اسيرة بموافقة أبي الجزء الاول

الفصل التاسع عشر

الفصل التاسع عشر من #اسيره_بموافقه_ابي

مازن: اللي قلته صح يا عمو

معتز: لا بنتي امبارح كانت مهزوزه مش حالتها الطبيعيه و النهارده الصبح مرديتش تنزل من البيت قولي الزباله اللي اسمه وليد عمل ايه في بنتي ؟!!

مازن: يا عمي الموضوع كبير و محدش فاهم حاجه

معتز: قولي يا ابني اللي حصل بالظبط و مفيش غيري هيساعد بنتي

مازن بتردد : يا عمو اللي حصل حاجه غريبه

معتز: يا ابني متوقعش قلبي قولي ايه اللي حصل عايز اطمن علي بنتي

مازن: بص يا عمي انا هقولك الله و اعلم رد فعلك ايه بس علي الاقل تفكر معايا لان محمد مش هينفع اقوله حاجه زي ديه

معتز: قول

قص له مازن ما حدث بالتفصيل له حتي ذهابهم للدكتوره لم يختصره قاله

كان مازن يسرد علي معتز كل ما حدث و لكن معتز لم يعقب بكلمه واحده فكانت الصدمه كفيله لتلجم لسانه فماذا يقول فهو لا يعرف كيف تفيق ابنته علي سرير رجل و هما لا يعلمواا كيف وصلوا لهذه النقطه فبماذا سيعقب ؟!

مازن بقلق من سكوته الذي دام لفتره حتي بعد لما قص له ما حدث

مازن: ايه يا عمو معتز

معتز: ايه في ايه انا مش عارف اتكلم وله ارد عليك اقولك ايه

مازن: يا عمو هو ده اللي حصل من غير و لا كلمه زياده و لا كلمه ناقصه انا من امبارح معرفتش انام معرفش ازاي حصل كده انا فعلا يا عمو فيا عبر و عيوب الدنيا كلها بس انا يستحيل اخون ثقتك و ثقه محمد لو بموت

معتز: اومال يا ابني ده حصل ازاي

مازن:يا عمي انا مش فاكر حاجه خالص بس اقسم بالله ياسمين كويسه و انا مقربتش منها والله

انا مش عارف وليد اصلا يكون عمل ايه تاني المصيبه ليكون ناوي يعمل فضيحه وله يقول لمحمد هو حتي مش هيتكلم معايا زي حضرتك انت عارف محمد اكتر مني

معتز:لاول مره في حياتي مبقاش لاقي لمصيبه زي ديه حل

مازن: يا عمي انت مش واثق فيا ؟! انت مش مصدقني ؟

معتز: يا ابني لو علي الثقه انا اطمنت لما عرفت انها معاك امبارح لما كلمتك في التليفون و انا لو مش واثق فيك مكنتش هخليك حتي تشوف بنتي حتي لو بالصدفه

بس اللي بتقوله غريب

مازن: وليد طلع اذكي مما نتخيل خلانا نقعد نحرسها و نحميها منه و احنا منعرفش انه هيكون المصيبه من جوا جواا

معتز: بنتي ايه موقفها دلوقتي من اللي حصل ده شكلها الصبح مقهور و مش عايزه تروح حته

مازن: يا عمي عندها حق هي اصلا مش فاكره اي حاجه حصلت غير انهااا كانت سايقه علي العربيه و مروحه تصحي تلاقي نفسها معاياا