بسم الله
بارت 22
ناصر وهو يضبط اعصابه : ممكن اعرف وش معنى هالحركه ؟؟
نايف ببرود قهر ناصر وخلى النار تشب بداخله : اي حركه ؟!
ناصر بعصبية خلاص وصلت معه : وش مقصدك انك تحرم البنت من زيارتنا ؟!
نايف عقد حواجبه : يعني هي شاكيه لك مثلا ؟
ناصر بقرف : لا ما شكت بس امها الحين خبرتني انها ما رح تيجي و..
قاطعه نايف بحزم : اسمع يا عمي متى ما بغيت
سمحت لها تزوركم بكيفي انا
ولع ناصر من كلامه : مو بكيفك
نايف بطريقه تنرفز رد : لا تنسى انها حرمي المصون
ناصر بنفسه حرمت عليك عيشتك واخذ نفس يهدي نفسه : حرمك المصون مثل ما تريد
خلاص ما ترسلها عندنا
بكيفك لكن وقسم بالله الا ..
قاطعه نايف بحده : اسمع لا تهدد فاهم ؟
وابنتك متى ما بغيت أرسلتها وغير هالكلام
ما عندي
يلا سلام
وقفل الخط بعصبيه
هذا الناقص يتدخل حضرة الافندي ناصر
متى اطلعها وادخلها
توجه للجناح ودخل وهو معصب
سمع حركتها بالمطبخ توجه لها واستند عند الباب : وش رايك يا حرمي المصون تروحين لسماعه المسجد وبالسماعه تنشرين إني مانعك عن اهلك
سكرت الثلاجه وناظرته بكشره : لا تغلب نفسك الحين انشرها على كل المواقع
قاطعها بعصبية : بدون سخافة
مين سمح لك تتصلين لاهلك وتشكين ؟!
ناظرته وما لها نفس بالكلام : ما اتصلت
وفتحت الثلاجه
وسرعان ما شهقت لما سكر الثلاجه بقوه وبصرخه : انا قاعد اكلمك
ناظرته بشراسة: وانا قلت لك ما اتصلت
ناظرها لثواني وبعدها رفع اصبعه بتهديد : وقسم بالله لو اسمع انك متصله تشكين لاهلك الا ورقه
الطلاق تكون بين عيونك فاهمه
ناظرته بصدمه : كيف تبغى تمنعني افضفض لاهلي كمان ؟!
اعطاها نظره قويه : تفضفضي ؟!
للي يسمعك يقول حاطك بسجن لا اكل ولا شرب
حتى تفضفضي !!
وبنظره جديه متوعده : انت حره روحي اشكي لاهلك علشان بنفس الوقت توصلك ورقتك
وبالنسبة لزياة اهلك اجلتها لوقت غير معلوم
عقاب لك
حركت شفايفها تعترض
حط يده على شفته : و لا كلمه خلاص انتهينا
شوق انقهرت منه كيف يمنعها عن اهلها
ويبغى تقول له سمعا وطاعه لا باحلامه
ما رح تسكت له ناظرته بقهر والدموع تلمع بعيونها : مو على كيفك ؟
طنشها وهو طالع من المطبخ وترك خلفه بركان
على باب الانفجار
**
**
**
**
/*
**
بعد ايام والأوضاع تعدلت شوي
بس شوق للحين متضايقه من قراره
بس ما بيدها تعمل شيء تخاف ان فتحت فمها بكلمه لامها
يوقع يمين الطلاق
عرف كيف نايف يربطها وما تتكلم
زفرت بضيق من هالسيره
أم صقر رفعت حاجب : علامك تنافخين ؟
طالعتها شوق وخلقها ضايق فقررت تضيق
خلق ام صقر : مضايقه شوي ؟
ام صقر وهي تخز فيها : وليه متضايقه ؟
شوق وهي تحط رجل على رجل بغرور : اممم نايف ملزم نطلع اليوم نختار شقه وانا ما لي خلق أطلع اليوم
ام صقر والخبر نزل عليها مثل الصاعقه وبدأت هجومها على شوق : نعم ؟!!
وليه ان شاء الله الشقه ؟
والله ما احد لعب براسه غيرك يالعقربه
تبغين تبعيدينه عنا يالقطوعه !
حسبي الله عليك
شوق زمت شفايفها بعد ما لمحت زول نايف وعدلت كلامها حتى تظهر امامه انها مسالمه : لو سمحتي يا جده احفظي لسانك وبلاه الغلط
ام صقر عصبت بزياده لما قالت لها جده : تخسين اكون جدتك يا قليلة الحياء
شوق بمسكنه : الله يسامحك
قاطعتها ام صقر : الله يأخذك ويخلصني منك
وينه زوجك الخروف خليني اتفاهم معه ؟
دخل نايف وملامحه ما تتفسر طالع شوق واعطاها
نظره توعد واقترب من ام صقر : السلام عليكم
ناظرته ام صقر وصارت دموعها تنزل : خلاص سحبتك مننا ...اخذتك .....نسيت اهلك ....تبغى تروح تتركنا ...فرت مخك هالحيه
نايف تنهد : يا يمه الله يسعدك
قاطعته ام صقر بعصبية : روح روح عندها
خلاص ما عدت نايف
دخلت سميه وخلفها اسراء : وش فيه صوتكم طالع ؟!
ام صقر وهي تناظر ساري ومحمد من خلفهن : تعالوا شوفوا ولد اخوكم يبغى يطلع من هالبيت
شفتم باعنا علشان زوجته !
ما قال عندي ام لازم كل يوم تشوفني وتصبح علي
يبغى يحرمني شوفته للي تخمد من شوقي لولدي
خلاص روح يا نايف وبالله عليك تنسى هالبيت
وتنسى للي فيه
اهم شيء حرمك المصون
حرمك المصون
وبدأ صوتها يضعف جلست على الكنبه بتعب
وتحس بضيق
اقترب نايف منها بسرعه : وش فيك يمه ؟ ؟
ام صقر تبعده عنها : ابعد عني ما ابغاك
روح عند زوجتك للي تكره اهلك
روح عندها خلها تنفعك
محمد يمسح على راسها : ارتاحي يمه
لا تشدي على حالك الحين يرتفع الضغط عندك
ام صقر بصوت متعب : خليني اموت
علشان يرتاح نايف وينبسط مع زوجته
وصارت تبكي هذي جزاتي تتركني وتروح
ليه يا نايف ليه ؟ !
نايف يحس الدنيا سوداء بوجهه : والله مو قاصد
شيء
والله ابغى اريحك من شوفتها لانك ما تحبيها
ام صقر بتعب والدموع على خدها : مو شرط تحطها في بيت لحالها علشان ما اشوفها وانغث
خلاص طلقها ويا دار ما دخلك شر
عم الصمت للحظات
ام صقر تكررها : لو تبغى راحتي وصحتي طلقها
الحين
ناظرها بملامح باهته وبلع ريقه
ناظر عمه محمد للي اشر له بعيونه ما يرد على ام صقر
التفت على جنب شافها واقفه تناظره
غمض عيونه لثواني وهموم الدنيا ركبته
وبصوت مخنوق : مثل ما تبغين الحين اطلقها
اذا هالشيء يريحك
وبعدها وقف وناظر شوق : شوق انت طارق
ام صقر فزت على حيلها : طلقتها يا مجنون ؟
نايف ناظرها باستغراب : مو انت طلبتي مني ؟
ام صقر : كان انتظرت تجلس عندك سنه الحين
وش يقولون الناس عنها
حسبي الله على عدوك رجعها لذمتك رجعها
وبعدها فقدت الوعي
ناظروا بعض باستغراب من تصرفها
محمد حمل امه : اسراء بسرعه هاتي عباتها بسرعه
ساري بضيق : لا حول و لا قوة إلا بالله
رجعت اسراء ومعها العبايه وطلعوا بسرعه متوجهين للمستشفى
اسراء بترفع بعد ما طلعوا ناظرت شوق : كله بسببك
سميه بتوتر من الموقف : خلاص اسراء مو وقت هالكلام
شمس عند الباب واقفه : ليه تسكتين امي؟!
مو كأنها هالحربايه خربت حياتنا
ويلا الحين جمعي اغراضك وروحي عند اهلك
