❥͜͡🦋مريم ࿐❥͜͡سيدة الصمت✮

🌸اول تدخل 🌸

اول خطوة درتها كانت هادئة بزاف كلمت ليلى تجي تشرب معايا قهوة بعد العصر و قلتلها ما تقول لحتى واحد انها جاية عندي و قلتلها عندي موضوع حابة نحكي معاك فيه و كوبيت و خليتها مستغربة من تصرقدف نتاعي و درت نفس الشي مع زينب مرت ولدي سعيد الثالث و هاجر مرت ولدي سفيان الرابع اما خديجة ما كلمتهاش خاطر هي سبب الدعوة
وصلو و كل ما توصل واحدة تتشوكا كي تلقى لوخرى قبلها كي وصلو كامل دخلت فالموضوع لي هو تحمل اخلاق و عدوانية خديجة بلا تسماعها كلام يفتح جرحها و قلتلهم كلمة واحدة تخرج برا سور هاذ الدار راح يبقاو بنات العايلة هنا و راح يدخلو كامل رجال لعايلة للحبس و ما علابالناش و قتاش يخرجو منو هاذ المصيبة تمس العايلة كامل و كل ما نتفكر انهاةتقتلت قبل ما تأخد فرصة للتوبة قلبي يتقطع عليها سكتت و سكت الجو فالصالة لكن كلامي الاخير ما عجبش زينب لي قالت :لي داروه كانو يدافعو على شرفهم و شرف العائلة لي وسخاتو بنت خديجة واش كنتي تستني منهم يديرو ، كنتي تستنيهم يحضنوها و الا حتى تنتشر الفضيحة لبلاد كامل و لي داروه صواب وهو جزاء الخاينة
جاوبتها و انا مركزة فيها بغضب : ليال بنت سليم خو سعيد بنت عم بناتك حتى كون تتبراو منها يبقى اسمها تابع ليكم و شرفها من شرفكم و باه تتعلم زدت كملت قلتلها لي دارو من زجاج ما يرمي ناس بالحجار نقصد (اخت زينب الكبيرة حبت واحد و هربت من دارهم نص الليل و تزوجت بيه )
كنت نكره نشمت في عبد اما اضطريت سكتت زينب و نطقت ليلى :الله يرحمها برحمتو هو ادرى بيها كل عندنا بنات خلونا نسكتو الله يحفظ بناتنا ، بلاك كانت خديجة عارفة واش تدير بنتها ؟! كل كنا واثقين في بناتنا و نقولو بنتي ما تديرش وهاي واحدة من بناتنا دارتها و هي لي كانت طاهرة تربات على الايمان و هي مش بنت خديجة برك هي بنتنا طامل و حنا كامل مسؤولين على لي دراتو و هاجر جات مع كلام ليلى لي قالت : هي بنتنا كامل صح و لي دراتو نتيجة اهمالنا و تزويجها و هي صغيرة مش شاربة عقلها و ولدت بالخف و خلينها في دار واحدها بلا مراقبة على اساس غير تزوجت راهي كبرت وولات قادرة باه تدير امور دارها وحدها اما الشيطان قربلها اكثر منا و هي صغير ما تعرف ولا تدري والو و اهملنها بقلة توعيتنا ليها و اذا كانت امها جمونفوتيس كنا حنا نراقبوها و نتدخلو و نسيطرو عليها لكن عجبتنا الفرجة لين صرا لي صرا واش كان صرا لوكان اقربت واحدة فيها و حكات معاها بلاك ربي هداها بلا ما نحسسوها انا نتدخلو في خصوصيتها قولولي واحدة فيكم ما كانت تحس انها مش مرتاحة ليسرى لي كانت مصاحبتها ديما و كانت تجي هي و خوهة لدار ليال كل هاذ الشي صرا قدام عينينا و حنا نقولو متزوجة تصون في روحها وحدها نسينا انها مراهقة متزوجة نضج جسمها لكن عقلها يحتاج نصيحتنا باه ينضج كملت كلامها و دمتتها في خدها ضاعت من يدينا زهرة و ضيعت شرف العايلة معاها ربي يرحمنا من تهاونا معاها
غاضتني روحي وقت عرفت انو رائد كان خو هاذيك الصحبة الغدارة لي كانت تجي لبنتي نوارة عيني ااااه يا حرقة قلبي ااااه قاطعت الحديث لي كان باه يتطور يولي مشكلة :صلو على النبي و استغفرو مولاكم و قلتلهم راحت الطفلة بشرها و خيرها استرو عليها و علينا و نغلقو هاذ الموضوع و اذا فتحاتو واحدة تغلقو لوخرة و قلتلهم :هاذ الموضوع ما يتكررش و ما يتعاودش لا قدامي لا قدام حتى عبد و اذا ذكرو قدامكم اسم ليال قولو الله يرحمها و اغلقو الموضوع غير هكا ما نحبش نسمع اكثر و ربي يعيشكم راقبو بناتكم مليح افضل ما تبقاو تعسو لي كلام هاذيك المخلوقة ودعتهم اما ليلى توخرت عليهم كانت حابة تحكي معايا على انفراد خرجو زينب و هاجر و بقات هي باست راسي و قالتلي : خالتي ربي يعيشك العايلة محتاجة لعبد كبير يرجعها للطريق وين كنتي 😢
قلتلها :كنت فعالم الاموات و رجعت بعد ما شفت الاحياء يضيعو 😢 ربي يغفرلي ذنب هاذ الطفلة في رقبتي
حضنتني و قالت ما تحمليش روحك ذنب انتي ما درتيهش خالتي انتي مؤمنة و الطفلة راحت لخالقها ادعيلها بالرحمة هي و لي دارلها هك ولادك كامل موجوعين مش يشوفو في عيون بعض و الشباب مساكن النوم هرب منهم و البنات الخوف كلاهم ادعيلنا رانا محتاجين دعاك ربي يرجع الهدوء لعايلتنا و باست راسس و راحت خلتني نفكر فطريقة نحبس الوجيعة لي فقلبي