لين جاء النهار المشؤوم نهار لي راح تصرا اكبر جريمة فهاذ العايلة شكون كان يراقب في ليال هو خوها الكبير عادل وولد عمها ليث لي عمرو 16سنة برك دخلو عليها و هي مع راجل غريب في دارها و هربت منهم و هي لابسة لبسة ما تستر والو لمعري اكثر من لمغطي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لوين هربت هربت ليا و انالي ما عندي حيلة و بقات تدق في بابي و تصوني نضت نجري و قبل ما نوصل كانت فاكمة لخديمة نتاعي فتحت الباب و تنڨز ليال في حظني و قبل ما تنطق يدخلو عادل و ليث يجبدوها من عندي حتى و انهم يجبدو فيها بالخطأ ضربوني و ما اهتموش كان الغضب مسيطر و كنت نسمع في كل انواع السب و التطياح و الاكثر رعب هي ليال كانت ترد على كلامهم عادل :يا واحد الق..... ليال: ايه ق.... و روحو خبرو اهلكم و قلولهم ليال تعشق رائد (عشيقها) وراح تطلق و تتزوجو ماوليتش نتحمل هاذ الراجل و قوات في صوتها اذا كنتو رجال روحو خبروهم كامل مام هوم مكانوش قلال كانو يخبطو فيها و يطيحو و هي كان عجبها الحال و الاثم لي دراتو و الشيطان كان مزينلها افكارها و انا الشوك كانت حاكمتني دخلتها لشومبرتي و قفلت عليها الباب لاحت هي روحها بقاو يخبطو فالباب قلتلهم روحو خلوني نتفاهم معاها و بالفعل سمعولي و راحو انا : كيفاش رضيتي لروحك هاذ الرذيلة مش راح نقولك لحرام باه ما تقوليش جدايتي ولات تخمم غير فالاخرة مي ران نقولك كيفاش هانو عليك نفسك و مشيتي لرذيلة برجليك جات باه تهدر قاطعتها قلتلها ما تقوليش الحب الحب طاهر انتم لي تلوثو فيه الحب مش الرذيلة مش معناه المرا تقدم نفسها لكل من هب و دب باسم الحب مش لازم تكون الخيانة طريق باه تقولي حب سميه اي اسم اخر من بعد عليت صوتي عليها ما فكرتيش في باباك و خزرة الناس ليه و ما فكرتيش فهاذ العايلة الكبيرة و خواتك الصغار و بنات عمك ؟! كل ذنبهم في رقبتك لاخاطر لي درتيه ما يخصكش وحدك يخص العايلة كاملة و ما فكرتيش في ربي لي خلقك في احسن تقويم ميزك بالعقل لكن نتي نزلتي لمستوى الحيوانات لي ماعندهاش عقل تمشي غير بغريزتها واش تقولي لله و هو يراقب فيك واش تديري واش تقولي لله و هو يشوفك تخوني واش امنك عليه راجلك ليال :هوم زوجوني ليه غصب و ما عرفتش معاه طعم الحب ، اما رائد فكانت معاه حياتي ليها معنى و طعم اخر انا : هذاك طعم الفاكهة النتنة لي زينهالك الشيطان بطعم حلو و كل ما تذوقي منو راح يمررلك حياتك و راح تحسي بيه منبعد اذا مش فالدنيا راح يكون فاخرتك ليال : هه كي تجي الاخرة نكون مرت رائد 😎 و خلاص خليتها و خرجت بعد ما عرفت انو مش راح ينفع نقاش معاها رحت لعادل و ليث وين كانو واقفين يستنو فالفريسة نتاعهم و غير ما وصلت اعتدلو ليا يستناو فيا نقولهم واش صرا ما قلتلهم والو حاولت نهدأهم من النار لي مش باه تهدأ وسطهم قلتلهم : اعطوها فرية للتوبة بلاك لي صرا اليوم سبب باه يهديها ربي و استروا على رواحكم قبل ما تسترو عليها و مكلاه تكثرو الحس و الشي لي تديرو فيه ما يجيب غير الفضايح هداو و خرجو و الا بلاك كنت نتخيل انهم هداو طلعتلها قلتلها اخرجي روحي لدارك و حاولي تتغيري ربي وهبك راجل يحسدوك ناس عليه و رزقك طفلة كيف الملائكة و بلاصة ما تحمدي ربي و تشكريه دخلتي الخماج لدارك كانت تسمع فيا و عينها مفتوحين و خرجت بعد ما قالتلي راح نحمد ربي بعد ما نتزوج رائد خرجت و خلاتني ندعي ربي يرحمنا من هاذ المصيبة و قبل ما نكمل سمعت عيطتها
