو هناك قلتي اجي راجعه هنا اخير لي ؟ ولا كيف 😏
توتيل بي ابتسامه : ابدا والله.... الجو هناك م بتفات لكن ميكال جا وطلب مني ارجع معاهو عشان جوري
_ ميكال متين جاك ياختي ؟ هو زاتو م سافر م تلتي وتعجني.
_ م وراكي ولا شنو؟ كان معاي هناك.... ف البلد 😊
ماما عشه بغيظ :مممممممممممممم...... غايتو محن.... يا الله الصبر.
توتيل كان خافية الزعل الجواها من مطاعنات ماما عشه بي ابتسامتها .
جواهر : بالله ميكال سافر قرية ؟ ياربي استحمل الجو كيف هناك ؟
توتيل : ميكال م راجل ولا كيف ؟ عشان م يستحمل الجو ؟ بعدين الجو هناك مطر وغيوم وهبوب بارد.... م عايشين ف صحرا احنا.
_ وانتي الطلب رايك من ف الكلام انا سألتك ؟
لجين : جواهر ف شنو ؟ ماف داعي للكلام دا.
توتيل سكتت وقامت من مكانها ولحقتها لجين الكانت محرجه: م تزعلي منهم يا توتيل عليك الله...والله هم طيبات بس لسانهم طويل.... م تزعلي نفسك.
_ عادي.... اصلا اتعودت على المطاعنات دي.. انا عارفة انهم م قبلانين بي... بس م عندهم حق يتكلمو عن بلدي واهلها كدا.
_ ولا تشغلي بالك طنشيهم بس.... بعدين العارف عزو مستريح صح ؟
_ صح.
_ سيبينا منهم ميكال عيد ميلادو بكره عايزين نعمل ليه مفاجأة.
_ طيب حلو
_ عايزاك تكوني كويييين 💜..... جبت ليك معاي فستان من بورتسودان حسيتو حيظبط معاك شدييييد.
_ طيب... وكدي دقيقة جوري اختك كيف.
_ والله يا توتيل هي كويسة بس م قادرة تتكلم.
_ الدكتور قال شنو ؟
_ م عندها مشكلة كدا تذكر.... بس ياهو م بتتكلم وساكته كدا.... قلت يودوها لدكتور نفسي ماما عشه قالت لي لا بيقولو جنت.... فما عارفة غايتو
_ حتبقى كويسة.... بس اعتقد انها زعلانه من الحصل بينها وبين اخوها ولمن يتكلم معاها حتهدا وترجع زي م كانت.
_ بس ميكال م عندو الفهم دا..... يعني يقعد جمبها ويتكلم معاها ويراضيها.... م بتعامل معانا كدا.. يعني ممكن تقولو معاملتو معانا رسمية جدا.
_ بس هو هنا سبب ف صدمة اختو انا متأكدة حيحاول يعمل اي شي عشان يخليها ترجع عادية وزي م كانت.
_ ان شاء الله.
بي هناك عند ميكال :
دخل اوضة جوري.... لقاها قاعده ف السرير وضامه رجولها وبتعاين ف الارض.
مشا بخطوات هادئة وقعد قدامها ف السرير.
جويرية
رفعت راسها بنظره منكسره ورجعت تعاين تاني للارضية وعيونها مليانه دموع.
لاول مرة ف حياتو يحس بي خجل...
وقلة حيلة.... م عرف يتصرف معاها كيف.... من ما قام لحد م كبر بتعامل معاهم برسمية فما عرف موقف زي دا وهو شايف دموعها مفروض يعمل شنو.
شال انفاسو وقال ليها : جوري
عاينت ليه تاني...
بي تردد مسك يدها : سامحيني عشان ضربتك..... بس انا خايف عليكي...م عايزك تجري ورا المواضيع الفارغه دي.... ف حاجات اهم بتستاهل تهتمي بيها.... بعدين يا جوري لو انتي والمعاك دا جادين خليه يجيني.. وانا بتصرف معاه واشوفو جادي ولا بيلعب.... م عايز تكوني زي الكورة تحت رجول الاولاد اي واحد يباصيك للتاني... انا ولد برضو وفاهم اي شي حاصل وم بتكلم ساي... وسامحيني تاني عشان ضربتك.... لكن
م كمل جملتو لانها رمت نفسها ف حضنو وهي بتبكي بصوت مكتوم وبتقول ليه : انا مستحيل انزل راسك تحت التراب ف يوم.... انا اسفه.... م تزعل مني انا م بقدر استحمل فكرة انك زعلان مني.... والله اي شي انت عايزو انا حعملو.
حسا بنفسو مجمد وهي ف حضنو وبتبكي.... بلع ريقو وبي تردد ربت على ضهرها.... وبعد شوية ختا يدو بحنان ف راسها كانها طفلة صغيره: بس اوعديني الشفتو م حيتكرر تاني ؟
زحت منو وهي بتعاين بي انكسار لي تحت : وعد م حيحصل كدا تاني.
_ والولد دا اقطعي علاقتك معاهو خالص
_ طيب.... طيب المهم بس انت م تكون زعلان
_ م حزعل لو سمعتي كلامي
_ حاضر... حسمع كلامك.
مشا يدو ف راسها بحب واضح ظهر ف نظراتو.... ومسح اثار الدموع الفي وشها.... وبعدها طلع.
جوري كلامو معاها خلاها تحس بي راحه كبيرة والشي الكان جواها اتلاشى.
حضنها لي بعض شال كمية من الطاقة السلبية الجواهم....
لجين كانت قاعدة مع توتيل المشت اخدت دش ف اوضتها.... اول م جات طالعه
لجين : جبت ليك هدية غير فستانك الحتلبسيه بكره😌
_ بالجد 😍
_ اي 😌
طلعت ليها كيس.
توتيل فتحتو لقتو لانجري 😂🔥
كان هادئ.... قصير شوية وفيه خطوه طويلة
توتيل بخلعه : سجمي دا شنو دا
_ انتي شايفه شنو 😂
_ بري بري ياختي حاجات زي دي لا بلبسها لا بدورها
_ لي لي كدا 😂... عليك الله جربيه
_ مستحييييييل
_ والله حيكون رهيب 😂.... عليك الله ياخ
_ يا بت انتي م نصيحه م بلبس لي شي زي دا.
_ معاه روب يا اختي البسيه برضو
_ هئا انتهينا
_ خلاص شوفيه قدرك ولا ارجعو 😂
_ طيب 😐
مشت لبستو وكان جميل فيها.
شدة م عجبتها نفسها فكت شعرها وبقت بتعاين للمراية.
فتحت باب الحمام وطلعت وهي بتضحك : تصدقي يا لجين.... حلو والله... لكن م بقدر البسو.... الحاجات الزي دي بكرها بتزهجني وبتديني احساس كدا م جميل.
سمعت صوت صفارة اعجاب وجاها صوتو وهو بقول ليها : هو م حلو بس... دا رهيب 🔥
قبلت وراها بي تردد.... واول م شافتو وشها صفر.... وبسرعه لبست الروب ف راسها 😂.
ميكال جا عليها وهو خاتي يدينو ورا ضهرو : انتي مطبقة جملة عادل امام من فوق مأنتمه مع عمرو خالد ومن تحت معااااااااا عمرو دياب.
_ اطلع بره
_ من اوضتي ؟ 😏
_ اي... اطلع سرعه😒
_ ولو ابيت حتسوي شنو ؟ حتضربيني ؟
_ م.... م شوف... عاين لي البتعملو... ف... فيه دا م صح.... حرام وعيب.... ولا بيرضي دين.... ولا بيرضي عرف.
شافت نظراتو وعرفت انو م حيكون انتبه لي اي شي من القالتو : حسبي الله ونعم الوكيل فيك يا لجين 💔
ميكال وهو بيقبل منها : م تخافي.... طالما انك م موافقه بي شي زي دا م حجبرك.... لكن على العموم الفستان جميل... وشعرك كمان جميل.....مخبية جمالك لحدي م اتفاجأت بيه 😂.
مشا على الحمام.... وهي جرت جري على الاوضة وغيرت الفستان وجات كالعادة مخمخة بالتوب حقها.
لمن طلع من الحمام وشافها.... ابتسم بهدوء... ومشا على السرير عشان ياخد ليه راحه عشان يومو كان متعب.
م اخد وقت وطوالي نام.
اما هي قعدت جمبو وفضلت تعاين ليه لوقت طويل.....كانت بتتأملو من رااااسو.... وملامح وشو وحركة صدرو البتعلا وتهبط مع تنفسو..... همست ليه فجأة ولا اراديا : بحبك.
شهقت وختت يدها ف خشمها بخلعه.
اخدت وقت قبل م ترجع تعاين ليه تاني وتكلم نفسها : خلاص يا توتيل وقعتي 💔... لكن هو لا بحبك لا بيعبرك ولا شغال بيك.... البيعملو لي اي بنت قابلها بعملو ليك دا روتينو.... امسكي نفسك ياخ عشان م تتحرحي او تتجرحي 💔.
مرة اليوم بسرعه وصباح اليوم التالي.... نور دخلت ليه اثناء م كان شغال ف اللابتوب حقو.
نور : ميكال
م رفع عينو وقال ليها : نعم ؟
_ عايزاك ف موضوع مهم
_ اها اتفضلي
_ لازم نطلع من هنا
_ شايفاني م فاضي صح ؟
قعدت بي تردد..... وسكتت وظهر التوتر ف ملامحها بطريقة خلتو يعاين ليها : ف شنو مالك ؟
_ ميكال.... ا.... انا حامل
رجع بكرسيه لي ورا : واها ؟ انا مالي ف الموضوع دا
_ كيف مالك ؟ ميكال دا طفلك انت
ضحك باستهتار : وانا الضمني شنو انو طفلي انا ؟
_ كيف يعني الضمنك شنو
_ عديل ؟ انا متزوجك وم عارف ؟ ماف شي بيثبت لي انك حامل بي ولدي عشان كدا امشي شوفي حل لي مصيبتك دي بعيد عني.
